سأقوم هنا ان شاء الله تعالى بوضع جميع المعلومات التى تهم
كل المسافرين الى فرنسا من سياح الى طلبة الى رجال أعمال
علما بأن الموضوع بالكامل منقول وكذلك الصور من مواقع عدة .

أولا باريس

ابرز معالمها برج ايفيل واشهر شوراعها جادة الشانزلزيه واشهر
المقاهي فيها مقهى الفوكيه






شارع الشانزليزيه

يوجد في الشانزلزيه وهو ارقى وافخم الشوارع السياحيه بالعالم كله لانه
يوجد به افخر اوارقى المحلات والماركات العالميه والمطاعم الراقيه مثل
مطعم بيتزا بينو وكما يوجد فيه مقهى الكارديدور وكثرةفيها المقاهي
على جنبات الرصيف والطرقات

الحدائق

وفيه حديقة غابات بالونيا الشهيره والتي يوجد فيها بحيرة مفضله
للعشاق الرومانسيه والجو اللطيف وكذلك يمارس اغلب السكان فيها
رياضة المشي والجري في جنبات الحديقه ويمر بها نهر السين ولقد عدل
مجرى نهر السين بحيث يدخل في وسط العاصمه باريس ويشقها بالنصف تمام

مدينة الألعاب دزنى يوروب

وعلى بعد مسافة نصف ساعه على طريق السريع فرنسا المانيا يوجد مدينة
الالعاب الشهيره دزني يورب ( والت ديزين ) وفي المدينة دزني لاند يوجد
ستة او خمسة فنادق بمختلف المستويات والمطاعم وجميع الخدمات وكما
ان الالعاب فيها لكافة الاعمار كبار وصغار

المطاعم

هناك يوجد في باريس مطاعم عربيه تقدم الاطباق العربيه وهي مطاعم
راقيه جدآ مثل مطعم الديوان وهو يطل على نهر السين

يوجد في جنوب العاصمه الحي الاتيني وهو حي يسكن فيه العرب من
شمال افريقيا من المغرب والجزائر

اغلب السياح من العرب هم من الخليجين والذين يفضلون المشي طوال فترة
المساء في شارع الشانزلزيه متنقلين بين المقاهي الراقيه والمطاعم

وشارع او جادة الشانزلزيه تبدأ من تجمع عدة طرق او شوارع رئيسيه تلتقي
في دوار على بوابة قوس النصر ثم ينتهي بك الشارع الى دوار ميدان سله
اهراميه قديمه يكون فيها اغلب الاحيان او تقام عليها العروض الوطنيه والعسكريه

المشى والتجول

المشي على هذا الشارع هو المتعه الحقيقه حيث الرصيف الواسع والمحلات
الكبيره الراقيه والناس تزدحم فيه ليل ونهار
الطرق في باريس مرصوفه بالحجارة القديمه مما يعطي انطبعآ مميزآ وجذاب
عند السائح وكذلك جمال مبانيه وبيوتها القديمه واللتي يصل عمر بعضها الى
لثلاثة قرون او اربعه وكذلك يوجد مباني حديثه مميزة

فكرة عن الأسعار

بالنسبه للاسعارفهي غاليه جدآ وخصوصآ في منطقة الشانزلزيه حيث ان
فنجال القهوة يصل سعره الى حدود 12 دولار تقريبآ في مقهى الفوكية

فيها متحف اللوفر الشهير وبرج ايفيل والحدائق التي تحت البرج...

افضل الطرق للوصول الى مدينة ديزني للألعاب هي الاندر جراوند




خالص تحياتى واحترامى للجميع

باريس عاصمة النور والجمال .. وهي احدى المدن الفرنسية الجميلة




ابدا بالمناطق في باريس حيث ان باريس تنقسم الى عشرين منطقه

وتسميتها تبدا من باريس واحد الى باريس عشرين ... طبعاً احلى المناطق

واشهرها هي باريس ثمانيه .. بسبب وجود شارع المشاهير الشانز اليزيه

وبعض الشوارع الاخرى مثل الافنيو مونتين وسان اونوريه (او سانت هونور )

يبدا الشانزليزيه من المسلّة المصرية في منتصف ساحة الكونكورد وينتهي بقوس النصر

وانت ماشي على الشانزاليزيه راح تشوف جميع جنسيات العالم ... والحركة

فيه تبدا من الصباح بافتتاح اليابانيين وتنتهي في حدود الساعة خمس ..





يبدا الشانزليزيه بقوس النصر

ARC DE TRIOMPHE وارتفاعه ياصل الى 110 متر اذا طلعته

يعطيك بانورما على الشانزاليزيه ولا اروع منه






المحلات والأسواق

المحلات في هالشارع كثيره ومن اشهرها محل العطورات وادوات الزينة

سيفورا ..وهالمحل يعتبر اكبر محلات العطورات في باريس .. SEPHORA

ومن المحلات الكبيرة في هالشارع محل اسمه فناك

FNAC والمحل هذا جنب السيفورا وهو في قلب الشانز اليزيه والمحل هذا
مشهور بالادوات الالكترونيه من كمبيوترات وجوالات وافلام فيديو

والمحل هذا يبيع شرائح جوال مدفوعه .. سعر الشريحه حوالي 30 يورو ..
ويطلبون منك احضار جواز سفرك عشان يعطونك شريحه!!

وفيه محل ديزني لملابس والعاب الاطفال .. ولوي فيتون LOUIS

VUITTON وهذا من اغلى محلات الجلديات .. وتلقى اليابانيين صافين

سرا عليه .. وبصراحة بضايعه حلوه مره

.
وشارل جوردان للاحذيه والجاكيتات .. ومحل قاب للملابس.. والمحلات

كثيره لو اعددها كلها ماخلصت

بعض شركات السيارات الكبيره لها صالات عرض خياليه في الشانز اليزيه ..
ومنها معرض للمرسيدس موجود فيها موديلات خياليه .. ومعرض لتويوتا ..
ومعرض رينو اللي جلست اسعبل عند الموديلات اللي حاطينها .. لانها شي
مايخش المزاج .. سيارات غريبه من جد


سوبرماركت كبيره اسمها مونوبغي

Monoprix شعارهم .. كلش(ن) في الثلاجة!!!

المقاهي والمطاعم


طبعاً اشهر مقهى هو الفوكيت

Fouquets... مافيه احد راح فرنسا ولاجلس فيه ..وافلقوني
اذا فيه احد يدري انه مسمى نسبة الى مؤسسه لويس فوكيه ..

خيالي .. صاير في الزاويه بين الشانز اليزيه وشارع جورج الخامس ..

والفوكيت يقفل الساعة 2 في الليل .. وهو من المقاهي الغالية ..
سعر الكابتشينو فيه يوصل الى 8 او 9 يورو والمويه 10 يورو!!

ومن المقاهي المعروفه هناك قهوة باريس Cafe De Paris وهالقهوة اكثر
اللي يجونها اجانب وهي جنب الفوكيت ... ويجي بعدها قهوة لو
دوفيل Le Deville .. هالقهوة ماتسكر الا الساعة 2
في الليل .. تلقى غالبية
اللي جالسين فيها حاجزين طاولاتهم من بدري .. مع العلم
ان فيه قهاوي افضل منها بكثير .. بس هالعالم تعودوا ..

ويجي بعد الدوفيل ..تجي قهوة رينو Renault وهالمقهى راقي وهادئ في

نفس الوقت .. وصاير داخل معرض رينو للسيارات.. جنبها على طول

هاجن داز Häagen-Dazs سلملي على وهالمكان
معروف عند كثير من

الناس ببيع الايس كريم .. والجلسة في هالمكان تحلو في اخر العصر .. لدرجة انك
بتلقى عليه سرا ناس يبون يجلسون فيه .. وفي هالفترة يجي نفس ا

وفي الجهة المقابله من الهاجن داز تجي قهوة الماريوت Marriott وهالقهوة
في نظري انا من احلى القهاوي .. والسبب ان اللي يخدمون فيها نفسياتهم
حلوه غير اللي في القهاوي الثانية ..وهي تقفل الساعة 12 في الليل ...
وتجي بعدها بمسافه قهوة اسمها مدريجال Le Madrigal هذا احلى وقت لها اول العصر

المطاعم

بالنسبة للمطاعم عد واغلط .. منها الفوكيت اللي تكلمنا عنه قبل شوي يوجد
في داخله مطعم فخم لكن اكله بصراحه مهوب الى هناك ... وفيه بعد مطعم
ماسيون دي السياس MAISON D'ALSACE وهالمطعم من احلى المطاعم
اللي تقدم المأكولات البحرية وبصراحه كل ما مريت من عنده لقيته فاتح
مابعد شفته مقفل ابد بتلقى ناس كثير طالبين طبق مكون من ثلاثة ادوار
ماكولات بحريه اشكال والوان ولكن مشكلتها انها نيه .. يعني لاتغلط
وتطلبها والا بتبلش فيه مثل بعض الناس .. الله يديم النعمه .. الطعم رايح
... وفيه مطعم بيتزا بينو Pizza Pino وهو تقريباً اشهر
مطعم في الشانز اليزيه تلقى
مسنترين فيه من بعد الساعه 2 في الليل .. وقدامه مطعم بيتزا
روما Pizza Rome وتقريباً نفس الاكل اللي عند بيتزا بينو.. عموماً غالبية
المطاعم بالنسبة للمشروبات تلقاها ماتقدم الا اورنجينا والا كوكا كولا
او كوكا لايت .. لاتبلشهم عندكم ببسي والا ميرندا والا مدري ايش ...
في الجهة الثانية من الشارع يوجد مطعم بلانيت هوليوود Planet Holywood
والمطعم هذا ما اتوقع فيه احد مايعرفه .. لايفوتكم الفاهيتا عندهم تراه خطييييير ...

مطاعم الوجبات السريعه المشهوره في الشارع هم ماكدونالدز McDonald's
ومطعم كويك Quek .. هذولا اللي اتذكرهم .. الباقي ناسي اسماءها او
بالاصح مافيه امل اتذكرها

يتبع

محمد الشرقاوى

الفنادق

نجي للفنادق .. طبعاً مافيه احد مايعرف فندق الماريوت Marriott.. وهالفندق
صاير في قلب الشارع ولاعليه كلام ... جنبه شقق فندقيه اسمها كلاريدج
Clarie حلوه بس مشكلتها انها شوي قديمه .. لو سكنت فيها وصادف
ان الجو حار تقدر تطلب مكيف للغرفه .. لانها تجي بدون مكيفات .. ولهواة
الطبخ اطلبوا مواعين ولاتستحون .. خلوهم يجيبون المعاميل كلها وترا عندهم
زمزميات للقهوة والشاهي ... وهالثنين هم الوحيدين اللي في الشانز اليزيه ..
لكن فيه حولهم فنادق كثيره منها : كاليفورنيا ، كلاريدج بولمان ، تشاتو
فرونتناك ، ورويك ، وكونكورد لافاييت .. وهالاخير هو ابعدهم .. بينه وبين
الشانز من 10 دقايق الى ربع ساعه مشي ... وغيرها كثير

الصرافين

الصرافين الموجودين في هالشارع بتلقاهم منتشرين في كل جهه .. طبعاً
يبيلك تشوف من احسن واحد فيهم سعر .. هالكلام في حالة انك جاي للبلد
مامعك يورو .. وانا اشوف ان افضل اثنين هم اللي موجود المجمع التجاري اللي
فيه فناك FNAC والثاني في المجمع التجاري اللي فيه بلانيت هوليوود ..
والاخير يبيع بطاقات مكالمات دوليه ... وبالنسبة لبطاقات اعادة التعبئه للجوال
تلقاها عند فناك FNAC

شارع جورج الخامس او افنيو جورج اسانك Av. George V

وياتي في قلب هذا الشارع الفندق العالمي الشهير فندق جورج الخامس
Four Seasons Hotel George V واللي تعود ملكيته للامير الوليد بن طلال
وهو من اغلى الفنادق في باريس وافخمها ... وجنبه فندق برنس دو قول
Prince De Galles ... ويوجد في راس الشارع شقق الكاريدور وهي قريبه
مره من الفوكيت ...وقدامها محل يبيع ايس كريم خطييييييييييييير الظاهر ان
اسمه بارادايس paradise اذا ماني غلطان .. لايفوتكم الايس كريم عندهم ..مكتب
الخطوط السعوديه في نفس الشارع ورقمهم مميز وفي الشارع نفسه مطعم عربي
اسمه وبقاله عربيه اسمهم الديوان .. اذا حنيتوا للاكل العربي مهوب يخالف تجون
تاكلون فيه .. والمطعم صاير في الدور الثاني ويجي فيه غناء في الليل بس
احيانا يبيلك تحجز قبل تجي .. وترا مافيه خربطه يعني مناسب للعوائل..
ودير بالك على الفاتورة يدخلون فيها طلبات ماطلبتها ..
عشان كذا يبيلك تدقق في الفاتورة قبل تحاسبهم هذا ...

في الدور الارضي من المطعم فيه اكلات عربيه على السريع .. مثل شاورما
وفلافل وكبه وانت ماشي .. وفيه بقاله عربيه ...ومن المطاعم العربيه الثانيه
مطعم نورا .. ومكانه في خلف فندق جورج الخامس وله فروع ثانيه في باريس ...
وفي شارع جورج الخامس مطعم حلو وفخم اسمه فندي FINDI وعلى ما اعتقد
انه مايفتح الا في المساء ..في الشارع محل كبير لجورجيو ارماني ..
وبوتيك فريه FERRE وفيه محلين حلاقه في نفس الشارع ( رجالي ونسائي )
ممتازين بس غاليين .. حلاقة الذقن بس بـ 40 يورو والشعر بـ 60 يورو

يتفرع من شارع جورج الخامس شارع اسمه فرانسوا الاول rue Francois Ier
وعلى هالشارع مجموعه من الفنادق والمطاعم منها مطعم العجمي (فرع للي
عندنا في شارع الثلاثين ) .. وفيه شركة وبوتيك كارتييه Cartier ... وفيه
بعد بوتيك شوميه وزينيا وفرساتشي وغيرها كثير

في نهاية الشارع يجي شارع من العيار الثقيل اسمه افنيو مونتين
Avenue Montaigne وهالشارع عليه افخم المحلات في العالم مثل شانيل،
وهاري وينستون ، وروبرتو كافالي، ولوي فيتون ( بعض الناس يسمونه لويس فويتن ) وغيرها الكثير من المحلات الفخمة ... ويتربع في وسط الشارع فندق بلازا اثينيه
Plaza Athenee وهو من الفنادق الفخمة في باريس

وفيه شارع اسمه رو فوبور سان اونوريه Rue Faubourg St Honoré والشارع هذا يعادل الافنيو مونتين في الفخامة والمحلات اللي فيه تقريباً نفس المحلات في الافنيو مونتين الا انها اكثر هنا ... وفي نفس الشارع فندق بريستول Bristol وهذا اغلى فندق في باريس .. يعني اذا مريت من عنده ناظره وصد كنك ماشفت شي

يتبع

محمد الشرقاوى

خلصنا من اهم الشوارع ومافيها من محلات وفنادق ومطاعم .. ونجي الحين للمعالم والاسواق الموجوده في اماكن غير الموجودة في الشوارع السابق ذكرها

الـــــمـــــعــــالـــــم :

برج ايفل Eiffel Tower.. اعلى مكان في باريس .. ارتفاعه 276 متر وتطلع له بالمصعد والا بالدرج (ايه هين ) ويفتح من الساعة 9 الى الساعه 12 في الليل .. بس نصيحتي لاتنسى تجيب جاكيت والا بتنتفض من البرد





متحف اللوفر ..

من اشهر المتاحف في العالم وموقعه خلف ساحة الكونكورد اللي في نهاية الشانزاليزيه .. وفيه اشهر لوحه .. اللي هي الموناليزا ..






قوس الدفاع او لا ديفانص Grande Arche de la Défense القوس هذا صاير في مقابل لقوس النصر بس في مكان بعيد

مونمارت او مونماختغ Butte Montartre & Basilique du Sacre Coeur

مونباغناس montparnasse وهذي اطول بنايه في اوروبا ارتفاعها ياصل الى 209 متر وفيها مطعم يطل على باريس كلها (فرحانين بالجلوب؟؟ )

نهر السين

طوله 13 كيلو جزر فيه رحلات سياحيه في النهر على سفن اسمها باتيموش تاخذ فيك لفه على النهر .. وفيه سفن فيها مطاعم تضرب فيها عشوه رايقه


الملاهي :

ديزني لاند باريس Disny Land Paris

وهي تبعد 25 كيلومتر عن وسط باريس .. وتقدر تروح لها بالسيارة او بالقطار او بالباص .. منطقة الديزني عبارة عن منتجع كامل .. يعني تلقى فيها فنادق وحدائق وملاهي ومطاعم مثل بلانيت هوليوود.. وبالنسبة للملاهي اول ماتدخلها تلقى مكاين تبيع كروت اسمها فاست باس Fast Pass

ملاهي استريكس Parc Asterix

ملاهي جميله وتبعد عن وسط باريس 36 كيلومتر

اكوا بولفار Aqua Boulevard

مدينة مائيه روعه .. للكبار والصغار

الحدائق :


حدائق باريس كثر شعر راسي بس راح اذكر اشهر الحائق الموجوده فيها

جاردان دو شام دو مار Jardin du Champ de Mars

غابة بولونيا Bois de Boulogne
الغابة هذي ولا مخطط المطار !! ( ياعيني على التشبيه ) الغابة هذي في
وسطها حدائق وبحيرات .. ويازين لعب الكورة فيها

بارك دو مينسو Parc de Moncesu
الحديقة ذي رايقه وبشده .. حتى اني افكر اشتري فيها راس بلك واقسمه ..
وموقعها في شمال الشانزاليزيه

جاردان دو تيليريه Jardin Des Tuileries حديقه حلوه و فيها بشر !! وهي عن الشانز اليزيه دزبله ( قبله )
وفيها مدينة ملاهي حلوه ..


حديقة النبات








الاسواق :

خبرتي في الاسواق مهيب الى هناك ... لكن اشهر سوق موجود في باريس هو القاليري لافاييت GALERIES LAFAYETTE
وهو في منطقة الاوبرا او باريس 9 على شارع بولفار اوسمان boulevard Haussmann .. ويتكون من سبعة او ثمانية ادوار..ويفتح من الساعة 9 ونص صباحاً الى 7 ونص مساءً .. السوق هذا في اي شي تبيه .. وبس!! هذا اللي اعرفه عن هالسوق

بعض الكلمات الفرنسية المتداولة

: (طبعاً بدل الراء بالغين والفاء بـV )
صباح الخير : بونجور ، مساء الخير : بونسوار ، كيف حالك : كومون سافا
، بخير : تخغيبيان ، الى اللقاء : اوروفوار ، تصبح على خير : بون وي ،
انا اسمي بريق : والتبن قصدي جو مابيل بريق ، تتكلم فرنسي : باغليفو
فغانسي ، من فضلك : سيل فو بليه ، شكراً جزيلاً : ميغسي بوكو ،
حسناً : داكور ، نعم : وي ، لا : نو ، اعذرني : اكسيكيوزموا ، آسف :
باردون ، كيفكم : كومون اليفو ، 1 : اون ، 2 : دو ، 3 : تروا ، 4 : كاتر
، 5 : سانك ، 6 : سيس ، 7 : سيت ، 8 : ويت ، 9 : نوف (يازين هالرقم )
، 10 : ديس ، مبسوط بشوفتكم : انشانتيه دوفوفوار ، انا : موا ، انت :
توا ، هو : ايل ، الايام من السبت الى الى الجمعة : سامودي ، ديمانش ،
ليندي ، ماردي ، ميركودي ، جودي ، فانترودي .

المال

اللي يجي باريس وماخذ معه شيكات سياحيه .. عادة ماتكون توماس كوك
او امريكان اكسبريس ..مشكلة المحلات والمطاعم في باريس مايعترفون كثير
في الشيكات السياحية ..معنى هالكلام انك يبيلك تحولها الى كاش .. اذا
رحت للصرافين العاديين خذوا عليك عمولة ، وغالبيتهم ياخذون 3% ..لكن
تقدر تحولها بدون عموله من الشركة اللي ترجع لها شيكاتك.. بالنسبة
لتوماس كوك فروعها منتشره في كل مكان الشانز اليزيه لحاله فيه ثلاثة
فروع لهم !! ومنطقة الاوبرا اللي اعرفه فيها اثنين ... اما بالنسبة للامريكان
اكسبريس هذولا علل فروعهم قليله لكن فرعهم القريب موجود في منطقة
الاوبرا وبتلقى مركزهم كبير وواضح .. وصرافينهم موجودين في قبو المركز ..
بس لاتنسى تجيب جوازك اذا جيت تصرف !!! ترا لو تجيب اي اثبات ثاني
مايعترفون فيه .. لازم الجواز

التنقل في باريس

اما عن طريق المترو او التاكسي .. المترو اول شي تشوف
خط سيرك والمحطة اللي تبي تروحلها وبعدين تقص تذكره سعرها تقريباً
1ونص يورو وتوصلك للمكان اللي تبيه ... وانتبه ترمي التذكرة اذا دخلت ..
لان الشرطة احيانا تسوي حملات تفتيش على التذاكر واذا مالقوا التذكرة
دخلت في سين وجيم .. وانتبه من النشالين .. ترى اساليبهم كثيره ...
والتاكسي من 7 الصباح الى 7 المساء تختلف تسعيرته عن بعد الساعة 7
في المساء .. طبعاً في المساء تكون اغلى !!وممنوع انك توقفه من اي
مكان .. لازم تاخذه من عند موقف التكاسي وتلقى لوحه مكتوب عليها TAXI
اوقف تحتها وبيجيك التاكسي ..

يتبع

محمد الشرقاوى

مطاعم انصحك تزورها :


مطعم لو قراند كافيه Le Grand Cafe في منطقة الاوبرا ومن المطاعم
اللي تفتح 24 ساعه ،مختص بالماكولات البحريه واكلهم خياااااااااالي

مطعم هيبوبوتامو Hippopotamus مختص بالستيك والاكلات الامريكية ..
له فروع كثيره فيه واحد في شارع متفرع من الشانزاليزيه وفيه في
منطقة الاوبرا قدام القراند كافيه وغيره كثير


مطعم مكسيم Maxim's شارع Rue Royale من المطاعم الحامضه من ناحية
الاسعار بس ان فخامته تحكي يعني ماعليه كلام ابد .. يكفى ان


مطعم انتركوت .. فيه نوعين من مطاعم انتركوت في باريس واحد فخم
مره ولايفتح الا من بعد الساعة 6 المساء وبصراحة ما اتذكر اسم الشارع
بس اسميه شارع العصارات عشان مطاعمه كثيره .. وهو في شارع يتفرع
من فرانسوا الاول ... والنوع الثاني من مطاعم انتركوت هذا تلقاه في
كل محل .. ومشهور بطبق الانتركوت اللي هو شرايح ستيك وبطاطس مقلي
وصوص لونه اصفر وهو السر في هالطبخه والمطعم مايقدم الا هالطبق

واتمنى من المسافرين تسجيل جوازاتهم في السفارة اول ماياصلون
وترا راس مالها ترسلها على فاكس السفاره هناك وينتهي الموضوع ...
وبالنسبة للمساجد اللي يصلى فيها الجمعة تقدر تتصل على السفارة
وهم بيعلمونك عن اقرب مسجد لك

يتبع

محمد الشرقاوى

المشاركة الأصلية كتبت بواسطة احمد شوبير اخى المبدع دائما : محمد الشرقاوى اشكرك على الرحله الجميله التى اخذتنا وطيرنا بها الى فرنسا عاصمة الفن وشكرا لمجهودك الطيب والمستمر والى الامام دائما تقبل خالص تحياتى وتقديرى

مشكور على مرورك أخى أحمد

الله يعطيك ألف عافية

خالص تحياتى لك .

لمحبي السفــر من فرنســـا إلى الدول المجاورة أو المدن الداخلية في
فرنســا . يجب عليكم معرفه أسماء المحطات الرئيسية في فرنســا .
لكي يسهل عليكم الســفــر .. أعددت لكم أسماء بأهم المحطات
والأتجاهات التي تذهب إليها القطارات ..


1- محطة أوسترليتيز ---- Gare d'Austerlitz


تقع في الدائرة الثالثة عشر (13) من باريس وتنقل قطاراتها المسافرين المتجهين
نحو (الجنوب الغربي) كمدن (تور) و (بوردو) ودولياً إلى (أسبانيا) و(البرتغال) .

2- محطة ليون ---- Gare de Lyon


تقع في الدائرة الثانية عشر (12) وتنطلق قطاراتها نحو الجنوب الشرقي
لفرنسـا كمدن (ديجون) و (ليون) و (بوز الصون) والجنوب الفرنسي ..
ودولياً إلى سويسرا وإيطاليـا .

3- محطة الشرق (غاردولست) --- Gare de l'est


تقع في باريس العاشرة (10) وتخدم الشرق الفرنسي كمدن (رانس)
و (شارلفيلميزيير) و(سترازبورغ) ودولياً إلى (ألمانيا) و (النمسا) و (يوغسلافيـا) ..

4- محطة الشمال (غاردودور) --- Gare de Nord


تقع في الدائرة العاشرة من باريس (10) وتنقل المسافرين نحو (الشمال)
الفرنسي . ودوليا إلى (بريطانيا) و (هولندا) و (بلجيكـا) و(ألمانيا) .

5- محطة سان لازار --- Gare Saint Lazare

تقع في باريس الثامنة (8) وتنقل المسافرين نحو (الشمال الغربي) الفرنسي
كمدينة (يوفيل) بالإضافة إلى منطقة الدورماندسي ودولياً إلى (بريطانيــا) .

6- محطة مونبرناص --- Gare Montparnasse

تقع في الدائرة الرابعة عشر (14) من باريس وتنقل قطاراتها المسافرين إلى
(غرب) و (جنوب غرب) فرنســا باتجاة منطقة نروتانيه BRETAGNT ومدنـهــا .

خالص تحياتى

محمد الشرقاوى

السلام عليكم ورحمة الله وبركاته

زرت في رحلتي هذه ديزني لاند .. وكانت عبارة عن قريتيين كل وحدة
أكبر من الثانية .. سعر التذكرة للقريتين هو 49 يورو .. لكن أنا خذت
القرية الكبيرة بس .. وكان سعرها ب 39 يورو .. والحمد لله أني خذت قرية
وحدة بس .. لأن القرية جداً جداً جداً كبيرة .. ويوم واحد ماتكفي لانك
تلف ديزني لاند كلها ..
على فكرة . في محلات أهناك لبيع أغراض ديزني لاند .. وسعرها الصراحة
أرخص من سعر محلات ديزني الي في باريس .. مثل الي في شارع الشانز
ومجمع اللاديفانص .. يعني أنا فرضاً دش خاطري في دبدوب (شخصية
من شخصيات شركة المرعبين) الأزرق والله ناسي ......
بس الي يشوف أغراضهم عن جد ينجن .. المهم خذته من قرية ديزني لاند
ب 19 يورو ونص .. وحصلته نفسه نفسه حكم في شارع الشانز ب 25 يورو !!
المهم .. شارع الشانز جداً مزدحم وخاصة مابين الساعة 10 صباحاً و5 عصراً ..
أي صح ... الفرنسيين جداً متعاونين مع الناس وخاصة الخليجيين .. وأنا عني
ماعرف كلمه فرنسي إلا بنجور وبنسوار وميرسي ... لكن والله أمشي
حالي معاهم وعندهم طوله صبر وطوله بارض ينطورنك لين تفهمهم أيش تبغي

وزرت اليوم متحف اللوفر الصراحة مافيه شئ فله .. كله تماثيل وأصنام لكن
اللوحات جداً رائعة والله .. والمتحف جداً كبير والله .. جداً جداً .. طابق سفلي
وطابق أرضي وطابق أول وطابق ثاني .. وكل جناح أكبر من الثاني ..
وزرت برج أيفيــل .. الصراحة منظر حلو من فوق .. الدخول للتوب فلور (الطابق
العلوي) ب 10 يورو و20 سنت .. والطابق الوسطي ب 5 يورو والطابق الأول
ب 3 و20 سنت تقريباً ..
وباريس الصراحة مش غالية جداً جداً .. الصراحة كنت متخوف .. لكن الي
شفته .. عكس ذلك .. من المطار لين الشقة في اللاديفانص ب 42 يورو .. بس !!
وتذكرة المترو ب 5 يورو ذهاب وعودة لشخصين !!
يعني أسعارها حق تمشيه جداً ممتازة ..

يتبع

على فكرة .. اليوم رحت غابة بولينا مادري بولون .. الصراحة غابة كبيرة جداً ..
وومتعه وبالأخص عند البحيره . تقدر تأجر قارب أبو مجاديف وتجدف .. والله
يعين يدك وكتفك بس ...
وتقدر تأجر (سيكل) دراجة هوائية .. لكن للأسف أسمحولي يالربع والله ماوديت
الكاميرا العادية علشان أصورها .. وديت بس كاميرا الفيديو ... يمكن أنزل
صور منها .. مع أن صورها مش ولا بد ..
ورحت بعد جاليري لافاييت . الصراحة كبير جداً جداً ... 7 طوابق للقسم النسائي
وعلى ما أضن 5 طوابق للقسم الرجالي .. الصراحة مالفيته كامل .. لأن شفت
سعر شنطة نسائية ب 450 يورو !!!!!!!!!!!!

شنطة الي نحصل نفسها ويجيبون نفسها من ماليزيا ب 30 و 40 ريال
أنا حصلتها في جاليري لافييت ب 450 يورو .!!!!!!

الصراحة الي طلع فيه من معلومات أن مجمع اللاديفانص هو المجمع المناسب
في السعر والمناسب في البضائع وتجد فيه كل شئ من مطاعم وكل شئ ...
وأفضل محل للعطورات والمكياج هو سافورا .. تجده في شارع الشانز
وهو الفرع الرئيسي وأيضاً تجد منه محلين في مجمع اللاديفانص.. وميزتهم
أنهم يرجعون لك التاكس إذا شريت أكثر من 300 يورو . وايضاً يعطونك
هدايا قيمة الصراحة وتستاهل وهدايا وايد الصراحة ...

التاكس أو الضرائب أنا شريت من سافورا محل العطورات ب 320 يورو
رجعولي 50 يورو وشوي ... أنا قريب 16.5% أرجاع الضرائب ... ولكن
يعطونك ورقة تاخذ الضرايب من المطار .
الجو حالياً فيه نوع من الحراره والشمس تبط الراس والله جنها شمس الخليج ..
حاره ... بس الصراحة أول 4 أيام كان الجو ولا أحلــى .. والحين بدى يخترب
صحيح .. الحين في تنزيلات على جميع الملابس الشتوية والجاكيتات الشتوية
فقط لغاية 5 أغسطيس ... بس الجلديات والله روعة ..بس مشكلتها غالية شوي ...
نسيت أقولكم اني ذهبت على القطرية . وكان أيرباص A330 وهي من أحدث
الطائرات في الخطوط القطرية .. وكانت الخدمة ممتازة والله والأكل ممتاز
والتكييف جداً ممتاز .. ولا مطبات هوائية ولا شئ اللهم كمن مطبه خفيفه
عن الخاطــر بس ماتعذبنا معاهم وايد ..

عن المضايقات الحمد لله ماشفت أي مضايقة .. وأستخدام الميترو جداً سهل ..
في باريس 15 خط ميترو تقريباً .. وكل خط يوقف عن كذا محطه حوالي 15
محطة وكل محطة لها أسم . وأنت أول ماتركب الميترو شوف الخاطة الوجوده
على جميع الأبواب (أبواب الميترو) على فكرة الميترو كله أبواب .. يمين
ويسار ... وفي الخط الواحد أكثر من ميترو .. المهم الميترو يوقف في
كل محطه تقريباً لمدة 15 ثانية . ومن ثم يتحرك للمحطة التي يليها .
وفي آخر محطة يرجع مرة أخرى وهكذا ... وفي بعض المحطات يوجد
محطات للخطوط الأخرى مثل محطة شارديقول فيها محطة ل خط 7 و 9
وخط كنكورد فيها خط 9 و3 وهشكل .. يعني بتمر على جميع الخطوط ..
أن شاء الله قدرت أفهمتكم الوضع ...

أما فندق نوفيتيل فموقعه قريب من اللاديفانص .. وتحته على طول نهر
السين وتحت على طول أيضاً محطة الميترو .. يعني الذهاب إلى الشانز
بيكون عن طريق الميترو ... عبر 3 محطات في الشانز .. جورج الخامس ..
وفرانكلين .. وشانزليزيه .. وأنصحكم بفرانكلين .. لأنه في النص تماماً ..
الشعب الفرنسي كل واحد في حاله ... والشعب ضعيف في اللغة الأنجليزية ..
بس والله تقدرون تمشون حالكم بكل يسر وسهوله .. وميزة الشعب الفرنسي
أنه جداً متعاون .. جداً جداً ... ماتوقعته بهذه الصورة ..

يتبع