ايوه الله يسعدك..

ودنا نحن كمان نهج ونخلي الأولاد ونطلع ونتفسح لا صراخ لا عياط... لكن؟ قلتيها،، نحن صرنا زوجااات وامهاااات وهذي مسؤوليتنا غصبا عنا!

والعناد ماراح يغير هالحقيقة ماراح تخليهم لابوهم ولا لاهلك ولا راح تتفسحي مع صحباتك شووووو ما عملتي..

الرجل رجل..كذا تكوينهم وتربيتهم.. يعني ما بتزعلي على زوجك لما تطلعو سفرة والاولاد يصارخو ويبكو وتغيير ويشيلهم و و و .. والله السفرة بتصير مالها طعم..

شوفي انا فاهماك كتير لان شخصيتي تشبهك نوعا ما.. انا ما كنت احب الاطفال وماكان بدي اجيبهم من الاساس وكان عندي احلام ودراسه وانا بنت وحيدة وسط 4 اخوان يعني مالي بسوالف الحريم....

لكن بضغط من زوجي انجبت لانه واعدني يساعدني وحياتنا ماراح تتغير و و و انجبت ولقيت نفسي مثل كل هالزوجات اصبحت فجأة ام وانا عندي 20 سنة نفسي تتوق للطلعات والسفرات والصحبات و الونااااسة عقلي مو مستوعب الحياة الجديدة لكن الحمد لله تأقلمت مع الوضع الجديد وعرفت انو هاي مسؤوليتي.. ماهمني اذا هو تملص من المسؤوليات .. اساسا انا بالبيت ومتحملة الجزئ الاكبر سواء ظل معي او لا.. فانا فخورة بنفسي لاني قمت بالواجب تجاه العيال رغم احلامي المختلفة تماما.. لو سايرته وعملت زيو ايش بيتغير؟؟

لا تفكري اننا ننصحك بالخضوع والسكوت او اننا نسوان من غير عقول او الجيل القديم..

ننصحك بلي راح يفيدك في حياتك انتي وزوجك..

الحياة ما تمشي بالعناد وهذا حقي وهذا واجبك لا لا..

اعطيك مثال.. انتي على رجولك واشارة المرور خضراء.. وجاية سيارة واشارة الامور عندها حمراء..
السيارة ما خففت السرعة ( هي غلطانة).. وانتي عندك الاشارة خضراء وقمتي عبرتي الطريق رغم انك شايفة السيارة جاية ( انتي مصرة على حقك)..

عبرتي الطريق وصار حادث لا قدر الله وصار عندك اعاقة او اصابات...

طيب مين على حق؟ ومين الغلطان بالسالفة؟ ماراح نختلف

لكن ماذا استفدتي من اثبات الحق والعناد..

خذي هذا المثال للتعامل مع زوجك..

انتي مش بمعركة وزوجك فيه خيييير لكن يفرق معاه الأسلووووب..

وشخصيتك القوية الوجيهة المختلفة عن النساء الاخريات حلوة بنظر زوجك.. لكن يبغاك تطلعيها مع الاخرين.. لكن معاه خلي الانوثة تطغى

كويس حس فيك وعطاك بوسة
معناة حتى وهو مسافر بيفكر فيكم
والله في ازواج اذا سافرو ينسون ان عندهم زوجه اصلاً

وبما انك واثقة فية وسفرتة مافيها خيانة لك
لاتزعلين ولا تشيلي بخاطرك

__________________

الله اكبر !

المشكلة مو قادرة تستوعبي ان زوجك راح يعيش ويسافر ويعمل الي براسو حبيتي او كرهتي. فيه خاسر واحد هو انتي.. واحتمال زوجك يتزوج ثانية او يتزوج مسيار ويحقق الكل بالكل..

مفكرة حالك راح تمنعيه بالغصب والله امه وابوه ما يقدرو عليه..

شايف اغلب الردود غلط تنصحوها تتحمل وكل شي عشان ماتنكد على زوجها وهو طبعا ولا شي كل شي جاهز قدّامه يسافر ويستانس بينما لو حطت كل وحده مكانها زوجها سافر وهي في البيت راح تزعل اكيد حتى لو مابين عليها تاخذ في خاطرها راجعت بعض مواضيعك زوجك يدور على الزله كنه مثل الطفل على كل شي يزعل ويصيح ويبغونك الاعضاء تمشين له كل شي عشان ماتصيري نكديه ههههه حتى لو تزوج عليك قالو لك انبسطي افرحي عشان لاتنكدين عليه صراحه اشوف زوجك غلط في سفرته مفروض يسفرك انتي أولى من اصحابه ايام مراهقه غير متزوج يسافر براحته اما المحين متزوج وراه مسووليه واطفال وبيت لازم يتحملها مو يتهرب ويسافر اشوف افضل انك لما يرجع حاولي تطنشيه بس اذا سئلك جاوبي قد السوال لاتطولين كلام معه لازم يحس انه له حق عليك يسفرك مثل هو يستانس زوجك مثل الطفل تقعدين تدارين فيه تمشين عليه عشان ماتصيري نكديه لين متى ??

__________________
لاتأسفن على غدر الزمان لطالما رقصت على جثث الأسود كلاااااب
ولا تحسبن برقصها تعلو على اسيادها ولاكن تبقى الأسود اسود والكلاب كلاب

كم احترمك أخي الرسمي الله يحفظك ويحفظ عائلتك الكريمة وين ماكنت.. كل عام وأنت بخير..

كنافة أختي حياتك صارت عرض للآخرين تذكريني ببرنامج كان يعرض

عزيزتي لازم تكوني اشوية خصوصية مش كل يوم موضوع منزلة حتى لو كان المنتدى مخصص للمشاكل د

وأنت إنسانه من النوع اللي تتشرب الردود التي تؤيدها وتبدئي تلغبي دور الضحية تحبين هذا الدور جدا عزيزتي..

فلتكن لحياتك خصوصية فلا تسمحي لأحد أن يسترق الباب الذي بينكما..

موفقة.

طيب لي ماتطلبي اهلك يسفروكم خمس ايام يعني يرجع زوجك وانتي مسافره مو حقد لكن يحس شوي

ما أعرف إذا كلامي بيعجبك أو لا
لكن سفرة بالسنة عادي وسعي صدرك
اللي يشوف طريقة كتابتك يعتقد إنه كل شهر يسافر
ياقلبي أنت شئنا أم أبينا فيه فرق بين تكوين الرجل والمرأة
الرجل طبيعته حياته برا البيت ، يسعى ويحضر مجالس الرجال ويبيع ويشري
والمرأة قال لها الله تعالى (وقرن في بيوتكن) هل يأمر الله بشيء يخالف فطرة حواء؟

أنا معك ودنا نسافر ونطلع لكن مانوصل مواصيل الرجال
مين الزوجة اللي ماقد سافر زوجها بدونها؟ والله كلهم يسافرون وزوجي إذا قال لي بيروح بما إني واثقة فيه وبأصحابه والله إني أفرح
أحصل إجازه من شغل البيت واتسدح في بيت أهلي مع خواتي محفولة مكفولة وفلوسه أتهنى فيها مطاعم وغيره

وعيالكم مالك منّه إنك تقابلينهم ترا عيالك وش فيك عياله وعياله
كلنا عيالنا بحلوقنا ولو طلعنا بدونهم تلقين كل شوي متصلين عليهم أكلتوا شربتوا نمتوا ؟
كذا انخلقنا ياكنافة
ما انخلقنا رجال وأمرنا بتصرفات الحريم
انخلقنا حريم نعرف نستمتع بحياتنا بطريقة غيرهم


كأنك زوج زوجته موظفه وحاسدها لأنه هو اللي يصرف على العيال وكل ماقام وقعد قال راحت فلوسي على عيالها وطار راتبي على البيت

والله حاسه بقهرك لكن مو على سفرة بالسنة أنت مبالغة شوي
اقترح اذا بتبردين خاطرك وما اشتقتي له احجزوا شاليه مع أهلك ثلاث أيام وإذا جاء تكونون هناك، واذا رجعتي خلاص صافي يالبن

وإذا على التكرار مافي فعل يضمن لك مايكررها
لو أظهرتي قهرك ممكن يتحمس يعيدها في وقت المشاكل لأنه بيحصل راحه وقهر لك
ولو استقبلتيه استقبال حلو ماراح تصبرين وبتخربينها

اقترح عليك تستقبلينه بما يرضي الله لوجه الله قولي هذي يارب عشانك.. وربي بيعوضك دنيا أو آخرة

انا مدري ليش اذا ازواجكم سافرو بدونكم سويتوها سالفة وكأنهم مسويين مصيبة ..

ياااحبكم للنكد ..

والغريب ان حياتكم كلها مشاكل في مشاكل .. يعني غيابه المفروض يكون افضل من وجوده .. بس انتو تحبون عوار الراس وماترتاحون الا لما تتقابلون وروسكم بروس بعض ..

انا لما اوصل لهالمرحلة من المشاكل اقول لزوجي ماتبي تسافر ونرتاح شوي؟