كيفكم يا اعضاء المنتدى انا جديدة هون وهاد أول موضوع ليا هون
ابغى رايكم في اصحابي دول وابغى اعرف ال اكرهم كيف اقدر اسيبهم ماحزاعلهم حيكون بيني وبينهم سلام وكيفكم زي كده بس مايجلسون معايا كيف اسوي كده
لازم اليجي يقرا الموضوع يكون مره رايق ومفوق ويكون مرررره مركز

مشكلتي هي انا انا اصدقائي 5 وكل يوم تصير بيننا مشاكل
حكتبلكم نبذة عن كل وحده مننا
انا نوره: اتعرفت على ريم من العام ومن يوم ما اتعرفت عليها وانا احس انها مصادقتني عشان مصلحه ودا شيء يبان ترى يعني مثلا لما نيجي نسوي اي موضوع لاي ماده كنت انا اطلعه من النت واطبعه وكل شيء وفي النهاية أحط اسمي واسمها على العمل عشان لو ماحطيت اسمها كانت تزعل مع انها ماتسوي شيء كل الموضوع انا ال مسويته ودايما كنت اتصل عليها يقولوي نايمه وبعض الاحيان اسمعها تقول لاخوانها قولولها مشغوله قولولها نايمه زي كده وكنت اطنش وما اهتم عشت معاها سنه كاملة مستحمله دا التعامل ولما كنت اسوي الاعمال كانت تنسب الفضل ليها وتقول للابله انا سويته واساسا مو هي المسويته ولها حركات كثرة تقهرني ودايما تقولي انتي حقوده وماتنسي كانت تقولي انتي ما تنسي لان انا دي السنه كنت افاتحها في موضوع حصل العام وهو: اول اتصلت عليها عشان كان عندنا اختبار رياضيات وكان في شيء في الملزمه غلط وكنت ابغاها تصلحه (الشيء لمصلحتها مو لمصلحتي) كنت اسمعها تقول لهم قولولها نايمه او مي في وجلست يومين ادق عليها وهي ماتبغى تكلمني في النهاية طنشت والسؤال جا في الاختبار وحلة غلط ونقصة عليه وكنت ادق عليها في اليوم اكثر من مره في في يوم فالليل دقيت امها ردت جالتلي رغد نايمه والله وبعدين قلتلها طيب شكرا سلام وجيت اقفل السماعه رحت رفعتها مره ثانية قلت ماينفع اقفل في وجه امها فرفعتها ولما رفعتها سمعت امها تقول عني كلام وهو: وحده سالتها مين دي ام ريم قالتلها دي وحده اسمها نوره كل شوي تتصل وتبغى تكلم ريم وريم ماتبغى تكلمها والله طفشتنا واساسا ريم تكرهها وماتحب وبس جالسه معاها عشان الاشياء ال نوره تسويها للمعلمات من اعمل ومشاريع وبعدين قفلت السماعه وقلت ماله داعي اسمع اكثر من كده. فانا كل ما اكلمها في الموضوع ده تروح تقولي انتي ماتنسي.
بس انا اكلمها فيه لانها تقولي اشياء ماتدخل الراس وفي النهاية قالتلي انا امي صح قالت كده وبررت موقف امها وكلمتها مرة ثانية قالتلي انا قلت لامي امي قالتلي انا ماقلت شيء عن نوره كده وراحت كذبت عليا ومو في دا الموضوع بس في اشياء كثيرة غيره. وكمان تقول انتي كشرية يعني ما اضحك بس انا مو كده انا اضحك كثير يمكن اكثر منها.ودايما تعاملني كاني غبية. اسفة طولت

ريم: كتبت كلام عنها بما فيه الكفاية يعني بس ال ماقلته انها مره كسوله ودلوعه وتحب ان كل الناس يحبونها هي بس ويهتمون فيها هي بس تخيلوا ماترضا تشتري من المقصف تقول استحي من الخاله وتغار عليا غيره كبيره ولما تشوفني اتمشيى مع وحده غيرها تعصب مررره وفي يوم بعتلها رساله مكتوب فيها اني حزاعلها بكت بس مابينت لاحد بس لانها طلبت مناديل ولما اعطيتها جلست تمسح عيونها عرفت انها كانت تبكي وكلمتني في الموضع وجالتلي ما اقدر اسيبك وزي كده وفي النهاية حزنت عليها وقلتلها سامحتك.

اريج: انا اعزها عز ماله حدود وهي افضل وحده عندي بدي الشله كلها ودايما اروح اشتكيلها من ريم وافضفض معاها وهكذا ترى حتى هي تكره رغد ماسوتلي شيء عشان اكرها اصلا انا اتعرفت عليها دي السنه.

وجدان: دوبها انضمت لينا بس انا ما احبها ولا اكره يعني عادي.

اميرة: اعزها عز زي اريج بالتمام وحتى هيا تعزني حتى لما اقوم اتمشي معاها او شيء وكده كلهم يروحو يقولون نوره تحب اميرة اكثر مننا واميرة تفضل نوره عننا ويطلع كلام عننا كثير.او يقولون نوره اخذت اميره عشان تبغى تكلمها في شيء ماتبغى احد يسمعو يعني عنهم (انا اريج هي ال تقولي انهم يقولون كده وبعض الاحيان يقولون كده قدامنا) ويغاروني مني انا وهي كثير. لاني دايما اتمشيى معاها هي واريج بس.

واخيرا عائشه: انا ما اكرها بس ما ابغ صديقتي تكون وحده زيها.انا من البداية ماكنت احب اجلس معاها بس جلست معاها عشان اريج بس مو اكثر طيب وانا ما احب اجلس معاها وماابغاها تكون صديقتي بسبب مشاكل حصلت العام اولهم انها لما كانت تزعل مني بندون مااسويلها شيء كانت تروح تكلم كل بنات الفصل وتقولهم نوره متكبره وشايفه نفسها وانانيه ..... ولما طلعت من الاوائل دقت عليا وقالتلي ترى انا المفروض اكون من الاوائل مو انتي انتي ماتستحقي.

اتمنى ما اكون طولت عليكم مع اني عارفة اني طولت مررررررررررره واتمنى تجيني اراء مختلفة واتمنى ماتخذلوني