انا ما راح احط كل اللوم عليج اختي

لانه كل انسان ياخذ بشكل كبير من البيئه اللي نشأ عليها
وشكلج متأثره في اطباع اهلج يعني عندكم الاحتقار وسوء المعامله لمن هم اقل منكم مستوى شي عادي ويمكن انتي ماكنتي تحسين ان هالشي غلط
لانه تعودتوا عليه واهلج كان المفروض مايتطاولون ولا يوافقون عليه من البدايه دام اخرتها جي راح يعاملونه

يعني الغلط منج ومن اهلج

طليقج قلبه طيب وصبور هذا الانسان مستحيل تحصلين نفسه بهالزمن
على قد الذل اللي حصله كان متمسك فيج ومراعيج

في بداية اختي وقبل كل شي
استغفري ربج اطلبي من الله السماح على كل اللي سويتيه
قوي علاقتج مع ربج يمكن هناك خلل ما لانه اللي تخاف ربها مستحيل تعامل زوجها هذه المعامله لانها لو ما حبته اقل شي بتخاف الله فيه

وثانياً
اعتذري الى طليقج اطلبي منه السماح
ضروري يا اختي تصلحين اللي سويتيه سواء رجعج على ذمته ولا لا
اطلبي منه الحضور لاهلج واعتذري منه جدام الكل واطلبي منه السماح
ولا تاخذين منه ولا فلس لا شقه ولا مؤخر لانه يكفي اللي شافه منج

بس اطلبي منه انه يفكر في الموضوع ويرجعج على ذمته و اوعديه انج تتعدلين