زيارتي الخطافية لماليزيا مع اكثر من 100 صورة مع دودي دبدوبي - منتدى عالم الأسرة والمجتمع
logo

الملاحظات

أرشيف السياحة والسفر والرحلات موضوعات مفيدة في السفر والسياحة

 
قديم 19-01-2010, 06:08 AM
  #1
dodi_dabdoobi
عضو مميز
 الصورة الرمزية dodi_dabdoobi
تاريخ التسجيل: Apr 2006
المشاركات: 2,684
dodi_dabdoobi غير متصل  
زيارتي الخطافية لماليزيا مع اكثر من 100 صورة مع دودي دبدوبي

بسم الله الرحمن الرحيم

السلام عليكم جميعا يا اعضاء منتدى عالم الأسرة و المجتمع

رجعت و لله الحمد من ماليزيا في اجازة قصيرة و اسبوع عسل خطافي صغير جددنا فيه انا و زوجي نشاطنا و غيرنا جو

كانت الرحلة ممتعة جدا بالرغم اننا ما رحنا غير كوالالمبور و هي معروفة انها صغيرة جدا و بالرغم اني حافظتها شبر شبر مع بابا بس سبحان الله تبقى الرحلة مع شريك العمر لها طعم آخر

و احذركم ان اغلب الصور كلها اكل و مطاعم يعني مو معقول احط لكم صوري انا و زوجي

و اعتذر منكم على تأخري في وضع الصور لاني مرة انشغلت

احكي لكم اولا كيف كان قرار القيام بالرحلة

كنت و عن طريق المزاح اقول لزوجي عندك اجازة اسبوع خلينا نسافر
قال فين نروح قلتله ماليزيا
قال انا نفسي اروح والله

خليني اشوف الحجز اذا في مكان في الفندق نروح

الو hotel nikko

عندكم حجز في يوم كذا و كذا


ايوة

اوكي

شكرا


في حجز يا ستي بس باقي لنا نشوف التذاكر



الو
مكتب الخطوط في حجز في اليوم الفلاني

ها

زحمة ؟

طيب ولا تذاكر الكاش ؟؟

اها

طيب طيب

شكرا


قفل زوجي و قال اروح اشوف بكرة بنفسي و اكلم واحد من اصحابي يشوف اذا في امكانية

و جا اليوم اللي بعده و كان يوم الاثنين و دخل زوجي و قال للأسف مافي حجز و الطيارة عشان المغادرين كلهم من العمرة مليانة و انا زعلت و خلاص كنت راح ابكي من القهر الا اشوفه يطلع لي لورقتين و يقول مبروك (يمزح الأخ )

كنت راح ابكي من الفرحة لاني مكبوتة جدا و كنت محتاجة اغير جو بجد


تحدد السفر يوم الخميس اول ساعة في آخر يوم بالسنة 2009

حزمنا متاعنا و ما أخذنا غير شنطة وحده و ملابس قليلة و بما ان اهالينا متعودين على اننا نجيب هذايا اخذنا معانا 3 سنط متوسطة فاضية داخل الشنطة الكبيرة نعبيها في ماليزيا هدايا



كل ما رحت مكان و جهزت الشنط الاقي هذي تروح و تجي معايا والله كأنها تعاتبني اني بروح و اسيبهم و تحس بغيابنا و تزعل سبحان الله




مسكينة اتهلكت من التعب نامت جمب الشنط على سريري في مكاني حبيبتي فديتها انا

يوم السفر :
ودينا الشنط للمطار و قطعنا البوردينغ من الظهر و ارتحنا من تعب الشنط وقت الرحلة
وديت بساسي عند صاحبتي و ودعت اهلي و توجهنا الى المطار الساعة 10 مساء في انتظار الرحلة
و كان موعد الرحلة يوم الاربعاء اخر منتصف الليل يعني فجر الخميس الساعة 12.15
مدة الرحلة 9 ساعات
توكلنا على الله
__________________
رب لا تذرني فردا و انت خير الوارثين

التعديل الأخير تم بواسطة عبـدالعـزيز ; 23-01-2010 الساعة 05:22 PM
قديم 19-01-2010, 06:14 AM
  #2
dodi_dabdoobi
عضو مميز
 الصورة الرمزية dodi_dabdoobi
تاريخ التسجيل: Apr 2006
المشاركات: 2,684
dodi_dabdoobi غير متصل  
أعزائنا المسافرين أهلا و مرحبا بكم على متن طائرة الخطوط الجوية العربية السعودية

المرجو منكم ربط أحزمة الأمان استعدادا للإقلاع



الحمد لله بعد الاقلاع قدمو لنا وجبة العشاء و كانت لذيذة و على فكرة انا احب اكل التموين حق الخطوط احس اني مسافرة اذا اكلت منه

اكلنا و اكتشفنا ان شاشتي و شاشة زوجي اللي على المقعد خربانة و قلنا خيرة و قضينا الرحلة في النووووووم و كلها شوية يمكن 3 ساعات و طلع النهار لاننا متجهين شرق فاختلف التوقيت

و هذا المنظر الخيالي من النافذتي روعة سبحان الله



صلينا الفجر و من الحماس ما جاني النوم

الحمد لله كنت مرة مبسوطة يا ناس لدرجة اني و انا الآن اكتب تذكررت هذا الاحساس و تحمست اكثر

هذا المنظر من الطيارة وقت قربنا من كوالا لمبور






و هذا بعد وصولنا للمطار طبعا اول ما نزلنا لقينا سائق الفندق بانتظارنا
و من الحماس طول الطريق و انا القط صور وعجبني جدا هذا المنظر المتكرر طول الطريق و هو ساق النخلة منبته عليه اشجار سبحان الله





و هذي الصورة اول ما دخلنا المدينة


و هذا الفندق اللي نزلنا فيه من برا


و هذا اسم الفندق hotel nikko



و هذي الصورة من استقبال الفندق وقت وصولنا


و هذا من جهة أخرى في البهو




و هذا الدور اللي نزلنا فيه الدور العشرين



و رقم الغرفة غير متوقع

يعني لو بغينا نحجز فيها ما نلاقيها هههههههه


و هذا السرير و الاضائات اللي في السرير رووووووووووعة انا حبيتها العب فيها كل شوية بالريموت و كانت لمبات من فوق السرير و الجانبين و تحت الطاولات الجانبية للسرير خيال و رومانسية



و هذا التلفزيون و المكتب يلوح من بعيد
و طبعا النت مجاني


و هذا ركن الشاي و الغلاية و الخزانة فيها مكواة و طاولة كوي و اعذروني من التعب رميت البلوزة في الدولاب بدون ترتيب



و هذا الشاور طبعا رائع و احلى شي لما اروح ماليزيا شعري يتصلح و يصير ناعم كالحرير
الموية عندهم حلووووووووووة


و هذا اكرمكم الله كرسي الحمام و أهم شي فيه ان معه شطاف منه فيه و ارتحنا من القوارير في الغسيل اللي كنت اشيل هم الحمام منها



و هذا الجاكوزي اللي طبعا ما فضيت له ولااااااا يوم دخلته يادوبك الحق عالفلة



و هذا مجفف الشعر و كان جيد و يعطي حرارة يعني مو بس مجفف الا ينفع سشوار يا ريتني ما جبت سشواري معايا



صلينا انا و زوجي و ريحنا و انطلقنا بعدها نتجول

__________________
رب لا تذرني فردا و انت خير الوارثين

التعديل الأخير تم بواسطة عبـدالعـزيز ; 23-01-2010 الساعة 03:09 PM
قديم 19-01-2010, 06:21 AM
  #3
dodi_dabdoobi
عضو مميز
 الصورة الرمزية dodi_dabdoobi
تاريخ التسجيل: Apr 2006
المشاركات: 2,684
dodi_dabdoobi غير متصل  
الحلو في الفندق ان فيه شتل (باص) ينقلنا كل ساعة الى سوريا klcc المركز التابع للبرجين و ينتظر دقائق و يتجه بعدها الى لوت تن (سوق في شارع العرب )بوكيت بيتانغ
و هذا السوق



و هذه الزينة معلقة


و هذا كشك شوكولاتة و هدايا اعجبني و صورته لكم



و هذا من الأماكن اللي خططت لها من بلدي اني اروحها اعشق البريتزل خطييــييير بالذات اللي بنكهة الجبن و نكهة البصل بالكريمة الحامضة يمييييييييي


نفسي في حتة



توجهنا الى ايسيتان فوق فيه سوبر ماركت و اشترينا الموية و شوية اغراض و شفت هذي الفاصوليا او لوبيا عجيبة طوييييييييييييلة و صورتها


و هذا يوسفي شوفو كيف صغير

يدنن


و لما خرجنا كان هذا المنظر و طبعا الزحام شديد في الحديقة التابعة للسوق


و كانت النافورة الراقصة تتراقص و تتغير الوانها روعة


جلسنا في الساحة من الساعة 9 مساء للساعة 12 اتعزقنا في الزحمةو انا مكوووورة من الزحام و الحر و النوم مرة تعبانة بس لاني كان نفسي اشوف الالعاب النارية جلست و الحمد لله ماعندهم حال باطل و لا خلاعة و الناس مرة محترمين و للاسف شفت مناظر تدمع القلوب لطلابنا هناك هداهم الله الا من رحم ربي
و اترككم مع الصور


اللحظات الاخيرة

و






استمرت يمكن 6 او 7 دقائق

حلوة لكن مرة خفت بصراحة جدا اترعبت منها ما اعيدها

والله تخيلت انها قنابل و كنت حاسة انها شوية و تطيح فوقنا لكن الحمد لله الله ستر و عدت الليلة على خير و سلام و رجعت البيت و انا ما فيا عرق ينبض و نمت نوم عمييييييييييق

تصبحو على خير


__________________
رب لا تذرني فردا و انت خير الوارثين

التعديل الأخير تم بواسطة عبـدالعـزيز ; 23-01-2010 الساعة 04:36 PM
قديم 19-01-2010, 06:27 AM
  #4
dodi_dabdoobi
عضو مميز
 الصورة الرمزية dodi_dabdoobi
تاريخ التسجيل: Apr 2006
المشاركات: 2,684
dodi_dabdoobi غير متصل  
صباح الورد و العسل

طبعا اي فندق خمسة نجوم نصيحة مني لا يفوتكم فطوره خيال
حياكم الله

و انا اعشق السالمون المدخن واو روعة فرش عندهم



انتهينا من الفطور و توجهنا للسوق klcc و من نفس السوق متصل بأكواريا عالم البحار قضينا فيه وقت ممتع لان زوجي عنده هواية الاسماك تربية و صيد
و ما صورت كثير بس هذا صورته لانه كان عندي مثله في حوض بيتي بس مرض و مات الله يرحمه و اتذكرته

اسمه بارون شارك و هو من اسماك المياه العذبة

و هذا قوقع


و هذا جمبري ناري
ما ادري ليش يقولو ناري و الموية عنده زي التلج هههههه


بعد ما انتهينا من الاكواريا زوجي جرب مساج السمك و انا قلت مستحيييييييييييل
و زوجي لما جربه طول الوقت يضحك السمك يدغدغ رجله هههههه



و هذا وقت خروجنا والله دخت و انا اصور المباني العالية عندهم


بعدها رحنا سوق انا و اهلي نسميه سنغة و نغة لان اسمه يضحك و صورت لهم صورة نافورته للذكرى ,,,,, احنسهم بعدين هههههه:






و هذا مطعم كنا نجي فيه مع بابا بس بصراحة اتغير اكله مو قد كذا


طلبنا سلطة(كانت رهيبة جدا فيها افوكادو) و باستا و بيتزا و كان غالي زي اللي هنا الحرامية ما يفرق بس الحمد لله عالنعمة البيتزا بالبط كانت سيئة و الباستا مو مرة
يعني السلطة احسن شي


اعطيه 6 من 10

و هذا محل شوكولا اسمه قوديفا تتخيلو ايش جوا الكيس ب 23 رينغت ؟؟



؟


؟؟


؟؟؟



؟؟؟؟




؟؟؟؟؟؟






؟؟
؟؟





هذا بسسسسسسس

قلت اكيد رهيبة و ما حصلت لكن خسارة سيئة جدا لكن على الاقل ذقتها



و نزلنا بعدها انا و زوجي نعمل عندهم مساج في الفندق من كثر مو باردين اللي يعملة المساج انا نمت و كان غالي مرة

لكن ارتحت شوية لاني مشيت كثير و نمنا و استعدينا لليوم اللي بعده
__________________
رب لا تذرني فردا و انت خير الوارثين

التعديل الأخير تم بواسطة عبـدالعـزيز ; 23-01-2010 الساعة 04:42 PM
قديم 19-01-2010, 06:32 AM
  #5
dodi_dabdoobi
عضو مميز
 الصورة الرمزية dodi_dabdoobi
تاريخ التسجيل: Apr 2006
المشاركات: 2,684
dodi_dabdoobi غير متصل  
صباح التوت

كان حلمي اني اذوق هذا التوت و الحمد لله تحقق

ما كان زي ما توقعته بصراحة توت الطايف احلى لكن حتى و انا هناك لازم اخترع و حطيت عليه سكر و كسرته بالملعقة و خليته في الثلاجة لليل و صار جنان يم يم


فطرنا في الفندق و توجهنا بعدها لحديقة الطيور



و هذي انثى الطاووس


و هذا ذكر الطاووس سبحان الله يستعرض قدامها و سبحان من خلقه و ابدع


الجميل في الحديقة ان اغلب الطيور بدون اقفاص و كان رائع جدا احتكاكنا بهم و اطعامهم قولو عني مثل الأطفال بس فعلا استمتعت بالرغم من اني اخاف من الطيور


و هذي طيور الفلامنغو



و هذي السمكة كانت لحالها في حوض ارضي مع عيالها صغاااااااار جدا اذا عديتوهم لكم جائزه



تحداني زوجي ان امسك بالطيور و اتصور معاهم و هو يعرف اني اخاف منهم و لكن قبلت التحدي و كانت الصورة تحفة لاني اضحك عليه اعطوه طير مشاغب ينقره كل شوية و في الاخير عمل عليه عملة هههههههه
انا حطولي واحد فوق راسي و واحد على ايدي و ثالث في حجري و نسيت الخوف من كثر الضحك على زوجي

مطرت علينا و نحن في الحديقة و بعد ما خرجنا رحنا الفندق غيرنا و لحقنا الشتل و توجهنا لشارع العرب و منه على برجايا تايم سكوير مشي



و هذي صورة للملاهي داخل السوق و زوجي بما انه ما يحب الملاهي ما ركبتها بس مرة كان نفسي اركب



خليتها في الخطة الجاية ان شاء الله اجي مع اخواتي الصغار


نكمل بعد شوية
__________________
رب لا تذرني فردا و انت خير الوارثين

التعديل الأخير تم بواسطة عبـدالعـزيز ; 23-01-2010 الساعة 04:51 PM
قديم 19-01-2010, 06:33 AM
  #6
مسز داني
عضو المنتدى الفخري
تاريخ التسجيل: Aug 2008
المشاركات: 10,079
مسز داني غير متصل  
حلوة الصور تجنن,,اخراج الصور و تنسيقها يفتح النفس
متابعة معك ,,
قديم 19-01-2010, 06:34 AM
  #7
dodi_dabdoobi
عضو مميز
 الصورة الرمزية dodi_dabdoobi
تاريخ التسجيل: Apr 2006
المشاركات: 2,684
dodi_dabdoobi غير متصل  
مين يروح شرق آسيا و ما ياكل ساتي ؟؟

سالنا عن احسن مكان ناكل فيه ساتي و دلونا على مكان اسمه كاجانغ بعيد عن كوالالمبور ب 15 دقيقة تقريبا
بس يستاهل المشوار المكان كبير جدا اسمه حجي سموري


نصيحة لا تروحوه في ويك اند زحام مو طبيعي و اكثر اللي يخدمو ما يفهمو انجليزي و ما قدرنا نلاقي طاولة الا بصعوبة و كانت مرة صغيرة


و اخيرا وصل الطلب
طفاسة انا و زوجي طلبنا 20 لحم و 20 دجاج

طبعا ما كملناه لكنه روعة خصوصا ان الجو ان ممطر




و رجعنا البيت و نمنا استعدادا للذهاب اليوم التالي للتشاينا تاون

__________________
رب لا تذرني فردا و انت خير الوارثين

التعديل الأخير تم بواسطة عبـدالعـزيز ; 23-01-2010 الساعة 04:54 PM
قديم 19-01-2010, 06:37 AM
  #8
dodi_dabdoobi
عضو مميز
 الصورة الرمزية dodi_dabdoobi
تاريخ التسجيل: Apr 2006
المشاركات: 2,684
dodi_dabdoobi غير متصل  
صباح الفواكه المنعشة



فطرنا و توجهنا ل بيتالينغ ستريت المعروف ب شاينا تاون


طبعا انا اساس زيارتي له هذا اليوم عشان المساج الريفلكسولوجي



خلاص علقت عنده كان نفسي اعيده تاني
بصراحة احسن من المساج اللي في الفندق من ناحية السعر و من ناحية الراحة


الحرمة تدعك وتكبس من قلبها صحيح تألمت في البداية من لان رجليني تعبانة جدا من المشي و لكن ارتحت لدرجة اني كان نفسي امشي السوق من اول و جديد حتى نفسيتي اتعدلت بعده

و عملت لي شمع للاذن غريب تولع شمعة و بعد ما تقرب من النهاية تفتحها و توريني تقول شوفي الوسخ من اذنك قد ايش انا انفجعت بصراحة و كان الشمع عرض مجاني مع المساج ساعة

ندمت اني ما رجعت اسوي مساج عندهم تاني بس ان شاء الله المرة الجاية
__________________
رب لا تذرني فردا و انت خير الوارثين

التعديل الأخير تم بواسطة عبـدالعـزيز ; 23-01-2010 الساعة 04:57 PM
قديم 19-01-2010, 06:44 AM
  #9
dodi_dabdoobi
عضو مميز
 الصورة الرمزية dodi_dabdoobi
تاريخ التسجيل: Apr 2006
المشاركات: 2,684
dodi_dabdoobi غير متصل  
عدينا على محلات العود لزوجي و للهدايا



هذا مكان في شارع بوكيت بيتانغ و قارنا بينه و بين مكان تاني لقينا ان اللي عند هذا المكان التولة اقل و القارورة سميكة و الحيز اللي فيه العود قليل و بالتالي ما اشترينا منه و للاسف ما رحت اشوف المكان التاني زوجي راح لوحده

بعدها مشينا للتايم سكوير عشان خاطر اذوق اكل هذا المطعم وصتني عليه قوالب


بصراحة اكله لذيذ و الدجاج كبير جدا يعني ربع دجاجة كانها نص من دجاجنا



و بصراحة لاحظنا ان عموما الاكل في ماليزيا جدا رخييييييييييييييييص و وفير و لذيذ



بعدها ريحنا شربنا قهوة لذيذة من مكان اسمه اولد تايم وايت كوفي


المكان اسعاره جدا مناسبة و قهوته تجنن اخذنا منها للسعودية اكياس 3 في 1
[/URL]

[/URL]

[/URL]




لفت نظري هذا الجمبري
[/URL]

قد راس الرجال هههههه
[/URL]



و هذي اكلة ماليزية انا اعشقها من كثر ما يحبها بابا صرت ادور لها في كل مكان اسمها كاري لكسة
[/URL]

و هذا طلب زوجي و ترا هذا العشا لا تفكرو اننا بعد كيني روجر اكلنا هذا الاكل
[/URL]


و هذا في يوم تاني
كنا لما نجي مع بابا ننزل في فندق استانا و كانت عنده اللاكسا خيال
قلت نفسي اذوق اللاكسه عندهم و رحنا يوم
بس للاسف تغير كل شيئ و كانت جدا سيئة و في المطعم الادوات المخصص للاكل فضة خالصة طلب منهم زوجي تبديلها باخرى و كانت فكرة الذهاب لاستانا لتناول العشاء سيئة
[/URL]

حتى المكان مليان ناموس و مو نظيف


و بعد هذا الحش كله طلبت
[/URL]

و نزلت عليه اخفف حرارة الفلفل ههههههههه

[/URL]

النتيجة النهائية

و تصبحو على خير
__________________
رب لا تذرني فردا و انت خير الوارثين

التعديل الأخير تم بواسطة عبـدالعـزيز ; 23-01-2010 الساعة 05:10 PM
قديم 19-01-2010, 06:49 AM
  #10
dodi_dabdoobi
عضو مميز
 الصورة الرمزية dodi_dabdoobi
تاريخ التسجيل: Apr 2006
المشاركات: 2,684
dodi_dabdoobi غير متصل  
صباح الخير

صحينا هذا اليوم انا و زوجي متأخرين و نزلنا نجري على الفطور و غرفنا كثير من الجوع ما اكلنا طيب من استانا اكلهم مو تمام و صحينا الوحش اللي في بطوننا زعلان


خفنا من زعله
هههههه



فطرنا و مباشرة رحنا المنارة برج التلفزيون

و هذي الصور من هناك


سبحان الله شوفو المطر من بعيد كيف






مناظر روعة

طبعا في مطعم دوار فوق البرج بس ما رحناه كنا شبعانين غير انه غالي ب 180 اظن للشخص

و تحت في زي الحديقة الصغيرة فيها حيوانات لفت نظري هذا الضفدع سبحان الله



مين فيكم يعرف ديلي فرانس اللي في جده الحرامي ؟؟؟

هناك مختلف و روووووووووووووووووووعة و اسعاره تهبل بتراب الفلوس
الشوربة تجي مجانا مع اكثر الاطباق



و انا طلبت لازانيا


و زوجي طلب لحم مع الصوص البني و البطاطس المهروسة


و هذا بعد


و هذا طلب مشترك
ثمار البحر مع الكريمة و الجبنة مقدمة داخل خبز البريوش

صورة للتعذيب





طبعا ما بقينا العيش حرام لذيذ





يم يم يم
__________________
رب لا تذرني فردا و انت خير الوارثين

التعديل الأخير تم بواسطة عبـدالعـزيز ; 23-01-2010 الساعة 05:19 PM
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:43 PM.


images