logo

الملاحظات

أرشيف السياحة والسفر والرحلات موضوعات مفيدة في السفر والسياحة

 
قديم 31-10-2010, 09:04 AM
  #1
احلاهم واتحداكم
عضو متألق
 الصورة الرمزية احلاهم واتحداكم
تاريخ التسجيل: Feb 2008
المشاركات: 1,152
احلاهم واتحداكم غير متصل  
بالصور رحلتي لشرق أسيا..

بسم الله الرحمن ارحيم



بداية.. هذا أول موضع مكلف لي راح أنزله.. واسالوا الله لي أن أكمله<<<<<< وحدة ناويه تنحاش من البداية..



المهم موضوعي هذا عبارة عن تقرير مصور لـ (رحلتي- سفرتي- لذهابي) اختاروا اللي يعجبكم..



بصراحة الموضوع بالنسبة لي متعب وشاق ومكلف لأني اول مرة أنزل موضوع كذا!!!



الظاهر راح تقولون: يوووووووووه وش تبي هذي!!! لا حنا ولا هالتقرير. لو أنها ساكته كان أحسن..




لا عاد خلاص الحين راح أتكلم جد..



اول شي السفرة كانت لأندونيسيا ( بالي –جاكرتا- بونشاك)


عدد الاشخاص :3 (أنا- زوجي- بنتي الشيطونة)


عدد الايام :13 يوم


أمممممممممممممممم.. وشو بعد .. وشو بعد.. بس



الذهاب والعودة كان عن طريق الخطوط السعودية..



نوع الطيارة : وانيت أو باص الأصفر القديم .. يعني طيارة ( سكة- طقطقانية- ماعندك أحد)وطبعا هذي من السلبيات اللي واجهتنا في بداية الرحله..



الخطوط السعودية ما أهتمت بهذي الرحله ابدا ابدا ابدا.. ليش!!



لأنه في نظرهم انه غالبية الركاب راح تكون من العمالة الأندونيسية.. فبالتالي


<<<<< اما هذي فبصراحة متعوب عليها!!



المهم نرجع لكلمتنا فبالتالي ما أهتمت الخطوط لهذي الرحلة.. وما وفرت سبل الترفيه البسيط للركاب بغض النظر عن من هم الركاب!!!



كل اللي سووه انهم طفو علينا (اللمبات – الليتات – الإضاءة) وسكروا ( الشبابيك – الدرايش) وصارت الدنيا خرمس!!!



كانهم يقولون لك نام غصبا عليك رضيت ولا انرضيت!!!



مافي جرايد.. مافي شاشات<<<< لا أستغفر الله في شاشة كبيرة لكل مقصورة فيها اتجاه القبلة لا وتتهزهز وتحول عينك!!يعني اللي مافيه نوم ويحاول يقاوم النوم بس يطالع اتجاه القبله يدووووووخ وينااااام..!!!



المهم انطلقنا يوم الأربعاء ووصلنا لجاكرتا يوم الخميس .. وبعد الوصول اتجهنا لطيران جارودا وحجزنا على بالي ومدة الرحله تقريبا ساعة وشوي..



الظاهر طفشتو من البربرة حقتي .. تبون الصور.. خلاص راح أكمل سوالفي بالصور..





هنا وحنا بالمطار ننتظر الطيارة..







أول ما وصلنا جاكرتا حجزنا على بالي لأن عندهم تقريبا كل ساعتين في طيران لبالي..


هنا بنتي وهي ناااااايمة..








هنا أول ما وصلنا بيتنا.. طبعا البيت عبارة عن فيلا في منتجع .. مكونة من دورين.. الدور الأول صالة ومطبخ وغرفة نوم وحدة


وتحت صالة مفتوحة على الهواء الطلق مقابلة للمسبح الخاص .. وغرفة نوم بدورة مياه .. دورة المياه لحالها تووووووحفة.. المهم ه\ي صورة البيت أول ما دخلنا.







صورة لمسبحنا من فوق..







هذا اللوبي .. طبعا الصور صورتها من بكرة لأننا وصلنا بالليل فمايبان شي..








هنا الطريق المؤدي للفيلا مسوين جلسة تسمعون فيها هدير الماء..









هنا وصلنا لمقر إقامتنا الباب الخارجي خشب والباب الداخلي قزاز..





أنا ماني عارفة ليش مرة تطلع الصورة كبير مرة صغيرة لييييش؟؟؟؟







المهم نرجع ماعلينا من الكلام الزايد..


وريتكم بالبداية الصالة من ورا .. ألحين أوريكم من قدام.. ه\ا الباب اللي تشوفونة ينزلكم على تحت عند المسبح..








والباب اللي على اليمين يوديكم على غرفة النوم.. ما أتصور في أكثر من كذا شرح..







وهنا حاطين لنا صحن فاكهه كضيافة يعني..:14:







هنا صورة المسبح العام.. وهذي الإطلالة وحنا قاعدين نفطر عندهم ..







بكذا خلصنا تقرير السكن .. والله يا جماعة متعب .. يعني مرة ملزمين تشوفون الباقي.. انا 4ساعات اشتغل وانتوا تفرجتوا بدقيقتين..


ههههههههههههه.. أمزح أمزح


عشان خاطركم راح أكمل.. أنتظروني .. بس سؤال للمشرفين ..أقدر أنزل مقطع فديو ولا لأ؟؟

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))
قديم 31-10-2010, 11:12 AM
  #2
روح الطير
كبار شخصيات المنتدى
تاريخ التسجيل: May 2005
المشاركات: 11,925
روح الطير غير متصل  
رووووووووووووعة ماشاء الله تبارك الله

تعليقي بعد ما تخلصي
قديم 31-10-2010, 12:01 PM
  #3
احلاهم واتحداكم
عضو متألق
 الصورة الرمزية احلاهم واتحداكم
تاريخ التسجيل: Feb 2008
المشاركات: 1,152
احلاهم واتحداكم غير متصل  
نكمل..



اليوم الأول كان يوم الجمعة..


قمنا الساعة 8 الصبح عشان نفطر.. وكنا متفقين مع السواق يجينا الساعة 9..

وكان برنامجنا أول يوم حديقة الحيوان..


بصراحة أنا مو مرررررة مع حديقة الحيوان لأني أكره ريحتهم!!!
بس لازم الواحد يكون شوي فرش في السفر عشان ما يضايق اللي معاااه..
وعشان بعد بنتي تستانس .. بس المشكلة كان الجو رطب وحاااااار..
هذا اللي شوي بيخ الرحله.. وماخلاني أصور كثير..

المهم ..

هذي الصور لقطتها وأحنا نمشي بالطريق رايحين لحديقة الحيوان.









الديرة ديرة دبابات.. الصغير الكبير.. الحريم الرجال كلهم يسوقون..







سبحان الله الطبيعة عندهم خرااااااافية..







وصلنا طبعا بعد طريق تقريبا ساعة ونص..

وما قدرت أصور لكم المدخل لأن السواح الأجانب مالين المكان.. وطبعا اللبس ما يحتاج.. لذلك ما صورت..


الحديقة كبيرة مرررررة..فيها مدينة مائية.. للي يبون يسبحون.. وفيه سفاري بس مو قد كذا.. وفيه ركوب الفيله..

فلازم نركب قطار يودينا لخط البداية..

وكان خط البداية اللي هو عالم الحيوانات..

وهذي أول صورة..



مشاء اللخ الأخ نايم.. ومعطينا مقفاه.. للاسف ما خلانا نشوف خشيشته..




وهذا النمر الأبيض..







هذا بصراحة مدري شنو بالظبط.. هو خنزير .. ولا أكل النمل .. ما أدري المهم هو واحد منهم..
بس بصراحة تحسفت اني أحط أسمي على الصورة .. بس الشكوى لله..








وحنا متجهين للسفاري .. شفت لكم هالشي الحلو..










رحنا للسفاري بس مثل ما قلت لكم مو قد كذا.. يعني عادي مو عجبه.. فما نزلت لكم الصور لأنه سفاري بونشاااااااك يجنن ..




انتهت رحلة حديقة الحيوان.. ورجعنا للمنتجع قبل المغرب بساعة عشان نلحق نسبح بالمسبح قبل لا تعتم الدنيا..





انتظروني في برنامج يوم السبت..
__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))
قديم 31-10-2010, 12:37 PM
  #4
نور الاميرة
عضو نشيط جدا
 الصورة الرمزية نور الاميرة
تاريخ التسجيل: Aug 2010
المشاركات: 410
نور الاميرة غير متصل  
بس ايش اسم البلاد
قديم 01-11-2010, 03:11 PM
  #5
ماريا
عضو المنتدى الفخري
 الصورة الرمزية ماريا
تاريخ التسجيل: Jul 2006
المشاركات: 10,542
ماريا غير متصل  
يعطيك العافية اختي احلاهم
و يا ريت تذكري بكل مرة الاسعار حتى نستفيد من الموضوع بعمل ميزانية لو حبينا نروح لنفس الاماكن هذه

مناظر جميلة ما شاء الله
اذا محتاجة تعديل بالصور و قص و تغيير حجم اتراسلي مع الادارة بهالخصوص
شايفة صور كبيرة و صور صغيرة كتير

__________________
.
.

استودعتك أهلي في سوريا يا من لا تضيع ودائعه
قديم 01-11-2010, 05:18 PM
  #6
احلاهم واتحداكم
عضو متألق
 الصورة الرمزية احلاهم واتحداكم
تاريخ التسجيل: Feb 2008
المشاركات: 1,152
احلاهم واتحداكم غير متصل  

نكمل..




يوم السبت .. كان من أروع شي شفته بحيااااتي..
التجربة كانت ممتعة للغاية .. خاصة لمحبي المغامرة..

كانت رحلتنا للرافتنج.. بس للأسف ما راح أقدر أعيشكم الرحلة !!

ليش ؟؟ لأنة الرحله مائيييية.. والكميرا واشيائنا الخاصة حطوها لنا بشنطة مستحيل تدخل فيها المويه..

لكنهم وقفونا عند الشلالات عشان إذا ودنا نصور بعض الأشياء وطبعا نزلنا نمشي على رجولنا بالنهر الجاااااااري..

والتقطنا بعض الصور..



المهم نبدي من البداية..




قمنا الصبح وتوجهنا لصالة الفطور.. هذي الصورة وحنا ماشين..











وهنا استقرينا..



وطبعا بنتي لابسة مايوه عشان الرافتنج



خلصنا فطور ولقينا السواق ينتظرنا .. >>>>>> صدق والله!!! بصراحة من جد جبتيلنا العلم


حركنا وهذي الصور من الطريق..












































طبعا بد ما وصلنا.. اونزلنا من القارب لصور اللي لقطتها لكم اللي هي هذي ..







هذا المعلم لقط بنتي ونط عند الشلال.. وقالنا يلا صوروها
ما طمست وجه المعلم لأنهم صورونا فديو.. وأكيد عندهم نسخه لنا
وحدة بوحدة..




ولا أثناء ركوبنا بالقارب ما صورته لكم
بس هم صورونا فيديو.. وطبعا أخذنا نسختنا
..


شوي وراجعة لكم..
__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))
قديم 01-11-2010, 05:37 PM
  #7
بنت مكة2008
كبار شخصيات المنتدى
 الصورة الرمزية بنت مكة2008
تاريخ التسجيل: Apr 2009
المشاركات: 7,516
بنت مكة2008 غير متصل  
ماشاء الله تبارك الله روعه الطبيعه جداااا سبحان الله العظيم

تقريرو حلوو وبنتك الله يحفظها طعمه ماشاء الله لاقوة الا بالله

انتظر الباقي الله يهينكم يارب
__________________
ياررب ارح قلبي وعوضني خير
قديم 01-11-2010, 07:58 PM
  #8
احلاهم واتحداكم
عضو متألق
 الصورة الرمزية احلاهم واتحداكم
تاريخ التسجيل: Feb 2008
المشاركات: 1,152
احلاهم واتحداكم غير متصل  
رجعنــــــــــــــــا..


طبعا طلعنا من الرافتنج نااااااقعين من المويه .. وميتين برررررد

لأن القارب عبارة عن قارب مطاطي.. ويمشي مع جريان الماء.. والهوا قوي..

والكابتن عشان يسوي لنا إثارة خلا القارب يمشي عند مصب أحد الشلالات ....

وقالنا راح تصادفنا 3 نزلات شلاليه.. وانتوا راح تنزلون وحدة بس.. لأنه معاكم طفل .. بس بصراحة الوحدة بعشرة..

مدة البرنامج ساعتين..


المهم بعد ما خلصنا ..من الرافتنج لقط لكم هالصور..









وبعدها اتجهنا لحديقة القهوة..
مررررررة كانت حلوة.. وقعدتها مررررررررررة رايقة..

وهذي الصورة مو جودة بنفس مزرعة القهوة وكانت الأناناسة صغييييرة كأنها برتقاله .. وصورتها.




وهنا بعد ما تنقو القهوة ..وقعدوا يحمصونها والريحة تجنننننن.. ها..





في عندهم جلسات داخليه.. وجلسات خارجية.. عشان الواحد يحتسي كوبا من القهوة..
وطبعا أخترنا الجلسة الخارجية.. والجو مهنا أزين منه..






بصراحة أحلى شي يوم جلسنا وطلبنا انا وزوجي.. والفنعوصة هذي نسيناها

قلت يووووووووه بتنكد علي الترويقة!!

لكن بصراحة تفاجأت يوم جا القهوجي وحط قدامي 7 فناجين قهوة

كل واحد شكل!!

قلت له : لا غلطان أحنا ما طلبنا هذا

قال : اللي طلبتوه هذا وهذا, قلت إي..

قال: وهذا مجانا..:14:

قلت الحمد لله .. مافي أحد بيشاركني بفنجاني..






طلعنا من القهوة .. واتجهنا لبيتزا هت..(( وتغدعشنا )) غدا +عشا.. عندهم.

ورجعنا البيت لقينا السي دي حق الرافتنج وصل .. وقعدنا تنفرج عليه وفطسنا ضحك على اللي صار بالتصوير..




انتهت رحلة يوم السبت .. وانتظروني برحلة يوم الأحد..
__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))
قديم 01-11-2010, 08:16 PM
  #9
سلطانة نفسها
عضو مثالي
تاريخ التسجيل: Jul 2008
المشاركات: 727
سلطانة نفسها غير متصل  
بدايه موفقه وتقرير رائع من بدايته...متابعه معك واتمنى توضحين الاسعار مثل ماقالت ماريا..
__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه
قديم 01-11-2010, 11:01 PM
  #10
احلاهم واتحداكم
عضو متألق
 الصورة الرمزية احلاهم واتحداكم
تاريخ التسجيل: Feb 2008
المشاركات: 1,152
احلاهم واتحداكم غير متصل  
اقتباس:
المشاركة الأصلية كتبت بواسطة روح الطير مشاهدة المشاركة
رووووووووووووعة ماشاء الله تبارك الله

تعليقي بعد ما تخلصي


مشكورة.. مو مثل روعتك..

أنتظر تعليقك.. بحاول أخلص بس عشان أشوف تعليقك>>>>>> وحدة نصابه..
__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:22 AM.


images