logo


المطلقات والأرامل والمتأخرات يعتني بالمطلقات والأرامل والمتأخرات عن الزواج

إضافة رد
قديم 05-12-2016, 12:41 AM
  #1
قسمه الأيام&£
عضو جديد
تاريخ التسجيل: Oct 2016
المشاركات: 7
قسمه الأيام&£ غير متصل  
طليقي يكلمني

السلام عليكم
انا مطلقه من 7 اشهر وسنوات زواجي 5وعندي طفله وعند طليقي ماخذها ولا شفتها
سبب طلاقي ان زوجي كانت سفراته كثيره للعمل وكنت اجلس بالساعات لوحدي وكنت ادخل دردشات وقروبات وسوالف اعرف انها كانت خطا لكن كانت مضيعه للوقت
وطليقي كان مايتصل فيني او يراسلني وقت غيابه وكان انسان كتوم حتى لو يخرج للبقاله واساله وين بتروح يقولي قريب قريب تبغين شي اساله عن عمله عن ترقياته يكتفي بالصمت كان انسان جامد انا ماأبرر خطأي لا معترفه بخطأي والله يسامحني لكن اوضح لكم حياتنا
الي حصل اني تركت هالاشياء ومليت منها وانتهت وتبت لله
بعد مده طويله اكتشف زوجي الموضوع بسبب صوره كنت مصورتها من دردشه وكنت ناسيتها وليش صورتها كانت محادثه سوالف وضحك سالني عنها واعترفت على السريع وبهدوء فهمته غلطي وان هالشي قديم واني الان بنت عاقله وكارهه الشيء الي حصل وكان غفله مني
ماتقبل اعتذاري ورفض التفاهم وطلقني على طول واخذ طفلتي
هو راح وخطب وتملك على طول وتزوج كلها خلال شهرين
من فتره عدتي كنت اطلبه العوده هشان بنتي ويفكر فيها وبمصلحتها وهو على كيفه يتزوج ويشوف حياته وله حريه العقاب لكن يفكر بالبنت الي بينا
وكان رافض مره بس طول الفتره كان يقول احبك ومقدر اعيش من دونك وخليك قريبه مني وكنت متعلقه اننا بنرجع الين انتهت عدتي وتزوج بعد انتهاء عدتي باسبوع طلب مني مسامحته وانه يحبني لكن مايقدر يوجعني الحين ولا يحب زوجته الحاليه ولا متقبلها لانها على كلامه عصبيه وغيوره ونكديه
قلت طيب والحل يعني؟ قال ابيك تصبرين سنتين تزين احوالي الين اجمع فلوس افتح بيت ثاني
قلت مايحتاج طلق زوجتك قبل تجيب منها اطفال ضحايا قال لا ماقدر وهو يخاف من اهله كثير ماله شخصيه عندهم
قلتله طيب خلينا نتملك الين تزين احوالك
قالي مقدر توني متزوج لي شهر وش بيقولون اهلي واهلها؟!!!
للحين يكلمني عالواتساب ويطمن علي واسال عن بنتي كل يوم وكل يوم يسمعني كلام حب مع اني عاديه مشاعري له حنيني بس لينتي وشفقه لها
ووعدني انه يدلعني ويصحح اشياء كثيره بحياتنا بسببه وانا ماذكرتها احتفظ فيها

انصحوني ياناس انا بنت ضعيفه قلب ماعرف افكر مالي احد اكلمه واستشيره
كلام طليقي صحيح ولا يراوغ
ولا مايبغاني اتزوج غيره منه؟ ومايبي احد ياخذني؟
طليقي تغير كثير خلال طلاقنا اصبح انسان ثاني عاطفي رومانسي هاديء مثقف!!! هذي عكس صفاته الي عشتها معاه فارق العمر بينا 12 سنه وانا عمري الحين 24
اصبر ياناس وارجع له
ولا اشوف حياتي واتزوج وبنتي استودعها ربي ويحفظها

كلامي مخربط ماعرف اتصرف ارشدوني مثل اختكم

التعديل الأخير تم بواسطة قسمه الأيام&£ ; 05-12-2016 الساعة 12:43 AM
رد مع اقتباس
قديم 05-12-2016, 12:51 AM
  #2
Rudi
عضو نشيط جدا
 الصورة الرمزية Rudi
تاريخ التسجيل: Apr 2015
المشاركات: 723
Rudi غير متصل  
رد: طليقي يكلمني

هو يمكن مشاعره صادقة لكن مع الوقت بتبرد لأنك معطيته وجه بزيادة
وبعدها بيمل منك و بيرجع لزوجته وحياته


اذا تحبينه ابعدي عنه يا اما يشتاق لك وفعلا ما يعيش بدونك ف يرجع لك وَيَا اما جالس يضيع وقته معاك ف فرقاه عيد
و تذكري من ترك شيئا لوجه الله عوضه الله خيرا منه


بعدين يا اختي لا تأخرين نصيبك عشان طليقك
اذا جاك الشخص المناسب وافقي .. هذا هو طليقك اول ما رحتي شاف البديل عنك


مشكلة الحريم قلوبهم مثل العصافير بسرعة تصدق و تثق
وإذا وعدها الرجال حست انه صادق وان الظروف أقوى منه
__________________
اللهم انك عفو تحب العفو فـ اعف عنا

التعديل الأخير تم بواسطة Rudi ; 05-12-2016 الساعة 12:53 AM
رد مع اقتباس
قديم 05-12-2016, 06:32 AM
  #3
سديم الذكريات14
عضو نشيط جدا
تاريخ التسجيل: Aug 2014
المشاركات: 1,889
سديم الذكريات14 متصل الآن  
رد: طليقي يكلمني

اولا مايجوزكلامه معك بعد العدة يعتبر اجنبي ابتعدي عنه واذا يبغى يرجعك يعرف طريق اهلك
وبنتك ماتزورك وتشوفيها الله يفرج همك ويعوضك خيرا منه اذاجاك من ترضين دينه واخلاقه استخيري
__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه
رد مع اقتباس
قديم 05-12-2016, 08:08 AM
  #4
روان .
عضو مثالي
تاريخ التسجيل: Jul 2013
المشاركات: 2,134
روان . متصل الآن  
رد: طليقي يكلمني

يبي يعلقك باوهام واحلام
حتى يضيع عمرك وماتتزوجي بعده
انتبهي
انتبهي
انتبهي
لاتسمحي له ابدا يتلاعب بمشاعرك
لا تصدقيه
دام طلقك وعدتك خلصت وراح تزوج
يعني بايع
الرجال شاف حياته
ومستكثر عليك تشوفي حياتك مثله
انسيه تماما
وفكري بمستقبلك
ولا تطلبي يرجعك
هو اذا بيرجعك يعرف الأصول ويدل بيت اهلك

الله يرزقك الزوج الصالح اللي احسن منه
رد مع اقتباس
قديم 05-12-2016, 08:27 AM
  #5
بياض الديم
عضو نشيط جدا
 الصورة الرمزية بياض الديم
تاريخ التسجيل: Sep 2016
المشاركات: 286
بياض الديم غير متصل  
رد: طليقي يكلمني

نصيحة من أخت لا تتواصلي معه
سنتين يبيك تنتظريه عشان تزين أحواله وان شاء الله ما زانت .؟
لا وبعد اخذ البنت ويبي يربطك معه
شوفي نصيبك والله يحفظه يروح في حال سبيله
__________________
يا رب خاتمة حســنة ، وزلفى ، وحسن مآب ..
رد مع اقتباس
قديم 05-12-2016, 09:26 AM
  #6
أنا مسلمة
عضو دائم
تاريخ التسجيل: May 2008
المشاركات: 72
أنا مسلمة غير متصل  
رد: طليقي يكلمني

انتبهى يكون بيختبر عفافك و شرفك
لا تتكلمى معه ولا تعطيه مجال قولى له بيت أهلى مفتوح فى أى وقت تيجى حياك الله و أنا ما راح أرفضك لكن كلام و خرابيط لا
رد مع اقتباس
قديم 05-12-2016, 11:26 AM
  #7
البيلسان 27
موقوف
تاريخ التسجيل: Oct 2016
المشاركات: 312
البيلسان 27 غير متصل  
رد: طليقي يكلمني

انتبهي منه انتبهي
صار غير محرم لك لا يجوز التواصل معه في امور خاصه
رد مع اقتباس
قديم 05-12-2016, 03:20 PM
  #8
om omar78
عضو نشيط جدا
 الصورة الرمزية om omar78
تاريخ التسجيل: Apr 2016
المشاركات: 341
om omar78 متصل الآن  
رد: طليقي يكلمني

أفيقي أخيتي..اتبعي اوامر الله يرزقك الله...الرزق بيد رب العالمين..والزواج رزق..قال ربنا سبحانه ( ومن يتق الله يجعل له مخرجا ويرزقه من حيث لا يحتسب) فاتركي عنك الكلام المحرم واتجهي إلى الله وأكثري من الاستغفار...ساعتها امورك بتزين بحول الله وأحسني الظن بالله...ولا تحسني الظن بمن خذلك ومنع عنك فلذة كبدك...هداك الله
رد مع اقتباس
قديم 05-12-2016, 03:29 PM
  #9
ريماس 3
عضو مميز
تاريخ التسجيل: Apr 2011
المشاركات: 2,076
ريماس 3 غير متصل  
رد: طليقي يكلمني

لا تواصلين معه
و لاتثقين بوعوده ...

لو صادق وعنده ذمه وضمير مارسل لك رسايل حب وانت اجنبيه عنه


بعدين من جدك مصدقة ووعوده؟؟؟
تشوفينه ماعطاك بنتك وحارمك منها
لو يحبك من جد عطاك بنتك
ولو صادق ارتبط فيك ولا عليه من احد والرجل اذا حط براسه شي ماعليه من احد

فرضا صادق علشان ظروفه ..ليه تهرب وطلع اعذار مجرد ما ذكرتي له ملكه فقط بدون زواج؟

التعديل الأخير تم بواسطة حاتميه ; 05-12-2016 الساعة 04:49 PM
رد مع اقتباس
قديم 05-12-2016, 04:07 PM
  #10
ناسية44
عضو جديد
تاريخ التسجيل: May 2016
المشاركات: 37
ناسية44 غير متصل  
رد: طليقي يكلمني

كيف يتزوجك وانتي طليقته
الي اعرفه ان لازم تتزوجي واحد ثاني عشن ترجعي له ؟ ولا كيف ؟

عموما لا عاد تكلميه واذا جاكي واحد مناسب فهو خير وبركة اقبلي فيه واذا لا ف راح تشوفي صدق طليقك من عدمه .
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 09:49 AM.


images