السلام عليكم ورحمة الله وبركاته

اتمنى انكم تكونون بخير جميعا
رح أدخل في الموضوع على طول انا لي متزوجة ما يقارب الثمان سنوات
وعلاقتي بزوجي مستقرة الحمدلله أغلب الأوقات ما عدا من بعض النقاشات اللي متأكدة أنها تحصل في كل بيت.
المشكلة اني بدأت الاحظ منه فتور.. صار يركز على اخطائي مهما كانت بسيطة ولا يشوف الاشياء الحلوة اللي انا مسويتها..
مثلا يشوف بقعة صغيرة على الارضية ويقول لي انتي ما تهتمين بنظافة البيت على الرغم ان البيت كله نظيف ومبخر.
النقطة الثانية الجفاف العاطفي اللي اعاني منه.. صار يتحاشى الاحضان والتقبيل في غير وقت العلاقة وان بادرت بالحضن حسيت كأنه يدفعني او يحضني وهو مجبر.
وما يجلس جنبي أبدا وان جلست جنبه قال لي روحي على الكنبه المقابلة لي ما اقدر تسولف وانتي جنبي على أنه قبل كان دائما يجلس جنبي !
قررت اني اصارحه وفعلا قلت له قال طبيعي اللي يصير ! انتي في وجهي ٢٤ ساعة !
مفروض تروحين تنامين عند أهلك كل فترة على الأقل نشتاق لبعض شوي !
ما أخفيكم ان رده جرحني جدا لأن جميع من حولي يعانون العكس ان ازواجهم يرفضون نومهم عند اهاليهم وما يستغنون عنهم !
قال لي اني احضنك وقت العلاقة! قلت العلاقة احتياج فطري لك أنا احتياجي عاطفي قال احمدي ربك أنه لا يزال فيه علاقة أصلا !!!
الكلام حز بخاطري جدا وهو يرى أنه ما قال الا الحقيقة وأن فعلا "التقارب الزايد خطأ للعلاقة" !
والله أني بكييت من كلامه لأني ما شعرت بنفس شعوره !
لأني محتاجته ومحتاجة وجوده وأحب قربه وهو العكس تماما
احس بأن انوثتي انجرحت وأني كل ما جلست معه في قلبي غصة واتذكر كل كلمة قالها.
محتارة كيف ممكن اتصرف؟ انا الصراحة من بعد كلامه صرت اعامله بنفس الاسلوب اتجنب اي تواصل جسدي او اهتمام زائد من طرفي والوضع مؤلم لي لأني ما أبغى تكون علاقتنا بهالشكل 💔
محتارة دلوني على الطريقة الصحيحة عشان أرجع زوجي مثل ما كان