السلام عليكم ورحمة الله وبركاته

شيخي.....

محتاجه وقفتك معي

والله محتاره بامري انا فتاه ابلغ من العمر 25سنه متزوجه من ثلاث سنوات ولم انجب

مشكلتي بدأت من كنت أولى ثانوي حضرت زواج عمي ولي كان مودينا الزواج ولد عمي < ن > وفي السيارة
ماما الله يخليها لي كانت تردد وتقول فلانه حصني يافلانه حصنتي وما اذكر اني حصنت وولد عمي قال بأستهزاء الله خايفه على بنتها لاتخافين ماهي ميته وحظرت الزواج وكل شي مر عادي لما رجعنا نمت وانا نايمه
ماكنت مرتاحه ولما فتحت عيوني حسيت بالم بين نهودي او بصد ري اوبقلبي ماااأري ومن بعدها تعبت ارق وقلق وساوس وعدم نوم وحالتي الصحيه مره تدهورت حتى وزني نزل مرررره وكن احس بثقل في منتصف صدري او ضيق ما ادري فبابا وداني لشيخ وقرا علي وعادي ما حسيت بشي واعطاني مويه اشرب منها ورحت لدكتور واعطاني فتمينات وحاولت اني اعالج نفسي بنفسي.....

مر فتره وألتزمت الحمد لله ماسمع اغاني ما اتابع مسلسلات حافظت على اذكار الصباح والمساء التزمت على النوافل وقيام الليل وتعاهدت تلاوت القرآن احب الخير واهله واكرررررررره الضلال واهله يعني أذا كنت بمكان فيه اغاني اتضااااااايق واتنرفزواذا
بعدت ارتاح نفسيآ
وحالتي صارت افضل بكثيييييييير وثلاث ارباع الاعراض اللي كانت عندي رااااااحت
واتزوجت ولله الحمد واموري مع زوجي مستقره وطبيعيه
بس اتأخرنا عن الانجاب وبدأنا نبحث عن الاسباب عندنا اسباب طبيه بس بسيطه وان شاء الله ماتمنع عن الانجاب زي هرمون الحليب مشكلتي واللزوجه عند زوجي
بدأت انا بالرقيه يعني زي قراءة سورة البقره التزمت عليها شهر مع الاغتسال بخلطة الرومي وادهن بطني وظهري بزيت زيتون مقري عليه ومع المحافظه عالاذكار وكل شي عادي

بس كنت كثير افكر بلانجاب زي اي بنت تحلم بالأمومه يعني هالشي مسبب لي توتروحزن وبكاء وهم وتفكير

وبيوم من الايام حلمت اني انظر لصدري واشوفه مكول يعني القفص الصدري والجلد يعني ولتحت لبطني وفيه دود ابيض فالحلم انا استغربت وقلت انا ليش صدري كذا وكنت خايفه

ولما صحيت كان الحلم مضايقني فعرفت انه فيه شي فصرت ارقي نفسي ولما رحنا انا وزوجي للشيخ نبيل المعيقلي اخو امام الحرم ماهر المعيقلي

بدا يقراء علينا وفي خلال القرائه بد قلبي يدق بقوووووه ماطول الخفقان وبعدين هدأ واعطانا عسل وزيت وقلنا ادهنومن الزيت واستمريت على شرب العسل مع ماء زمزم والادهان بالزيت وارقي نفسي لمدت نصف ساعه واموري تمام لمدت شهروهذا كان بشهر رمضان اللي راح وماكنت احس بأي حاجه

حتى الحمد لله ماعندي كوابيس واموري مع زوجي زينه ومافي اي عارض من الاعراص اللي تجي مع الرقيه
يس حلمت ان خرج من منتصف صدري دوده بيضاء ودم وقمت واقفه وحطيت اصباعي السبابه عل الفتحه وصر اقول دعاء يشبه دعاء الكرب وكانت ماما معاي ووحده اسمها مشاعل وماما جابت قرورة موية ورد مقري عليها هي عندي بالحقيقه وقامت تصب عالمنطقه وبس
ولما رحنا للشيخ قال اش حسيتو قلنا ولاشي وفعلآ وقرا علينا وكل شي كان تمام
واعطانا نفس البرنامج وانا برضه استمريت وارقي نفسي بس صرت احس بزي الشد بنفس المكان وا كأن يشفطه على جوا اوزي الثقل يعني شي ما اعرف اوصفه مااااااااااا ادري كييييييييييف اوصف خلال الرقيه احيان اقراء الرقيه وما احس بشي بس صار يجيني اللي مدري كيف اوصفه بشكل متقطع وانا الحين ياشيخي اكتب لك واحس فيه وخصوصآ قبل العاده الشهريه لما تكون النفسيه زفت ومتوتره
ومافي اي عارض ثاني حياتي الزوجيه تمام واجتماعيه درجه اولى واحب الناس بجنون ماشاء الله مااتحمل اسبوع من غير خروووووووج احب الضحك واللعب والفله والوناسه والقرررررقره احب المرح والقرآن دايم شغال ببيتي
قناة المجد للقرآن وقناة مكه واشغل سورة البقره مره ومرتين واشغل الرقيه الشرعيه العامه وعندي رقية المس اشغلها وعاااادي مافي شي يضايقني

عند تلاوة القرآن بيبيتي
بس ياشيخي هالشد اللي يجي في صدري بين فتره وفتره مررره مزعلني لاني ماني عارفه اش السبب ولا اش العلاج
مره اقول من التوتر وحالتي النفسيه السيئه بسبب عدم الانجام لان ياشيخ لما ازعل واكتم بنفسي احسه يزيد لاني ما احب افضفض دايم يعني اللي بنفسي بنفسي ونادر ما افضفض وابكي عند زوجي بس هال شد مودايم يجيني

اآآآآآسفه عالأطاله بس محتاجه لوقفتك معي

على فكره ابن عمي < ن> دايم يتكرر علي بأحلامي بشكل كثييير مع انه ابدآ ماهو ببالي بس دايم يتكرر اني احاول اتخباعنه وهو الا بيشوفني او يدخل الغرفه اللي اتخبأفيها ومره شفته ينظر لي وانا اتخبأخت خلف وحده اسمها سهام ومره اختي تحكيلي اللي هي خطيبته لان بس بالكلام يعني مافي شي رسمي تحكيلي حلم لها وبأخر الحلم قالت انا وانتي مع ن بالسياره وجالسين بالخلف ونون يقول فلانه حلوه اللي هي انا انا ذكرت هذا ياشيخ لاني قلت يمكن له علاقه ولا ولد عمي اتمنى له كل خير هو طيوب ومثل اخوي


ماااااااااااااا أدري ياشيخ اش فيني فسر لي حالتي لان هالشي مزعلني

اسفه نسيت اذكر نقطه بسيطه ويمكن تفيدك شيخي بالتشخيص

اثناء الرقيه اتجشئ كثييير وبالمرتين الاخيره خف التجشئ

وعليكم السلام ورحمة الله وبركاته .

بدايةً .. ازعلتني كلمة " شيخ " ، فأنا لست بشيخ ، وكلمة شيخ كلمة كبيرة علي ولاتطلق على اي شخص
لذا ارجو عدم مخاطبتي بها ، واكتفي " بأخي " .


انتِ ماشاء الله تبارك الله محافظة على نفسك ، واتمنى ان تستمري على هذه الأمور ( تشغيل القرآن دائماً ، والرقية بين فترة وفترة ، والأذكار ) دائماً سواءً كنتي تشعرين بتعب او لا ، لأنها ستقيكِ من اشياء كثيرة - إن شاء الله -

وحالتك ايضاً ممتازة ولاتستدعي كل هذا القلق ، وسأنصحك بثلاث اشياء فقط .

1) الإسمرار كما ذكرت آنفاً في السطرين الماضيين .

2) محاولة تفسير احلامك ، وانصحك بالدكتور / فهد العصيمي ، تعرفينه ؟

3) اخذ اثر ولد عمك " نون " ، واللي ماتعرفين كيف تصفينه
قد يكون شئ نفسي سيزول بمرور الزمن ،
او انه سيزول بعد الإغتسال بأثر ولد العم .


كما قلت انتِ بخير ، وطبيعية ، واسأل الله ان يديم عليكِ هذا الإقبال على الحياة

اي إستفسار فلا تترددي ، وسامحيني على التأخر .


تمنياتي لكِ بدوام الصحة والعافية .

اشكرك ياأخي الجانب الاخر علاهتمام جزاك ربي خيرات الدنيا والاخره

وآسفه على مضايقتك بكلمت شيخي انا ماخاطبتك بها
الا لأني لاحضت من ردودك على اخواني واخواتي الاعضاء
بأنك ماشاء الله ملم بالجانب الروحي وطريقة التعامل معه فقلت اكيييييييييييد هذا شيخ ....

عاد هذي كانت نظرتي لك اتقبلها ومشيها.... ولا تزعل وان شاء الله انك قدها

والشيخ العصيمي غني عن التعريف .....

اخي كيف اخذ من اثر ابن عمي صحيح انا بعماره وحده بس ماعندي اخوان بعمره يساعدوني وهو مايدخل بيتنا ومافي امكانيه اوصل لأثره لاني ما ابي اعلم احد الشخص الوحيد اللي علمته ما اهتم بالموضوع

بس يوم الخميس اللي فات مسحت على مقبظ باب غرفة نومه بمنديل مبلول وادخلته بقرورة مويه واغلقتها

والقروره معي

هل الاثر هذا يكفييييي

وهل اكرر الاغتسال وهل للأغتسال طريقه معينه

ثبت من خلال التجربة نفع الطريقة التي استخدمتيها " مسح مقبض الباب "

لكن يجب ان يكون مسحك بعد لمسه له بفترة ليست بالطويلة ، بمعنى لاينفع ان يذهب احد ويمسح بقمض الباب لشخص مسافر صارله اسبوع .


قد يكفي هذا الأثر ، وقد تضطرين الى معاودة الأخذ

الآن ينبغي ان تغتسلي به ، كيف ؟

إغتسال اعتيادي .. تصبين الماء على رأسك وتحاولين جاهدة إيصال الماء الى كل بدنك " كل البدن "
وطبعاً يُنصح بفرك المنطقة الأكثر تضرراً والتي هي - صدرك - .


اسأل الله ان يعينك ويحفظك

اي سؤال لاتترددي بطرحه .

الله يجزاك عنا خيرات الدنيا والاخره ويبارك لك بأهلك ومالك وولدك ويرحم والديك ويرزقك من حيث لا تحتسب جزاء معروفك معنا
وان يجعل جزاء معروفك تراه نُصب عينيك بالدنيا والاخره ويجعلك من سعداء الدارين انت وكل عزيز عليك

اللي احس فيه مثل شددد العضله تمامآ بين النهدين تمامآ
وبعض الاحيان يشتد معي مررررررره متعب
حتى لوكنت بين اهلي واحبابي ومبسوطه معهم
احس فيه شي ودي اطلعه بيدي نفسي اسوي حجاااااامه احس لو سويتها بهالمنطقه وخرج الدم ارتاح كأن شي متجمد وطلع او شي انفجروطلع واتخلصت منه كأن شي واقف بهالمنطقه ويشد
هالشي جاني بعد الرقيه جامعه مطوله
4شهور لي عليها 3شهور بشكل يومي تقريبآوالشهر هذا ادخلت معها سورة البقرة يوم ويوم الرقيه وبعض الاحيان مايمر اربع ايام إلا وانا قاريتها مع المحاااااااافظه على الاذكار ومع الاذكار ايات الشفاء
وقرائت القرآن وتشغيله اغتسلت مراااات متعدده بالسدر ومراااات متعدده بخلطت الرومي
كنت قبل الرقيه ارى الذر والقطط والوزغ والثعابين بس مو بشكل متكرر وارى بأ العاده جاتني فعلآ بعد كم يوم تجيني
وبعد الرقيه انقطعت والحمد لله
بس ابن عمي يتكررر قبل وبعد الزواج اراه يإما اتخباعنه وهو الايفرض نفسه بالمكان اللي متخبيه فيه و وهذا الاغلببب
او ارى بأن فيه بينا حب او مخطوبين او راكبه معه بسياره اوينظر اللي وانا اتخبا عنه
ويتكرر بالصوره هذي وبغيرها وهو ماااااااااااااااااهو ببالي وهذ اللي خلاني اشك فيه

اخي ساعدني وجهني انصحني اعطيني برنامج امشي عليه
اعطني رقيه تفيد حالتي
كم تستمر الرقيه حتى يتحقق الشفاء

هل تنصحني بالحجامه بهالمنطقه؟ في ناس تقول مضره
وهل الشد من اعراض القولون العصبي؟
لان نفسيتي تعبانه بسبب تأخر الحمل نفسي اصيييييير ام العاطفه ذبحتنييييييييي تعبانه مره واخبي واداري واكابر بين الناس
والكرب عظيم الحرمااااااااان مُر اذا عنك اطفال اسجد لربك سجووووود شكر الان وحطهم بعيونك تراهم نعمه

ياعلم هم نعمه مايحس فيها إلا اللي انكوى بناااااااار الحرمان منهم

الحمد لله رب العااااااااالميييييييييييييييييييين

عفوآ .....
{ ياعلم } أي { ياعاااااااالم} الاف صقط سهوآ وكثير من الحروف في موضوعي صقطت

وعقبال مايصقت هميييييييي

اعذرني اخي على هاللخبطه

سبحان الله

السلام عليكم ورحمة الله وبركاته .


اعتذر عن التأخير


ليس لدي الكثير فيما يخص ( الحجامة ) ،
ولكن الحجامة بالعموم مفيدة ، فلا بأس منها ، فسوف تحسن دورتك الدموية ، ومزاجكِ .


الشد الذي يحصل عندك ، لا اعرف له تفسير ، ولكن قد تكون " نفس " ابن عمك فيك
لذلك خذي لكِ شئ من اثره واغتسلي به .

ولم اقرأ او اسمع ان من اعراض القولون العصبي انقباضات في الصدر .

الآن ماهي احلامك ؟


يا اختي اراك مكبرة الموضوع كثيراً ، الموضوع بسيط ولايحتاج الى " برنامج علاجي "

الشئ الذي انصحك به //

* التوكل على الله والتيقن ان الشفاء عنده ، والإلحاح على الله بالدعاء .
* اخذ اثر ابن العم ، والإغتسال به .
* رقية نفسك يومياً لمدة ثلث الى نصف ساعة .
* الإكثار من الإستماع الى الرقية .
* المحافظة جيداً على الأذكار
* شرب الماء المرقي ، والإدهان بزيت الزيتون المرقي .


لايوجد مدة للرقية ، ولكن ثقة العبد بربه وبكلامه الذي اُزل به الشفاء لن يجعل الأمر يطول .
لابأس عليك ، وتأكدي ان لموضوع الحمل تأثير عليكِ ،
اسأل الله العظيم ان يرزقك الذرية الصالحة .

اشكرك اخي

الان ماعندي احلام مزعجه تبارك الله
والحمد لله
اما الرقيه ارقي نفسي مايعدي اربع ايام الا وانا قاريه سورة البقرة او الرقيه

الاذكار محافظه عليها ومعاها رقية الشفاء
والقرآن كل يوم تقريبآ اقراء صفحه او صفحتين
والبيت دايم شغال فيه القرآن كل يوم احرص على تشغيل القرآن
والحمد لله
اللهم لك الحمد والشكر على كل حال

الله يجزاك خير اخي الكريم

ماشاء الله يا اختي /

حالتكِ طيبة ، ووضعك ممتاز .


فقط خذي من اثر ابن العم واغتسلي به .

اسأل الله ان يرزقك الذرية الصالحة .