من قراءة الموضوع بس احس عصبتني مزاجيتك وبعض تصرفاتك ...
باين زوجك يحبك لأن مستحمل مودك اللي يتغير ع طول حافظي عليه وعلى حياتك وبنتك ..
خففي من حساسيتك وخلك ربة بيت سنعة ياأختي ..صار لك مدة متزوجة وانتي الى الآن اتخافي اتظلي لحالك في البيت, واتخافي
من قدر الضغط....تقلبي على الأشياء اللي تخافي منها واعملي الأشياء اللي يحبها زوجك.... اذا حسيتي ان معصب لا ترادديه وخلك ساكته لما يهدأ , شي طبيعي اذا بتحطي راسك براسه بيمد يده عليك ..خليك انتي العاقله وحافظي على بيتك ..

نقطة رابعة لابد الزوج يكون متفهم لحالتك لكي لا يحصل تعاكس في الأفهام، بالصراحة ما أدري ليش زوجك ذكرني بموقف حصلي ، والمشكلة مني ما أدري ليش اسيئ الظن في حركات وأفعال زوجتي، بالرغم أنها ما تكون قاصده اللي أنا فهمته!!! استغفر الله العظيم.
وكذلك أنتي لا تسيئ فهم زوجك حسب ردة فعله بيني منه قولي له أنا فهمت منك كذا وكذا تقوليها بكل هدوء إذا طبع ظنك خطأ تاسفي منه.

والأحسن تتفاهموا على هذه النقطة المهمة في الحياة اليومية ﻷننا تعديتناها ولله الحمد بالنقاش الهادئ، يعني مرات أكون معصب على شئ وتكون زوجتي ما قاصدة شئ، سابقاً كنت اسكت واعصب واعاملها بتلك العصبية وهي مالها ذنب، والحين اسالها ترى أنا فهمت منك كذا وكذا، هذا قصدك؟ بعدها تبين لي الأمر وتمشي الأمور على خير. فالنقاش وفهم الآخر بالصورة الصحيحة مهم جداً وخاااااااصة بين الزوجين.

الله يحفظكم ويوفق بين قلوبكم وأفكاركم.

هو قام الصباح مروق و يبغاكم معاه المفروض تحملتي و لا عصبتي
ومافيه احلى من الصباح هذي نقطة
بالنسبة لقدر الضغط كلها غطا كان حطيتيه
او طبختي بقدر عادي وانتي تضحكين لو شافك مو لازم تنادينه يعني كان تصرفتي
هو شافك مبالغة يوم رفضتي تسكرين الهوا
سهل مرررة و اساسا مايستاهل تتزاعلون عليه- بس هو انقهر من الاسلوب من قمتي الى هاللحظة -الله يصلح ماببنكم -وبصراحة تعجبني مصداقينك في سرد الاحداث سواء لك او عليك

انا من لما ولدت وقلبي مليان عليه ..
وتدخلاته بكل كبيره وصغيره بحياتي تضايقني
صح هو يسميه اهتمام بس انا اسميه تسلٌط

بنتي وهي نايمه اذا تحركت تحب اني ألمسها او تمسك يدي وترجع تنام او امسح على رأسها وتكمل نومها
هو ما يبغى كذا .. يقول لاتدلعي البنت ويزعل من جد
الرضاعه يتدخل فيها رضعي بنتك طبيعي وان شافني ارضعها باليوم اكثر من مرتين يعصب .. رغم انه بنته مو مقصره بالطبيعي لو عليا افطمها من الاربعين لكن كل ما كبرت تعلقت اكثر
لبسي .. بيتي .. كل شي يتدخل فيه مايديني مساحه للقرار لوحدي
حتى نوم بنتي يقول .. انتي تتحكمي فيها مو عي تتحكم فيك .. طيب البنت فيها النوم العبها العبها الين تنام وهي جالسه اوقات .. اصحيها يعني اقول لا مو وقته ؟؟
لسا مادهلت الخمسه شهور ايش اللي اتحكم وما اتحكم !
بعدين بنتي شافت الموقف وبكت بيننا وربي قطعت قلبي
انا ما ابغاها تتعود على هذا الجو .. ماشاء الله ما صارت أسره .. من جد صارت حلبة مصارعه..

أعيد لكم وأكرر انا ما انسى أفضال زوجي عليا ..
انسان لو عاد الزمن للورا ما اتزوج الا هو
لكن انه يمد يده عليا ؟ لا والله ما أرضاها لنفسي وهو أساسا مايرضاها لبنته

كلمت اخته من زعلي وقلت لها كل شي
قالت امتي ما غلطتي وحتى لو غلطتي ماله مدة يد عليك .. هذا مجرد تحليل منها ومحاولة انها تهديني لكن ما تقدر تكلمه لان شخصيته أقوى من انه يسمع لاحد .. اللي براسه يسويه..

نسيت اقولكم قبل ما اطلع كنت ناويه ما اقول لاهلي وأخلي الزعل بيننا
لاني وانا استفزه بالكلام عصب وقال والله لو ما سكتي لاطلقك بالثلاثه الان.. وجلست ابكي.. قلت ماعليه فيك عادي .. قال عااادي ؟؟؟؟؟ مارديت عليه .. قال قومي رتبي أغراضك بغرفتي بسرعه قلت ما ابغى قال ما تبغي طيب ماني مآخذها السياره قلت انا انزلها قال انتي كلك ما تطلعي دام هالعفش معاك

تركته وأخذت اللي يكفينا اسبوع ولما نزلت ما شال معايا قال شيلي بنفسك
ومعايا البنت صرت اطلع وانزل واشيل الأغراض ومعايا بنتي
لما وصلت السياره قلت وربي انك ......... وما انت رجال اخليني أشيل اغراضي وبنتي
كنت معصبه ولو بيدي الموت رسلته له
البنت مسكينه متخطيا يدي ورا ظهرها وكل شوي تميمدري إفك باب ولا أشيل اغراض ولا امسكها

بالسياره قال انا .............
قلت ايوااااا طلقننني وقلتها بصوت عالي انفعلت حسيت بوصل لمرحلة ما راح ارجع منها بخير
انهرت وجلست ابكي وأقوله وربي كل هالموقف انحطيت فيه ظلم
انت قلت قومي اطبخي وانا أقفل الغطا تغير كلامك ليش دامك رجال
تضربني ليش دامك رجال
لكن انا ما ابغاك طلقني
قال بطلقك ارتاحي
قلت يلا انزل قول لامي ايش صار علشان لما اتطلق ما يلوموني
قال انزل عادي
لما وصلنا قال هذي أغراضك وانزلي
نزلت ابكي وقلت لاهلي امي طلعت له لقيته ينزل اغراضي
قالت له ادخل
قال لها الشيطان حاضر الان لما اهدأ اجي
قالت له ليش امد يدك عليها
قال كنت امزح شديت شعرها وضربتني

بالله هذا كلام !!!!
وربي ما كان يمزح سلامات كان معصب وبعدين من متى المزح بشد الشعر


طيب انا فيني عيوب الدنيا بس ما يحق له ضربي
الرسول عليه الصلاة والسلام قال رفقا بالقوارير
مو من حقه يضرب

__________________

معليش ع الأخطاء الإملائية من السرعه بالكتابه

__________________

واضح انك غيرانة عليه من ( بنتك )
بطريقة انت مو حاسة بها .. مجرد تحليل لموقف الصبح

.
.

كمان
لا تزعلي منفردة

بس انت استفزيتيه كثير
و ما تعاملتي معاه بطريقة أنثوية

تعاملتي بطريقة طفولية في كل المواقف من وقت صحيتوا لحد وقت الغداء
بتغلطي عليه و هو ساكت لك من اول

كانك تستني من البداية انه يضربك

السلام عليكم ورحمة الله وبركاته..

فرج الله همك حبيبتي منفردة.

لاإله إلا الله

وش هذا ؟؟؟


تعبت نفسيتي وأنا اقرأ 😓

الله يصلحك الله يصلحك الله يصلحك

والله عيب

توافه تكبرينها بالشكل هذا 😒

وأنا اقرأ الأحداث كأني أقرأ لوحده صغيره تتعامل مع اخوها الصغير

هذا زوووج

وماادراك ماحق الزوج !!!

ضربك ومد يده غلط أكيد

لكن ابن الحلال انت مستفزززه ولسانك طويل ونديه

وباين انك عجاااازه بمعنى مو سنعه في بيتك

عشان كبسه كل ذا 😖

أخ بس 😰

عييييب


عييييب


عييييب

مناقره على كل شيء

هذا وهو مو عندك كل الأيام

اجل لو عندك كان حصل جريمة قتل اللهم لاشماته 😣

زوجك محترم وعاقل ويحبك ومتحملك وااااضح

مو عشان ضربك صار كخه

انت وامثالك من الزوجات العصبيات تجيبه لنفسها

واذا ماصلحت عيوبك ومسكت نفسك وراجعت حساباتك الله يستر عليك من طلاق لارجعة فيه

وماينلام بصراحه

الانسان يتزوج يبي الراحه والاستقرار

مو نديه وألفاظ سوقيه وضرب وعجز ودلع

الله يعينه ابن الحلال ويصبره

ويصلحك ويهديك وتعرفين قدر زوجك وعظم حقه عليك 😔

تحليل غريب. روح
ما حسّيت كذا أصلا. فهي تدلع بنتها و هو ينهاها
أتوقع انه في باله يقول أن دلعك و خوفك ماصخ أو مصطنع
فمو مقدر خوفك. زايد أن فيه (هو) دفاشة شوي.
ما عليك سوى ان تهدأي الآن
و تنتظري
أمك طلبت منه الدخول و هو رفض و قال بوقت لاحق
اذن انتظروه. مافي شيء بيدك خلال هاليومين

__________________

انتي حامل ؟
ولا توك والد ؟


واضح جداً ان نفسيتك تعبانه من كلامك والسبب مو زوجك السبب الضغوط اللي حولك اتوقع انك توك والد ومعاك اكتئاب مابعد الولاده اول مولوده لك مو متعوده ع صياحها وبكيها زي اللي مجربه قبل والطفل اول مايجي معروف كثير البكاا ونومه قليل وهذا الشي يخلي الام المسكينه ماتتهنى بنومتها فيسبب ارهاق وتوتر غير ضغط البيت ...

حبيبتي انتبهي لاتخسري زوجكك واضح انه يحبك و حاب يمزح معاك بس انتي بسبب الضغط اللي عندك ماتتقبلي شي
عادي تعلمي ع قدر الضغط علشانهه انا كنت ماعرفله بس تعلمت عليه وصرت احب اطببخ فيه اصلاً يوفر عليك الوقت مرهه وبعدين اذا مرره ماقدرتي خليه يشتريلك قدر الضغط اللي بكبسة زر يتقفل من السيف

زوجك كان معصب علشان كذا مد يده ياختي احمدي ربك غيركك يصبحها بضرب ويمسيها بضرب بسبب وبدون سبب ومدمن ومتعاطي وخاين ومايصرف عليها (ياربي لاتبلانا) ومتحمله وساكتها علشان اولادها

وانتي زوجك طيب ويهتم فيك زي ماذكرتي محاسنهه ماشاءالله كثيره

اللي فهمته من كلامك ان زوجكك ضربك لانك استفزيتيهه وكان مصعب
وانتي بعد من عصبيتك ضربتيهه
تعوذي من الشيطان وفكري ببنتك لو تطلقتو كيف بتعيش مشتته بين ام واب
لم صحاك االصباح يبغاك تجلسي معاه انتي وبنتك بس انتي بكل هداوه وبالتفاهم فهميه انك مضغوطه وابغا انام وانك مانمتي لاتعصبي ابتعدي عن العصبيه والاستفزاز هو اللي يخلي يزوجك يضربكك
ياليت نشوف المشكله وين ونحلها مو نقطعع كل الحلول بالطلاق وننهي كل شي
بعدين لم نهدا نندم

ارجعي لزوجكك ولاتهدمي بيتك وتضيعي بنتك المسكينه بعدين تندمين

قولي له بكل هدو عن وضعك وانك تمري بكتئاب مابعد الولاده كلها ان شاءالله كم شهر ويرجع وضعكم زي قبل واحسن باذن الله


الله يصلح حالك انتي وزوجكك ويسخركم لبعضض