السلام عليكم



اكتشفت من فتره ان اخواتي يدورون المنتديات الجديده ويشاركون فيها ويتراسلون مع الشباب في الخاص في أمور المنتدى وفي الأعضاء والعضوات وحاطينهم الشباب مشرفات ويغرونهم بالأسلوب الزين

يعلم الله اني حزين مره ولا ادري وش اسوي ، قمت وسويت لهم منتدى نسائي لكن ما يدخلونه ولا يهتمون ويدخلون المنتديات الثانيه المختلطه اللي مالها فايده وانا اسميها منتديات المراهقين

ما ادري هذي عقوبة ربي فيني؟

لان كنت في فتره ماضيه اكلم بنات

وش الحل

لاتقولون كلمهم لاني ما راح اكلمهم

ابي حل من بعيد لبعيد

هل اخبر الوالده؟

اخاف اخبرها وتكلمهم ويعاندون اكثر

وش العمل؟

__________________
استغفر الله الذي لا إله إلا هو الحي القيوم وأتوب إليه

حلوة غيرتك على اخواتك ماشاءلله ..

اتفاهم معاهم بشوويش وبكل هدااوة ..

وان شاءلله مايسير في خاطرك الا كل طيب ..

دمت بوود =)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

أصلح حالك يصلحون خواتك
وبعدين ليه ظن السوء في خواتك
أخوي شارك خواتك هواياتهم
وبعدين مو شرط سجلو في منتديات أنهم راح يضيعون

__________________

ملامح قمر

انا ما ظنيت ظن السوء

بس ما ارضى يتكلم احد مع اخواتي وكأنهم من محارمه


لمحت لأمي

بس ما فهمت وبقولها ان شاء الله

هي لها شخصيه قويه عليهم


وبعدين انا قلت فتره ماضيه

يعني راااحت والحمدلله

__________________
استغفر الله الذي لا إله إلا هو الحي القيوم وأتوب إليه

ما احد شار علي


اعلم الوالده او لا؟

انا دخلت على منتدى من اللي يشاركون فيه

لقيت ان فيه شباب يتلاطفون معهم ويذكر كلمات غير لائقه

مثل فديتك - وياقلبو - وهالكلمات اللي طايحين فيها الراهقين والغير مراهقين برضه


لو كانو يشاركون في منتدى راقي ومفيد مثل منتدى المجتمع والأسره (على عيني وراسي) او منتديات نسائيه

لكن منتديات المراهقه هذي انا اخاف منها ولا احب اخواتي يشاركون فيها

شورو علي

__________________
استغفر الله الذي لا إله إلا هو الحي القيوم وأتوب إليه

انا اشوف الوحده تدخل المنتدى ولا تقبل الا نساء للصداقه غير كذا لا وكمان تراسل رجال وش رايحه تستفيد قولها هاذلو يتسلون على راسك المنتدي للثقافه والقراءه مو للعلاقات التافه

انت حاول تتقرب منهم لازم تكون حريص على خواتك في شباب تقول ابليس ممكن توصل لاكثر من مراسله من بعيد لبعيد وش رايح تستفيد خواتك يغرقون وانت تتفرج

حاول تاخذهم معاك مشوار اخوي وكلمهم باسلوب


حكاية انك كنت تكلم بنات سبحان الله نسيت ان الدنيا سلف ودين حتى لو نظره مو كلام بس نظره انشاء الله تكون توبة والله يتقبل والله يصلح خواتك ويبعد عنهم عيال الحرام وربي نت سلاح ذو حين لو مافى احد واعي وربي يغرق الله المستعان

أحييك على رجولتك وغيرتك على أخواتك
بس القوه معاهم ماراح تنفع يعني ماله داعي تخبر الوالده
لأنهم بيكونون المره ثانيه أحرص وبعدها ماراح تشوف أي شئ وبيكونون حريصين منك لو شافوك
للذللك انصحهم يسجلون بمنتدى عالم الأسره والمجتمع
والله يحفظهم يارب

__________________
live nice

كم أعمار أخواتك ؟؟

26

و

15

يوم كلمت اخوي اكبر مني قال وش تبيني اسوي لهم وماعليهم ليه خايف وما ادري ايش

__________________
استغفر الله الذي لا إله إلا هو الحي القيوم وأتوب إليه

اأخي الكريم اللي
فهمته ان اخواتك مشرفات , يتحدثن مع المشرفين في القسم الخاص عن امور المنتدى
تنظيم الأقسام , كيف يزيدعدد القراء , حذف مواضيع ,,,الخ
كيف تقول يغرونهم بالأسلوب
يعني هل يتمادون معهم بأمور خارج مواضيع المنتدى ام ماذا

__________________