قسم بالله ودي اصرخ واقول تعبت من كلامها الجارح
حتى لو وحده منا تبي تنسى لازم ينكدون عليها
وانا عمري 23 كانوا يتكلمون عن الزواج في جلسة عائلية سئلتني وحده ليش ساكته قلت لها لان الزواج مب مهم عندي اهم شي اتخرج من الكلية وانا ودي اتزوج اذا صار عمري 27 سنة
وصار عمري 27 قسم بالله بلمح البصر طاااااااااااااارت سنوات عمري
المهم كنا متجمعين وحده ذكرت هالسالفة قالت ودك الحين تتزوجين في هالعمر قلت ودي اكمل الماستر لاني مقدمة ادعوا تكفون ان انقبل
قسم برب الكعبة ان نفسيتي بتتحطم حيييل لو نرفضت
في ذا الوقت احد يطق الباب قالت وحده تكره امي الي يقهر اني من اقاربي قالت لي فلانه فتحي الباب
يمكن احد خاطبك تالي قالت الاطل بس
ناس تنخطب بسرعه وناس ماحد يطق بابها!!!!!!!!!!!!!!!!!!!
على فكره هي دايم تقول هالكلام لي قدام الناس وقدام امي بالذات
اسوي نفسي مااهتم وانا نفسيتي تضل دمااااااااااار بالايام والاسابيع
ان كانت نظرات الشفق من اهلنا تقتل مرة فنظرات الشماتة تقتل مليون مررررررره