اهلا بحبيبتي زوجة احمد وحشيني جدا

والله يا اختي زي ما قلت الموضوع حساس جدا انا عمري ما حاولت امشي رأيي عليه وحتى صحبه ده مقولتلوش متكلموش لاني عارفه انه صديقه من الطفوله لكن بسبب تصرفات صحبه معايا اللي مفيهاش اي نوع من الادب طلبت منه انه يفضل صديقه بس بعيد عن حياتنا وصدقيني انا قولتله انه في فرحنا ان شاء الله هيحضر وكمان ييجي يبارك لنا في البيت لكن بدون ما أطلع ولا ارد عليه

وصدقيني انا زي ما قلت اكيد طبعا زعلانه علشان اختي بس صدقيني لو كان الموضوع انهم متفقوش كان عادي لكن ده واحد بعتلها رسايل حب وغرام واشواق وكانت اختي بتبكي لانها مش قادره تحس بيه او تبادله نفس المشاعر وهو كان زعلان وقتها ان اختي مش حاسه بيه ولا بمشاعره وفضل وراها لغاية ما تعلقت بيه جدا جدا لانه كان اول حب في حياتها
كان بيكلمها في الموبايل ويسمعها كلام حب وفجأه معلش سوري اصلنا لم نتفق مع بعض يعني كان بيتسلى باختي وللاسف كنا بنساعده بدون ما نحس

انا عارفه ان الموضوع ميستاهلش لكن انا ضحيت كتير وعمري ما فرضت عليه حاجه وقلت علشان يكون راجل قدام صحابه ولما لقيته متعلق بيه قلت حرام هو صاحبه مش عايزه اضايقه لكن هو مراعاش مشاعري وطلبي الوحيد انه ميشوفش شقتنا يعني واحد ضحك عليه وعمله كوبري علشان يوصل لاختي وهو قاله اهلا يا حبيبي انت اعز اصدقائي

حبيبتي معلش دوشتك بس والله الموضوع كبير انا تعبت من تدخل الانسان ده في حياتي وبيفضل يبص عليا وانا واقفه مع خطيبي ويطول في نظراته ليا بطريقه مش عايزه اشتمه بس الله يهديه يعني في كل مره بيثبتلي انه انسان وحش جدا جدا جدا الى ابعد الحدود كفايه انه في الفرح بتاع صاحب زوجي كان يتعمد يقف قدامي وانا واقفه لوحدي ويرقص ده تصرف انسان محترم والا بيتعمد يغيظني

ربنا يخليكي ليا يا حبيبتي بس معلش انا مش هقدر اكلمه انا اتنازلت كتير علشانه

__________________

اقتباس:

ربنا يخليكي ليا يا حبيبتي بس معلش انا مش هقدر اكلمه انا اتنازلت كتير علشانه

يا حبيبتي ده جـــــــــــــــــــــــــــــــــــوزك والشيطان هو اللي بيقولك الجمله اللي فاتت دي ده مش كلامك

والله انا لما كنت متخانقه مع احمد قعدت يومين انا وهو مش بنكلم بعض والموضوع فضل يكبر ويكبر وندمت والله

اشد الندم اني سبته كل ه ومكلمتهوش وهو كمان ندم

اتفاهموا مع بعض في المشكله بس متبعدوش عن بعض زمان الشيطان دلوقتي بيضحك على الاخر ومبسوط من وضعكم

قومي كلميه براحه وبهدؤ وتفاهمي معاه وهو حيقدر جدا انك عاوزه تحلي المشكله ومش بتكابري

يلا طمنيني بقى يا بنتي

__________________

الله لا يحرمني منك ابدا يا حبيبتي حاضر هحاول

__________________

حبيبتي زوجة احمد عايزه اقولك اني حكيت لماما لانها شافتني وانا بعيط فاضطريت اقولها وهي زعلت جدا من زوجي وحبت تاخد راي بابا بس طبعا محكتلوش كل حاجه وبابا انسان متعقل جدا وقالي متكلميهوش دلوقتي لان ده مش من الرجوله انه يفضل مع الانسان ده بعد كل اللي عمله معاه وانا خايفه ماما طبعا مقلتلوش موضوع اختي بس قالتله على حركات الانسان ده معايا ادعيلي يا حبيبتيوالله ان شكلي تعبان ومهموم وعيني اتنفخت من كتر الدموع والله ده مش جزائي ابدا انا كل اللي عايزاه اني اخد موقف علشان يحس بيا وبابا طلب مني اني اكلم مامته واحكيلها تعرفي مامته قبل كده كلمتها في الموضوع ده وغلطته وقالتلي انتي من حقك متدخليش الانسان ده بيتك ولا تعزميه على فرحك

انا رغايه قوي بس ايه رأيك

__________________

ليه بس قلتي لبابا خلاص اللي حصل حصل

طيب خليني معاكي كده لو زوجك متصلش بيكي حتعملي ايه؟؟؟؟

الموضوع صدقيني حيفضل يكبر ويكبر وانتي تعبانه وهو اكيد مضايق اكتر منك

على رأي احمد بيقولي حنجيب واحد تالت يصالحنا

واللي غايظني ان المشكله اللي بينكم دي بسبب واحد من بره يعني مش مشكله فيكي او فيه

عمتا شكلك مصممه متكليميهوش بس نصيحه اوعي اوعي اوعي تخسري حبيبك وزوجك

بسبب اي انسان في الدنيا

طيب اقولك حاجه انا محكيتهاش في المشكله الاخيرة بتاعتي

لما احمد قالي الكلام الغريب في التليفون وروحت حكيت لماما وبابا قالولي اوعي تكلميه ولا تعبريه

وطبعا اتحمقوا اوي عشاني وده طبيعي جدااااااااااااااااااااااا لأنهم اب وام ومش متخيلين ان بنتهم

المعززه المكرمه الدلوعه انها زوجه ولازم تراضي زوجها وتتنازل عشانه وان رضاه عنها بالدنيا

بس اول ما احمد جا وقابلني كلمته عادي جدا وانا وهو اتصافينا في ثواني ماشاء الله

وندمنا اشدددددددددد الندم اننا دخلنا اي انسان في الموضوع

صدقيني اهلك عمرهم ما حينصحوكي انك تكلميه لانهم عاوزين يغلوكي وده حقهم ولازم نحسسهم بكده

بس برضو متنسيش ان ده زوجك وله حق عليكي وحرام تهجريه كده

__________________

اختي وحبيبتي زوجة احمد والله ريحتيني قوي على فكره انا نسيت اقولك انه اتصل على موبايلي وعقبال ما سمعت الموبايل كان قفل ومتصلش تاني قلت يالله جت من عند ربنا
بس حاضر انا ان شاء الله بكره هكسفه من نفسه وأحرجه وخلي رقبته زي السمسمه وهتنازل واتواضع واكلمه واعاتبه:20: ايه رايك انا بفكر اروحله بيته واعمل كاني جايه لمامته مش ليه واتقل عليه واقوله ياللي بتسأل عليا ملكشي دعوه بيا وبعدين نتعاتب ونتصالح واضربه واخلي مامته واخته كمان يضربوه معايا

ربنا يخليكي ليا ولزوجك احمد يا رب

__________________

شوفتي بقى شوفتي:14::14::14::14::14: بس ياريتك رديتي

بس عمتا الجدع عمل اللي عليه واتصل متزوديهاش انتي بقى يا عسل

فكرتك حلوة

بس الأحلى بقى انك تخليه هو اللي يجيلك واتشيكي على الاخر والبسي لبس مغري جدااااااااااااااا

واقعدوا لوحدكم واتدلعي عليه خالص وفهميه انتي مضايقه ليه بهدوء وحب وجو رومانسي

ونصيحه متحكيش بقى لحد تاني خلاص يعني مش لازم تقولي لوالدته

انا بقولك كده لاني كنت من يومين في مشكله مشابهه جدااااااااااا وندمنا جدا ان اهلي واهله عرفوا

وصدقيني كل ما الموضوع مهما كان كبير بينك وبينه بس وميطولش اي زعل في الدنيا ممكن يتحل

ربنا يهديكم لبعض والله انا كنت عماله بدعيلك لاني بجد بحبك جدا وبحسكم زينا كده

يلا بقى طمنيني والله كنت عاوزه اذاكر بس اتشغلت اوي عليكي يا قمر يلا فداكي

__________________

اختي زوجة احمد سامحيني معلش انا لم استطيع ادعيلي ادعولي جميعكم انا تعبانه وبموت ومفيش حد حاسس بيا

__________________

[warning]اخواتي ربيع الحياة وزوجة احمد ارجو الابتعاد عن اللهجه المحليه مراعاة لهذا البند
21) يتم كتابة العناوين والمواضيع والمشاركات باللغة العربية فقط , ويمنع المشاركة بأي لغة أخرى, ويجب الابتعاد عن اللهجات المحلية, وكل عنوان يكتب باللهجة المحلية سيعدل, [/warning]

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

حبيبتي ،، قرأت مشكلتك كاملة ،، هذه مداخلتي لكِ ،، اسمعي الي هقوله لكِ من إنسانة عانت كثيرا ولازالت تعاني بسبب غلطات تافهة للغاية وصّلت أموري حد الهاوية ،،

تعقلي حبيبتي كلمي خطيبك وخليكي أنت العاقلة والممسكة بزمام الأمور ،،، لاتجعلي الأمر يفرط منكِ إلى غيرك وبالأخص وبالأخص وبالأخص أهلك ،،، والله أن ثلاث أرباع مشاكلي وعذاباتي مع خطيبي كانت تتفاقم إلى درجة التفكير بالإنفصال كانت بسبب اقحام أهلي فيها ،،
كل أهل مايريدوا أي مخلوق كائن من كان أن يمس بنتهم الحبيبة بأي أذى فكيف بشخص المفروض - من وجهة نظرهم - أن يعيش حامدا لله وشاكره على تفضل بنتهم الكريمة بالقبول بشخصه المتواضع ، فيجب أن يجيب كل طلباتك ،، أن يتودد لكِ بكل كلام جميل ،، أن لايتفوه بكلمة قد تؤذيكِ.. كل هذا من حقهم ولا غبار عليهم فيه.

حبيبتي مشاكلك مع خطيبك تبقى بينكما فقط ،،، إياكِ وأن تدخلي أحد بينكم ،،، خذي أنتِ زمام المصالحة هذه المرة لأنكِ المخطئة في نظري ،،، نعم مخطئة وإليكِ الأسباب :

* صديق خطيبك هذا متواجد في حياته من قبل تواجدكِ أنتِ وأختك ... وهو صديق الطفولة وكل منا له صديق لايمكنه الاستغناء عنه وبالأخص أصدقاء العمر مثل مابيقولوا ،، أنتِ في نظره الآن شخص جاء في حياته ليغير ويشيل ويحط ناس على كيفه وكأنها قطع شطرنج..

* ماحصل نصيب مع أختك وين المشكلة ؟؟؟
أعرف ناس أولاد عم وأولاد خال ينخطبوا ثم يفسخوا رغم الحب الغامر الذي بينهم ... ربما الرجل وصل لمرحلة تأكد فيها أنها لاتصلح له ،،، كل ذلك ربما كان للبحث عن نقاط تشابه واتفاق يمكن تنميتها ،،، فعندما انعدمت فلاحل غير الفراق.


* إن كان صديقه يقوم بأمور غير لائقه معكِ من نظرات وماشابه فيكفي أن تنبهي خطيبك لذك مرة واحدة فقط ،،، والبقية الباقية عليكِ أنتِ ،،، اتركي علاقته بصديقه كما هي هو سيلاحظ وسيأخذ باله من ذلك فهو رجل وأنتِ عنده في المقدمه ،، لكن كثر الإلحاح سيجعله يعتقد أنكِ تختلقين هذا الأمر فقط لتشويه صوة صديقه عنده انتقاما لتركه لأختك ولن يفهم غير ذلك ،،، ماعليك القيام به بعد تنبيهه للأمر أن لاتقابلي صديقه مطلقا ولا تخوضي في أي سيرة تأتي به مطلقا قولي له غير الكلام ما أحب أتحدث عن هذا الشخص .

* حبيبتي لاتفقدي حبيبك بسبب شخص مايستاهل ،،، تعقلي .