السلام عليكم

اخباركم ان شاء الله بخير

اذا تذكروني انا مطلقة مره واحدة
تقدم لي منذ اسبوع مطلق مرتين
موصفاته بشكل عام
شاب بيني وبينه حوالي خمس او ست سنين
جامعي وموظف
الشي الاخير لنا صلة قرابه بهم من حيث النسب
يعني الوالد يقابل ابوه ومدري اذا يقابله اقصد الولد في اجتماعات العائلة
وأمه نشوفها بالمناسبات بعد

سبب طلاقه الاول يقولون عين ومن رجعو من السفر انفصلو
وتزوج ثانية ولكن ماكتب ربي نصيب << هذا تعقيبهم وبصراحة مدري كم جلس معاها


افيدونا

استخيري و اسالوا عنه هذا اللي اقوله لان مانعرف الغيب
لكن الجميل جدا انه من اقاربكم فاكيد الوالد مخالطه و عارفه
ويسهل عليكم السوال عنه والله يتمم عليكم ان كان فيه خير لكم

لو مكانك ما اقبل ...طلاق مرتين
هل عنده اطفال؟؟
اصبري وبيجيك اللي احسن منه

بإذن الله راح استخير
الشي الثاني اعتبرت القرب مننا ميزة
من ناحية الحصول ع المعلومة
والشي الثاني اقول اذا وجد خلل فعلا
فالافضل لهم يخطبون من بعيد
بمعنى ليش ينشرون غسالهم يسترون ع عمرهم افضل

لكن والله احسني محتارة
ولحد الان مارد لي ابوي من ناحية السؤال
لكن بشكل عام العائلة محترمة
وانا يهمني تحديدا الولد

والله سلبيته الوحيدة مطلق مرتين
والأطفال ماعنده اطفال
كل شي من ناحيته تمام الا سالفة طلاقه مرتين

اختي مطلق مره والا مرتين والا ثلاث هذا ماهو المقياس اللي نقيس فيه صلاح الرجل او المراءه
لان فيه حاجات تحصل بين الزوجين مايعلم فيها الا الله
وانا بصراحه احترم الرجال اللي مايتكلم عن سبب طلاقه ويكتفي بقولة نصيب وبس
اما اللي ينشر غسيل طليقته هذا اللي ينخاف منه

اختي ابتسامه عليك التركيز عن السؤال عنه في عمله واخلاقه ودينه وصلاته واتركي موضوع طلاقه
فـ الزواج نصيب وياما شفنا رجال ونعم وتزوجوا حريم ونعم ولكن الله ماكتب لهم التوافق بينهم
على العموم انا رأيي انكم تسألون عنه زين واذا اخلاقه ودينه وسمعته زينه لا تترددين وتوكلي على الله ووافقي
العمر يركض يااختي واللي يجي الحين ممكن مايجي بعدين

اخي الوحيد ، واتمنى ماتزعلك هالكلمة
كنت أتخوف من اللي مطلق مرتين لدرجة اتخيل اني ارفضه بدون تفكير
لكن بعد تجربتك اللي حصلت عرفت ان البيوت أسرار فعلًا وعدد مرات الطلاق ماهو مقياس .. لكن التحري زين اذا فيه قدره

طبعا اليوم تكلمت مع الاهل بخصوصه وبحكم انهم يجالسونه في الاجتماعات العائلية
فأثنو عليه من واقع اللي يشوفنه بتعامله معهم
و راح يسألون عنه بشكل أكبر فيما يخص انفصاله وحالته النفسية
ولعل الله ييسر الخير
لنا وله

فكري واستخيري لانه عنده مميزات

شاب قريب من عمرك وليس متزوج

وانه مطلق ليس عيب ربما صح لم يوفق

موفقة

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

خذيها قاعدة مافيه احد ماعنده عيوب
خليهم يسألون عنه اصدقائه أو زملائه في العمل
إذا كان مافيه عيوب قويه تمنع بالزواج به
وافقي وبدون تردد طبعاً بعد الاستخارة والله يوفقك