ابني معه حساسية بصدره ياريت تفيدوني
صباح النور
كيف كل الامهات ؟ والاطفال الحلوين
انا بدي اسألكم بخصوص حساسية الصدر خاصه اني سمعت انه كتير منتشر
ابني عمره الحين 6شهور ونص من اسبوع وصدره تعباااااااان رحت لاكتر من طبيب مافادوني بيحكولي صغير على الادوية
لحد مارحت يوم السبت الماضي لدكتور وكان مسخن وصارله اربع ايام مو نايم ومابرضع لدرجة اني كنت اعصرله
من صدري واعطيه بالكوب لانه ماباخد المرضاعه رشح وسخونه وكحه غريبه
المهم يوم السبت من الساعه خمسه الصبح كنت بالمستشفى بعد مرور خمس ايام علي بدون نوم
رحت وحكالي الدكتور صدره كتير تعبان ونيمه وحطله بخار المهم حكالي انه عنده التهاب بالاذن غير الرشح
واعطاني بخاخ ومضاد حيوي و شفاطه عشان انفه
المهم البخاخ بيتركب بانبوب فيه زي الكمام وبنبخ بخه وحده وبخليه حتى يستنشقه
الحين السؤال ابني مابحسه بستشقه بس احطه بصير يصرخ ومابده اياني احطه على انفه ونفس الشي
مع الشفاطه بضل يبكي وكل مااعطيه المضاد بيرجع من كتر البلغم يلي بصدره
حرارته صارلها يومين وزياده 39 وكل مااتصل على الدكتور بيحكيلي بس اعمليله كمادات ماي دافي بس المضاد يعمل مفعوله رح تخف حرارته
اما البخاخ بيحكيلي خليه يستنشقه
في حدا جرب هالشي هل طفل عمره 6شهور بيقدر يستنشق البخاخ ؟؟
طيب الصبح صحيت كان تنفسه سريع كنه بيلهت وصوت صدره صار مبين زياده بيصفر
هل اروح لطبيب خاص بس انا مابعرف دكاتره مناح خايفه اروح يلعبلي بالولد وتسوء حالته مابعرف شو اعمل
ياريت يلي صار معها نفس الشي تخبرني هل الصغير بتحسن على البخاخ ولا لازم اخده عند طبيب متخصص بامراض الصدر ..؟؟
واخيرا سلامة ولادكوا وماتشوفوا شر ...
__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..
18-11-2008, 09:56 AM
ضوابط المشاركة
العرض الشجري