المشاركة الأصلية كتبت بواسطة البحلة بالنفس
احنا طريقتنا يعني اذا صرتي بالسادس ولا بالسابع تبدين تدورين في محلات المعجنات والحلويات المشهورة وتشوفين وش مسوين افكار جديدة واذا مقدرتك المادية كويسة اتفقي مع محل عادة يكون عندهم كتالوجات ويسوون لك كل شي نفس الستايل وبطريقة حلوة مرة وانتي عاد فصلي روب الاستقبال بنفس لون التجهيزات..
بس اذا مقدرتك المادية مش مرة دوري في المحلات المشهورة وخوذي افكار وطبقيها انتي .. صديقتي شافت عند باتشي زي سرير البيبي الصغير مرة وجوتها ملبس على شكل بيبي نايم وكان سعر الحبه اتوقع خمسين ريال او ستين ريال عجبتها الفكرة مرة وراحت سوق شعبي بعيد اتوقع السويلم ودورت كثير ولقت اشياء تجهيز مواليد كثير بس لان في بالها فكره ماتعبت راحت دورت سرير صغير ولقتهم على ريالين اتوقع اشترت كمية كبيرة واشترت فيونكات ورديه صغيره واشترت حاجات كثير وراحت باتشي اشترت الملبس اللي على شكل بيبي بس وصلحتها بالبيت هي لزقت الملبس والفيونكات وكل شي.. بعدين راحت اشترت سرير بيبي رخيص وراحت محل هدايا وخلتهم يغلفونه بطريقه حلوة وحطت كل الاسرة اللي جهزتها جوا وجابت اسرة بيابي كبيرة وودها محل شوكولاته وعبتها .. وخلت الروب حقها وردي عشان يناسب مع الاستعدادات.. كان كل شي حلو ما شاء الله وماكلفها كثير بس تعبت فيه.. يعني اهم شي يكون في بالك الفكرة وروحي المحلات الرخيصة ودوري الادوات.. يارب اكون افدتك.. |
المشاركة الأصلية كتبت بواسطة دنياالروح
راح اقولك على طريقه حلوه انشالله تعجبك
على باب بيتك من الخارج اصنعي ورده كبيره من نفس قماش ملابسك وملابس البيبي وبجنبها ورقه مكتوب عليها عباره لاستقبال الضيوف مثلاً اهلين باحبابي اللي جوني اليوم يهنوني.. او ((.....)) ترحب بكم (( تحطين اسم البيبي طبعاً لازم تجهزين ملابسك وملابس مولودك ومفرش السرير للمولود من نفس اللون وتاخذين ركن من البيت تظعين فيه كرسي (( القعده ))اللي تتمددين فيه اذا جلستي عليه ويكون بحنبك سرير طفلك وطبعا تزينين الزاويه بالورودمن نفس لون ملابسكم وتكون جنبك طاوله صغيره مزينه ومحطوط عليها علبه من الشكولاه الفاخره ملزوق على كل حبه منها ورقه صغيره ام ورديه او زرقاء مكتوب فيها اليك امثله خذوا الحلاوة كلوها.. وبولادة أمي هنوها اكلوا حلاوتي .. وتحملوا شقاوتي حلو حلو .. بكره معايا راح تتسلو ربي يحقق مرادك ..يللي جيت تهني احبابك واجعلي مجلس الضيوف مقابلك عشان تشوفي الجميع ولما يكتمل العدد تقدمين اول القهوه ومعها انواع الحلويات اللي مجهزتها بيتي فور او معمول او سلة المكسرات وبعدين العصير ويكون الكاس مزين بشريط من نفس لون ملابس البيبي ومعاه يام كيكه فاخره او مالفي او كلير اوقطعه من كيكة كريم كراميل تكوني مجهزه المناديل وطبعنا لونها معروف نيجي لتقديم الشاي وبعد ذلك تكونين مجهزه طاوله كبيره في منتصف الغرفه وعليها مفرش من نفس اللون وتحطين عليها سله بها مكسرات وبجنبها صحون صغيره بعدد الضيوف وصحن الفطاير ..وصحن كبه..وصحن بيتزه مدوره وعك الشاي وما عليك الا تقديم الشاي وتطلبين من الضيوف التقدم وتقوليلهم تفضلو ما في شئ من واجبكم وكل واحد ياخذ حسب ذوقه وشهيته وبعد الانتهاء من كل هذا ويهم الضيوف للمغادره تكونين مجهزه هدايا البيبي (( البيبرونه او الملبس )) على طاوله بجنب الباب وكل وحده تهم بالخروج تعطينها الهديه انشالله تعجبك الفكره |
المشاركة الأصلية كتبت بواسطة البحلة بالنفس
اعرف وحده قدمت المعجنات داخل فوانيس بصراحه انا ماكنت موجوده ولا ادري كيف بالضبط سوت الحركه بس قالو لو ان حركتها مرة كانت حلوة وكانت معلقه الفوانيس على الجدار بعدين اذا وزعو الشاهي راحت شالت الفانوس من الجدار ودارت توزع على الناس..
وحده راحت محل هدايا وخلته يحط لها قوس خشبي عريض حوالين كل صينية زي قوس القزح يعني بعدين عبت الصياني حلويات وموالح وكان شكلها حلو.. وحده ثانيه اشترت شمعدانات كبيرة مرة من سيتي بلازا واطوالها متفاوته بين خمسين وخمس وسبعين سانتي تقريبا ولها قاعده كبيرة على الارض ان شالله فهمتيني وبعدين جابت كوشنز واشترت من محل كلف شرايط تتدلى منها كرستالات طويله وودتها خياط قالت فرغ الكوشن من الوسط يعني تخلي الكوشن زي الصينيه بالوسط والاطراف لا يكون كوشن عادي وركب الكرستال حوالين كل كوشن لما سواها صارت تعبي الكوشن شوكولاته وتحطها على هذا الشمعدان الكبير كان شكله مرة حلو وغريب.. ووحده اعرفها كانت ولادتها بالشتا كانت مزينة الصياني بفرو وردي مرة كان شكلها يجنن وحاطه صياني عبارة عن دورين او ثلاثه مرة حلوة.. اعرف ان شرحي مب واضح وكنت اتمنى لو عندي صور بس الفكرة اللي تلفت نظرك وحابه اشرحها اكثر قولي لي وانا حاضرة.. |
المشاركة الأصلية كتبت بواسطة محبة النوم
وينك يالبحلة بالنفس ....... استناك تردين تراني متحمسه ...... وينكم ياراعيات الأفكار والحركاااااااااااااات |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|