02-01-2006, 01:13 PM
02-01-2006, 06:33 PM
02-01-2006, 07:16 PM
02-01-2006, 09:00 PM
| ولكن ذلك يحتاج إلى شخصية أقوى من شخصيته ، تكون حجتها قوية وحاضرة، وهذه الشخصية لا تتوفر غالبا إلا لدى الرجال، وهنا مربط الفرس ، فمن من الرجال ترينه ليؤدي هذا الدور؟ أحد أخوتك؟ أم والدك؟ أم عمك؟ أم خالك؟أو أي ولي لك؟يجب أن يتدخل أحد هؤلاء أو بعضهم لإيقافه عند حده، ليعرف أن لك أهل تلجأين إليهم ، فتنكسر شوكته ويلين شيئا فشيئا ليس رحمة وشفقة عليك ولكن خوفا منك ومن من هم وراءك. |
02-01-2006, 09:43 PM
|
المشاركة الأصلية كتبت بواسطة sahar99
السلام عليكم ورحمة الله وبركاته
كيفكم اخواني واخواتي بصراحه هذة اول مشاركة لي بالمنتدى واذا تبون الصدق عمري ماتخيلت نفسي اكتب مشكله لي ولكن والله ماعملت كذا الا بعد مانسدت بوجهي كل الطرق واخترتكم انتم بالذات لثقتي فيكم وحلولكم واحساسكم بمشاعر بعض وسامحوني على بساطة الاسلوب او عدم قدرتي على صياغه مشكلتي باسلوب صحيح مشكلتي اعزائي هي قسوة زوجي الغير مبررة والدائمه يعني مو اوقات واوقات لا طبعه كذا اانا صار لي متزوجه خمس سنوات يعني مو شهر او شهرين من اول يوم تزوجته فيه كان بعيد كل البعد عن الحنان مثلا بيوم زواجنا بدل مايقول لي اي كلمه حلوة قال اجلسي وبدا يقوللي كل الاشياء الممنوعه ومر اول اسبوع على هالحال وثاني اسبوع وانا بعدني مو حاسه اني عروس لكن كنت ابتسم بادخلي واقول كل هذا بيتغير ولا وين قدراتي كزوجه وانثى يطلع من البيت مايقول مع السلامه او انا بطلع لما اساله يقول مو شغلك يرجع مايسلم ولا وش اخباركم ولا كاني موجودة بالبيت حملت اول حمل لي وتعبت جدا كنت ابي صدر حنون ابي حد يقوللي سلامتك حبيتي لكن اذا اشتكيتله تعبي يقول انتي تتعبين انتي لو كان ببطنك عشرة اطفال مايأثر فيك وهو كان يعرف زين اني تعبانه لانه كان يسمع كلام الاطباء باذانه بالاخير رحت عند اهلي كنت محتاجه لاحد يراعيني بهالفترة الصعبه ظليت شهرين عند اهلي ولا اتصال ولا سؤال ولما ولدت اتصل علي كنت انتظر كلمة حمدلله على سلامتك حبيبتي لكن كل اللي قاله (شفتي هذا انتي ولدتي وماصار فيك شي) انتظرته يجي يزورني او يزور طفله اللي جا لكن مافي امل بعد اسبوعين سمع ان اهله جو عندي وجا معاهم كنت محطمه بكل معني الكلمه رجعتله بعد الولادة وبدت رحله الامل عندي باصلاحه تتجدد قلت يمكن هو ماعاش الا بهالجواء قبل الزواج ومايعرف الا كذا لاني لاحظت ان معامله ابوة حق امه قاسيه جدا صار يجي من برا مو لازم يسلم او يعطيني وجه انا ارحب فيه واخليه يجلس واسلوف معاة كان دائما لما يشوفني جلست معاه على طول يعطيني ظهرة وانا اقول ماعليه اصبري اكيد راح يتغير عملتله حفلات كثيرة بمناسبه او من غير مناسبه ابي هالرومانسيه تدخل هالبيت لكن مافي امل حاولت اهديه هدايا كثيرة لعل وعسى يحس فيني ويقول بيوم من الايام يقول هالانسانه تستاهل ولو كلمة حلوة لكن مافي امل واكثر شي يحز بنفسي اني لمى امرض او اطيح بالفراش تعبانه يزعل ويصير يخانق بالرايحه والجايه لاني قصرت بحقوق البيت من تنظيف او طبخ ومن سابع المستحيلات اسمع كلمة سلامتك او محتاجه طبيب الشهر اللي طاف تعبت تعب شديد طيحني بالفراش خمس ايام والله والله يااخوتي الاعزاء ماجاء ولا يوم وقال شلونك اليوم او محتاجه شي او انتي صار لك ايام ماتاكلين شي تبين على الاقل كوب ماي والله مااقترب من الغرفه الا وقت النوم عشان ينام ويطلع فانا في ذلك الوقت في نظرة مو الانسانه المريضه اللي محتاجه رعايه لا لكن الانسانه المقصرة في حقوق بيتها واللي ماتستحق الا الاهمال حاولت استغل فرصه لما يكون مريض كنت احطة بعيوني واسهر طوال الليل جنبه واجيب له الاكل لعندة بالسرير حتى لو كان مرض خفيف على امل انه يعاملني بالمثل لكن بدون فائدة جلست معه بجلسه مصارحه وقلت انت ليه تعاملني بهالطريقه ومانالني غير الشتم وانه انا كذا عاجبك ولا مو عاجبك اشتريت الكتب واهديته اشرطه الكاست حول معامله الزوجه ولكن لا امل نحن اسرة لها خمس سنوات في الوجود والله لايوجد اي نوع من الحوار في المنزل فانا لا اسمع صوت زوجي في المنزل الا اذا كان يكلم الهاتف واذا حاولت ان افتح طرق للحوار فانه يغلقها لااعرف اي شي عن حياة زوجي او اخبارة الا من الاخرين مافي خروج من البيت للتنزة او لتغيير الجو طبعا هو يطلع ويغير جو لكن انا ممنوع قبل شهرين اخذ اجازة شهر كامل وماعرفت الا بعد اسبوعين من زوجه صديقه وكنت اساله كل يوم ليه ماتروح الشغل يقول مو شغلك لما عرفت ان عندة اجازة قلتله ليه ماتقوللي عشان اعملك جو غير بمناسبه الاجازة واخليها لك احلى ايام وانا بصراحه من داخلي كان زي النار لكن نفسي اعرف ليه رد بمنتهى البرود واقوللك عن الاجازة بصفتك ايش ؟لاتنسي انتي زوجتي وبس؟ وكل حياتنا على هالمنوال اعيش في بيتي وحيدة فلا صديق ولا رفيق وانا في الغربه اصبحت اشعر اني اعاني من اكتئاب فانا اصبحت دائمه البكاء بدون اسباب محددة ولما اطلع مع الناس ماعاد اقدر احكي مثل اول او استانس كله ساكته او افكر ومااحب اشتكي زوجي لاي انسانه حتى صديقاتي اهملت نفسي لدرجه ان وحدة شفتها وصار لي سنه ماشفتها وماسلمت علي على طول وبعدين جات وقالت السموحة انتي فلانه قلت: ايه شفيك نسيتيني . قالت لا لكن والله ماعرفتك متغيرة شفيك مريضه لمهم اني بالاسابيع الجايه راح اروح عند اهلي ولاتسالوني متى لاني انا نفسي مااعرف متى لان زوجي الله يهديه يقول مو لازم تعرفين متى بنسافر يوم الرحله راح اقولك انا افكر بجديه ماارجع لهالانسان لاني تعبت جدا كل اللي عندي من قدرات وحلول بشريه اسنفذتها ومافي امل انا خايفه اخسر نفسي لان كل شي فيني تغير انا ماقدرت اكسب هالزوج لكن ماابي اخسر نفسي كانسانه لها مشاعر واحاسيس هل تعتقدون معاي حق اني اطلب الطلاق او لا |
03-01-2006, 11:13 PM
04-01-2006, 01:21 AM
04-01-2006, 06:30 AM
04-01-2006, 09:46 AM
04-01-2006, 10:19 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
