الله يشفيها وجميع مرضى المسلمين يارب العالمين

عاجلاً غير آجل ياكريم يا عظيم يا منان

__________________
استغفر الله الذي لا إله إلا هو الحي القيوم وأتوب إليه

أسأل الله العلي العظيم بحوله وقوته وقدرته أن يشفي والدة أختنا رو ح الطير شفاء لايغادر سقما وأن يعافيها

ويرفع عنها ما أصابها من سقم , وأن يكتب لها الأجر والثواب فيما أصابها من إبتلاء , والله يصبر قلوب

أبناءها, ويثبت قلوبهم بالرضا على ماأصاب والدتهم

خالة جرين ..

هي ترتاح اذا قرينا عليها اي أدعية او آيات .. أمي ماشاء الله تحب الاذكار و تحب الخير ..
بس اصوات تلفزيون او اي قراءات بتنزعج.. حتى مرة كنت بأكل خيارة، طالعت فيا و تقولي
متى تخلصي ههههه ؟ و امس تأشر لاختي انه خلاص روحي بيتك .. ماتبغى صوت
و اليوم اخوي بس راح لها و خالتي معاها من كم يوم مرافقة لها ..

هي تاخد راحتها اكثر مع خالتي، و يمكن تبكي و تظهر دموعها بسسسس قدام خالتي
لانه قبل شهرين امي قالتلي انها اتصلت على خالتي و جلست امي تبكيييييييي و خالتي تصبرها
و تعاتبها انه لا تبكي و لا تعملي كذا، هذا اختبار من ربنا و زي كذا .. و وقتها عرفت انها ترتاح
لخالتي اكثر مننا ؟ مادري ليه ؟؟؟

زي ماقلت من قبل، امي مستحيل نشوف دموعها.. و السنة اللي فاتت اول مرة ادري من اختي
انه امي بعد ما رجعت من زواجي أنا، جلست بالبيت تبكيييييييي و تشهق من البكا كأنه احد مات ..
مع انه بزواجات أخواتي، امي كانت تنبسط انهم تزوجوا
حتى اول 3 سنوات من زواجي، أمي كانت تنقهررررررر اذا سمعتني أتكلم عن زوجي و قالتلي مرة اخوي
امك تغار عليك من زوجك، و من يومها بديت اراعي الشي هذا و بدأت امي تحب زوجي و توصيني عليه


الصراحة، مو لانها امي .. بس ماافتكر امي بحياتها أذت احد او اساءت له ..
خدمت أبوي الله يرحمه و مات راضي عنها، خدمت حماتها و أمها و أبوها كان دايم يدعيلها
انه ربي يطول بعمرها ، و عماتي كانوا دايم يضايقوا امي بشبابها و هي تردلهم بإحسان
و دحين هم اكثر ناس زعلانين عليها و مرة عمتي دقت علي و تسألني بالله اذا امي زعلانة منها ؟
او شايلة بقلبها عليها و عماتي دايم يقولوا ماشاء الله امكم من بعد وفاة أبوكم الله يرحمه.. تحملت
و ربتكم احسن تربية و مافكرت بنفسها ..

امي بس قسوتها علينا نحن بناتها ثم أولادها .. و نحن عارفين من خوفها علينا ..
ايوة يوم رحت المستشفى عشان أولد قبل شهر، امي تقول انها جلست تدعيلي طول الوقت
و سبحان الله بالمستشفى قالي دكتور التخدير ( انت و الله امك دااااااعية لك بقوة )
كلامه ريحني كثييييير .. و يوم خرجت من المستشفى و رجعت البيت، امي كانت راقدة
و ماتقدر تقوم .. رحت سلمت عليها، و قامت حضنتني و باستني و قالت ( اخييييرا ارتحت )
لانها كانت شايلة هم ولادتي بفترة الحمل..

و اختي تقول لي انه امي مررررررررة انبسطت يوم أني ولدت، و كان باين من صوتها ..
و قالت لاختي بالتلفون ( اسمعي صوت النونو ) .. و خلت اختي تسمع صوت ولدي ^^

معليه شكلي نسيت نفسي و أنا معاكم ^^


.
.

معليييييه بأنقز لرد الاخ احمد الازهري ..
لأني لحد دحين متأثرة كثير بقصته، و كلنا اكيييييد تأثرنا بقصته المؤلمة و عشنا أحزانه ..
و احس انه لولا الله ثم هو .. كان بيصير لي شي ( بوقت الولادة ).. لأني كنت حامل و خفت من جد ..

كنت مهملة نفسي بفترة الحمل، و يوم قريت قصة وفاة الغالية على قلبه و على قلوبنا ..
( ربي يرزقه الصبر و يعوضه دنيا و أخرة )..

ماكنت ادري انه ممكن الوحدة وقت الولادة تتوفى ..
و بديت أقرى بالنت انه الحديد لو كان مستواه نازل ووصل لحد 6 ،، فممكن بفترة الولادة يجيها نزيف
و تتوفى .. و الطفل بينقص عليه الأكسجين و بيأثر على دماغه لا سمح الله و يتولد معاق ..

و أنا الدم كان عندي وقتها نازل لحد 8 .. و بديت أخد ابر حديد و لحد ماارتفع و الحمدلله لمستوى 12
و عشان كذا بأشكره .. و احمد ربي أني شفت نموذج من الأزواج المخلصين ..

لأني كنت دايم اقرى انه الرجال تفكيرهم شي واحد ..!!!؟ و بس اقرى اللي يقولوا ( الحرمة مكانها حرمة ) ؟؟؟ و نصايح زي كذا
و انه الرجال انانيين و انه مافي رجال الا ويكون خاين، و اقرى اللي يقولوا الرجال يحب اكثر من حرمة ؟
و استغرب فين الرجال اللي نسمع عنهم يقولوا الحريم كلهم بكفة و زوجته حبيبته بكفة ؟
و قصتك و قصة الاخ حياة أفضل كانت اكبر دليل بوجود رجال بالعالم هذا ( لهم مشاعر حقيقية و إنسانية و ما تتقدر بثمن )

و استغرب من الرجال اللي يستهينوا بالمشاعر و يلعبوا بها .. و اقول بداخلي، معقولة كلهم كذا تفكيرهم ؟
و معقولة المشاعر ممكن تختفي باختفاء الشخص ؟؟؟*

معلييييه .. طولت بالرد ..
لكن من أول بأشكرك على انه قصتك ممكن تكون سبب بإنها انقذتني من الموت ؟ و لا ما كنت راح أرضى أخد ابر حديد و حتى الدكتورة
كانت خايفة علي أني أولد و الحديد بالمستوى هذاك، و احتاج وقتها لنقل دم و غيرها من مشاكل كنت غافلة عنها ..

كلماتك أبكت قلبي قبل عيوني ياروح ،,
الله يثبتك ويقويك ويخفف عن أمك آلامها ياااارب

اذكري الله في كل وقت يا غالية
استعيني به وقوي نفسك بذكره

من أصعب اللحظات علي يوم ولادتي بطفلي
كنت في الثامن والرحم مفتوح والماي بدأ ينزل علي
المسافة لحد المستشفى تاخذ خمس وعشرين دقيقة
خفت كثير لايتكرر اللي صار ويتوفى البيبي
بس ها المرة كنت متيقنة بأن ربي معي وما بيخيب ظني
وألهمني أدعو طول الطريق بـ"يا رحمن السموات والأرض ورحيمهما ارحمني"
سبحان الله كثيييير خفف عني وراح القلق تمامًا

الله معك حبيبتي
وكلنا هنا ندعو لأمك ، وندعو لك انتي بعد

__________________

أستغفرُ الله العظيم الذي لا إله إلا هو الحيُّ القيوم وأتوبُ إليه

إحساس عمري .. ربي يخليك ليا و للوالدة، فرحت كثير بكلامك و يارب أردها لك بالأفراح
بنت مكة .. و عقبال مانقول عروسة مكة ، الله يجزاك خير يارب ..
بوح سماوي .. الف شكر يارب و الله يجزاك كل خيييييييير ..

أبلة بيتا .. الف شكر لك مرة تانية ..
تصدقي انه من يوم اجلت دراستي و بعثتي و جلست هنا، كنت اروح لامي كل شوي و مرات
أنام عندها و هي تطلب مني أنام عندها و لدرجة اخوي الصغير مرة زعل امي و غلط عليها
و عاتبته، قام ارسل لي رسالة ( روحي بيتك يا ثقيلة )
انجرحت من جملته، مع انه بعدين جاء اعتذر ..

بس ماكنت اقدر أفارق امي و اجلس ببيتي، و كل ما اروح بيتي و أغيب اكثر من يومين ..
امي تتصل علي و احس انها تبغاني اجيها و اجلس أتكلم معاها، و زوجي على طول يأخذني لها
و هو رايح لدوامه بالعصر .. و أخواتي مرة وحدة بالأسبوع يزوروا امي .. بس أنا ماتحمل أتأخر عنها ..
و خاصة أني تاركة كل شي عشان امي و حتى اغراضي كلها بالمستودع تركتها لحد دحين ببريطانيا ..

و مرة من قبل رمضان، صار موقف بين امي و وحدة من أخواتي .. أنا وقفت بطرف امي و البقية بطرف اختي
وحدة من أخواتي قالتلي اصلا انت دائماً بطرف ماما .. و ماما ماتخاصمك مثل ماتخاصمنا
( مع انه امي تخاصمني اكثر منهم و هم ما يدروا ؟ او لأني ما اشتكي أبدا ؟؟؟ فماحد يدري ؟؟؟

و الله كم مررررررة امي قفلت الخط بوجهي و أنا بالغربة و سبتني من غير سبب و شتمتني و اكون اصلا مخنوقة من الغربة و الدراسة
و محتاجة اسمع صوتها عشان ارتاح، بس يصادف وقت اتصل لها، بانها تكون مقهورة من اي احد و تحط حرتها فيا .. و كنت انقهررر
لحظتها بس ارجع اتصل لامي و اضحك معاها كانه مافيش اي شي )
و امي مرة قالت لاخواتي بغيابي النقطة هذه ( قالتلهم روح الطير يوم اخاصمها و اقفل الخط بوجهها، ترجع تتكلم معايا تاني يوم و كانه مافيش شي
و تضحك و تمزح، انتوا اذا خاصمت اي وحدة فيكم .. تجلسوا ايام ما تتصلوا و تتاخدوا و تعطوا و تجادلوني )

مع أني يا أبلة بيتا .. مرات يوم امي تزود المعيار حبتين ، أقولها ( ماما ايش فيه ؟ شياطينك ايش بهم صاحيين اليوم ؟ )
زوجي يستغرب من طريقة كلامي مع امي، يقولي عيييب .. فكنت اقول له ( امي تنبسط كذا يوم أكلمها و يعجبها )
عشان كذا،، ألوم نفسي على اللحظات اللي كنت افقد أعصابي و أرد بعدين اندم و استغفر ..

يعني أنا كمان مقصرة بحقوق امي .. ماني مثل البنات الي اسمعهم كيف يخدموا أمهاتهم ؟؟؟
بس يمكن هذا السر باختلاف معاملة امي لي ؟
دايم كنت احسسها أني بحاجة لها و حتى بعد زواجي و بعد ماجاني ولد و حتى بغربتي .. اكثر وحدة أتكلم مع امي ..
امي كانت تنزعج من أخواتي ، انهم مجرد مايتزوجوا يحسسوها انهم خلاص ( صاروا كبار و مستقلين و لهم حياتهم و آرائهم الخاصة )
بس امي دايم تشوفنا ( أطفالها اللي ابوهم مات و هم صغار و هي ربتنا لوحدها ) فكنت دايم احسسها أني بحاجة لها و اسمع كلامها
حتى بعد زواجي، اذا لبست شي و ماعجبها مثلا و قالتلي غيري لبسك .. اروح أغيره بسرعة ، بس أخواتي يزعلوا لو انتقدت لبسهم

من جد اشتقت لامي ..
امي دحين ما كأنها امي اللي اعرفها و اللي جالسة أتكلم عنها و أعيش ذكرياتها مع نفسي ..
امي دحين زي اللي عايشة بعالم تاني .. تفكر بتعبها و بس .. ماهي عارفة لمتى تستمر بعذابها مع المرض هذا ؟؟؟

وانا كنت داخله اسلم عليه

سبحان الله العظيم خصه الله بحب الناس

حصل موقف في المنتدى لاحد المواضيع وانتقل معه
اصبح عندو شعبيه كبيره

اخ احمد اتمنى ان تعود ولا تحرمنا من قلم وحضورك

نفتخر ان تكون بيننا

__________________
http://live.gph.gov.sa/
اللهم اني استودعك اولادي

أختي الفاضلة روح الطير

حمدا لله على سلامتك , وسلامة المولود , كنت قلقا بشأنك والله حين رددتي على

موضوعي وتكلمتي عن مخاوفك بشأن الولادة , وظللت اترقب نبأ ولادتك

حتى سعدت وارتحت كثيرا حين قرأته ( كتبت لك هناك ) , أدعو الله أن

يمتعك بالصحة والعافية وأن يشفي الوالدة الغالية ويرفع عنها ويجعل

ما أصابها كفارة لها , تـأثرت كثيرا لكلامك عنها اسال الله ألا يفجعكم فيها

وان يربط على قلوبكم

ولاتشكريني اختي , فلا فضل لي بشيء , انما هو وعيك وثقافتك التي كانت

سببا بعد لطف الله في نجاتك

ثقي تماما ايتها الكريمة ان الوفاء والاخلاص موجود وبكثرة ولله الحمد

والصفات الحميدة او حتى الذميمة لاتقتصر على صنف دون اخر , فالخير

في امة محمد صلى الله عليه وسلم رجالا ونساء الى يوم الدين

حفظك المولى وعائلتك من الهم والكدر , وسنوحد الدعاء ونرفع أكف الضراعة

الى العلي القدير في هذا الشهر المعظم ان يشفي الوالدة ويسبغ عليها لباس

الصحة والعافية , وطمنينا عليها بارك الله فيك كلما سنحت لك الفرصة

أبلة بيتا و خالة جرين ..
امي معاها بالغرفة مريضة تانية، و امي ماتبغى أخواتي يجول عندها عشان لا تزعج المريضة اللي معها ..
اختي تقول لي، امي تأشر لهم ( اسكتوووووا ) عشان المريضة اللي جنبها أكيد ماتبغى اصوات ..

و المشكلة، أنه مواعيد الزيارة ما تتفق مع مواعيد دوام زوجي اول شي ..
و تاني شي، اخوي بيجلس مع امي من يووووووم ما تنفتح مواعيد الزيارة، لحدددددد ماتقفل المواعيد ..
و بعدين يرجع البيت هنا و ينام .. و مسكين و الله، هو اكثر وااااااااااحد فينا تعب عشان امي و دايم امي تدعيله
فما اقدر اروح مع اخوي و اجلس من الساعة 4 العصر لحد الليل، مو عشاني .. عشان النونو و عشان امي ..
( أمي راح تعصب مني و راح تسبني هههه و بدل ما أكون فرحتها و ريحتها، بأكون مرضتها و عصبتها ) ..

امي مرررررررة تخاف عالاطفال و تحبهم، و خاصة بالعمر هذا تهتم بيهم مرررررة و تدور عن راحتهم اهم شي ..
يعني ولدي اذا ماغطيت راسه مثلا، بتعصب علي و تقول لي ( ولدك راسه مكشوف، بيمرض )
*فأعرف امي، راح تزعل لو شافتني عندها .. عشان ولدي مو عشاني ..
و اذا بالتلفون قلتلها ابغى أجي عندك اليوم، قامت عصبت و قالت خليك عاقلة و اجلسي بالبيت و ولدك اهم شي
غطيه كويس عشان الجو بارد ..

يعني حتى و هي مريضة و بالمستشفى و شايلة هم غيرها و تفكر بالنونو لا يمرض ..

اذا مرتاحه اكتبي

اكتبي لترتاحي

انتي ما زلتي نفاس والكبت يؤلمك

اخرجي ما في قلبك اكتبي كل شي جميل عن امك ونحن ندعو الله معك ان يشفيها ويخفف عنها

دخيلو انا بوسي لي حفيد المنتدى المفدى ولد على ايدينا هنا هههه

__________________
http://live.gph.gov.sa/
اللهم اني استودعك اولادي