السلام عليكم
معاي رخصه لسه مطلعتها
اولا انا عندي رهبه من السيارات و الشوارع
ثانيا ماادل
ثالثا اخس بالاشياء الحركيه ماني شاطره قياده سياره اعمال حرفيه
انا الحمدلله شاطره بالاشياء النظريه و البحث وغيره
فهذي الاشياء الي اخرت تعلمي للسياره
غير رفض الاهل سابقا
وسنوات طويله معتمده على السايق
لكن هالسنه قلت اسوق ان شاءالله حابه يكون من انجازات هالعام
مع هالموضوع تاخر كثير
عموما تدربت تقريبا 25 حصه مع مدربه
كنت بالمره مااعرف شي ولا عندي خلفيه ولا سقت ببر ولا غيره
ولا احد من الاهل ابدى استعداد لتدريبي
المدربه تقول عني كويسه لكن تنسي كثير
وانا عارفه اني ضعيفه ولسه ضعيفه حتى لو اخذت الرخصه
اختبار الرخصه صراحه مش مؤشر انك صرت صالح تقود سيارتك
وانا يهمني مااطلع ولا اسوق الا وانا متمكنه

سؤال هل بتظل سواقتي دايما ضعيفه
خايفه على نفسي وسيارتي حرام
ومابي اطقطق على سياره احد ابي اخذ سيارتي مباشره ومتحسفه يصير لها شي جديده ومتكلفه عليها

سؤال وياليت تساعدوني
وش اسوي بالمرحله القادمه عشان احسن من سواقتي
مشكلتي بالدوارات ، رعونه البعض سرعتهم ولما يلفوا عليك ، شلون انتقل من حاره الى حارة ،
التركيز صعب اني اركز واطالع بالمرايات و احط اشارات عمليه صعبه ، بصراحه مدري شلون الناس تصور سنابات بالسياره وعادي تسوق شلون يركزون
الخوف الحمدلله اكثر شي استفدته بالتدريب ماعاد فيه رهبه من السياره
لكن تعودت على سياره المدربه شلون بتعود على سيارتي
اتخاذ قرارات بالشارع
الصفطات عاد هذي فلم
للحين الصفطه الي على جنب التوازي مو عارفه لها حيل على الرغم اني اختبرت فيها
شلون نجحت الاختبار سهل ، كان صفطه وطلوع جسر مافي شي يستاهل الرسوب
بالاضافه جبت واسطه من صديقتي زوجها هناك
ليش جبت واسطه ....كنت وافضه وصديقتي اقنعتني وقالت لو تدربين ميه حصه مع المدربه ماراح يفيدك الا الشوارع وطلعه بسيارتك الخاصه ..اقتنعت بكلامها خاصه اني ماراح اسوق مباشره بالرخصه
هل تشوفون انس بتحسن ولا هذي مهاره وانا مهارتي بالسياره والقياده ضعيفه
وش اسوي الفتره الجايه
بعد شهرين بيروح السايق وبسوق هل بكون مؤهله بذاك الوقت اروح مشوار بعيد
وجزاكم الله خير
دعواتكم