مائدتي الرمضانية 2017 - منتدى عالم الأسرة والمجتمع
logo

الملاحظات

مطبخ المرأة اطباق رئيسية،مقبلات،سلطات،معجنات،شوربات المشاركة للنساء فقط

موضوع مغلق
قديم 12-06-2017, 08:42 PM
  #1
mimomea
كبير المراقبين [ وسام العطاء الذهبي 2016 ]
 الصورة الرمزية mimomea
تاريخ التسجيل: Jun 2012
المشاركات: 10,291
mimomea غير متصل  
مائدتي الرمضانية 2017

السلام عليكم ورحمة الله وبركاته
أسعد الله أوقاتكم بكل خير

شهر رمضان شهر الرحمة والغفران
الله يبلغنا وإياكم صيامه وقيامه

والحمدلله على نعمه كلها
هيدي يا صبايا مائدتي الرمضانية2017 المتواضعة










وكان الفطور عبارة عن
شوربة العدس- سلطة - كريسبي سمك - متبل الافودكا- بيتزا -فطائر سبانخ
والمشروب عصير عنب عضوي وعصير جريب فروت عضوي
والحلوة عبارة عن
حلو الداعوقية -موز بصوص الشوكولا



طبعا لاحظتوا انو ما في صحون ولا ملاعق أو شوك 😄😄😄
لأنو بشهر رمضان أغلب الأيام بستعمل صحون الكرتون وكبايات وملاعق بلاستيك
بلا ما نوقف ساعة عالمجلى هيك أريح وخاصة اذا ما كان الأكل سخن لانو البلاستيك مضر مع الأكل السخن

بنبدأ بأول طبق وهو الشوربة



شوربة العدس هيي أكتر نوع شوربة بنساويه بشهر رمضان تقريبا بنلاقيها على مائدة كل بيت لبناني بشكل يومي
بس انا مش كل يوم عم ساويها ممكن تلات مرات بالأسبوع
وسهلة كتير عبارة عن عدس أحمر مقشور أو بالأصح لونه برتقالي
بنغسله منيح وبنضيف عليه لكل كوب شي 5 أكواب ماء
وبس تغلي الماي بيصير يعمل كثافة عالوج لونها أبيض فبنشيلها بكل مرة
وبنرجع بنخفف النار وبنغطي الشوربة لتستوي واذا شفنا انها بحاجة لماي فبنزيد كل مرة حسب حاجتنا
لانو كل نوع عدس بيختلف عن التاني إن كان بكمية الماي أو الوقت اللي بيحتاجه ليستوي
قبل ما نطفي النار بربع ساعة بنضيف ملح وزبدة أو زيت زيتون ورشة كمون ورشة ثوم بودرة ورشة بصل بودرة وبقدونس مجفف وجزر مبروش وعصرة صغيرة حامض والحامض إختياري
ممكن نعصر الحامض على وجه الشوربة بس نسكبها بالكاسة او ممكن نستغني عنها حسب الذوق



الطبق التاني سلطة



عبارة عن كذا نوع موجود عنا بالبيت أو بنفضله
والصوص حبيت تكون بس من الحامض وزيت الزيتون والملح الآروما وهيدا الملح المنكه بالتوابل والاعشاب بيعطي نكهة كتير طيبة



متبل أو صوص الأفودكا



سهل كتير وطيب ممكن ناكله بالخبز العادي أو المحمص أو مع الفطاير أو الكريسبي أو البطاطا يعني بنقدر نغمس فيه أي شي بنحب ناكله معه
لهيدا الصحن هرست أربع حبات أفودكا مع عصرة ليمونة حامض ورشة توم بودرة وملح


فطائر بالسبانخ



هيدول من المفرزنات لهيدي السنة
وسبق ونزلت الطريقة من سنتين تقريبا
وهيدي هيي على هيدا الرابط
http://www.66n.com/forums/showthread.php?t=261256


كريسبي السمك



بنحتاج فيليه سمك بنغسلها وبنقطعها بالطول
وبنعصر عليها حامض شي عشر دقايق
بنرجع بنصفيهن وبنرش رشة ملح وبهار الكريسبي ( أنا جبت معي البهارات من لبنان)
بنرجع بنلتهن بالطحين من بعدها بالبيض وآخر شي بالخلطة وهيي أساس لذة الكريسبي
والخلطة عبارة عن طحين نص كوب وملعقة نشا وكورن فليكس مهروس وبهار الكريسبي حسب ما بنحب النكهة تكون ظاهرة (أنا بكتر البهار الكريسبي)
وبنقليهن بزيت حامي ويكون نظيف


بيتزا الايطالية المارغريتا




وسر العجينة بالسميد الناعم
العجينة عبارة عن أربع أكواب ونص طحين وربع كوب سميد ناعم
ومكعب خميرة طازة ورشة ملح وملعقة طعام سكر وربع كوب زيت زيتون وماء حسب الحاجة

ومن بعد ما تخمر العجينة بنرقها بالسميد الناعم

والصوص عبارة عن بندورة مخفوقة بالخلاط مع رب البندورة حسب الحاجة والكمية ممكن نحط ملعقة وممكن أكثر او أقل
وتوم بودرة وزيت زيتون وريحان طازج او بودرة
وبخبز البيتزا مع الصوص نص إستواء



وبعدين بحط الجبنة وبكمل خبزها



بيتزا بالخضرة



عملت شوي بقي عندي عجين وصوص من البيتزا اللي عملتها من يومين
وبطريقة تانية متل ما بنعملها بلبنان عند أهلي
العجينة كيلو طحين -خميرة مكعب او ملعقة طعام جافة - ملعقة طعام سكر -ملعقة طعام باكينج باودر -ربع كوب حليب -ربع كوب زيت زيتون -رشة ملح -ماء حسب الحاجة
اما بالنسبة للصوص
بنقلي بزيت زيتون تلات حصوص ثوم مفروم ناعم مع بصلتين مفرومين ناعم بس يذبلوا بنضيف خمس حبات بندورة مفرومة ناعمة وفليفلة حمرا مفرومة ناعمة وبنقلبهن وبنخفف النار وبنغطيهن بعد عشر دقايق بنضيف ملح و أوريغانو وريحان ومردقوش وزعتر وملعقة رب البندورة وممكن نستغني عنها اذا البندورة كانت الكمية كافية
وبس نحصل على صوص بنطفي



وهيدي الصورة للبيتزا من كم يومين عملتها
وبنحشي البيتزا متل ما بنحب ان كان ذرة -فطر فليفلة خضرا -زيتون
واذا بنحب مارتديلا بنحطها فوق الخضار قبل الجبنة


حلو الداعوقية









بنحتاج كوب فرك كنافة ناعمة
كوب سكر بودرة (ممكن نزيد او نقلل حسب ما بنحب طعمة الحلو)
ملعقة زبدة
نصف كوب ماء ورد
ملعقة ماء زهر
تلات اكواب أو أربع أكواب فستق حلبي لونه أخضر( وممكن نستعمل كوبين فستق حلبي مع نقطتين ملون غذائي أخضر )
أنا إستعملت أربع أكواب فستق حلبي
بنحط الفرك بالمقلاية عالنار شي خمس دقايق لتاخد لون خفيف جدا
وبنتركها تبرد وبنضيف باقي المكونات وبنعجنها لنحصل على عجينة متجانسة

اذا مش متواجد فرك كنافة ناعمة بنحمص الفرك الخشنة بالفرن من دون ما تاخد لون وبنطحنها بالمكنة وبنفركها بملعقة زبدة
والنص كيلو فرك خشنة بس نطحنه بيعمل كوبين فرك ناعمة


والقشطة عبارة عن ليتر حليب على النار بس يقرب عالغليان بنضيف تلات ملاعق خل وبنحركهن وبنطفي النار وبنتركهن شي خمس دقايق قبل ما نصفيها
من بعد ما نصفيها وتبرد بنضفلها 250غرام ماسكربونة او قشطة قيمر وبنهرسها بالشوكة لتصير متجانسة

وبنرق عجينة الفستق عالنايلون وبنحطها بكاسات صغيرة او أي قالب موجود عنا لنعمل الشكل اللي بدنا ياه وبنحشي قلبها بالقشطة



موز بصوص الشوكولا



هيدي عملتها للاولاد كتير بحبوها

بحط مئة غرام شوكولا سودا مخصصة للطبخ مع ملعقة زبدة ونص كوب حليب وبخفقهن عالنار لادأحصل على صوص الشوكولا
وممكن إحتاج حليب أكثر من نص كوب حسب ما بحب سماكة الصوص


ان شاءالله يكون الشرح واضح والإفطار عجبكن

رمضان كريم عالجميع



__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه
قديم 12-06-2017, 10:57 PM
  #2
أميرة الجزيرة
عضو نشيط جدا
تاريخ التسجيل: Oct 2015
المشاركات: 243
أميرة الجزيرة غير متصل  
رد: مائدتي الرمضانية 2017

ماشاء الله ✨
سفرة سبع نجوم ⭐⭐⭐⭐⭐⭐⭐
مشكورة جداً على جهدك الرائع في إفادتنا بالتفصيل ♥
منك نتعلم ✨
يا أميرة الذوق والترتيب والنظام
الله يحميك ويزيدك من واسع فضلة
وأعجبني مافيه إسراف ..أطباق شهية وكمية مناسبة الله يكتب أجرك
__________________
أستغفر الله وأتوب إليه✨
قديم 14-06-2017, 03:31 AM
  #3
مبتعثة متفائلة
عضو مثالي
تاريخ التسجيل: Mar 2013
المشاركات: 10,043
مبتعثة متفائلة غير متصل  
رد: مائدتي الرمضانية 2017

جميله مثل صاحبتها بالعافيه
قديم 14-06-2017, 09:04 AM
  #4
سديم الذكريات14
عضو نشيط جدا
تاريخ التسجيل: Aug 2014
المشاركات: 2,341
سديم الذكريات14 غير متصل  
رد: مائدتي الرمضانية 2017

تسلم الأيادي والعافيه على قلوبكم
__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه
قديم 17-06-2017, 12:57 AM
  #5
mimomea
كبير المراقبين [ وسام العطاء الذهبي 2016 ]
 الصورة الرمزية mimomea
تاريخ التسجيل: Jun 2012
المشاركات: 10,291
mimomea غير متصل  
رد: مائدتي الرمضانية 2017

اقتباس:
المشاركة الأصلية كتبت بواسطة أميرة القصر مشاهدة المشاركة
ماشاء الله ✨
سفرة سبع نجوم ⭐⭐⭐⭐⭐⭐⭐
مشكورة جداً على جهدك الرائع في إفادتنا بالتفصيل ♥
منك نتعلم ✨
يا أميرة الذوق والترتيب والنظام
الله يحميك ويزيدك من واسع فضلة
وأعجبني مافيه إسراف ..أطباق شهية وكمية مناسبة الله يكتب أجرك







تسلميلي يا أميرة الأميرات اسم على مسمى ⚘⚘⚘⚘

كلامك الحلو متلك وسام بعتز فيه
اسعدني مرورك
نورت حبيبتي
__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه
قديم 17-06-2017, 12:58 AM
  #6
mimomea
كبير المراقبين [ وسام العطاء الذهبي 2016 ]
 الصورة الرمزية mimomea
تاريخ التسجيل: Jun 2012
المشاركات: 10,291
mimomea غير متصل  
رد: مائدتي الرمضانية 2017

اقتباس:
المشاركة الأصلية كتبت بواسطة مبتعثة متفائلة مشاهدة المشاركة
جميله مثل صاحبتها بالعافيه




حياتي يا مبتعثة
هيدا جمال عيونك اللي بشوفوا كل شي حلو
على قلبك
تسلميلي يا عسل ⚘⚘⚘⚘
__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه
قديم 17-06-2017, 01:17 AM
  #7
mimomea
كبير المراقبين [ وسام العطاء الذهبي 2016 ]
 الصورة الرمزية mimomea
تاريخ التسجيل: Jun 2012
المشاركات: 10,291
mimomea غير متصل  
رد: مائدتي الرمضانية 2017

اقتباس:
المشاركة الأصلية كتبت بواسطة سديم الذكريات14 مشاهدة المشاركة
تسلم الأيادي والعافيه على قلوبكم






الله يسلمك وعلى قلبك حبيبتي سديم

نورت يا عسولة ⚘
__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه
قديم 17-06-2017, 02:36 PM
  #8
العقل نعمة
مراقب
 الصورة الرمزية العقل نعمة
تاريخ التسجيل: Nov 2016
المشاركات: 1,219
العقل نعمة غير متصل  
رد: مائدتي الرمضانية 2017

مأكولاتك يا ميمو شهيّة وخفيفة وجذّابة
ولا يتمالك أمامها إلا من استشعر أمر الله بالصبر لحدّ الأذان
كتب الله أجرك وتقبّل من الجميع
__________________
إن كنت في مجالس الناس فاحفظ لسانك,
وإن كنت في بيوت الناس فاحفظ بصرك.
ممتنّة لله وحده
قديم 17-06-2017, 03:26 PM
  #9
dody19
عضو نشيط جدا
تاريخ التسجيل: Mar 2017
المشاركات: 243
dody19 غير متصل  
رد: مائدتي الرمضانية 2017

ميمتنا مبدعه بسم الله عليس 🤦🏻‍♀
قديم 18-06-2017, 12:11 PM
  #10
-مسك الليل-
المشرف الذهبي
 الصورة الرمزية -مسك الليل-
تاريخ التسجيل: Jun 2016
المشاركات: 2,661
-مسك الليل- غير متصل  
رد: مائدتي الرمضانية 2017

تسلم الايادي يافراشة ماشاء الله كل شي مرتب ومبين طيب من اامنظر يعطيك الف عافية حبيتي اول مرة بشوف هااحلوى الخضرا كثير بحب شغلات الفستق انشالله بجربها
__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:22 AM.


images