احتاج نصائحكم أو مواساتكم - منتدى عالم الأسرة والمجتمع
logo

الملاحظات

العلاقات الأسرية والإجتماعية أفضل الحلول لقضايا الأسرة والمجتمع والمراهقين والأطفال .

إضافة رد
قديم 16-04-2017, 08:20 AM
  #1
Rudi
موقوف
تاريخ التسجيل: Apr 2015
المشاركات: 857
Rudi غير متصل  
احتاج نصائحكم أو مواساتكم

قبل سنة بالضبط كتبت موضوعي مع ابن عمي
منكم من قال أني حاسدة و منكم من قال غيرانة
و منكم من تعاطف و صبرني بكلمات كانت مثل البلسم

مهما قلت و مهما تكلمت مستحيل انقل لكم الصورة كما هي فرجاء اكرموني بحسن ظنكم لأن اللي فيني مكفيني

الان انا أعاني منه هو لسانه مو ماسكه عني
ما خلا احد الا وقال له ان Rudi كلمتني و نشبت لي
و كلام مدري عنه لأني ارفض اسمع من اَي احد
لكن اللي حاصل انه يتكلم فيني

عمي أبعدت عنه ما عاد قابلته الا بالعيد الماضي

بنات العائلة كلهم صاروا يدرون
خواته و أمه اعوذ بالله من طبعهم
وحدة من خواته ما عندها الا دق بالحكي و كل شوي تكلم وتضحك مع خطيبة اخوها قدامي وإذا رحت مكان ثاني وقفت ما عاد تكلمها يعني حركات حريم ، للأمانة بنت عمي اللي خطبوها قمة في الأدب والاخلاق ولا تسوي مثل الباقين و لا حتى تعطيهم وجه في اللي يسوونه

واللحين اختي وصلها الكلام من بنات عمي واحد من اخواني وصله الكلام لكنه ملتزم الصمت ولا كلمني ولا قال لي شيء

يا عالم وش هالدناءه اللي فيه وش يبي ليه ما هو مرتاح لين يوطئ راسي !!!
الله ينتقم منه والله حتى لما كلمته مره وحدة و انتهى ككككل شيء و لا عاد دورت وراءه و لا عاد طرى ع بالي حتى وقتها أصلا ما قد دريت انه خطب ولو دريت قسم بالله ما تساهلت معه


طبعا الناس كلها تدري من قبل 6 شهور لكن اختي واخوي هذا الأسبوع وصلهم الحكي

احس بقهر منه ودي أرسل له كلام يوقفه عند حده لكني أتراجع لأن ما ابي أكرر الغلط و لأن اللي مثله ما يستاهل احد يكلمه لأن ما بينفع فيه شيء


( أبوي هو كبير العائلة و الكل يحسب له الف حساب واخواني مثل شخصية أبوي فالكل يقدرهم و محد راح يتجرأ ويفكر يتكلم فيني عندهم لهذا هم للحين ما يدرون ما عدا واحد منهم كيف عرف مدري )

انا متأكدة أن أبوي محد بيعلمه و لا انا خايفة من هالشيء لكن ما ابي احد يتكلم فيني انا دايم مرتفعة بينهم ما ابي شيء مثل كذا ينزل مني ولو انه صار لكن الله المستعان


والله أني مو سيئة و لا انا راعية غلط لكن مدري ليه يصير معي كذا يمكن هو يبي يُبين للناس ان هذي ما تصلح و ان الله بدلني أحسن منها ؟!
مع العلم ان الفروقات بيني وبين اللي اخذها فرق السماء عن الارض
يمكن هالشيء مأثر فيه وفِي أهله ومخليهم يتكلمون

لأن اللي سويته صحيح انه غلللطط لكن ما يستدعي كل هذا و لا ضريت به احد
هم ليش يضروني بكلامهم !!!
أصلا ما سويت شيء الا أني أعطيته وجه و أخذت وأعطيت بالحكي معه
و حتى ولو لو انه إنسان يخاف الله كان تكلم فيني عند أبوي وأهلي ع أساس يأدبوني لو أني غلطت بشيء لكن ليه يروح للناس ويحكي بالشينة عن بنت عمه !!!

ما ضريته و لا ضريت غيره
لكن ما أقول الا حسبي الله ونعم الوكيل

التعديل الأخير تم بواسطة Rudi ; 16-04-2017 الساعة 08:24 AM
رد مع اقتباس
قديم 16-04-2017, 08:43 AM
  #2
لماذا نتزوج ؟
عضو نشيط
 الصورة الرمزية لماذا نتزوج ؟
تاريخ التسجيل: Jan 2016
المشاركات: 1,716
لماذا نتزوج ؟ غير متصل  
رد: احتاج نصائحكم أو مواساتكم

انا ارى ان تختاري واحد من اخوانك او والدك

لتشرحي له الموضوع بالتفصيل عشان يوقف بصفك في الوقت اللي ماراح احد راح يصدقك وقتها

وخاصة انهم (اهل الولد) نشيطين في نشر الموضوع بشكل مسيئ لك ولاهلك
__________________
رد مع اقتباس
قديم 16-04-2017, 09:05 AM
  #3
عميد البلوت
عضو نشيط
 الصورة الرمزية عميد البلوت
تاريخ التسجيل: Jun 2016
المشاركات: 137
عميد البلوت غير متصل  
رد: احتاج نصائحكم أو مواساتكم

احمدي الله أنه أبعدتي عن هالنوعيات..
__________________

طعنة العدو تدمي الجسد،وطعنة الحبيب تدمي القلب
رد مع اقتباس
قديم 16-04-2017, 10:45 AM
  #4
اسعد فتاة
عضو نشيط جدا
 الصورة الرمزية اسعد فتاة
تاريخ التسجيل: Feb 2017
المشاركات: 949
اسعد فتاة غير متصل  
رد: احتاج نصائحكم أو مواساتكم

اولا حمدالله انك ما ارتبطتي فيه شكله واحد سخيف ..
ثاني شي لو كنت مكانك اكلم واحد من اخواني
واشرح له السالفه كلها واخليه يحاسبه ويوقفه عن حده
__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم
رد مع اقتباس
قديم 16-04-2017, 02:38 PM
  #5
Mewako
عضو نشيط
تاريخ التسجيل: Aug 2016
المشاركات: 165
Mewako متصل الآن  
رد: احتاج نصائحكم أو مواساتكم

أنصحك يا أختي تعلمي أبوك وأخوانك
يسمعون منك ولا يسمعون من الناس
وإذا وصل الكلام لهم منك أفضل صدقيني بيكون صادق وخالي من البهارات والتأويلات
ولا تصيرين سجينة أقاويلهم عليك وتمشين وراسك مرفوعه مو خايفه من شي
صدقيني لو هو رجال بحق وحقيق كان ما سوى كل هذا ولا تكلم فيك
رد مع اقتباس
قديم 16-04-2017, 08:23 PM
  #6
البيلسان 28
عضو نشيط جدا
تاريخ التسجيل: Jan 2017
المشاركات: 220
البيلسان 28 غير متصل  
رد: احتاج نصائحكم أو مواساتكم

اختصري على نفسك الموضوع
وبلغي ابوكي واخوكي والله راح يوقف عن حده
هو يعتقد انك خايفه او ضعيفه عشان كدا اتكلم فيكي
لكن لو علمتي ابوك اللي هو سندك يعرف انك بطله و قويه وراسك مرفوع ولا يهمك
انتبهي ترى الكلام ممكن يأثر على مستقبلك و زواجك لا تسكتي
اهم شيئ للبنت سمعتها
ورددي اللهم اكفنيئهم بما شئت وكيف شئت
ما يوقف اشباه الرجال الا الرجال
والله يرزقك الزوج الصالح ياااااااارب وكل بنت تتمنى
رد مع اقتباس
قديم 16-04-2017, 09:55 PM
  #7
شاطى الراحة
عضو نشيط جدا
 الصورة الرمزية شاطى الراحة
تاريخ التسجيل: Apr 2015
المشاركات: 3,671
شاطى الراحة غير متصل  
رد: احتاج نصائحكم أو مواساتكم

الصمت ابلغ من الكلام
__________________
سبحان الله وبحمده سبحان الله العظيم
رد مع اقتباس
قديم 18-04-2017, 06:54 PM
  #8
2018Hi
عضو دائم
تاريخ التسجيل: Apr 2017
المشاركات: 65
2018Hi غير متصل  
رد: احتاج نصائحكم أو مواساتكم

كلام لي فوقي صح . مواعطيته وجه فترة وندمتي وهو راح وتكلم ويمكن زاد حبتين بالكلام فالصمت افضل لك . واصلا ياختي ناس لما تسمع زي كذا (الناس العقلاء) المفروض أي كلام يمس فتاة مايسمعونه غير العقول ناقصة ! لو يعرفون دين .
وخليهم وسالفه راح تنتهي والدنيا تمشي عيشي ونسي كلامه لو بيستمر بالكلام عنك فراح ناس تعرف انه انسان موطبيعي .
رد مع اقتباس
قديم 18-04-2017, 07:06 PM
  #9
محب السنة
قلم مبدع [ وسام القلم الذهبي 2016 ]
 الصورة الرمزية محب السنة
تاريخ التسجيل: Oct 2011
المشاركات: 1,919
محب السنة غير متصل  
رد: احتاج نصائحكم أو مواساتكم

أسأل الله أن يفرج كربك

أتفق مع من قال أخبري شخص حليم حكيم من أهلك سواء كان والدك أو أحد إخوتك

متى تفهم النساء أن موضوع السمعة و الشرف يجب أن تخبر به أحد محارمها ليعرف كيف يتعامل مع الموقف

وفقك الله
__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية


رد مع اقتباس
قديم 21-04-2017, 01:09 PM
  #10
مهنــ ابو ــد
عضو مثالي
تاريخ التسجيل: Aug 2011
المشاركات: 238
مهنــ ابو ــد غير متصل  
رد: احتاج نصائحكم أو مواساتكم

اسأل الله أن يفرج همك وأن يعينك على أذاه .. وأن يهديه أو يكفيك شره .

والحمد لله الي فكك من الارتباط به ولعلها خيره لك ..

( وعسى أن تكرهوا شيئا وهو خير لكم )

في زمن قلة فيه نخوة الرجال إلا ما ندر منهم وابن عمك للأسف لحمك ودمك بدلا من أن يحميك من كلام الناس ويدافع عنك يأتيك الأذى منه ومن لسانه .. كان الله في عونك .

نصيحتي لك أن مافات قد مات والعبرة بالقادم من حياتك ..

لا تلتفتين لما يقال كلنا نواجه في حياتنا من كلام أو نغزات بين الأقارب قبل الأغراب والسعيد من تجاهل هذه المواقف بما يملك من قوة

اكثري من الدعاء أن الله يكفيك شرهم بما شاء .

وأن يرفع قدرك بينهم ويكتب لك الخيرة في حياتك والخيرة فيما اختاره الله لك

اكثري من هذا الدعاء

( ربي ادخلني مدخل صدق وأخرجني مخرج صدق واجعل لي من لدنك سلطانا نصيرا ).

ولا تدرين لعل لو تم ارتباطك به من البداية لكان من الضرر ما تتمنين تركه وطلاقك منه بس وعساني اسلم منه ومن اذاه ..

الحل لمشكلتك يتركز في أمرين

الأول هو تغيير التفكير من الأمور التي تتأثر بها نفسيتك وصرف النظر عنها بالإنشغال بأي شي يفيدك

والثاني واعتبره الأول وقبل كل شي هو التقرب من الله والتماس رحمته فهو المعين لنا والكافي عن كل شيء

كلنا لدينا زلات وعثرات مهما كان
لا نستسلم لها ونيأس من رحمة الله

حافظي على صلواتك الخمس وصلي ما استطعتي من السنن الرواتب فهي تعينك على الثبات
اكثري من الدعاء خصوصا باخر الليل ولو تصلين في كل ليلة ثلاث ركعات وتر تدعين بها لنفسك والله سترين العجب في حياتك

بالنهاية انصحك أن لا يبقى الموقف الذي اثر عليك لأكثر من وقته اللحظي تناسيه بقدر استطاعتك

تحتاج إلى مجاهدة ومع الوقت والله لن يهمك شيء

وتأكدي إن كتب الله لك الخير في حياتك سيأتيك شاء من شاء وأبى من أبى
والله لو تكلم عنك اهل الحارة كلهم لن يمنعوا خيرا كتبه الله لك سواء من زوج صالح أو خيرا في حياتك

تأكدي من هالشيء واحسني الظن بالله سبحانه

اكثري من الاستغفار ففيه يغفر الله لنا الزلات ويكتب لنا الاجر بالدنيا والآخرة وبه من التوفيق والمعجزات مالا تخطر على بال ..


عذرا على عدم الترتيب

وفقنا الله واياك
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 03:19 PM.


images