السلام عليكم ورحمه الله وبركاته
كيف الجميع
اشتقت لكم

مدري كيف اوصل فكرتي وعموما انا اكره التعميم ووضع الرجال في فرقه والنساء في فرقه
لكن عموما انا لاحظت ان الرجال مختلفون عن النساء....ملاحظه عظيمه
في طبع اغبطه عند الرجال جدا
نسمع الرجال عصبيين وان المراه هي الي تسكت وتصبر
صحيح النساء صبورات لكن عجولات ومسكينات الي بقلبهم على لسانهم
الرجال لهم القدره على التطنيش و التجاهل
عادي الرجل يحط راسه وينام والبيت من ساعه قالب حريقه بسبب مشكله
والمراه ياعمري ماتنام الليل تاكل بقلبها وتضرب اخماس باسداس

ودي اصير رجل
يكون عندي مهاره التطنيش
مشكلتي صريحه عندي مشكله معك بصارحك
ماراح اضحك بوجهك ولا اعاملك عادي
واتوقع لو تزوجت بسوي نفس الشي
اذا زعلت من زوجي ماراح اسكت ليمن احل المشكله
وفي نظري هذا غلط
لازم الشخص يصبر ويطنش ويكبر راسه الى ان يهدى الجو
كيف الواحد يكون عنده القدره انه يطنش موضوع في باله وجدا مزعله
بدون مايحاوب يلفت الطرف الثاني ويسوي مشكله
وغصب طيب تحس فيني

مره بنت عمتي جتنا زعلانه وقالت ان زوجها قال لها كلام قوي جدا
ثاني يوم كانت عادي مع زوجها ولا كان شي صار
بصراحه ماشاءالله كيف كذا
لو انا الكرامه بتضرب عندي مليون وماراح اطوفها له بالساهل
مو لاني احب المشاكل لكن لاني فعلا شخص حساس وبتقعد السالفه ترقع وتاكل بقلبي ايام
كيف كذا عندهم ماشاءالله تبلد
ابي اصير كذا
عندي معك مشكله كبيره
لكن اطنش ولا ازعل ولا احاول ابين لك لاني ادري الحوار لايودي ولا يجيب
مو شرط الموضوع ينطبق على الزواج فقط
لكن في فكل الحياه
كيف ماتندفع برده الفعل وتبين كل اوراقك
كيف تكون شايل حيل على الي قدامك وتعامله عادي