السلام عليكم
بحكيلكم قصتي او تفاصيل حتى تكونو على بينة
انا يوم خطبت سلفي (ابن خالتي ) لبست فستان وكان ثمنه غالي بصراحه ونال اعجاب الجميع بصراحه وانا اشتريته من بلد غير بلدي لماكنت مسافرة (لااقصد الفشخرة )
بأثناء الحفله شافتني وحده (هي تكون اخت مرت خالي )كانت مخطوبة وعرضت عليه انه اذا في مجال أاجرها الفستان ليوم مباركة لها بعد العرس في بيتها طبعا لكن في منطقه غير منطقتنا وانا شفت انه مافيها اشي لو لبسته بمنطقه غير منطقتنا خصوصا انه اهل المنطقه كانو بالعرس وشافوه علي اما هي لولبسته حيكون اول مرة بيشوفوه عليها اهل زوجها (لانهم بمنطقه ثانيه ) وهذا الشيء الي خلاني اعطيها اياه لو طلبته لتلبسه في منطقتنا كان ما عطيتها اياه لاني ناويه البسه في حنا قريبه (لكنها للنساء يعني ).. ماعلينا طبعا بعد مشورة زوجي وافق ........ واعطيتها اياه مع العلم انه كان في شويه تزبيط عند الخياطه من اثار العرس وامها كانت خياطه وحكيت لها عنه وما رضيت اخذ اجرة الفستان نهائيا لانه اختها مرت خالي وزوجي عارض اوخذ منها ولو فلس ولانه اول مرة اعطي حد شيء بيخصني بس وحبيت افرحها لاني شفتها حابه تلبسه كثير ... حكيت لها زبطيه والبسيه بالعافيه .....
وشكرتني لانه ما خذت منها اجرته ....


عطيتها اياه قبل العرس باسبوعين حتى تزبطه مع انه مابده الا ربع ساعه وبنعمل (يجزيها الخير) ......... وعطيتها اياه بدون حجابه وجكيت يعني كانه فستان ثاني بدون باقي قطعه (هيه طلبته هيك معرى عشانها عروس بتلبسه على تسريحه ومكياج)
ماعليكم بطول السيرة عزمتني البنت على عرسها وحناها وما رخت لللاسف لظرف صار ..
وعرفت امبارح من قريباتي (بعد العرس باسبوعين) انه البنت استغفلتني وراحت تلبسه بحناها وانصمدت فيه ووين في منطقتنا وبالصاله والكل انهوس فيه وعجبه وهيه على الاتفاق ما حكت انها حتلبسه بالصاله وامام الناس بس في بيتها يوم المباركه يعني حفله صغيرة يوم المباركه في بيتها واللي زاد الطين بله انه كانت تحكي عن ثمنه للي يسألها انه مبلغ لايذكر وزهيد جدا وانه هاد الفستان لفلانه صدقا تعجبت !!!!........ مع اني ماجبت سيرة ثمنه نهائي
بصراحه كنت حلبسه بحفله حنا لقريبه لانه انا لما لبسته كان على حجاب لكن بدون حجاب وجكيت ح يبان انه فستان تاني ....
طبعا هسه الكل شافه من اهل منطقتننا واذا لبسته ح ينعرف يعني بالعربي راحــــــــــت
بهجه الفستان ...
نرجع لللزبده هيه هسه لبسته مرتين مرة بالحنا يعني غيرت فيه ومرة بالمباركه انا ماهمني انه لبسته بالمباركه وانما انها اسغلت موقفي ولبسته يوم الحنا مع انها بعظمه لسانها حكت مابدها تلبسه بالحنا لانه الناس شافته عليه انا ولانها حكت عن ثمنه الي زي هيك امور مابتنذكر حتى لو كان بيسوى .... شكلها استغلت الفستان لانه بدون اجرة ............ (( حسبي الله ونعم الوكيــــل))
انا تضايقت واتصلت على اختها اللي هيه مرت خالي وسالتها انها عن جد لبست فستاني فقالت اه وحكيت لها انه اختك هسه هيه استغفلتني وضحكت علي (طبعا بادب بس انا اعطيكم الصافي)وشرحت لها موقفي وحكت انها ما كانت تعرف انه اختها حتلبسه (انا ماصدقتها كيف اختك ومابتعرفي؟؟!!!)وحكت انه الحق عليكي ليش ما حكيتي انك حتلبسيه بحنا عنا بالمنطقه!!!!!! الي قهرني انها تلومني انا عطيتها اياه على اساس انه بس بالمباركه مو بحنا وعنا بالصاله كمان يعني فوق الجرح ترش ملح ..فقلت لها انا مابنلام ابدا انا صاحبته وانا حرة اتفقنا على شيء وهيه عملت شيء ثاني او زادت عليه بالاحرى ... بصراحه لما حكيت هيك انه اختك استغلتني ما عرفت شوتجاوب صرت تبرر لاختها وتقول يمكن شافوه حلو فحكولها البسيه وشجعوها عليه ... كذبت نفسها بنفس اللحظه تقول ما بعرف انها حتلبسه وبعدين قالت انهم شجعوها وانكرت قصه ثمن الفستان ... بس بالاخر انحرجت وماعرفت شو بدها تقول فبعدها
تأسفت وهسه هيه حتيجي هيه وامها يرجعو الفستان ويحكو بخصوص الفستان عللي صار ؟
انا حاليا مو عارفه كيف او شو احكي مع امها لما تيجي احس برهبه انه الشغله اجت فيها ست كبيرة ...
اريد مشورتكم للتعامل مع الموضوع لانه اول مرة امر بهيك تجربه ؟
وشعوري اني مقهورة جدا لانها استغلتني
وعمري ما راح اعطي حد غرض يخصني لو امي
انا مومكبرة الموضوع لكن المبدأ اللي قهرني وحسسني اني مغفله وعمري ما اثق باحد
للمرة الثانيه اريد مشورتكم لاعرف كيف اتعامل مع الموضوع انا مندفعه ومرات ادب الكلام لما اغضب ؟

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

برأيي اختي الفاضلة

اذا اتت لرد الفستان اعطياه الجاكيت والحجاب وقولي لها مبروك عليك الفستان

اساسا لا أعلم كيف ستكونين قادرة على لبسه بعد كل هذه القصص !

لن تستطيعي ولن تتقبلي الفستان .. خلاص حلال عليها وتعتبره هدية عرسها منك

والله يجعلها أكبر الهموم

لآ حول ولآ قوة الا بالله ..

خلاص اختي هذا درس لكي عشان ماتعيري أحد من حاجاتك الخاااصه ولو شو ماكان ..
وبالنسبه للفستان لآزم تاخديه وتشووفي كيف معدووم ولآ متل ماهو نضيف وكداا ..

ولمن بيجوو احكي كل يللي بقلبك ولآ تسكتي وانو هذا التصرف مابيسير والمؤمنين على شروطهم ..
لآ تخلي طيبتك تأثر عليكي حبيبتي احكي قووولي لهم كل يللي بقلبك ..

دمتي بوود=)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

شكرا على مروروك .....والله من قهري حكيت هيك بس شكلها ماتستاهله
ابيعه احسن..... حسبي الله ونعم الوكيل

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

اختي انا مشكلته مندفعه ومتسرعه اخاف اغلط عليهم اذا اجو مابعرف امسك نفسي
اصلا مو عارفه شو بدي اقولها ...طول الوقت وانا افكر من القهر

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

اللي صار صار

اما بيعيه او اعطيها اياااه خلاص

راحت رهجة الفستاااااااان


وانتي بعد هذا الموقف ما عاد رح تلبسيه وكل ما شفتيه بالغرفه عندك رح تزعلي

وما تكلميهم ولا شي ولكن تعلمتي درس كبير

خلاص اصلا اختها وصلت لها الخبر
بمجرد ما اغلقتي السماعه معها اتصلت باختها واخبرت امهااااااااااااا


يجعلها آخر الاجزااااااااااااان

__________________
http://live.gph.gov.sa/
اللهم اني استودعك اولادي