طيب اش سبب استفهامك من كلمة غاليه؟؟
وش وجهة نظرك فيها؟؟

ولعلمك كان يقولي يا اختي اول محادثاتنا؟!!
بعدين قلتله لا يقول يا اختي
وصار يقول يا غاليه!
بس ودي اعرف وجهة نظرك انتِ؟؟


وايضا وضحي سبب استغرابك لكثرة دعواته؟؟

انا استخرت في رمضان
وبستخير كمان
والله يكتب لي اللي فيه الخير


والله انا بشكل عام
ماني متلهفه عليه
غير لكونه بنفس مدينتي
هذي بس ميزته

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

وازيد انه قهرني يوم كان قبل رمضان
يقول بس اشوفك من بعيد
والحين يقول نجلس!!
يحسب اني خقيت عليه وما برفضله طلب
ولا ايش؟؟!!
مدري


بالنسبه للكلام الخاص
حتى انا ما صدقته انه كلام عام
عن الحياة الزوجيه
لان لو هذا ف يشوفني بدون نجلس
ويجي في الموقع يقول اللي عنده!!!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

شي ثاني
يوم يقول يبغى حوريه كامله ومدري ايش
جاي عند وحده في نص الاربعين
ويبغاها تكون حوريه!!

اللي يبغى حوريه ياخذ عشرينيه مو اربعينيه!!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

خذيها قاعدة : الرجل الصادق الجاد مايكثر كلام
بيثبت جديته بالأفعال!
ولو تكلم 1+1=2
بدون مايزيد ويحاول يثبت صدقه بالكلام!
على طول ينتقل للأفعال !
ولا تقولي إنه طلب يشوفك هذا فعل !
لو كان شخص كويس وصادق وواضح وصريح مثل مايقول
كان دخل بيتكم ولا أقلها كلم أخوكِ أو حتى أخته تكلمك !
ترى ممكن كم وحدة غيرك طلب منها نفس الشي، وخرج مع كثير ولا وحدة
ما استمر معها.


وحكاية قلتي له لايقولك يا أختي وصار يقول ياغالية
الصراحة لاتعلييييق ! الله يهديكِ .. يعني عاجبك يقولك ياغالية! ؟

وكثرة دعواته مابلعتها لأنه أسلوب بعض الرجال
حتى تتطمني له إني انسان كويس و خيّر !


شوفي يا حظي حلو احنا البنات مهما كانت احتياجاتنا العاطفيّة المفروض احنا مانسمح
لأحد بستغلنا ولا يضحك علينا ولا يفكر إنه أذكى مننا و يلعب بمشاعرنا واحتياجنا
العاطفي للزواج ، خليكِ قوية حتى لو في الحقيقة إنتِ ضعيفة عاطفيّا تظاهري بالقوة
وإنه الكلام الحلو مايجيب راسك ولا يحرك فيكِ شعرة لو من داخلك حابة الموضوع!
قوي نفسك و حاولي رغباتك العاطفية ماتعطيها إلا للي يستحق حتى لو كان كلام!
تعاملي مع نفسك إنك جوهرة وكلامك غالي مايطلع لأحد ..
انا مقدرة وضعك ممكن احتياجك شديد بس هذي الطريقة لتنجو وسط هذا العالم
الناس مو بس الرجال لو عرفوا نقطة ضعفك راح تتعبي معهم .

الله ييسرلك أمورك و ينور بصيرتك بالقرار السليم

انا أؤيد ما قالته فجر الهوى
الراجل يحاول اثبات انه جيد وصادق خاصة انه يتعرف على وحدة للزواج ويقول يا اختي مبالغة في محاولة اثبات انه بريئ و انه يقول اشوفك فقط خارج البيت و بعدها نتكلم فقط و مو على الجنس انه تكلم فالموضوع و طرح هذه الكلمة فهذا هو هدفه يريد حورية يريد ام و اخت وصديقة ومادري ايش بدو كمان فهذه الشعارات و الجمل تبع مسلسلات تركية ظاهر انه هدفه مو الزواج وانما التعارف و زيادة كلام و فقط
انت كوني صارمة خاصة في هذه المواقع لان اغلب الرجال اللي فيها مو هدفهمالزواج وانما استغلال النساء اللواتي يسجلن ابتغاء الزواج
اذا يريد الزواج يتقدم لبيتكم و يشوفك النظرة الشرعية اما اشوفك اكلمك و بعدها مواضيع خاصة فهذا رجل مشبوه 😒
ونصيحة انت تضيعين وقتك في هذه المواقع

ادري والله ان الصادق يقول بجيكم البيت
او هاتي رقم اخوك
بس الغرفان يتعلق بقشه


انا كنت مستثقلتها كلها
يا اختي ويا غاليه
بس خفت اقول حتى يا غاليه لا تقولها
يقول هذي معقده😂

صدقيني انا مش من النوع اللي يدور عواطف كاذبه
ولا تطربني كلمة حبيبتي او غاليه من عابر سبيل
وياما قالوها ما حركت فيه ساكن
لاني انتظرها وهو يلبسني دبلة الزواج
مو وهو يتفق معي ويساومني على مهري
كنه يساوم على ذبيحه بيتعشاها هو وضيوفه!

اشكرك يا خيال
وراح احذف الموقع كله
خلاص تعبت
اصلا دايما اقول لنفسي
رجل كامل ما ينقصه شي وش حده يدور زوجه هنا؟!

اتوقع ما فيه احد صادق في الموقع
الا اصحاب الظروف الخاصه من امراض وغيرها
اما المتعافين فأغلبهم اذا مو كلهم كذابين


لك شكري واحترامي

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

لو وجدت حل غير الموقع لما حملته اصلا!!

لكن خلاص بحذفه
والعوض عند الله

اشكر حضورك عزيزتي

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

مرحباً أختي

عندي إحساس أن الرجل يريد الزواج بك مسيار

وربما يرى نفسه أنه عنده قدرة عالية على الإقناع وواثق من نفسه ومن خبرته

ربما هو ذكي ولايريد الإفصاح مسبقاً عن طلباته وشروطه حتى لاينفرك

بل ربما يريد أن يراك.. فإذا عجبتيه قال لك عن شروطه وربما تنازل عن بعضها من أجل أنك عجبتيه.. أما إذا لم تعجبيه فيعجزك بالشروط لتبتعدي عنه.. وهو لايريد أن يذهب لأهلك حتى لايدخل في الرسميات وربما يتورط بما لايريد


كل ماقلته لك سابقاً مجرد رأي والعلم عند الله

يمكن كلامك صحيح!
الله اعلم

والله ياخوي اذا هذا قصده مسيار وبيقنعني بذكائه
ف مسكين خانه ذكائه هذي المره!
وما عرف يختار
لأني ما اقبل المسيار ابدا ابدا
ومحد يستذكي عليه مهما كانت حاجتي


احيانا افكر اقابله عشان بس اعرف اخرتها
واش يبغى يقول بالضبط
" حتى وانا مبيته نية الرفض"
ارضاء لفضولي فقط


واحيانا اقول وليش اضيع وقتي
كفايه امس ما نمت لين شبعت بكا😂


انا حذفت الموقع خلاص
وهو معي على الاون لاين
اذا سألني بقوله ردي بالرفض
واحظره ونطوي هالصفحه
ونطلب العوض من الكريم


ولاعاد ادوشكم بعرسان الغفله


دعواتكم🙏🏻

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

الله يغنيكِ بفضله

لكن ما أدري ليش رافضة فكرة الخطابة !؟
جربي منتي خسرانة !
وطول مانيتك الحلال و تعفي نفسك
صدقيني ربي بيكون معاكِ .
بس لازمي الدعاء بإنه يتيسر لكِ الخير و ينور بصيرتك
وتشوفي الصح من الغلط، أحيانا والله مجرد إحساس يبعدك عن ناس سيئة و انا اشوف
هذي من البصيرة اللي ربنا يحطها في قلب الانسان .

وعلى فكرة ترى بنات كثير وصغار يتزوجوا عن طريقهم والخلطة السريّة محد يقول عليها : )
لكن يقولوا :
واحد قريبنا من بعيد
جيراننا من زمان
عن طريق وحدة حرمة نعرفها من بعيد