ام زوجي وطلبها الغريب!!! - منتدى عالم الأسرة والمجتمع

21-08-2008, 09:30 AM

بنت غامد13

عضو نشيط جدا

تاريخ التسجيل: Aug 2008

المشاركات: 875

ام زوجي وطلبها الغريب!!!

اااااااااااااااه يا اخواني واخواتي
والله محتاره كيف ابدأ كتابة موضوعي او مشكلتي او صدمتي اليوم؟!!
امس بالليل عملنا عزيمه لأهل زوجي امه واخواته واخوانه اوبوه اسرته يعني
وزوجي المسكين فرحان فيهم وماترك شي الا جابه امس من اكل وحلا وكل شي بحبونه
حتى الايسكريم اللي يحبوه ارسل السواق يجيبه لهم من محل معروف وطلب الحجم الكبير
المهم بعد ما راحوا امس وقبل ماننام وانا كنت فوق السرير قلي تدرين اخوي الفلاني
بروح معاه الشرقيه نخطب له انا وابوي واخواني
طبعا انا ماكنت اعرف لان الرجال ما نجلس معاهم وكان هذا الكلام بينهم وانا ما اعرف
المهم اليوم صحيت للصلاة الصبح وصحيته وقام وراح المسجد وشوي يدق جوالي
وتطلع امه!!!!!!!!؟
انا بسرعه رديت خفت بصراحه
قالت فلان راح قلت ايه؟
قالت اسمعي بكلمك بموضوع بس امانه يابنتي لا يعرف
قلت ابشري خير؟
قالت متى بيعمل عمليته؟
قلت مادري بس احتمال برمضان
ليش؟
قالت علشان وقت مايتم تحديدها اخوانه وابوه يروحون للشرقيه
يخطبون لفلان؟!!!!!!!!!!!!!!
انا طبعا فهمت انهم يبون يتطمنون عليه اول
طللعت السالفه العكس
قلت بعد ما يسويها اجل خليهم يروحون سوا
قالت لااااااااااااااااااااااااااا
اخوه الله يهديه مايبي فلان اللي هو زوجي يروح معاهم
!!!!!!!!!!!!!!!!!!!!!!!!!!!!
قلت اهااااااااااااااااااا
طيب والمطلوب مني؟انا بديت اتعصب من كلامها
قالت ابد
اذا مثلا تم تأجيل العمليه
انتي اقنعيه مايسافر معاهم
هو يحبك ولا يرفظلك طلب وقوليله صحتك اولى وكذا
قلت انا اسفه ما لي دخل انتوا اهله وبكيفكم
بس انا ماراح اتدخل بينكم
وقفلنا الخط
وانا العبره تخنقني ورجع من الصلاة وانتظرته ينااااااااااااااااااااام
ومن وقتها للان وانا مصدومه فيهم
وحزينه عليه
حسيته وحيد وطيوب ولا يعرف عن نواياهم شي
وترددت كثير اني اكتبلكم السالفه بس حسيت اني بنفجر
وهل تأيدوني باللي قلته لأمه؟
وشرايكم؟

مواقع النشر

الكلمات الدليلية

الغريب

« الموضوع السابق | الموضوع التالي »

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 10:14 AM.

روابط سريعه