كم عمرك وعمر زوجك؟؟
اولادك كبار ولا صغار ولا كبار؟؟

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

اعتذر عن التوضيح
بس اطفالي تحت الست سنوات


للعلم هو الحين يشوف مقاطع مضحكه
وروق بعد ما اهنته
كأنه حمل ثقيل وانزاح منه
يحارشني له اسبوع
يبغاني اعصب وارد عليه
وصار اللي تمناه

يعني خلاص هدأ الحين

يمكن ماعرف يتصرف لما كنت تتألمي من ضرسك
وشاف انك سفهتيه فبغى يردها لك

الله يصلح أحوالكم
انت دي نفسك وحاولي تروقي اعصابك

__________________
يا رب خاتمة حســنة ، وزلفى ، وحسن مآب ..

لا ابيه يفهمني
ولا ابي افهمه
بس يفكني من شره
ويحفظ لسانه
هذا ابسط حقوقي

لا تكتمي الغيض وتجمعي المواقف وتنفجري فجأه هذا تصرف لاتحمد عقباه

اذا عدت على خير هالمرة لان شياطينك طلعوا المرة الجاية شياطينك وشياطينه يتقابلون وهم اللي بيرقصون لكم ويطقون اصبع بعد

اهدي وتعاملي مع كل موقف على حده دعى عليك بالامراض تكلمي بهالموضوع مباشرة معاه لاتكتمينه تلفظ عليك بكلام غير محبب تكلمي معاه ان هالكلام عيب تقوله لي انا زوجتك وام عيالك

سؤال هل تقولين له زوجي الحبيب مجامله فقط او تقصدينها فعلا وتحبين زوجك وابو عيالك ؟

مازلتوا كما انتم في نفس الدائرة عادت الاحداث نفسها يتكلم احيانا وانتي تردين احيانا بعكس ماكان يتوقع يصغر عقله ويزعل ويردها لك وينرفزك وانتي تكتمين وهو ينقهر انه مانرفزك فيزيد الجرعات ويزيد ويزيد وانتي تفقدين السيطرة وتنفجرين بوجهه هو يهدأ انه وصل لمراده كأنها حلبة مو منزل

هالسيناريو لازم يتغير كيف ماادري

معك حق

👍👍👍👍

__________________
أشهد أن لا إله إلا الله و أشهد أن محمدا رسول الله صلى الله عليه و سلم

يمكن ماقدرت اوضح مشكلتي صح
كاتبه بالموضوع اني تغاضيت عن تصرفاته
لانه يرمي كلام من رجعت له
وانا مطنشه عشان المركب يمشي
ولانه التزم باهم الشروط

قصه ليه ماضحكت عالنكته السخيفه
فأنا بشر وهذا زوجي
مافيها شي لو قلت تعبانه مالي مزاج
وفعليا الم الضرس يتعب الفك
فحتى الضحك مو على كيفنا
والمريض عذره معه
ولاني اعرفه يعمل من الحبه قبه
راضيته ثاني يوم وطنشني
وبدا مسلسل قله الادب معي
وكأني عدوه مو زوجه

كلامه جارح جدا وتعامله --
وانا اقابل تصرفاته بهدوء وابتسامه
قام يزيد
ويزيد
ويزيد
لحد ما انفجرت امس
هنا هو رووووق وانبسسسسط
ورجع لموال: ظهرتي على حقيقتك
وكنتي تتصنعي الطيبه

وانا تشبعت من القهر والنفور
ما اشوفه رجل.. طفل..
ولا هو جدير بالصبر والاحترام


اللي يقولوا كان ماكتمتي
انا كنت مترفعه عن صغر عقله
ومطنشه تفاهاته ومتغافله عن --
لحد ما زودها جدا معي
اتق شر الحليم اذا غضب


اذا حتى اطفالي الصغار يهزءهم قدامي
ويقول لبنتي: ----
وهو عارف اموووت ولحد يقول كذا لعيالي
وكنت كاتمه وساكته ما ابي مشاكل
وحتى لما طلبت اتكلم معه بالغرفه
كان بنيتي اسأله الى متى الوضع كذا
شفته --- يقول انقلعي ما ابي اكلمك
ورجع --- الاسلوب اللي تركته بسببه
وكلام عيال الشوارع التشيب
فانفجرت فيه
ونمت وقمت وانا مقهوره منه
الى حد الان


كلامي عن الطلاق ورجعتي لاهلي
حتى يفوق على نفسه
ويتذكر كيف تمرمط حتى يرجعني
والحين يهيني بالايام بدون سبب
قلت له اذا مو قادر تحترمني
رجعني لبيت العز اللي كنت فيه
وخليك انت مع اوهامك و--- لسانك


انا ما مر علي بالعالم واحد كذا
يزعل من ولا شي
ويصر يطوووووول الخصام
كتبت بموضوعي كذا مره صدني
واستحي اتعمق بالتفاصيل
بس حتى لما اجلس جنبه واقرب
يبعد ويقول وخري عنه بنرفزه
واكمل قهوتي بهدوء
ما كأني اسمع
وحركات كثيره --- منه
وقبل اروح لاهلي اقول له
ما ابي اروح واحنا متزاعلين
قال كولي.... !!
ما ابي اسمع صوتك

اللي بالاحمر يشخص الحاله
هذا واحد مايبي هدوء ولا استقرار
ما ادري ايش يبغى بالضبط !!!

شي غير طبيعي كلمه والثانيه طلقني وبروح بيت اهلي...انا مسويه جراحه هالفتره واعرف وضع الالم الاتعانينه بس مااحس لدرجة اني ماعندي استطاعه ابتسم او اقلها اسكت ...المهم واصلي التغيير واعتبري كأنه اللي صار ماكان

ماني قادره اسينات
هو رجعني لمرحلة الصفر
خانقني له أيام.. لوم وعتب واهانه
انخنقت منه وقلت له ياتعاملني بالحسنى والا طلقني
ايش اعمل ما يبي يسمعني
ولا يبي يتكلم معي
فوقها يجرحني قدام الناس والأطفال والشغاله