السلام عليكم ورحمة الله وبركاته

الحمد الله أنا أحب وخطيبتي وهي تحبني أكثر وأكثر لكن المشكلة أنها ترفض المكالمات وتقول يكفي برنامج المراسلات بيننا لأن المكالمات تسبب المشاكل ... يعني بعد عدة محاولات تصل إلى أن اتصالي يكون مره كل ثلاثة أسابيع وهي ترفض لخوفها من المشاكل على حد قولها .. وبالعكس يوميا تراسلني وتسأل عني وترسلي رسائل حب وغرام ويوميا مراسلات لكن أنا أحب المكالمات و أحب أن أسمع صوتها أقل شيء مرتين بالاسبوع هل رأيها صحيح أم خاطئ علما بأن الزواج راح يتأخر تقريبا بعد سنة بإذن الله ...

المشكلة الثانية : آخر زيارة زرتها فقط مسكت كفها وضميته وبقينا نسولف فترة طويلة .. بس بعد ما طلعت من عندها ارسلتلي تقول حبي ترى آخر مره أسمحلك تلمس كفي فقط عشان مانتعدى حدودنا.. بعد الزواج سو اللي تبيه ..
طبعا أرسلتلها قلت طيب باقي أبي ضم وبوسات بس من هالحركات فرفضت مرررة تقول لا .. ومستحيل أخون أهلي أنا متربية تربيه زينه .. قلتلها أنا زوجك قالت ولو أنا باقي عند أهلي تعتبر خيانة لأهلي .. قلت طيب طيب أقل شيء إجلسي حولي مو بعيده عني قالت لا إعذني .. أخاف يحصل شيء بيننا .. تقول أمسك كفي بس إذا سلمت عليك بس ..

أولا: فهل كلامها صحيح إن الحركات هذي تعتبر خيانة لثقة أهلها فيها ؟

ثانيا : أنا زوجها شرعا ومستحيل أتعدى حدودي معاها.. فقط أبي بوسات وضم لا أقل ولا أكثر فهل من حقي أن أجبرها على ذلك ؟

معلومة : أنا عاقد عليها منذ أكثر من 6 أشهر تقريبا .

أرجوا منكم مساعدتي وجزاكم الله خير ...

غريبة ما فيه رد ...

المشاهدات 19..

اصبرمابقي الاالقليل
والحياء من اجمل الصفات للبنات
الله يوفقكم

__________________
اللهم اصلح قلبي وقلب ابنائي

ما أشوف في طلبك خيانة لأهلها ... هل عوايدكم بالعائلة مثل ما قالت ؟؟؟ كيف يتصرف باقي الخاطبين المملكين اللي مثلكم من عائلتها ؟؟ خواتها اللي أكبر منها او قريباتها؟؟ .. اكيد هي تعرف عنهم .. حاول تقنعها من خلال سؤالك لها عنهم واقناعها بأنه انتم مثلكم مثل غيركم ولا فيها شي وانه البنت المتربية زين ما تكلم غريب وبنفس الوقت ما تقصر مع زوجها وتريحه .

لكن اخي لا تجبرها اجبار ... اقنعها ولح بطلبك وبأنه حقك الى أن تلين

يمكن خايفه انك تظن فيها ظن سوء وانها ما تربت زين بدليل انها تقول لك بمعرض تبريرها للرفض بانه أهلها ربوها زين ... يعني مو موضوع خجل .

__________________

أخي الكريم أولاً وفقك الله في حياتك كلها ,,,

أنا سوف أجيبك من منظوري ورأيي أنا والذي أعرفه وممكن أن يحتمل الصواب أو خلافه ,,

من الواضح أن خطيبتك من النوع الحساس جداً وتخشى على العلاقة بينك وبينها وهذا من حبها لك , وصدقني هي تحبك ومتعلقة فيك , وإلا كان ما ترسلك وتطمن عليك وترسل رسائل حب وغرام ,,,

أخي الكريم من الممكن هي تكون حساسة وتكون أنت أيضاً شديد بعض الشيء معها , يعني تزعل أو تخاصم ولو على شيء صغير >> ترا البنات حساسات بشكل ما يتصوره العقل وخاصة ثم خاصة ثم خاصة في هذه الفترة تزيد الحساسية بشكل ما تتصوره ,,,
فأقول أخي: أنت حسسها بالآمان وإنك ما تزعل أبدا أبدا مهما كان , وحبة وحبة تشوف إنها بدأت تتجاوب معك ,

أنا شخصياً , زوجتي أو خطيبتي طلبت مني كذا مرة هذا الطلب , ورفضت بطريق حلو , يعني حسسها بالأمان وإنك ماراح تطفش منها , ولا راح تزعل منها , وعطها من الكلام الحلو اللي يدوخ على قولهم , مثل: وشلون اعيش بدون صوتك , يومي غريب بدون صوتك , صوتك يرد الروح فيني , صدقيني أنسى تعب هالدنيا كلها لما أسمع منك كلمة هلا , ومن هالكلام الحلو , وصدقني خطيبتك راح تتفاعل معك , ولكن إلزم الرضى دائماً وهذه نصيحة أخوية لك , وإذا تناقشتوا بموضوع مثلا أنت مخالف أو موافق لما تنتهي من كلامها , قول لها كلام حلو: مثل تهديها بوسة بالجوال ومن هالقبيل , صدقني راح تلقاها ترتاح معك ,,,


وبالنسبة لموضوع الضمات والبوسات وهيك:
أخوي إحمد ربك تقابلها ههههههههه أنا مملك من شهرين وباقي يمكن 4 أو 5 أشهر وبأحلامي أشوفها خل عن إني أضمها وأبوسها ههههه

لكن خوي موقفها هذا يعزز كلامي إنها حساسة لأبعد حد , وصدقني هذه صفة مدح رااائعة فيها , إنها مستحيل تخون وهكذا , وهي كمان صرحت لك والعادة يخجلون البنات : إنها قالت لك بعد الزواج سوي اللي تبيه , صدقني هذا ميثاق لحبها لك , وإنها ودها بهذا الشيء بس الحرج من أهلها يمنعها , أخي الكريم , ما فيه شي يجي بالغصب صدقني راح تكون الأمور مش تمام مرة وحتى هي يمكن تكره هذا الشيء , وإنت إبدأ الأمور بشطارتك حبة حبة , وترا مو لازم يعني ضمات وبوسات دائماً , يعني على حسب الوضع أخي الكريم , وأنت حسسها ثم حسسها بالأمان صدقني تزول هالحساسية هذي كلها ,,,

أنا أذكر أول مرة قلت لخطيبتي أعطيك بوسة لو إني عندك: قامت علي وقالت أنا بنت قبيلة وعيب هالشيء وووو هههههههههههه وهالحين يوم نتذكرها نموت ذحك من هالموقف , بس كله من الحساسية وإنه شي جديد عليها ,

وبشطارتك تستطيع أن تقضي على هذا كله بالكلام الحلو والدافئ والأمان وهكذا ,,,


هذا ما عندي أخي الكريم وأتمنى إن أفدتك

ودعوااااتك

أشكر الجميع على ردودهم المشرفة ..

من ناحية البنت حساسة فهي حسااسة وبقوة تزعل من أدنى شيء .. بس صرت إذا تناقشنا في موضوع وزادة الحساسية فيه صرت أحط الغلط فيني و أعتذر .. وهي مهما غلطت مستحيل تعتذر إلا في النادر .. الله يصبرني بس ..

وكل هذا مو مهم عندي ..

المهم : كيف إذا أعطيتها بوسه يكون فيها خيانة لثقة أهلها .. تجادلنا فيها وقلتلها الناس وقلت الملكه يسون كذا وكذا .. قالت أنا عاااارفه كل شيء وعارفه أنهم يسوونها لكن أحتراما لثقة أهلي فيني ..
قلت حتى لو عطيتك بوسه ضمه مو خيانه أنا زوجك شرعا .. بعد ماقلتها زعلت مني مرة وقالت قفل الموضووع وممنوع نتناقش فيه أبدا وحتى الضم والبوسات ممنوعه بالرسائل .. حتى المراسلات من بعد الساعة 12 الليل منعتها تقول كمان فيها خيانة لأهلها ... ماتراسلني إلا وهم صاحين ..

صراحة أنا قربت أنجن .. خايف وقت الزواج تاخذ أخوها معاها وتقولي صعبه أبقى معاك وحدي خيانه ..

ياخي مرتين امسك نفسي ما اريد اعلق لكن ارتفع ضغطي
شو هالتفكير.. اخون اهلي وما اخون اهلي
كله كوم وسالفة الساعه 12 كوم ثاني
عيل ليش تقولك كلام غزل وحب .. هذا مو خيانه لاهلها؟!!!!'
انت زوجها ولا البوي فريند عشان تخون اهلها!!!!!

استغرب صراحه من اللي يقول ما نتكلم فتره الملكة عشان ماتصير مشاكل !! يعني بعد الزواج عادي هالمشاكل تصير؟!!
احس بالعكس المفروض فتره الملكه تكون اجمل الايام لانها ماتتعوض .. فيها المباح الممنوع.. فيها العشاق المتواصلين على طوول
كيف بيزيد الحب اذا المكالمه كل اسبوعين او 3 اسابيع
والرسايل من الساعه كذا للساعه كذا
شغل هذا ولا زواج وحب

فهمها ان التواصل يزيد من الحب والاهتمام .. ما يزيد المشاكل!
فهمها انك ولد قبايل وما بتتعدا المعقول فهالفتره.. لمسه كف وتجلسوا قريبين ما ارتكبتوا محرم!

انت ادرج معها لا تقولها من البدايه تريد بوسه وحضن لان شي طبيعي بترفض
خلي سالفه كسر الحواجز بشكل عفوي تصير وقرب العرس يكون افضلك

الله يزيدكم الفه ومحبة ويبعد عنكم المشاكل

الله يسعدك ع الرد ..

أنا معاك ماقلتها من البدايه بالعكس بالتدريج بس زي ماذكرت سابقا .. والله أحس بالقهر أشوف زملائي المتملكين يسوون أشياء كثيرة ومكالمات في كل وقت و أنا لا ..

وأزيدك من الشعر بيت ماترد عليا إلا من بعد 9:30 الليل إلى 12:00 تقول مشغووولة إلى هذا الوقت هذا وهي المكالمة مرة في الثلاثة أسابيع وبشرط المكالمة ماتتعدى نصف ساعة ..
حاولت أقنعت مافيه فايدة طبعا من يوم تملكت ماعمري كلمتها في النهار إلا مرة وزعلت علي زعل شديد تقول ليش أتصل عليها في النهار وحنا محددين وقت نتكلم فيه قصدها من 9:30 .

مع إنها دائما تصارحني إنها تحبني ومتعلقه فيني ..

صراحة لو كنت أدري يالملكة إنها زي كذا ماكان تملكت أحس إني استعجلت ..

سبحان الله يعني انا سابقا خنت اهلي اهم شئ ما يصير المحظور ولا تتجاوز الخطوط الحمراء بصراحه احلى ايام وقت الملكه الانسان لازم يستغلها بحلوها لانه بعدين بيجي الاطفال والمشاغل مدري وش فيهم البنات طالعين بطلعات غريبه

خطيبتك اما فاهمه ان هذا معنى الثقل وهالشي اللي بيكبرها فعينك
او ان حد من اهلها موصيها ومحرصها على كذا وهذا الشي الطبيعي عندهم وانو عيب اذا زوجها كلمها قدامهم

ولا من جد شي غريب .. ليش تزعل لانك كلمتها ا
ةلصبح! وتحدد المكالمه نص ساعه!

انا زوجي في فتره الملكة كان طول الوقت يتصل حتى فقمة شغله بس يطمن علي واذا ناقصني شي
مكالمته فتره الصبح ما تتعدا الدقايق بس عشان ما يشغلني عن دراستي بس فنفس الوقت يحسسني باهتمامه
وبالليل قبل لا ننام سوالف
اللي احبه انه للحين .. بعد مرور سنتين على زواجي .. ماترك عادته انه يتصل يطمن علي.. حتى لما اكون بيت اهلي. رايحة لعشا او غدى لازم يرسل او يتصل يطمن
حتى خواتي دوم يقولون حلو اهتمام زوجك .. مستحيل تكوني معنا وما يتصل يطمن
احس هالشي يفرحني مو يزعل!

خطيبتك تقول تحبك .. خليها تترجم هالحب والتعلق بطريقه ترضيك واكيد ترضيها كأنثى حتى لو ماتبين
قولها انك محتاج عاطفه واهتمام .. محتاج تتواصل معها وتشكيلها همومك وتعبك .. قولها انك محتاجها تكون قريبه منك من الحين لاخر العمر
قولها انك تزوجت عشان تعف نفسك وتعيش الحلال .. ماتعيش بقوانين وجو عسكريه!
انتو الحين بتعودوا انفسكم على طبايع بتبقى معكم طول حياتكم
اذا اصرت على موقفها .. قولها ان هذا اختيارها وانها هي اختارت انها تكون " اوت" وبعيده عنك بهالقوانين
ولا تلوم الا نفسها اذا صرت جاف معها >> طبعا بس تهديد مو تسويها صح

حاول تبين لها فرحتك بأي تغير منها.. مثلا اذا اتصلت فيها على غفله وردت طرشلها ورد فنفس اليوم وعبرلها عن فرحتك
مره ورد .. مره علبه باتشي.. وهيك اشياء بسيطه
الهدايا تلين النفوس.. انا ما اقولك تكلف بالهدايا .. صدقني البنات اشياء بسيطه تبسطهم

كلمها عن طاعه الزوج وفضل طاعة الزوج>>> زوجي كان ذالني بهالكلام بس جاب فايده لوول