السلام عليكم ورحمة الله وبركاته

لا أعلم من أين أبدا ولكن الموضوع بخصوص صديقتي وكثيرا ما يؤرقني
مشكلته صديقتي إن أختها الصغرى انخطبت وسوف تتزوج قبلها
صديقتي إنسانه حساسة لأبعد حد لدرجه ممكن تزعل من الهواء
وجميعا نعلم إن هذا الموضوع يضايق جميع الفتيات
صديقتي وصلت لحاله الله بها اعلم لاتأكل ولاتشرب ونفسيتها زفت حتى لو أجبرت نفسها تأكل ع طول ترجع الأكل ( أكرمكم الله) أخشى أن ينتهي بها الحال أن تنوم بالمستشفى فهي لاتاكل شي

صديقتي عمرها 25 وأختها 20 زوج أختها ع 24 يعني اصغر من صديقتي
صديقتي جامعيه وتدرس بمدرسه خاصة أختها تدرس بالجامعة
وصديقتي تقول كنت أقول مستحيل أختي الصغرى تتزوج قبلي
وانأ جدا شايله همها
طبعا سالفة الخطوبة من شهر 8 ولكن كنت أجد صديقتي تكابر وكنت اسألها ماتبغين تقولين شي تقول لا
توقعت أنها تأقلمت مع الموضوع ولكن الأسبوع هذا الوضع زاد حده وصارت لاتاكل
اضطريت انه اضغط عليها بالكلام إلا تقول إلي بقلبها قالت ترى ببكي قلت قفلي الباب غرفتك وتكلمي
جلست أتناقش معها تقول إنا فرحانة لها بس بنفس الوقت زعلانه عشان نفسي
هي تقول لما تكلمت معي ارتاحت نوعا ما
اليوم الثاني دقيت عليها لقيتها تبكي وقفلت المكالمة بسرعة
ضاقت علي الأرض بما رحبت فأخذت وكلمت أختها الكبرى وهي متزوجة وأبلغتها بحال أختها وإنها تتفاهم مع أهلها يجدون لها حل لان نفسيتها كل يوم أسوء من إلي قبلها
طبعا أمس ع المسن قالت لي أنها ماقدرت تتحمل وبكت قدام امها وأبوها ماكانت تبغاهم يشيلون همها وان أبوها تناقش معها وجلس بقراء عليها
وجاب لها حبوب تفتح الشهية بس تقول البلاء في نفسيتي


لا اعلم ماذا افعل لها من يوجد لديه حال لايبخل علي به
فأنا طول الوقت أفكر بها وكيف أساعدها
سوف أقوم بالذهاب لزيارتها والاطمئنان عليها
إنا تكلمت معها عن إن كل شي بقضاء وقدر وانه نصيب ومجد يدري وين الخير له وقلت لها خيره من ربي
وانأ جالسه اقوي إيمانها بربي

بس ابغى روابط لمواضيع تساعدها بأنها تخرج من هذه الحالة
لوساعدتوني أكون شاكره ومقدره لكم

وليه تحقد على اختها؟؟

تبي اختها تنتظرها لما تتزوج؟

كل وحده لها نصيبها وان شاء الله نصيبها بيجيها


ماتوصل لدرجة انها ما تاكل ولا تشرب بالعكس من المفترض انها تفرح لأختها

وصراحه اهني صديقتك عليك ، فهالزمن ما في احد يشيل هم احد


هالموضوع يمكن يفيدك

http://www.66n.com/forums/showthread.php?t=21125

الله يرزقها ويسعدها..
هو ليس حقد ولكنه شعور لا ارادي

هاأنا والله يا أختي عمري 31 وأختي الاصغر مني ب7 سنين تزوجت وأنجبت
لكن سبحان الله كله نصيب..

أحيانا أزعل على حالي لكنه أمر واقع
الله يعوض ويرزق الجميع..

لازم تقوي ايمانها وتعلم انه كله مقدر من عند الله عز وجل
وعليها بالصبر وان شاء الله فرج ربي قريب..

الله ييسر أمرها

__________________

اقتباس:

المشاركة الأصلية كتبت بواسطة تعبت ! وليه تحقد على اختها؟؟ ]

هي ما حقدت على أختها
لكن أحاسيسها ومشاعرها جُرحت وشعرت أنها غير مرغوب بها كـ أختها ...
والاقتباس أدناه واضح ..

اقتباس:

المشاركة الأصلية كتبت بواسطة غيرعنهم تقول إنا فرحانة لها بس بنفس الوقت زعلانه عشان نفسي

أختي ..
جزاكِ الله خيرًا على حرصكِ على صديقتكِ ..
الأهم الآن ألا تتركوها وحيدة ، ناقشوها تكلموا معها ، وإن لزم الأمر لتذهب لأخصائي نفسي
وإن استطعتِ أن تُحضريها هنا لتتكلم مع الأخوة والمستشارين قد يساعدها هذا ...

أعانها الله وسهل أمرها ..

يااارب ترزقها بالزوج الصالح إلي يسعدها
أختي صديقتك ضعيفه إيمان والرزق بيد الله ليه القلق هذا
وكان اكبر ماصائب الدنيا حلت فيها مانشوف المرضي المعاقين
وبعدين المفروض تفرح ربي رزق أختها وإلي رزق أختها قادر علي رزقها بأفضل من زوج أختها
والإنسان مبتلي وذكريها يمكن هذا إمتحان من الله لك ويختبر صبرك

الله يرزقها وأخواتي المسلمات

__________________

• الله يجزاااااااك خير أختي ملا مح قمر اختصرتي علي الله يسعدك ...!!
• زوجتي تكبرني بسنة ونصف ... اختها االلي أصغر منها متزوجه قبلها بسنة ونصف تقريباً ..
• أنا بعد ماا أنعجبت بالعائلة الكريمة وطلبت يد البنت ما ترددت بالرغم أن تحتها ثلاث خوات ولا دققت في العمر لأني والله ماا ودي أجرحها وآآخذ اللي أصغر منها أزيد الحرة حرتييييين...

الله يكون في عون صديقتك وبإذن الله يجي نصيبها ....

__________________
عبـــد الرحمـــــــن
الله لايحرمني منك يا عسى عمرك طويل ياللي كلّ الناس عندي ما يساويهاا غلاتك
((دنيا القوي فيها حكم خان المبادئ والقيم لو يدري أن الله وراه مايووووم في عمرهـ ظلم))

انا واقفه معها وهي بنت ملتزمه بس الواحد تجي عليه حالات وضغوطات مايقدر يتحمل
خصوصا هالاسبوع كله تجهيزات ملكه وتحديد وقت الزواج
فأثر كثير عليها
وانا والله تأثرت بدالها وتخيلت نفسي مكانها وتعبت

عالعموم جزاكم خيرا
والله يرزق كل شخص بضعف مايتمنى

والله صديقتك ماعندها سالفه وليه تسوي كذا تخيلي اهلها تاثرو وخافو على بنتوهم وراحو كنسلو زواج الصغيره كذا بترتاح

المفروض تحزن على نفسها في نفسها ماتوظح الشيء هذا لا لاختها ولا لاهلها والله كذا بتنكد على اختها

وش هالطفاقه على الزواج يعني تموت نفسها عشان تعرس الله يهديها بس

انا لما تزوجت عمري 28 وكان قبلي ثنتين اصغير مني الصغيره مو الي قبلي على طول الي اصغر منها انخطبت قبلي وفرحت لها

وماعندنا اي مشكله ماقلت الصغيره تزوجت والثانيه بتتزوج وانا بعنس بالعكس احيانا اتضايق لان عمري 28 وتوني ماتزوجت بس مو على طول الشيء هذا شاغل بالي

احيانا افكر في الشيء هذا حتى ان اختي الي اصغر مني على طول اتصلو ناس يخطبونها واهلي صرفوهم عشاني ولما عرفت انقهرت ليه يوقفون في طريق اختي عشاني الله الي يرزق واذا عنست ولا تزوجت مو اخر الدنيا

كل واحد بياخذ نصيبه وصديقتك توها 25 ومدرسه مو جالسه في البيت يعني لا تشغل تفكيرها في الزواج وانا الاحظ انو البنت الي تتاخر في الزواج يكون نصيبها احسن من الي يتزوجون بدري

هذا انا تزوجت وعمري 28 وقلت الحمد االه انتي جلست الوقت عشان انتظر زوجي الي فعلا عوضني وفعلا يستاهل اني انتظرت عشانه