مساء الخير للجميع ..

اتصل فيني قريب لي .. يسألني عن زميل لي في الجامعة .. اعتقد خاطب منهم ..

المهم .. انا عرفه عدل .. والولد خوش واحد ( اجتماعي جدا - علاقته بامه وابوه طيبة - كريم جدا - ذكي ودمه خفيف - مهندس ودرجاته طيبة - صلاته لا بأس بها - مو راعي مشاكل )

لكن فيه مشكلتين :
1- ( عنده جرأه كبيرة يقط كلام على البنات " الغير محترمات بلبسهم وحركاتهم " .. يعني بس كلام واذا محترمه ما يتعرض لها .. لكن ما سوى الحرام ابدا حسب ما يقول .. وكان دايم يقول انه ما سوى هالشي لانه يخاف " كما تدين تدان " واعتقد هذا بسبب ان صاحبه الخاص يجره لهالاشياء .. ومدري هالجرأة بس كلام او غيره )

2- متعود يقط كلام ضغط بالجلسات المختصرة مع الربع ( بالعربي يتشم بناس مو عنده احيانا زملاء لنا بالجامعة .. من وراهم .. يعني يقول مثلا .. شوف فلان شكله كذا وكذا .. الخ .. و بكثره احيانا .. بس اذا الشخص موجود ما يقول هالكلام )

احس هذا بس طيش شباب عمره 21 تقريبا .. المهم .. ناطر مني خبر .. مدري اقول له عن هالنقطتين "" بالذات الاولى"" .. او لا .. مع اني اشوفه خوش واحد ..

.. شرايكم ؟

__________________

اجتماعي جدا - علاقته بامه وابوه طيبة - كريم جدا - ذكي ودمه خفيف - مهندس ودرجاته طيبة - صلاته لا بأس بها - مو راعي مشاكل

8
8
اعتقد هذي اللي ذكرتها ومتوفره بالرجال , هي الإهم ومن الاساسيات ..
والمشكلتين ماعتقد انها تستاهل انك تقولهإ .. لإنها بسيطه وجدآ عاديه ومأتأثر بـ سمعه الرجال
وممكن تتلاشى باي لحظه ,..

كل انسان مهما كمل لابد ان يكون عنده عيوب بشخصيته

واعتقد ان صفات هذا الرجل جيده ماشاء الله

وبالنسبه لعيوبه ممكن تنبهه وتنصحه بطريقه مهذبه حتى لو لم يكن لاجل الزواج بل حتى لايكسب اثام وذنوب ويغضب رب العباد

بس مااظن لازم تذكر هذي العيوب للي خاطب منهم
لانه ممكن يتعدل اذا تزوج او يمكن انه تاب فما اعتقد له داعي انو تعطي عن صاحبك صوره سيئه امام انسابه

وفقكم الله لما يحب ويرضى

المشكلة الثانية اللي في صاحبنا تسمى الغيبة وهي من الكبائر وهي ذكرك أخاك ما يكره في غيبته
وكمان يقول شوف فلان شكله كذا وكذا - يعني هذا يسخر من خلق الله وقد يبتليه الله عافانا الله وإياه وإياكم
فانصحه بينك وبينه أن يترك هذه الذنوب التي تضره ولا تنفعه وحذره بأن الله قد يبتليه وأن الغيبة من الكبائر وأن سخريته قد تقوده للغرور والكبر الذي لا تحمد عقباه فأنت مسؤول أخي أن تنكر المنكر عسى الله يهديه على يديك

وبخصوص من سألوك لو مكانك اتصل على شيخ ثقة واسأله هل يجوز عليك إخفاء عيب خصوصا أنهم ائتمنوك؟ ولأن المستشار مؤتمن
فلا تضيع الأمانة واستفتي شيخ ثقة ثم جاوبهم
الله يوفقك ويوفق ذاك الأخ ويجمع بينهم إن كان في ذلك الخير

__________________
اللهم اشف أبي واهده وأطل عمره
http://www.66n.com/forums/showthread.php?t=175017

جزاك الله خيرا
بس الاستهزاء بالغير صفة مو محبوبة
عموما ممكن الشاب بعد مايكبر يعقل لانه زى ماقلت سن الطيش الكثير ن الشباب يستهتر

__________________

اشكر كل من رد .. ويعطيكم العافية على ارائكم اللي فادتني جداا ..

راح اقوله الصفة الاولى بس بطريقة الطف واخف جدا ..
والثانية .. لازم اقولها مثل ماهي .. انه يتشم واجد بمجالسه الخاصة مع ربعه ..

و اشوفه خوش واحد .. وهذي فترة ويعقل الواحد ويتركهاا .. ولو خطب مني انا راح ازوجه ..

مع التحية

__________________

المهم انا رايي انك تقوله... ليش؟؟؟

1- لانك تقول خاطب منهم او احتمال انت اذا قلت انه زين تحكم على زواجه بل فشل

2- اذا انت تقول انه احليو امدحه بس قله الميز التعبانه فيه بس لاتكثر الكلام وارجع امدحه مره ثانيه

3- انت تقول خاطب منهم يمكن يسئل واحد ثاني ويقوله الميز هاذي ويقوله انه اسئلك وانت قلت زين ذا يقول لا كذاب

4- انت بتطلع فينظره زين او حاول تقول الصراحه بس لو كانت مره الصراحه الي راح تقولها قولها بسلوب حلو او تمشي السالفه

5- وانت قرر من اراء الشباب الباقي بس انا طرحت راي اب حسب خبرتي في الحياه ......



تحياااااااااااااااااااااااااااااااااااااااااااااات ي m m m m m m m

ما في انسان خالي من العيوب

وهذولا العيبين الي ذكرتهن عيوب عاديه وما تستاهل تنذكر المهم دينه وصلاته واخلاقه العاليه

والله ولي التوفيق

__________________

إحرص على قول جميع الصفات الإيجابية والسلبية . مهما كانت غير مهمة , وأتقي الله لأنك مستأمن على هذا الكلام

__________________

أدعو لي بالزوجة الصالحة ,, اللهم أرزقني الزوجة الصالحة

الكامل الله سبحانه

مافي حد معصوم عن الخطاء

وأذا أنت تعرفه مو مقصر بصلاته ودينه

فـ خلاص الرجال مافيه عيب

الله يكتب له ولها اللي فيه الخير

__________________
..( أستغفرالله العظيم الذي لا إله إلا هو الحي القيوم وأتوب إليه )..