لا تصيرين نكديه
ازعلي اذا سحب وما سفرك
كذا بتخلينه يحقد عليك

الحين هو مسافر منحاش مني لاني نكديه
والا مسافر عشان ينبسط وبس
ترى تفرق الحالتين عن بعض
الثانيه ارحم من الاولى بكثيييير

الرجال اللي يبررون له
ترى انا بعد انسانه ودي اغير جو
والود ودي اتركه هو والعيال
واسافر مع صديقاتي والا خواتي بدون مسؤوليات
ولا حنه ورنه وصراخ وبكاء وبامبرز ودوشه
لكني حارمه نفسي من هالامور لانه صرت زوجه
بينما الرجال يبون يعيشون حلاوه الزواج
وحلاوه العزوبيه.. مايخلون بخاطرهم شي

هذا مو موضوعي
انا مقتنعه ان تصرف زوجي غلط
ومتردده كيف اواجه هذا الغلط


كوين قلبي قلت له بجلس ببيتي
ورفض
لان اهلي بنفس المدينه
وانا بعد خفت اتوهق لحالي

فكرت بكلامك
انو اسوي اللي قلتي

بس خايفه قبولي لسفرته
يعني اني مقتنعه انها حقه
وعادي يسافر كل عيد مع اصحابه
وافتح لي باب مايتسكر
اخاف يفهم سكوتي انه تسليم
وانه من حقك يا حياتي

انا زوجي مسافر ولا افكر ادق عليه او استقبله ..

هو اللي رايح ومستمتع وفالها
الله لا يهينه المفروض اذا جاء يستقبلني احسن استقبال دام نفسيته انبسطت ..

افكر ما ارجع بيتي الا بعد يومين من رجعته
مو شرط اول ما يجي يمر ياخذ الغرض
اللي هو انا والعيال
واحضر له اغراض الدوام
زي الشغاله اللي رجع كفيلها من السفر

صح كلامك
بس الرجال عليهم افكار غريبه
ولاحظي الردود بموضوعي هنا
نفس نوعيه زوجي
الله يأجرنا

في غلطة كبيره ارتكبتها امس
صور لي فيديو بوسه سناب
صورت له نفس الفيديو سناب

بعدين احتقرت نفسي
حسيته ضحك علي
وانا خبله رجعت عطيته بوسه
ابوسه على ايش ياحسره
هو متسدح برا
وانا ملخومه مع بزارينه


اعترف لكم ماعرفت اثقل عليه وهو مسافر
بس افكر هاليومين ما اكلمه ابد ابد

علاقتكم متوترة مو بصالحك التصعيد
بس ارجعي ولا تفرحي ولا تزعلي سوي زي ماقالت كوين
ماظن فيه طريقة تضمن عدم سفره مرة ثانية
اذا حاول السفر مره اخرى عاد وقتها دوري حل للموضوع
انتي من كثر ماتقولي بيسافر بيسافر حسيته بيقعد شهر طلع اسبوع
وبعدين اسلوبك الولد تعبان وهو يتصرمح ومخليه ومدري ايه يعني فيه خنقة بالمسؤلية هو قايم فيهم بوجوده ومهي مشكلة لو وداه خاله في غيابه

بعض الأحيان كثرة الكتابة في المنتديات لكل مشكلة في حياتنا لها أثر سلبي كبير على توجهات الشخص وقراراته

ولابد أن الشخص يعتمد على نفسه في حل مشاكله بالطريقة التي يراها مناسبة ويتحمل تبعات أفعاله .. لأن هذا يقويه ويكسبه خبره

البعض قد يقول أنه أستفاد من آراء الناس وتغيرت حياته .. ولكنه في الحقيقة هو قد يعتبر عبارة عن حقل تجارب لعقول الناس

والله أعلم

لا بالعكس تصرفك صح ..
اذا سوا لك تصرف ايجابي رديه له ..لكن ما احبذ تكون المبادرة منك