السلام عليكم

اشكركم اخواني


على ما تفضلتم به من آراء

وصدقوني متابع صامت لكم

حاولت ابحث عن نفس المشكلة مالقيت

وارائكم كثي تهمني وشهادتي فيكم مجروحة



بالنسبة لاولادي ولله الحمد ماناقص عليهم شي

وعندي امي وخالتي ( ارملة ) بنفس البيت

الولد الصغير كان عمره سنة ونصف والحين عمره ثلاث ومتعلق بخالتي ويناديها ( ماما ) يعني اذا له ام يمكن ناسيها

اللي كاسر ظهري البنت هي اللي تجيب طاري امها دايم معي

اذا جلست دايم عندي اذا طلعت لاي مشوار صدقوني والله شهيد علي تقول بابا ( وين تطلع وتخلي عيالك )


والسنة الجاية تدرس بالمدرسة ويبغالها متابعة وتعرفون البنت لها خصوصيات سواء صغيرة او كبيرة وخايف عليها كثير الله يحفظها يارب


الولد الكبير 7 سنوات السنة الجاية رايح لثاني ابتدائي والحمدلله هيأت له الجو المناسب ودخلته بمدرس اهلية والحمدلله الولد متفوق



اخواني بالمختصر المفيد البيئة اللي هيأتها لهم
تختلف عن البيئ اللي راح يشوفونها


والعيال نفسهم ماطلبوني اني اوديهم الا بنتي تبغى تشوف امها

وعمي وعمتى سابقا اتصلوا علي وقالو جب العيال


وبنفس الوقت في حالة وصلت العيال لطليقتي خايف امي تزعل . وتشيل بخاطرها

النقطة الاخيرة هذي هي اللي مشتتة افكاري



اتمنى ارى ردودكم اخواني واخواتي


وتقبل الله صالح اعمالكم

__________________

هلا الشيخ
رمت العيال من سنه ونص ولا ما شافتهم؟
حسبي الله ونعم الوكيل

أتمنى انها ما تستعمل العيال اداة لاشغالك أو للضغط عليك

انا نفس وضعك تقريبا بس الأولاد ما يبون يشوفون ولا يكلمونها لانها اذتهم واهملتهم رمتهم علشان الزوج الجديد وحاليا القاصي والداني قاعد يتوسط علشان اتكلمهم لكن الأولاد رافضين

قد لا تجد مواضيع مشابهه لموضوعك .. لكن المطلقين هنا والمطلقات اكيد واجهوا نفس مشكلتك يعني مروا بنفس التجربه

عني اطفالي مع ابوهم .. ولا مره طلبتهم منه .. ممكن اتصل عليهم هم واقول لهم حايلوا بابا تجون.. ليس قسوه مني اكيد عليهم .. لاني حقيقه ماعرفت قيام الليل الا لاجلهم الله يبلغنا وإياكم في اطفالنا

اسمع مني وعمل ما يناسبك .. اولا استخر

ثانيا بما ان المسافه تبعد ١٠٠٠ كيلو .. معناه مرتين بالسنه قد يذهبون لامهم ومده مكوثهم عند امهم ربما في هالمرتين شهر

يعني قليله المده جدا على أن تقر عيونها بهم ويشبعون هم من حنانها

ومن أجل غضب امك .. اذا كنت معزم ما ترجع طليقتك .. قل لامك قبل أن تذهب امي اريد ان اتزوج .. وبعدين قل سأذهب لجعل اطفالي يرون أمهم واريد ان اعود وانتي مقرره من سأخطب



بعد أن يخرجوا الاطفال من بيت امهم لا تسال ابدااااااااا عن امهم تسألهم ماذا فعلوا وين راحوا ايش كلوا ... واي شي اجعل ردك بين ضحكه وماشالله .. وصدق .. فقط هذه العبارات بدون تحقيق ..

ترى الأطفال يحسون واذكيااا .. ولا تسب احد من اهلهم او امهم ابدااااااااا ولا تحذهم من احد .. اتركهم هم يقيمون

واخيرااا.. قد تكون شخصيه البنت تختلف عن شخصيه الولد .. كلهم مشتاقين لامهم .. قد يشتكون لبعض شوقهم لامهم دون أن تسمع
وممكن البنت تفضفض والولد كتووم

واما خصوصيه البنت .. اكيد امها بتنبهها .. ووكل أمرهم جميعا لله

واخييييير بالنسبه للبيبي.... مهما كان قد قيلت ( الولد ولد امه .. والعنى لمن ضمه )

فلا تقول ما عرف أمه .. حبها بالفطره والله يجزاكم خير فيه وينولها وينولك برهم ويحفظهم لكم

وارد واقووول لك تصالح مع نفسك بخصوووصها .. يعني ايش كان سوت ولا قالت خلك ريلاكس.. اعتبرها شخص ما تشره.. وعيش حياتك وانت واضع مصلحه الاطفال بين عينيك

__________________
أعلل النفس بالآمال ارقبها .. ما أضيق العيش لولا فسحة الأمل

الله يكتب لك اللي فيه الخير

بصراحة أشوف إنك ترفع حضانة رسمية من المحكمة؛ لسبب تنظيم أوقات الزيارة والآخر إنهم ممكن ما يرجعون لك الأطفال.

أنا ما أحب أتكلم كذا أو أتوجس لكن الأفضل تكون زيارات رسمية معلومة الوقت والمدة.

وأمك ما راح تزعل إذا كان الموضوع منظم.

بنتك تكسر الخاطر وأتمنى يا أخي إنك تخليهم كلهم يعيشون عند أمهم وتكون الزيارات لك.

ترى البنات يمرون بمراحل صعبه في الطفوله في درجة تعلقهم بأمهاتهم يعني حتى وهي مع أمها فالبيت نفسها تجلس تشم جلالها وإلا ملابسها وتنام عليها، وبالمدرسة شعور ثاني.

صعب أمك تأخذ مكانها.

لكن إذا الأم بايعه فبنتك من نفسها ممكن ما تبغى.

أهم شيء لا تظلم أطفالك.