انا ما انتقدته ولا حاسبته
هو جلس يستفزني ولا عطيته اللي بصدري
قام ألف كلام من راسه

احس استضعفني لاني بينت مالي حول ولاقوه
يسافر يرجع ينكد ماعاد يفرق معه شي

الحين كل السب والاتهامات اللي كتبتها بالموضوع
والله مارديت عليها بغلطه وحده
وهذا قهره
وخلاه كل شوي يقول تتصنعي الطيبه والاخلاق

طيب كيف ابين له ان كلامه جرحني؟
ياليت تعطيني نصيحتك كرجل

سموره قلبي
هذا بالضبببط اللي عملته لما قال بكرا سفرتي
ناظرته بانكسار وقلت الله يهنيك ويرجعك بالسلامه

وشوفي كيف جازاني
اتهمني اني اتصنع الطيبه والوجه البريء وكلام اهبل

كنت ابغى احسسه برجولته
وانه لك الكلمه الاولى والاخيره
مع ذلك قلبها على راسي

انتم يمكن حد عامل لكم سحر والعياذ بالله ..
كل بيت في مشاكل .. هذا شي طبيعي .. بس مب كل دقيقه .. والاغرب انكم الى الان مستمرين ..
اتوقع انكم ماخذين الموضوع عناد ..
هو كان يدري انك زعلانه من سفرته .. فلما رجع عمل روحه هو اللي زعلان عشان يتفادى النكد ..
طبعا ما ادري شو مبرراته .. اتمنى انك ما تكوني نكديه لذلك يحاول يتهرب منك حتى ما يتصادم وياج بنقاش حاد بلا فائده ..
استمراريتكم رغم كثرة المشاكل دليل على انكم تحبون بعض وما عندكم استعداد تخسرون بعض .. بس مشكلتكم ما تبون تحلون مشاكلكم .. بتقضونها زعل كم يوم ثم تردون تتمشكلون مره ثانيه والمشاكل تتراكم ولا تحل ..
ضروري تطلعين انتي وياه لحالكم خارج البيت في جو هادي وتضعون النقاط على الحروف ..
انا قبل اكتب خذيت لفه ع مواضيعج وشفت ان اغلبها فضفضه وما استفدتي من نصايح الاعضاء .. وتختمين الموضوع بــ قفلوا الموضوع خلاص .. !! ومطبقه ها الشي مع زوجك .. خلاص قفل الموضوع وخل نبدا مشكله جديده ..
واعتقد انك المتضرر الاكبر لانه زوجك متى ما طفش راح يطلع مع اصدقائه وانتي بتمين تاكلين بنفسك وما درى ولا سال عنك ..
بعدين هو يقول عنك كذابه وانتي تتحسبين عليه وتدعين عليه ومادري شو .. هالكلام ما راح يحل لكم مشكله ..
ولا تعصبين من الاعضاء اللي يلقون اللوم عليج .. تراهم يبون مصلحتج .. وانتي حلقة الوصل الوحيده بينكم .. زوجك مب موجود معنا عشان نقدر نكلمه ونفهم منه .. نحن نسمع من طرف واحد .. اللي هو انتي ..
ربي يصلح حالكم ..
حطوا في بالكم ان الحياه حلوه وبنفس الوقت قصيره .. لا تضيعونها بالزعل .. الدنيا ما تسوى ..

طيب هل يكون ردج علي كلماته القاسيه بدلع وغنج
وانج ماتتحملين الصوت العالي وكثرة المشاجرات وقلبج الصغير مايتحمل
تقولينها بتغنج ودلع هل جربتي هالشيء

ايضا زوجج مشتاق لج بس مو عارف وشلون يقول
وواضح انه ماعنده ثقه بنفسه والدليل مو واثق من طيبتج وجالس يتهمج انج تمثلين الطيبه
لانه هو مو واثق من نفسه

علاجه تغنج وتدلعي عليه لاتبادلينه الصراخ والمشاجره << بتقولين ليش ماابادله
نعم على اساس انج رقيقه وقلبج مايتحمل
ايضا امدحيه حتى لو بالكذب اهم شيء ارفعي من معنوياته وشوفي اتوقع تجيب نتيجه





ـ

__________________

عين ممكن.. سحر ما اعتقد
واذا عالسفر بأول سنتين سافرت معه باريس ولندن وإسطنبول
والحين لي فوق السنتين ماشفت الطياره
مع ذلك ساكته واتغاضى وابي المركب يمشي وخلاص
وهو معتبرني عدوة وغصب يكسر راسي
انا أخاف بكرا يروح يتزوج علي لنفس السبب

ياما طلعنا وياما تناقشنا وياما فتحنا صفحات جديدة
اكثر شي يقهرني وقت المشكله الجديدة يفتح مشاكل قديمه
واذا عاتبته بروقان وأقول لا تحقد علي
يقول مو قصة حقد بس ابغى استفزك
وهكذا ندور بنفس الحلقة
كل شيء اقدمه له مايعجبه والا يشكك فيه
والا يستكثره على نفسه

وانا قايله بالمنتدى من فتره بعد العيد بفكر مستقلبي
وبشتري راحة راسي وابتحاشاه وابدور وظيفة
وبشغل نفسي عنه وعن مشاكله
لقيته راجع لي بكل هالشر

والله ماعمري تضايقت من كلام الأعضاء
بالعكس اخذه بعين الاعتبار وانفذ كثير منه
ولو تلاحظ ردود فعلي تجاه عصبيته تغيرت تماماااا
اول صراحة كنت ارادد.. الحين قصيت لساني قص

خير الامور اوسطها .. في الحياه الزوجيه ما ينفع نظام يا ابيض يا اسود ..
لازم تتناقشون في حل كل مشكله تواجهكم ..
لا العصبيه الزايده ولا السكوت التام راح يحل لكم مشكله ..

يعني بعد التهزيء ذا كله من لها نفس تتغنج وتتدلع؟
غلط علي كثير امس ولا بين بعينه أي شيء
ودي احسسه انه جرحني
لاني اعرف نمطه اذا عاملته بعد اللي صار بالحسنى
بيقول ماتجي الا بالعين الحمراء
وبيقول انتي حاسه انك غلطانه والا ماكان فعلتي كذا

هذا دايم كلامه لي
لو بتغنج واتدلع مع نفسي.. مو له
لانه ماعمل لي أي اعتبار واستثكر علي حتى الكلمة الطيبة
والله اني بديت اشك حتى بسفرته
كل صوره شورتات وبنات بالبكيني عالبحر
مع ذلك والله مافتحت فمي بحرف واحد
الله العالم ايش هبب ورجع يطلع مصايب الدنيا فيني
لو سفرته بريئة كان ماجاء بكل هالشر


انا كاتمة غيظي من البارح
ما بادرته المشاجرة زي ماقلتي لي
بالعكس كل كلامي حرام كنت مشتاقه واستهدي بالله
وبتبع نصيحتك لحد ما يفرجها ربي من عنده

وهو يضحك باستهزاء ويقول كذابه تتصنعي الطيبة
تمثلي الوجه البريء
عطيتك وجه انا اوريك الخ الخ

اقصد بالسكوت تقبلي لكل قراراته
بدون أي جدل او نقاش او تعليق
قال بسافر قلت الله يهينك وترجع بالسلامة
يقول عازم فلان اطبخي أقول ابشر
يقول جاملي زوجة صديقي واعزميها الخ أقول ابشر
يقول ماتستاهلي اسفرك أقول الله يسامحك

أحاول اسايره لي فتره عشان يركد شوي
لقيته يتمادى علي بزيادة
تعبت مدري ايش اعمل

اختي اولا زوجك حساس و الشخص الحساس يحتاج تعامل بحدية قليلة
بيني ان كلامه يجرحك بالسكوت و اضهار الحزن و الانكسار بنبرة الصوت و نظرة العين
هذه الطريقة هي من تكسر الرجل
اما الكلام و المعاتبة ند لند سيزداد اكثر و ياخذها كعناد و تحدي
باختصار يجب ان تتنازلي له اذا لم تفعلي ذلك المشاكل ستزداد

فعلا زوجي حساااااس وزعووول ودقييييق
ويضخم الأمور وواقف لي على الملي

انا ضابطة نفسي من امس
وخليته يفرغ كل اللي بخاطره
وحاطه ببالي اعامله بالطريقة اللي ذكرتها
رغم ان كلامه عن تصنع الطيبة والوجه البريء قاهرني جدا
بس بحاول اتناساه
جزاك الله خير