السلام عليكم

بالرغم إني لما أفتح موضوع في العام يخص زوجي أحب أتكلم بشكل عام ماأحب أتكلم مباشره في الي يحصل لكن يبدو إني مضطره وابغى آراء الرجال أكثر

زوجي له فتره جنني بمدح المشهورات من ممثلات أو مقدمات ويستفزني بمدحهم حتى في بعض الاماكن الحساسه في أجسادهم

المهم امس مدح وحده وهي جد البنت مزه قال تصدقين إنها أجمل منك قلت أعترف إني حلوه وانها أحلى مني أرتحت ورجع للموال ولما وصلت معاي قلت له تصدق بعد ماشفتك تتابع الجميلات جاني شعور أتابع الحلوين من الرجال والحمدلله حفظت كم أسم إذا طفشت تفرجت عليهم وتأملتهم

في نقطه أحب أذكرها قبل ماأكمل السالفه إنه زوجي مايغااااااااااار غيرته تحت العاديه فكلامي ماهزه ضحك (قال الله يهنيك )😓
قلت في نفسي لازم أزود العيار شوي

(قلت له بس أنتبه ترى ماوصلت لدرجة إني أطالعهم بشهوه فأنتبه لنفسك كما تدين تدان اذا انت تطالع البنات بشهوه ممكن ربي يبتليك وأكون مثلك ..)

بصراحه أول مره أشوف زوجي يزعل كذا والله فرحت أخيراً غار وحس
زعل وقال آخر حاجه كنت أتوقعها منك إنك تقولي كذا وبعدين شكلك صادقه تتابعين وانا والله كذابه

ومن الفرحه إني أخيرا استفزيته سكت وعشت الدور
واعطاني ظهره ونام هذا الكلام البارح

صحينا الصباح اليوم اكلمه مايرد 😸وانا فرحانه اني حطيته في موقفي
وبعد الفطور قال هات جوالك قلت شوفه في الغرفه طق طق عليه حتى تشبع وانا ماامسح الاشياء الي أبحث عنها
مادري اذا هو فتش جوالي 😬
بعد الظهر رجع عادي لكن واضح يبغاني أتكلم وانفي كلامي والى الان ماانفيت عن نفسي التهمه

سؤالي أولاً ؛ ايش الي زعله بالضبط
والثاني :هل أستمر واخليه يصدق الموضوع والشي الحلو إنه اليوم ماتابع الجميلات 😬

وفي موضوع جاء في بالي دحين ممكن هو سبب أنا أحب زوجي يكون مهتم بجسمه وزوجي له سنه مررره كسول وياكل كثير حتى سمن وطالع له كرش وأنا أيام نفاسي بولدي حرمت نفسي أكل أمي عشان مااسمن وبعد النفاس عزموني أخواتي في مطعم وقالي وقتها بالله لاتاكلي انتي بعد النفاس تسمني لو ماانتبهتي لنفسك واختي زعلت وامي زعلت برضه لاني ماكنت اكل اكلها الدسم ونقصني فيتامينات عشان يظل جسمي حلو زيه
فجأه هو يسمن ويكرش ويبغاني أسكت تكلمت يغير نفسه مافي فايده حتى ملابسه ضاقت وجلست فتره مااسوي غدا اسوي سلطات وأكل للصغار وسار ياكل عند أمه آخر شي استسلمت وتركته
الشاهد هنا إنه اليوم دق علي قال لاتسوي غدا فربطت كلامي الي البارح بسالفة الرجيم مااعرف لها دخل ولالا وسوى رياضه اليوم.
.يعني هل فعلاً كلامي أثر فيه ؟
ولو أنفيت اني فعلاً أتابع رجال حلوين هل بيرجع زي قبل يستفزني مع العلم انه زوجي ماينفع معاه اذا تمادى الا المعامله بالمثل ...

أخيراً الي بتجي تقول الرجال مايعيبه جسمه احب اقولها هذاك زمان لما كان الرجل بصحته وعيونه مايملاها الا حريمه واعرف زوجي لو تخن أكثر بيأثر تخنه ع حياتنا ...
ومو خطأ إني أتمنى يكون زوجي بجسم رشيق

معليش السالفه كانت أمس مو اليوم

وعليكم السلام ورحمة الله وبركاته..

متفائلة عزيزتي بصراحة صدمني ردك على زوجك حتى لو لم تكوني تتابعي أحد فماذا جنيت من هذا التصرف؟!!

فمن الأولى أن تغضي بصره عن هذه الأمور..

ولا تفتحي معاه الآن نقاش الرياضة انتبهي الوقت غير ملائم كي لا يقلب الطاولة بصدق عليك..

كوني أكثر حكمة كما تعودت منك..

وفقك الله.

مشكوره ع إطرائك لي أختي المنسيه كيف أغض بصره عزيزتي اذا قصدك الامور الي نعرفها شياكه ولبس صدقيني أنا أعشق الجمال وهو يبغى يحطمني إنه في الافضل والاجمل مااعرف ممكن تحليلي غلط لكن صدقيني انا مااهمل نفسي أبداً من هذي الناحيه مو لزوجي لنفسي قبل كل شي

وبعدين هو ضغطني فوق ماانا مضغوطه
وانا ع وشك اختبارات عشان كذا حبيت أحطه في مكاني

هو عنده شك إني أستفزه ويبغاني أجيه أثبت له إني كذبت عليه
وموضوع جسمه ولا أفكر أفاتحه
لاني بذلت جهدي قبل بدون نتيجه

اكرر شكري لك المنسيه وصدقيني حكمت عقلي شهور حتى نفذت الحكمه

مرحبا عزيزتي مرة أخرى..

أعلم جيدا بإنك تعتنين بنفسك، مهما فعل زوجك من تلك التصرفات

لا تسمحي له أن يحطمك ويفقد ثقتك بنفسك، فلهذا لا تستفزيه بتلك الطريقة بل بطريقة أخرى

سأشرح لك عالخاص..

المهم لا تلتفتي لنا يقوله عن المشهورات فحين يمدح أنت قومي افعلي شيء غير متابعته حينها سيقف عن هذا الأسلوب عندما تطنشيه..

والله يوفقك في اختباراتك.

فردك بالمثل يزيده ولا يقلل من مشاهدته حتى لو غار في البداية.

مشكوره أختي أنتظر ردك ع الخاص ❤️

حياك اخوي الرسمي
تتوقع إنه ماتكلمت معاه قبل انه يترك الامور هذي
كنت اقله ع الاقل تفرج مع نفسك بس سيبني في حالي لا تقارني فيهم ولا اقلك قارن بس خلك ساكت

اعرف كلامي كان قوي ومو حلو من المرأه
لكن زوجي مو راضي يتعدل
وبعدين برأيك بعد ماخرج مني الكلام هل أتركه كم يوم يتعلم الدرس
ولا من بكره أعترف له

ماادري بصراحه تمنيت انك تقول هذا جزاءه
دامه تمادى لهدرجه
أخويه أيدني يس قال لا تعوديها

انتي مسكتي طرف الخيط....اول ماكان يحس ببشاعة تصرفه ،،ولايحس بالجرح اللي تحسين فيه لحتى ذاق نفس الكاس...كل مامدح وحده امدحي واحد لحد مايصير شوي شوييداري عليك ويداري على نفسه من الرده العكسيه لكلامه...فيه ناس كثير بيدعون المثاليه ويقولون غلط ومدري ايش ...دام شفتي فايده ماعليكي من احد،،،ولو الايام الجايه لمحتي له انك تبغينه يشترك بنادي ويكون جسمه رياضي وجذاب بعد يكون افضل ..تحفزينه للرياضه..وتحسسينه انك انثى ولك طلباتك زيك زي الرجل بالضبط