السلام عليكم ورحمة الله وبركاته
اولا لا أدري اذا كان هذا المكان المناسب لموضوعي ام لا وارجو من الإشراف وضعه في المكان المناسب
بما اني بعيده عن اهلي منذ اسبوع تقريبا فأحتاج الى فضفضه .... ومالقيت غير هذا المنتدى الذي احتواني وارشدني للطريق الصواب ...
انا عند اهل زوجي بمنطقة تبعد عن اهلي 4 ساعات سنقضي رمضان عندهم وبرضو العيد ... وزوجي واهله معاملتهم لي في احسن مايكون وخاصة عمي وزوجته ... مايبغوني احس اني فقدت ابوي الله يرحمه ولا يبغوني احس اني غريبه عليهم ... لدرجة القى تلميحات من بنات عمي ان امهم وعمي يعتبروني بنتهم اكثر منهم طبعا التلميحات كانت مجرد مزحه .. باختصار اهل زوجي من صغيرهم لكبيرهم مافي اروع واطيب منهم ومو من الحين لا من زمان هما كذا ... المشكله مو فيهم المشكله فيني انا ... اجلس معهم اسولف واضحك بس مجرد ما شوف عمي تجيني الضيقه ماقدر اجلس معاه ابدا مو بارادتي غصبا عني ... والله اني احس بموت اذا جلست معه اكثر من 5 دقايق واول مايدخل البيت على طول اروح غرفتنا ... او اذا قرب موعد وجوده بالبيت أروح اسوي نفسي نايمه ... واضطريت هذا الاسبوع اسوي نفسي صايمه عشان ماشوفه وقت الغدا .. كل هذا كوم وفي الليل وقت النوم كوم ثاني ... لي اسبوع على هذا الحاله بكا بأخر الليل قبل مانام ... فاقده لابوي أكثر كل ماشوف عمي اشتاق له اكثر ... مدري احس شي من جوا قلبي يتقطع .. نَفَسِي يضيع كل ماحس انه مو موجود ... كل ماتذكر ان اارمضان جا وانا مارح اشوفه... كل ماتذكر ان العيد جاي وهو مو موجود ... وصلت لدرجة اني احسد بنات عمي ... اقول بنفسي حظهم عايشين بجو اسره متكامله ... والله ماحب احسد احد ولا احب هالنوع ... قبل يومين صحيت الصبح قابلتني بنت عمي شافتني انفجعت تقول عيونك منتفخه ليكون كنتي تبكين .. صديت عنها غصبا عني ...وحسها زعلت مني ويمكن قالت لزوجي وجا يكلمني ويسالني اذا احد زعلني .. قلت له لا .. وقال لو عشان نومة الليل خلاص رح يجي ينام عندي ... هو في الليل يجي متاخر يمكن الفجر مدري كم الساعه بالضبط لان يسهر مع اخوانه وخواته ... وانا قلت له مو عشان كذا واقوله روح اجلس معهم بس عيّا يروح .. كان قلبي بينفجر بكا وانا كاتمه عشانه ... حاولت حاولت ماقدرا تعبت من البكا ... مدري هو انا مريضه او ايش .. النهار كله مافيني شي والوضع طبيعي بس يجي الليل احس كأن قلبي خالي والله مو عارفه كيف اوصف لكم ... زوجي يسألني وانا مو عارفه وش اقوله... وانا مابغى يقول عني نكديه احاول ادور رضاه بأي طريقه بس كل ماشوف عمي ينقلب حالي حتى سلام ماقدرت اسلم عليه زين وقالت لي بنت عمي .. ترى ابوي يظن انك زعلانه منه ... ومارديت عليها لاني مالقيت جواب ارد عليها ... وزوجي مره وحده اللي هي اول يوم جينا عندهم شافتي ماتكلم مع عمي مع اني زمان اغلب وقتي معاه سوالف ولعب وكل شي ... سألني وش فيك غريبه ماجلستي مع ابوي وتمزحين معاه ... قلت له تعبانه بسبب الطريق ... ومن يومها مايسالني ... مع انه يلاحظ اني اتجنبه ... حتى وزني نزل بشكل ملحوظ وزوجة عمي تعاتبني وتقول اللي يشوفك بيقول انك مو مرتاحه عندنا واول مره نشوفك كذا هاديه وتسألني في احد زعلك ولا لا ... ومثل ماقلت لكم اني احاول قد ماقدر اسولف معهم واجلس بس مو مثل قبل ... وعمي ماجلس معاه اكثر من 5 دقايق اذا مسكني بالصدفه او ماشوفه خير شر .. وبناته وزوجي كل مره يقولون لي ترى ابوي سال عنك اليوم ..
اعتذر طولت عليكم بس مالي غيركم افضفض له
مستجدات الرد 32
http://66n.com/forums/showpost.php?p...6&postcount=32