اعطوني حل لشقاوة ابني الله يخليكم - منتدى عالم الأسرة والمجتمع
logo

الملاحظات

العلاقات الأسرية والإجتماعية أفضل الحلول لقضايا الأسرة والمجتمع والمراهقين والأطفال .

موضوع مغلق
قديم 15-06-2006, 11:35 PM
  #1
الوتس
عضو نشيط
تاريخ التسجيل: Mar 2006
المشاركات: 114
الوتس غير متصل  
اعطوني حل لشقاوة ابني الله يخليكم

اولاً عندي طفل عمره سنتين وتسع شهور شقي مره وعنيد وعصبي واذا سوى شي غلط وقلت له لا يزعل ويعصب ويرمي كل شي قدامه على الارض قبل فتره وديته روضه بس ما تأقلم يعني يجلس يصيح واذا رجعنا البيت ماينام كويس ويتحلم ويستفرغ كل يوم ويقول ماابي اروح المدرسه قلت خلاص بلاش يمكن لان الاطفال كلهم انجليز ومايفهم عليهم فما ارتاح.وبعدين صار يسوي حركات مو زينه زي مثلاً يتفل علينا والا في الارض مااعرف من وين تعلمها لان مافيه اطفال يختلط فيهم بس جالس معي في البيت انا وابوه والشغاله المهم مجنني وحركته كثيره وماشاءالله عليه ذكي مره بس جاب لي الضغط وانا الحين احاول اعلمه الادب بس ماعرفت لاني الحين حامل واخاف الضيف الجديد يتعلم منه وبدل المصيبه تصير مصيبتين فما الحل ؟؟؟والصراحه اضربه اذا زودها بس ضرب مو قوي وش اسوي
قديم 15-06-2006, 11:42 PM
  #2
ام زوبه
عضو جديد
تاريخ التسجيل: Apr 2006
المشاركات: 19
ام زوبه غير متصل  
هههههههههههههههههههههههههههههههههههههه
اتصدقي اختي اقرئي موضوعي وبتضحكي لان نفس الموضوع بالظبط صدق الواحد يحمد ربه يعني مو بس انا الي راح يصيدني الضغط والله الواحد يهون عليه مصيبته اذا لقى مصيبة غيرة واسيني وواسيكي هههههههههههههههههه
قديم 15-06-2006, 11:54 PM
  #3
صاحب رأي سديد
كبار شخصيات المنتدى
 الصورة الرمزية صاحب رأي سديد
تاريخ التسجيل: Sep 2005
المشاركات: 10,106
صاحب رأي سديد غير متصل  
أختي الفاضله

الضرب ممنوع ممنوع ممنوع قليل أو كثير
وشكلك مدلعته ؟؟؟
وعليكي بتشجيعه إذا عمل اشياء طيبه

ودائما قولي الولد الصالح المهذب لا يفعل هذه الاشياء
وكوني قدوة له أنت وابوه
يعني لا تأمروه بشئ ولا تفعلونه فهذا غلط

تحياتي
__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]
قديم 16-06-2006, 12:23 AM
  #4
fullmoo0oon
عضو نشيط
تاريخ التسجيل: Mar 2006
المشاركات: 127
fullmoo0oon غير متصل  
أخواتبي العزيزات أنا دخلت اليوم بطرح نفس الموضوع بس لقيت الأخت كتبته قبلي بنتي عمرها سنه وشهر ونفس المشكله
عذبتني وأخاف تتمادى والله تعبت أحيانا أفكر أترك البيت وأختفي لي يومين عشان أرتاح ههههههه والله حاله وحده
وطلعت في رأسي الشيب بليز أبي رد مقنع وعلمي لها المشكله بنتي زي الأخت الوتس عنيده وتغامر اذا قلت لها لا ترجع نفس المكان الغلط وتعصب أذا رديتها عن شي وتتنرفز بسرعه ملوله تمل بسرعه حتى من العابها زي النحله تزنزن
بس الفرق الي بيني وبين الأخت أن بنتي جت في الشهر السابع أنا أقول يمكن هذه مشكلتها تصدقون صرت أكره أطلع برا البيت معها تسوي حركاتها هذه يقولون الناس ألله لايحيها هي وبنتها والمشكله الأعظم زوجي يتنرفز بسرعه
يعني أذا غلطت مافيه عيب ولا لا كله صراخ وأذا هاوشها تجي عندي على طول ومشكلتها بعد عيونها حلوين يعني من تزعل عليها تقعد تطالع لك نظرات تخليك تضحك وتسامحها على طول وهي
قديم 16-06-2006, 02:15 AM
  #5
soo_soo
قلب المنتدى النابض
 الصورة الرمزية soo_soo
تاريخ التسجيل: Apr 2006
المشاركات: 1,171
soo_soo غير متصل  
icon51

ما اعرف ليه ضحكت وانا اقرا مشكلتك انتي والاخوات..

طفل عمره سنتين يسوي فيكم كل هذا!!!

انا مو متزوجه لكني تخصصت في الاطفال واتعامل مع اطفال في هذا العمر

اول شي لازم يكون كلامك قدامه واحد ما يتغير إذا قلتي لا يعني لا.. مهما ألح عليك وبكى..

حطي كرسي قدامه في مكان معين او خذي طفلك لزاويه معينه في البيت وقولي له هذا المكان

مكان العقاب.. اللي يسوي شي غلط يجلس هنا..

طبعاً إذا سوى ابنك شي غلط تفل مثلاً او صرخ في وجهك خذيه للكرسي وجلسيه عليه وقولي له بصوت هادي

انت بتجلس هنا عشان سويت كذا وهذا عيب او غلط ( طبعاً يجلس طفلك فتره قصيره جداً دقيقه لكل سنه من عمره

يعني طفلك دقيقتين فقط) وإذا قام من المكان او رفض الجلوس اجبريه وخليك جاده ولا تبتسمي او تبيني انك زعلانه

انه جالس هنا.. امسكيه من يده ورجعيه للمكان واذا انتهت الدقيقتين اجلسي على ركبتيك عشان تكوني في مستوى

نظره وقولي انت جلست هنا لانك سوت غلط وهو كذا لازم تقول آسف وما تكرر الغلط واذا اعتذر ضميه او بوسيه

وقوميه من المكان.. يمكن في البدايه تلاقي صعوبه بس صدقيني تجيب نتيجه..

هذا اسلوب العقاب مثل ما قلت لك يجيب نتيجه بدون ضرب ولا صراخ حتى لو صرخ الطفل وبكى في البدايه

وهذا شي متوقع في المرات الثانيه بيجلس في المكان بهدوء وماراح يكرر الغلط لانه بيخاف يجلس في كرسي العقاب..


الحين باقي اسلوب الثواب او الماكآفأه..

علقي لوحه كبيره في الصاله او أي مكان وزينيها بشكل يحبه الطفل وضعي عليها صوره ابنك وكل ما يسوي شي كويس

لصقي نجمه على اللوحه وشجعيه وصفقي له وكل مازاد عدد النجوم بيني له حماسك وفرحك.. وممكن اذا عمل شي غلط تهدديه

انك بتشيلي نجمه

جربي وقولي لي النتيجه بس اهم شي خليك اقوى منه لا تبيني ضعفك

لا تتنازلي عن رأيك إذا بكى لأنه بيصير يبكي كل ما يبي شي

التعديل الأخير تم بواسطة soo_soo ; 16-06-2006 الساعة 02:21 AM
قديم 16-06-2006, 02:47 AM
  #6
ميني ماوس
عضو نشيط جدا
تاريخ التسجيل: Feb 2006
المشاركات: 731
ميني ماوس غير متصل  
السلام عليكم

أختي عندي وعندك خير ولدي مجننننني بس هذي علامة صحة الطفل لانة بمرحلة اكتشاف الاشياء من حولة . وبما انك حامل طبيعي جداااا ان طفلك يزيد بعنادة وشقاوته لان الطفل يحس حتى لو كان عمرة شهور بوجود طفل ببطن امه هذا الكلام قالياه الدكتور حق ولدي لما حملت لانه صار ما ياكل ابد مع الشقاوه خفت عليه . راح يصير طفلك دلوع وبكاي ولا ينام الا بحظنك لان هذا اللي صار معاي وقالي الدكتور انه بيصير .

جربي انك تطنشينه يعني لا تكلمينه ابد لمدة يوم كامل حتى لو يصرخ لو يسوي الي يسوية طنشي . حتى وقت الاكل خليك جدية ولا تتكلمين ولا حرف قدمي له الاكل ولما يصرخ ويرفض لا تحاولين معاه قومي بكل هدوء وخلي الاكل بجنبه ممكن انه يكب الاكل ويكسر الصحن عشان يلفت انتباهك وممكن انة يسوي حالة مريض ممكن يحاول يأذي حالة بس انت خليك كوووووول وجد ولا تناظرين بعيونة ابد . واذا تفل ما كنك تشوفين شي ولا تمسحين قدامة . يعني ببساطة ما كنة موجود بس خلي بحر عينك علية لانه طفل ومش ممكن نتركة بدون رقابة .
هذي الطريقة انا نفعت معاي كنت حاظرة حلقة تنشيطية بتربية الاطفال كانت راااااااااااااائعة

أختي إذا استفدت من نصيحتي لا تنسيني من دعواتك الله يفرج عني كربي
قديم 16-06-2006, 11:28 AM
  #7
أم اثير
كبار شخصيات المنتدى
 الصورة الرمزية أم اثير
تاريخ التسجيل: Jul 2005
المشاركات: 6,398
أم اثير غير متصل  
الله يبارك بالاخوات و نصائحهم الجميله

لكن لي تعليق بسيط

والله بعدهم صغار
لعد لو صاروا بعمر المراهقه
كيف ستتصرفون معهم


خلو اعصابكم و شيبكم لهذه المرحله
الطفل مرايه اهله
صرخت عليه يصرخ
ضربتيه يضربك
شتمتيه يشتمك

لكن اذا حدثتيه بلطف حدثك بلطف
ضحكتي معه ضحك معك
تكلمتي بهدوء تكلم بهدوء


الله يحفظ ابنائكم و يجعلهم من الصالحين
__________________
قديم 17-06-2006, 09:29 PM
  #8
الوتس
عضو نشيط
تاريخ التسجيل: Mar 2006
المشاركات: 114
الوتس غير متصل  
الف شكر لكل من اهتم للموضوع ورد ان شاءالله راح احاول اسوي المستحيل علشان يتعدل سلوكه لا وكمان الابو يعصب ويقولي وش ذا التربيه قلت والله حاولت بس ماقدرت وزياده ابوه يضعف قدامه اذا طلعنا اي مكان وشاف العاب يصيح الا يشتري وهوه توه اشترى وحده اقول لا والابو يقول خلاص بشتريها وانا والله اذا طلعت معاه لوحدنا وقال ابي هذا اقول لا خلاص يسكت بس ابوه الله يهديه وكذا مره نبهته بس مافيه فايده.المشكله الكبيره جدته ام ابوه رحنا اجازه بس اسبوعين تقريباً جالسه تعلمه وتقوله تف على عمه وتلعن ................الخ اشياء ترفع الضغط طبعاًمو قدام زوجي من وراه وتدلعه قدام ابوه وتخرب طبعه وهوه اصلاً مو ناقص واذا راح ابوه وسوى الولد شي قالت وش ذا التربيه وتزعل اقول الله يعني ويعين الجميع بحاول معاه وراح اقولكم النتيجه
قديم 18-06-2006, 04:27 PM
  #9
maziouna
عضو متألق
تاريخ التسجيل: Sep 2005
المشاركات: 1,083
maziouna غير متصل  
كأنك بتحكى عن ابنى
يا الله طول اليوم فى نكد و زن على قولتك نحلة
عموما انا جربت كل شىء و مافى فايدة
الله يعيننا
قديم 18-06-2006, 05:32 PM
  #10
عيون فتانه
قلب المنتدى النابض
 الصورة الرمزية عيون فتانه
تاريخ التسجيل: Dec 2005
المشاركات: 2,399
عيون فتانه غير متصل  
والله اختي مو بس انتي اللي تعانيين انه عانيت من ولدي بمافيه الكفايه حتى انجبت طفلتي والان انه اعاني مرتين عندي طريقه استخدمتها مع ولدي يمكن تنفع مع ولدج خذت لي ورقه كبيره وحطيت عليها صورته وسويت مربعات وااايد عليها اي تصرف خاطئ احط له خطا جدامه في واحد من المربعات واذا العكس اشجعه واحط له صح وارويه اذا زاد الصح عن الغلط اشتري له هديه وكان ولدي يتفادى ان يسوي اشياء غلط جربي يمكن ينفع والله يعينج ويعينا
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 04:32 PM.


images