المشاركة الأصلية كتبت بواسطة طنش تعش 2016

السلام عليكم
انقطعت فترة عن المنتدى لظروف الزواج
طبعا ممكن بعض يذكرني كنت انزل مشاكلي بقسم المقبلين على الزواج
تم زواجي قبل شهر لكن ماتهنيت بالزواج ولا ذقت طعم الهنا والسعادة
زوجتي اول الايام كانت ترتعد وخايفة من الدخلة وكانت تتشنج لاقربت لها
المهم كنت اوديها لاهلها واذا هدت اخذتها
بعد وقت تمت الدخلة طبعا طول هالوقت لاتكلمني ولا تسال عني ولا اي شي
تمت الدخلة لكن زوجتي مهي طبيعية ؟! تتهرب مني البنت مو طايقتني ولا تداني شوفي
نطلع مطاعم اسواق سكوت سكوت
اكلمها ترد من طرف خشمها صبرت عليها لكن مافي فايدة كلمتها مافي فايدة
والله ادلعها واضمها وانومها بحظني لكن تتهرب وتافف
صار بينا خلاف كاي زوجين مشكلة بسيطة وتافهه جدا
طلبت من موقع نمشي ملابس ب 2800 ريال قلت لها ياحبيبتي ماعندي انا وليه مابلغتيني
قالت مو مشكلة ابيع ذهبي وادفع لنفسي
قلت مو انا الرجال الي مرته تبيع ذهبها عشان كم قطعه ---
زعلت علي وديتها بيت اهلها بعد يومين جيت اراضيها رفضت ترجع معي
كلمت ابوها وغصبها تركب معي وصلنا البيت دخلت احاول اقرب لها بضمه وامسح على شعرها تدفني قلت وش فيك يافلانه ماترد ماترد قلت زعلانه عشان كسرت كلمتك ؟
قالت لي تخسي انا لا اراديا ضربتها كف على وجها نرفزتني تهاوشنا وتصارخ علي انت ماعندك كرامة وانت تدري اني مابيك انا ماحبك مااطيقك -- انا من قو الصدمة والكلام الي نزل علي مثل الصاعقة يالله مسكت الباب وجلست قلت لها لمي عفشك وانقلعي بيت اهلك
طبعا ماصار لنا نص ساعه من رجعتها لبيت اهلها صارت المشكلة والتلفظ ضربتها ورجعتها بيت اهلها ثاني مره
طلقتها طلقة وحدة
وبعد يومين وتجي امها وابوها رجعها ومدري ايش وتكفى وطيش
رجعتها لذمتي لكن تغيرت عليها ماعاد اطيقها ولانكلم بعض باليوم واليومين علاقة رسمية حتى على السرير مثل الجثة وكرهت الفراش ولا اقرب لها ابد
صار خلاف بينها وبين امي وامي طردتها برا البيت
بعد فترة رجعت للبيت لكن ماطولت جلست اسبوع وسوت علي فلم اكشن وامها معها امها كلمتني قالت جب فلانه سالتها ليه ياعمتي خير فيه شي قالت لا مسيار وابيها بموضوع خاص
قلت ابشري
وديت زوجتي لاهلها ورحت خلصت كذا شغلة رجعت بيت اهل زوجتي كلمت زوجتي انزلي تحت انا عند الباب قالت لا وين ؟ ماقريت رسالة السناب شات وانا مافتحت جوالي اساسا
فتحت الجوال ومرسلة رسالة عرضية طويلة تبي بيت لحالها وكلام طويل عريض
انا من اول متفق مع ابوها فترة موقته ببيت اهلي بعدين نطلع بيتنا انا قاعد ابني بيت وراتبي ضعيف خصوصا بعد ماراحت البدلات والعلاوات
انا ماعندي قدرة استاجر راتبي يالله يكفيني
طبعا هي كانت ترجع معي عشان امها ولا البيت مهي طايقتي ولاتحبني
المصيبة اخذت حسابها بالتويتر وطلعت حقت بنات اعجاب ومااعجاب تبي البنات يحبونها
صعقت مدري وش اسوي ؟
انا الي قاهرني انا حبيتها من كل قلبي واخلصت بحبي لها
ملكتي كانت سنه ونص وكنت احلم احلام وردية هههههه حظن دافي وزوجة تهتم فيني كله تبخر
ومالي شهر ونص متزوج فقط
عمري 24 وهي 21
والان مدري وش اسوي ؟؟؟
المشكلة لاطلقتها ولا خليتها خسران بكل الحالتين
دافع 138 الف على زواجي بتروح هواء
تعبان جدا ونفسيتي مدمورة حسبي الله ونعم الوكيل
انتظر ردودكم
وادعولي ينصلح حالي ):