كل هذا كلام فاضي فدين لم يربط
البر في ولد او بنت فكلهم خير وبركة
وبرهم حسب تربيتهم ومجتمعهم
والله الهادي

__________________
سبحان الله وبحمده سبحان الله العظيم

مو لأن سيئين..
لأن البنت تخاويج أكثر
وتكون صديقة أمها..
ومن صغرها لخد ما تكبر ملتصقة بأمها
الأولاد من يكبرون طايرين
مرة مع ربعهم
و مرة مع زوجاتهم

__________________

حاجة الناس إليكم من نعم الله عليكم ، فـ لا تملوا النِعم ☁✨

معقول في حد يفكر كذا!
الرجل غالبا مهما كبر لا ينسى امه بالذات ممكن مع الاب و لكن الام مستحيل(طبعا لكل قاعدة شواذ)
ما الاحظه في عائلة ابي و امي العكس
الولد هو المهتم(و زوجته و اولاده) بالوالدين سواء ماديا او كرعايا
بينما البنت حالما تتزوج تصبح و كأنها ضيف و مساهماتها قليلة

ما أخبي عليك ، إنه الموضوع بدأ يأثر علي لا شعورياً ..

.
.

كذا يقولولي كلهم .. نفس الكلام هذا بالضبط ..

و أنا ما أبغى ولدي لاصق فيا ، و أعرف إنه الأولاد لازم أغلب وقتهم برة ..
و لا أبغاه يكون ( ملك ليا ) .. و من دحين أعودهم على انه تكون لهم شخصية مستقلة ..

لكن مو لدرجة إني ما أصير اعني له شي أو ثقيلة عليه ؟

و يجلسوا يقولوا ، اللي ما جابت بنت ، كانها ما خلفت ؟
مع إنه تربية الولد متعبة جدا جدا جدا ..
و كلهم حلوين ، بس إذا ربي أعطاني بس هذولي ..
يعني خلاص أندم طول حياتي ؟

.
.

كلهم يفكروا كذا ..
قريباتي و صحباتي .. و مع إني ما عمري اشتكيت و قلت أبغى بنت أو ولد .، و كلهم خير و رزق من ربنا
و زوجي مكتفي باللي عندنا الحمد لله ..

بس ليش يحسسوني إنه أولادي مافيهم خير ، و راح أندم طول عمري ؟
بجد لا شعوريا .. صرت أحس قلبي بدأ يقسى عليهم ..

و تأثرت بصراحة من كلام الي عندها أولاد كبار ..
مع إنه اولادها لسى مو متزوجين .. و يدرسوا ثانوية و جامعة ..

تقول لي ( لا تغلطي نفس غلطتي و تندمي طول عمرك .. و اسمعي نصيحتي و جيبي لك بنت ؟ )
البنت بكيفي أجيبها ؟

و ما أبغى أحمل دحين و لا زوجي يبغى .. و لا حتى أم زوجي تبغى ،.
و لا أمي الله يرحمها كانت تبغاني أجيب كثير ..
و أولادي صغار و طلعوا لي عيوني .. و تعبت من تربيتهم .. و استنى متى يكبروا شوي ..

.
.

بصراحة ..
حاسة إني صرت قاسية الفترة هذه على أولادي ، و بجد كلامهم أثر فيا بدون ما أحس ..

حتى صرت مرات أتخيل لو عندي بنت ..
كيف بيكون شكلها ؟ كيف بيكون تعاملي معاها ؟

طيب فرضا عندي بس أولادي هذول .. و ربي يحفظهم و يهديهم ..
يعني خلاص بأندم ؟ و أتحسر طول عمري على نفسي ؟

اولا الناس بتتكلم .. واللي بيفكر بكلامهم ماراح يتهنى .. هم يرموا كلمة عابرة و ينسوها
البنت و الولد من الله بس الشي اللي تقدري عليه انك ماتمنعي الانجاب
لانك لو منعتي او اجلتي هذا اللي ممكن تندمي عليه .
والله يرزقك الذرية الصالحة ويرزقك ببنوتين حلوات يملون عليك البيت قولي امين

أخوي هادي ..

إيش تنصحني بتعاملي و تربيتي لأولادي ؟

- أخواني الأولاد .. أمي الله يرحمها دللتهم مرة كثير و لدرجة ما تطلب منهم شي عشان لا يتعبوا .. و طلباتهم كانت أوامر ..
و لما كبروا ، تعودوا .. إنها تخدمهم ، و لدرجة أخوي كان يستغرب ليش انزل كل شوي لما كنت متغربة برة ؟
كان يقول لي اجلسي هناك و لا تنزلي ، أنا لو مكانك ما كنت راح أنزل أبدا للسعودية ..
و لما أقول له أنزل عشان أمي توحشني ، يستغرب مني ..

و لما مرضت أمي ، صح خدموها و شالوها أخواني و ما قصروا الله يجزاهم خير ..
لكن كان من باب الواجب .. و انهم رجال و مسؤؤولين عنها و لإنها مرضت بمرض خطير ..

و أخوي الصغير آخر العنقود ، ما يشوف إنه أمي الله يرحمها ( اللي تعبت و ربته بعد موت أبوي الله يرحمه و هو رضيع )
ما يشوف انها ضحت بأي شي عشانه .. مادري ، يمكن لإنه لسى ببداية شبابه و بيفكر بالطريقة هذه ؟

و أخواني الأولاد ما أحسهم يفتكروا أي شي لأبوي الله يرحمه ..

.
.

و أهل زوجي العكس .. قاسيين عالأولاد .. و ماعندهم شي اسمه دلع أبدا ..

فو زوجي ما كان يرد على أمه ، لما تتصل عليه و يطفش .. و أنا اللي كنت أقول له ما يصير و أعلمه ..
و دحين الحمد لله ما صار يطنشها .. و يعني لو اني كنت شريرة ، كان ممكن قطعته عن أهله ..

و أخو زوجي اللي أصغر منه ، يتهرب من مسؤؤولية أمه و أبوه ..

فقط حالة استثنائية ، أخوهم الكبير اللي يهتم و يبر في أمه و أبوه ..

.
.

المشكلة إني لما كنت صغيرة و بسن المراهقة و لإني بين ولدين و أمي كانت تميزهم عني ..
فكنت أقول لأمي الله يرحمها ، ليش تدلعي الأولاد ؟
الأولاد ما منهم فايدة .. و البنات لكم أجر في تربيتهم و هما اللي ينفعوا أمهم و أبوهم ..
فكنت دايم أتفوق في دراستي و عشان أثبت بداخلي و لأمي الله يرحمها إنه البنت ممكن تكون أفضل من الولد ..

لدرجة بدأت استشعر انه الله رزقني بأبناء ذكور ..
حتى أشعر بنفس احساس أمي الله يرحمها و أعرف ليش كانت تحبهم ؟

.
.

صحيح في اخر سنوات أمي الله يرحمها صارت تميزني عن الأولاد .. و تعلقت بي مرة كثير ..
و بدأت تحس فعلا بمحبتي و معزتي الشديدة لها

.
.

و فعلا ، بدأت احتار في طريقة تربية الأولاد ..
و خصوصا كل ما كبروا .. أجد نفسي في حيرة بطريقة التعامل معهم ..
اقسي عليه و لا لا ؟ أحن عليه و لا لا ؟
اضربه لما أعاقبه و لا لا ؟

إذا دلعته قالولي يصير دلوعة و بنوتة ..
لو قسيت عليه قالولي يصير معقد و ناقصه حنان ؟
لو ما عاقبته بالضرب ، قالولي الولد لازم ينضرب من صغره ، لو صار مراهق ما تقدري تضربيه ؟
إذا عودته يتحمل المسؤولية من صغره ، و يساعدني في أشياء صغيرة ..
قالولي قاسية و حرام ..

و اخر شي ..
يقولولي - الولد مصيره يكبر و ينساكي - ؟

الولد حايتو غير البنت طبعا خرجتو كثيره تفكيرو غير خاني التعبير بااختصار البنت اكثر حاجه بوجهك سواء تزوجت او لا وبتجلس معاكي اكثر من الولد دا اللي بيقصدو
اما البر اعرف وحده ولدها ماشاء الله مايقصر عليها بحاجه ودايما مضرب مثل للبر ماشاء الله بجد ربي أغناها فيه
الله يخليلك اولادك ويرزقك برهم

__________________
أفضل طريقة للالتزام بالوعد هي ألا تعد بشيء
اللهم صل على نبينا محمد

نفس كلام زين

والله يا روح البنت زي النسمة في البيت، أنا من كثر ما أحبهم كان ودي بأخت لبنتي بس قدر الله وما شاء فعل
البنت سبحان الله غير شكل من صغرها تحس بأمها وتفضل صديقتها دائما

الاولاد جو ثاني روح وحركة وخفة دم

سواء بنت ولا ولد كل مين له طعم مختلف
ادعي الله يرزقك برهم ويجعلهم قرة عين لك

مو منع انجاب .. لكن تنظيم ..
و وقفت أشياء مستقبلية كثيرة عشان أولادي و لحد ما أصغر واحد يعتمد على حاله شوي ..

و الشي التاني ، أنا أتعب من الحمل و الولادة و ما بعد الولادة ، و أتعب أكثر في التربية و مسؤوليتهم ..
و مكتفية و الحمد لله و الشكر ..

و زوجي من يوم ولدي الصغير في الكافولة و هو يقول متى يمشي ، عشان نتركه في بيت أخوي
و نسافر لوحدنا و نتمشى لحالنا ..
و من دحين يقول خليهم يتعودوا على عيال أخوي .. عشان نتركهم و نسافر لحالنا ..

صار لنا سنوات ما سافرنا لحالنا و لا اقدر اعمل عمرة بسبب اهتمامي بأولادي و ما أقدر اتطمن إني اتركهم لحالهم
لكن مضطرة لو ولدي الصغير صار عمره 3 عالأقل ، إني اتركه كم يوم ممكن عشان ارضي زوجي عالأقل ..

و دراستي أجلتها بسببهم ، و عيلتي معتمدة على الله ثم علي و على مستقبلي الوظيفي ..
حتى عندي أحلام أبغى أحققها ، لكن كلها أجلتها عشان الملائكة حقوني ..

و الناس صحيح تتكلم و خلاص ..
و ما اهتم بكلامهم ، لكن شايفة الأمثلة الواقعية الي كتبتها .. عن أخواني و أخوان زوجي ..

ما أبغى بيوم أكبر و أحس حالي ثقيلة على أولادي ..
عشان كذا من دحين ، أضمن لي بيت ملك بإذن الله ..
عشان ما أحتاج أجلس عند أي واحد لو ربي اعطاني طولة العمر ..

.
.

لكن هل فعلا مشاعر الرجل تجاه الوالدين تختلف عن المرأة ؟

و الله زوجي قبل كم شهر ، كانوا أمه و أبوه زعلانين منه .. لإنه ما يزورهم كثير و مشغول مع دوامه ..
و قلت له ما يصير كذا ، قالي زوجي و صارحني .. قالي ( بجد ما أعرف ليش .. ما أحب أروح هناك ؟ )
و هما أهله فعلا قاسيين جدا و ينتقدوه بكل شي .. و هو أول مرة كذا يقول لي ..

لكن دحين الحمد لله هو حريص نوعا ما إنه يعدي عليهم ..
طيب أنا نصحته مثلا و سمع كلامي ، لكن هو بداخله .. ما تفرق معاه لو ما يشوفهم شهر كامل ..


و أنا أهلي العكس في تعاملهم مع الأولاد .. ، يدلعوا الأولاد بزيادة ..
و الدلع خلى أخواني يشوفوا إنه أمي ملزمة إنها تدلعهم و توفر لهم سبل الراحة ..

لدرجة كانوا يشوفوا إنه أمي الله يرحمها ، ملزمة إنها توفر لحريمهم كل سبل الراحة ..
و عرفوا بعضهم قيمة أمي الله يرحمها ، بعد موتها الله يتغمد روحها الجنة