الفتور الزوجي بعد عشر سنوات. - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

إضافة رد
قديم 12-02-2022, 12:51 AM
  #1
غـادة..
عضو نشيط جدا
 الصورة الرمزية غـادة..
تاريخ التسجيل: May 2015
المشاركات: 674
غـادة.. غير متصل  
الفتور الزوجي بعد عشر سنوات.

عدنا والعود أحمد ..

سؤال ، ماهو سبب الفتور الزوجي بعد عشر سنوات زواج؟
صمت وانعدام للعلاقة الزوجية.

بديت أشكّ بوجود امرأة أخرى . ولا أعرف هل شكوكي حقيقية أو لخبطة هرمونات . خصوصا اني وقّفت حبوب منع الحمل هالفترة.

شكوكي كلها تتمحور حول العلاقة ، وأعتذر للصراحة
لكني أحتاج أفهم !

انعدام تام للرغبة الجنسية وصعوبة وتأخر بالقذف
وحتى لو لبست او كشخت صار مايلفت انتباهه بالأساس !! نهائي !!

هالشيء مو من عادات زوجي ، وزوجي بصري من الناحية الأولى ، ويصرح دائمًا ان اهتمامي شكلي أهم شيء عنده
أهم من اهتمامي بالبيت او بالاكل وغيره .

ليه .. ايش السبب !!
ابغى أحد يفهمني 😭
__________________
سبحان الله وبحمده ، سبحان الله العظيم
رد مع اقتباس
قديم 12-02-2022, 01:13 AM
  #2
غـادة..
عضو نشيط جدا
 الصورة الرمزية غـادة..
تاريخ التسجيل: May 2015
المشاركات: 674
غـادة.. غير متصل  
رد: الفتور الزوجي بعد عشر سنوا

سافر زوجي رحلة للعمل قبل أسبوعين ،
أكرمني ماديًا وسافر ، تواصله كان قليل وشبه معدوم .وسفرته كانت مقررة 5 ايام
وامتدت بعدين الى 7 ايام .
راعيت أنه بيكون مشغول مع زملاءه ،
تواصل معي مرة وسمعت صوت رجال معاه
والمرة الثانية كان التواصل كتابي وكنت بتكلم معاه ، قال بس دقيقة اطلع من زملائي واتصل عليك .

السفر كان مدته أسبوع ، وعادةً يطلب مني صور وما الى ذلك ، المرة هذي نهائي .
وأنا شكّيت ، وأرسلت مرة وحدة ، لكنه ما تجاوب معي !
عادةً يطلب المزيد حتى ينتهي - عذرًا للصراحة -
لكن المرة هذي اكتفى بايقونة قلب !!!! بس !!

رجع من السفر واستقبلته وكانت العلاقة لاول مرة ،
وزي ماقلت استغرقت وقت طويل جدًا . بشكل مختلف عن العشر سنوات الماضية !!
بشكل واضح!!!!

من بكره صارت مشكلة بيني وبينه، وضغطنا ع انفسنا بحلها
وللاسف كنا مرهقين وتعبانين وقمنا واحنا ماحليناها حتى !
هو ماكان له نفس انه يتكلم
وانا ايضا كنت احسه غلطان مرة

تجاوزناها ومن بكره ولا كأن شيء صار ..
بس شايلين بخواطرنا.


الموقف اللي شكّكني مرة ثانية !!
سألته قلت متى بتاخذ الثالثة؟؟؟

هو تغير وجهه وقلب الوان وارتبك قال هاه شقصدك؟!!
قلت اقصد الجرعة الثالثة متى
ضحك قال اي وانا اقول هو فيه حرمة ثانية عشان اخذ ثالثة !
ايووه هو هنا حولها لنكتة لكن هيهات تمر عندي مرور الكرام 😅


بعدها والموقف الثالث اللي شككني
صارت علاقة وطلب مني وضعية محددة بالتفاصيل .
اعتذر لكن تفاصيل دقيقة يخبرني كيف تتم ؟؟
ولا زال موضوع صعوبة القذف مستمر !
هل هو جسمي صار ماصار يشوفه فاتن ؟ ما يثيره ؟

طبعًا لما ننتهي عادةً يبادر بالحضن ، المرة هذي لا ، اعطاني ظهره وجلس ع جواله .

لما قام انا انهرت بكاء لأني ما اعرف انا فعلا احساسي صحيح او انا رسميا مريضة شك وقلق .
بديت ابحث زي المجنونة عن اعراض القلق
واحصلها فيني !
بعدين تذكرت حبوب منع الحمل اللي وقفتها بعد اكثر من سنة استخدام
وجلست ابحث وقريت ان فعلا تكون الهرمونات متلخبطة بعد ترك الحبوب ويؤثر ع النفسية
__________________
سبحان الله وبحمده ، سبحان الله العظيم
رد مع اقتباس
قديم 12-02-2022, 01:23 AM
  #3
غـادة..
عضو نشيط جدا
 الصورة الرمزية غـادة..
تاريخ التسجيل: May 2015
المشاركات: 674
غـادة.. غير متصل  
رد: الفتور الزوجي بعد عشر سنوا

قبل كم شهر كانت بيننا مشكلة .
وقال زوجي وهو يتكلم معاي - يازعم يحل الموضوع -
قال انه فيه شيء كنت اسويه معاك وبطلت من 6 شهور ، عقابًا لك ! احرمك

انا ماجاء ببالي شيء ، واصلاً انصدمت من طريقته الانتقامية وانلخمت
قلت مافي شيء ببالي !
قال انا بطلت من 6 شهور بعد تتذكرين لما تكلمنا عن موضوع وجيت انا قلت احس انه مارح يتم .
انتي صدمتيني وانا عفتك !! وانا ذيك الفترة عجزت اتقبلك ومصدوم منك ؟!!!
وتركت عادة اني اقبّلك قبل النوم عقابًا لك !!

شايفين ؟!!
قلت ومواقفي اللي قبل بامانة ماشفعت لي هالجملة اليتيمة اللي قلتها
جلست ابكي مقهورة ع كل تنازلاتي وبالنهاية جملة وحدة قلتها نسفت كلللل شيء حلو سويته وتعاقبني عليه !!

هو تندم انه قالها لي ، وقال خلاص ماعلينا خلينا نسكر صفحة الماضي !!

بس انا عجزت انساها
عجززت احسها زي السكينه بقلبي

والحين جالس هالموقف بعقلي
اقول يمكن ان بعده جالس بزعمه يعاقبني؟!!
__________________
سبحان الله وبحمده ، سبحان الله العظيم
رد مع اقتباس
قديم 12-02-2022, 01:39 AM
  #4
غـادة..
عضو نشيط جدا
 الصورة الرمزية غـادة..
تاريخ التسجيل: May 2015
المشاركات: 674
غـادة.. غير متصل  
رد: الفتور الزوجي بعد عشر سنوا

سافر زوجي قبل شهرين مع اصدقاءه لمدة اسبوع لمدينة عربية .

بعدها سافر مع عمله لنفس المدينة .

والاسبوع هذا قال لي انهم يطلبونه بعمله يكون مسؤول التواصل بين عمله وشركة في نفس المدينة ؟!!


طبعاً قلت له انا اتمنى انك ترفض هالطلب ، انا مو مرتاحة ولا ابغى
انا ما احكمك ولا اجبرك .. لكني زوجتك ويحق لي انقل لك مشاعري !

ما اعجبه ردي وقال انها فرصة ذهبية خصوصا لو كان فيها انتدابات بيكون فيها مزايا مالية.
لكني اكدت له رفضي

وقال ع فكرة احتمال تكون مجرد تنسيق هاتفي بين الفرعين ، مافيها انتدابات
وبيكون بس شغل ع الفاضي ..
قلت تمام اجل احسن لك ارفض .


تردده ع المدينة هذا مسبب لي توتر !

قلت له قبل امس ايش رايك نسافر ، خصوصا اني موظفة وعملي مرة مسبب لي ضغط نفسي
نروح انا وانت لوحدنا
واقترح نفس المدينة 🙂 صدقيني بتعجبك وخليني اوريك احلى الاماكن اللي فيها 🙂

انا شكلي بقتله وادفنه هناك عشان ارتاح منه ومن طاري هالمدينة 😂

لما جلست افكر بمشاعري بتمعن، اكتشفت انو مو كل الموضوع غيرة
لأ
أنا نوعا ما مزعجني انه يكون مبسوط بمكان بعيد عننا
اوكي يسافر مع اصدقاءه مرة كل سنة سنتين
لكن تكون متعته كلها بعيده عننا
ذكرياته كلها مفصولة عن ذكرياتنا

هالشيء مزعلني بصراحة .
وانا عارفة الضغط النفسي الهائل اللي نمر فيه
سواء مادي او نفسي
حاليا نمر بقضية مادية
ومرهقتنا ومأزمتنا كلنا مع بعض
انا امر بنفس اللي يمر فيه.

ليه هو يطلع وينبسط وانا بالبيت مع الاطفال.
حتى انا مضغوطة جدا
واحس بالوحدة
والروتين والملل

اهخ الله يعين
__________________
سبحان الله وبحمده ، سبحان الله العظيم
رد مع اقتباس
قديم 12-02-2022, 02:02 AM
  #5
غـادة..
عضو نشيط جدا
 الصورة الرمزية غـادة..
تاريخ التسجيل: May 2015
المشاركات: 674
غـادة.. غير متصل  
رد: الفتور الزوجي بعد عشر سنوا

انا الحمدلله ربي رزقني جمال ومو بس انا اشوفه كثير تصير لي مواقف وناس اول مرة اشوفهم
يأكدون هالشيء
معتمة جدا جدا بشكلي وبلبسي وبنظافتي
اتروش يوميا واتبخر واتعطر باغلى العطور
شعري صرت اسويه كل يوم
كنت اخاف عليه واقلل استشواري له ،
صرت اليسه كللل يوم . ابغى اعرف ليه مايشوفني فاتنة ؟
ميك اب يوميا .. واتوضى للصلاة امسحه وارجع احطه .. مستوعبين ؟
لبسي كللل يوم البس شكل
واشتري والبس الجديد
وهو قسم بالله نظرة وحدة مافيه ..
مو نظرة سريعة .. اقسم بالله نظرة خاطفة مافيييه !!!

هالشيء مخليني معصبة . ومشككني وموترني زيادة .
ليه .. ايش اللي تغيّر الان ؟! ليه قبل كنت اجمل وحدة بالعالم والان انا والكنبة واحد ؟

دايمًا يقول لي انتي عنيدة
انتي تعاندين
انتي تحطين راسك براسي !!

اخر مشكلة اول مارجع من السفر مستوعبين اننا تهاوشنا عشان شباك غرفة النوم؟!!
هى يقول لا تفتحينه وانا اقول ابغى هواء الغرفة يتجدد .
وتهاوشنا 😂 يقول تحطين راسك براسي !!
طيب انا بنام بالغرفة زيك ليه مايصير لي رأي !!

بكل موقف بكل مشكلة يبغى رايه هو اللي يتم ! كل مرة
طيب انا عايشة معاك ليه يجي رايي بعد رايك ؟
ليه ما مرة انا اتنازل ومرة انت تتنازل !
لا لو سمحتوا ، مايصير احط راسي براسه !!


وضعنا طبيعي ؟ 🥲
__________________
سبحان الله وبحمده ، سبحان الله العظيم
رد مع اقتباس
قديم 12-02-2022, 02:15 AM
  #6
غـادة..
عضو نشيط جدا
 الصورة الرمزية غـادة..
تاريخ التسجيل: May 2015
المشاركات: 674
غـادة.. غير متصل  
رد: الفتور الزوجي بعد عشر سنوا

اول كنت اظن ان المصارحة هي الحل ،
وبيكون اسهل لي الموضوع لو تصارحنا وقلت له اللي مضايقني
وقال ايش مضايقه..

لكن المشكلة انه هجومي وينهال علي باشياء قديمة وصادمة واشياء عفوية قلتها او سويتها
وهو ماسكة معاه وجالس ينتظر الوقت ينتقم !!
هذا اللي مخليني خايفة اتكلم
خايفة اسأل

اخر مرة صدمني وجرحني وغثني بكلام ماكنت اتوقع ولا واحد بالمية .
__________________
سبحان الله وبحمده ، سبحان الله العظيم
رد مع اقتباس
قديم 12-02-2022, 12:14 PM
  #7
غـادة..
عضو نشيط جدا
 الصورة الرمزية غـادة..
تاريخ التسجيل: May 2015
المشاركات: 674
غـادة.. غير متصل  
رد: الفتور الزوجي بعد عشر سنوا

قبل شوي لما صحينا جاء ضمني لأول مرة من رجع من السفر !!
انا صرت محتارة جدا
كنت راح ابادر
بس خفت يشوفني اني شهوانية وعذرًا
قال الى متى هالتغلي !
حضنني كم دقيقة واعطاني ظهره
انا كنت ابغى لكن مافي اي رغبة منه، فهمتوا علي ؟
اخاف ابدأ يقول كان حضن بريء وانتي تمحورين المواضيع !!

خصوصا زوجي له ماضي بتفشيلي احيانا لو كنا بمشكلة يرفض ويقول بنام !
فانا صرت استصعب جدا المبادرة خوفًا من الرفض.

لكني فعلاً انا احتاجه لكن ما اقدر ابدا اذا انا اصبحت غير مغرية او فاتنة .. هالشيء يجرح
__________________
سبحان الله وبحمده ، سبحان الله العظيم
رد مع اقتباس
قديم 13-02-2022, 08:18 PM
  #8
Meriem Aou
عضو نشيط جدا
تاريخ التسجيل: Aug 2015
المشاركات: 214
Meriem Aou غير متصل  
رد: الفتور الزوجي بعد عشر سنوا

السلام عليك و رحمة الله وبركاته
الله يعينك و يفك كربتك
اعلمي ان قلب زوجك بين اصبعين من اصابع الرحمان يقلبه كيف يشاء
فاسالي الله ان يزينك في عينيه و يحيي حبك في قلبه
هل عندكم اولاد ؟
من كلامك حسيت كاين 3 احتمالات
انه مريض وما يبغا تعرفين فلو تساليه بلطف ليس على العلاقة و انما اساليه هل ازعجتك في شيء احس جفوة بينا هل بدر مني شيء ... ولا تذكرين العلاقة و انما ركزي على الحب و التحاور فممكن يصارحك
الاحتمال الثاني انه صح معدد... فهنا والله انا من منظوري و بعيدا عن العاطفة المراة اذا عدد زوجها سرا بدون علمها تترك الامر في السر و لا تحاول تبينلوا انها اكتشفت الموضوع لانه مو بصالحها تظهر على العلن ... ...
وتتعاملي كانه ماخطر ببالك اطلاقا وتناقشيه على نفس وتيرة الاحتمال الاول ليش متغير معي هل بدر مني شيء وتلعبي على العاطفة وتقولين لو مو حبي الك ما اهتميت
اما الاحتمال الثالث انه صح بدر منك شيء و طحتي من عينه و ماعاد الو رغبة فيك فانتي اصلحي حالك فطريقة الندية مع الزوج ابدا ماتنفع
اذا قال سكري الشباك و انت تريدينه مفتوح لا تقولين سبري بسبرك و انا الي مثل ما إلك و حقي مثل حقك هذي طيريقة الرجولة ما يحبها الرجال ويحس كانه مع صاحبه او اخوه و ليس مع انثاه ....
هل زوجك على دين وماله علاقات خارج اطار الشرع او انه ينظر الى المحرمات فصار يعزف عن الحلال
رد مع اقتباس
قديم 13-02-2022, 10:52 PM
  #9
wa1121
عضو نشيط جدا
 الصورة الرمزية wa1121
تاريخ التسجيل: Jan 2016
المشاركات: 4,121
wa1121 غير متصل  
رد: الفتور الزوجي بعد عشر سنوا

الاخت مريم ماشاء الله عليها ماتركت لي شي


فقط حبيت اظيف انه ما تزعزعين ثقتك بنفسك
ربما زوجك يمر بظروف ماحب يقولك لان نفسية الانسان كالتضريس مرتفعات ومنخفضات كل يوم هو في حال


وماعجبتني يوم قلتي يعاقبني
ما احد يعاقب احد وان كان لابد يصير فانت الي تعاقبيه بعدم القرب مو هو
لانه لويرغب يجي مارغب فلانه عنده شى
واحسني النية في هذا الشئ ربما اثار الكرونا او التلقيح وغيرها


الله يصلح حالكم

التعديل الأخير تم بواسطة wa1121 ; 13-02-2022 الساعة 10:55 PM
رد مع اقتباس
قديم 14-02-2022, 06:48 PM
  #10
غـادة..
عضو نشيط جدا
 الصورة الرمزية غـادة..
تاريخ التسجيل: May 2015
المشاركات: 674
غـادة.. غير متصل  
رد: الفتور الزوجي بعد عشر سنوا

اقتباس:
المشاركة الأصلية كتبت بواسطة Meriem Aou مشاهدة المشاركة
السلام عليك و رحمة الله وبركاته
الله يعينك و يفك كربتك
اعلمي ان قلب زوجك بين اصبعين من اصابع الرحمان يقلبه كيف يشاء
فاسالي الله ان يزينك في عينيه و يحيي حبك في قلبه
هل عندكم اولاد ؟
من كلامك حسيت كاين 3 احتمالات
انه مريض وما يبغا تعرفين فلو تساليه بلطف ليس على العلاقة و انما اساليه هل ازعجتك في شيء احس جفوة بينا هل بدر مني شيء ... ولا تذكرين العلاقة و انما ركزي على الحب و التحاور فممكن يصارحك
الاحتمال الثاني انه صح معدد... فهنا والله انا من منظوري و بعيدا عن العاطفة المراة اذا عدد زوجها سرا بدون علمها تترك الامر في السر و لا تحاول تبينلوا انها اكتشفت الموضوع لانه مو بصالحها تظهر على العلن ... ...
وتتعاملي كانه ماخطر ببالك اطلاقا وتناقشيه على نفس وتيرة الاحتمال الاول ليش متغير معي هل بدر مني شيء وتلعبي على العاطفة وتقولين لو مو حبي الك ما اهتميت
اما الاحتمال الثالث انه صح بدر منك شيء و طحتي من عينه و ماعاد الو رغبة فيك فانتي اصلحي حالك فطريقة الندية مع الزوج ابدا ماتنفع
اذا قال سكري الشباك و انت تريدينه مفتوح لا تقولين سبري بسبرك و انا الي مثل ما إلك و حقي مثل حقك هذي طيريقة الرجولة ما يحبها الرجال ويحس كانه مع صاحبه او اخوه و ليس مع انثاه ....
هل زوجك على دين وماله علاقات خارج اطار الشرع او انه ينظر الى المحرمات فصار يعزف عن الحلال

عليكم السلام
نعم عندنا طفلين

قبل امس بالليل عجزت اتحمل قبل النوم
قلت سؤال وبامانه جاوب عليه بس ابغى افهم عشان لو فيه شيء ندور حل
قلت تشوفني حلوة وفاتنة او لا
عارفة سؤالي غبي 😂 بس كنت احتاج افهم !!

قلت مو بشكل عام .. ابغى بعيونك انت .. الحين وهاللحظة .

قال ايه اشوفك حلوة بس بصراحة التغلي هذا قاهرني !!
دايما تنتظريني انا ابادر !!
يقول انتي تتغلين
ولما جيت احضنك قبل يومين كنتي تتغلين ولا تعطيني مجال ؟!!


المهم اني قلت لاا ما اتغلى وقمت انا وبديت
حاول قال وراي دوام
قلت حتى .. انا اي دونت كير

تجاوب معي بشكل سريع وزي قبل وحسيت كانه هو بالاساس كان يبغى بس يكابر مايبغى
من بكره وضعنا كان اكثر من طبيعي
كان يسولف كثير عن العمل
تقهوينا سوا
طلع مساءً بدون مايخبرني الوجهة ، ووترني هالشيء
وش المشوار السري
مع انو عقلي يقول مستحيل
بس قلبي مو مرتاح

لما رجع جلس يشممني عينات عطور وعرفت منه انه رايح لمعرض عطور.

وهذي مشكلة ثانية واحاول ما اركز فيها ،
ليه ماتبغى نطلع سوا ؟
قبل كنا نسرق الوقت اللي اطفالنا يكونون مشغولين ونطلع احنا مع بعض !

بس دي ماقلت نخليها خطوة خطوة 🙂 خلينا نحل المشكلة الاولى قبل

بخصوص زوجي فهو نظامي ودقيق ولا اعتقد شخصيته تسمح له انه يكون علاقات خارج الزواج.
ما اعرف انا احس كذا
انا عاشرته 10 سنوات
هو شخصيته كمالية ونظامي بشكل محد يتخيله
مستحيل يتعدى الخطوط اللي راسمها .

دينيا لا والله هو مقصر جدا.
__________________
سبحان الله وبحمده ، سبحان الله العظيم
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 05:15 PM.


images