السلام عليكم ورحمة الله وبركاته
تقبل الله طاعاتنا وطاعتكم..


ان شاء الله يكون استفساري في القسم المناسب

ياليت اذا احد يقدر يفيدني
انا أبي أثر وحده ومثل ماتعرفون ان الواحد اذا
ناوي ياخذ اثر حاسده
يتصعب جدآ سبحان الله
عزمتها كثير مرات وفي كل مره تعتذر وماتجي
انا بحكم شهر رمضان وانهم من اقاربنا
مجبوره ازور اهلها وهي عندهم حاليا
كيف اتصرف بأخذ أثرها؟؟
يعني لو ببيتي سهل مثلا فنجان قهوتها او مويتها
لكن في بيت اهلها صعب
خصوصا واللي قاهرني انها بترجع للمنطقة اللي متزوجه فيها
هيا جايه زياره مؤقته عند اهلها

سااااعدوني قبل لاتروح ابي أثر منها ضروري والله..



فكره مره سمعتها مدري اذا صحيحه
ان رحت بيتها أطلب منها اي شيء مثل
ممكن تعطيني شوي من بن قهوتكم عجبني بشتري مثله
واغسل أثرها مسكة يدها اللي بالعلبه او الكيس
هذا ينفع؟؟

و عليكم السلام و رحمة الله

بصراحة اول مرة اسمع عن اخذ اثر الحاسد
كل اللي اعرفه انه يجب ان يتوضا و يؤخذ ماء وضوئه و يغسل به المحسود
هذا اللي اعرفه و هي السنة المتبعة

الله يرفع عنك البلاء

مكانه الانسب

__________________

وعليكم السلام والرحمة والبركة

على أي أساس بنيتي أنها عطتك عين!؟
يعني مثلاً لو يمشي واحد، وقلت له والله مشيتك حلوة، وفجأة طاح وانكسرت رجله يعني اصير عطيته عين؟
طيب لو واحد يمشي قلت مشيتك شينه، وفجأة طاح وانكسرت رجله، أصير بهالحالة أعطيته عين ولا لا!؟

أختي الكريمة يجب ألا نفسر كل مايوجهنا من ظروف لم نحبها على أنها نتيجة عين من فلان ولا فلانة

ثم السؤال الأخر، على أي أساس بنيتي أنه يجب أن نأخذ من أثر الحاسد على اعتبار أنه فعلاً تأكدنا أنه هو أو هي!؟ هل هناك نص في القرآن هل هناك نص في السنة!؟


أختي الكريمة، يجب أن نتوكل على الله ونؤمن بالأقدر ولا نتكل على العين والسحر إلخ....

والله مدري متى بتخلون خربيطكم يالحريم
طاح الولد عين تهاوشة مع زوجها عين طلقها عين وفوق هذا اطردون
عباد الله تاخذون غسالهم
ليش ما تحصنون انفسكم وولادكم
بالصباح والمساء ويكون فية
توكل على الله

__________________
سبحان الله وبحمده سبحان الله العظيم

مع هذي الردود....

وانا مع ان اللي عنده اجابه يتفضل

استغفرالله العظيم

اتوقع سألت في المكان الخطأ
لو ماتعرفون ان العين حق
وقالها رسولنا الكريم
الرجاء قولو خيرآ او اصمتو

كل اللي سألته كيفية اخذ الأثر
وحاءو يحققون معاي
فتحتو ملف لقضيه اساسآ انتو جاهلين فيها

اخذ الأثر في عهد الرسول (ص) كان على إثر العين.. مو الحسد...!

وكان يسأل الي " تأكّد" من انه هو العائن( استحسن شيئا ولم يسمٌي الله عليه) ان يغتسل بالماء، فيغسل به الذيج اصابته العين... مش الحاسد

وفنجان القهوة لي تشرب منه، او اي شي ثاني غير الاغتسال ماله علاقة بالسنة النبوية..

اظن الكل جاهل بالموضوع الى حد ما.. اتمنى اكون افدتك.

__________________
وإني ذقت الطيبات كلها، فلم أجد أطيب من العافية..
وذقت المرارات كلها، فلم أجد أمر من الحاجة إلى الناس..
ونقلت الحديد والصخر، فلم أجد أثقل من الدَّين..