السلام عليكم
هاذي اول مشاركه ليا في المنتدي
اتمني تقبلوني صديقه و تفيدوني وافيدكم
انا متزوجه من 7 شهور وعمري 19
وزوجي عمره 26
بدت مشكلتي معاه من ثالث يوم تزوجتو فيه
مد يدو عليا واعترف لي انو كان يحشش
وسافرنا شهر العسل وبعد سافرنا باسبوع
راح يجيب خمر ع الفندق ويشرب طول الوقت
نهار ليل كل وقت طبعا انا قلت لأهلي
هذا غير الضرب ماقلت لأهلي عليه
اهلي سكتو ما كلموه الين مارجعت السعوديه
ورحت بيت اهلي وكل الي كلمت اهلي عليه
انو يشرب ولمن شفت اهلي واهله عصبو عليه
قلت خلاص هاذي تكفي والمهم ارسلو ابويا لمستشفي
الامل قالو لنا لاتخافون هذا بس بستخدم مو متعاطي او مدمن
ومشي الموضوع ورجعت له وسار يضربني علي اتفه الاسباب
ماكنست ما نظفت لمن اتجادل معاه اخرتها يضربني ورجعت بيت اهلي
قالو هذا مو طبيعي اكيد عندو بلا وسألو عنه من جديد
ورحيم زوجي قالهم انه يحشش واهلي عرفو وقالو له تروح تتعالج
وتتنازل عن البعثه وتتعالج عند دكتور نفسي اذا كنت تبغاها بس حلف
ايمان مغلظه انو كان يحشش وسار له مده تارك الحشيش
وبعد ما اتنازل علي البعثه اهلي اعطوه رقم دكتور نفسي يراجع
معاه ولمن رجعت له اكتشفت انو مو مقتنع انو محتاج علاج نفسي
ما عندو رغبه يتعالج مع اني اشك انو يحشش احس انو يتعاطي كبتاجون
يعرق كثير انفعالي ما يتحكم بنفسو لمن يعصب احيانا ياخذ بنادول نايت
عشان ينام ويجلس فتره طويله صاحي وانا الي قاهرني اكثر موقف
اهله يعني لمن تسمعون انو ولدكم كذا عادي عندكم او لمن انو كان يحشش
او تصرفاتو مو طبيعيه لهذي الدرجه المخدرات عادي عندكم!
انا بعد زواجي منو اكتشفت اني مناسبه عايله مدري كيف صراحه
كثير عندهم حريم وامه من ضمنهم ازواجهم يضربوهم وعادي
ساكتين وعندهم اهم شئ ما ننفضح ولا يروح يتعالج ولدنا
يعني مجتمعهم فاشل انا رضيت فيه مع انه لمن خطبني قالو لي انو يتيم
واهله كافلينو يعني شفت الموضوع عادي لانه عرفت ناس نفس حالته
بس يعني طيبين وفي من قرايبنا كم شخص زي كذا بالعكس والله كانو مرا كويسين
ومحترمين وذحين احسه تربيت شوارع ولد حواري يغلط علي كل مين كبير ولا صغير كذاب
والمشكله احس عقلو بالمقلوب يعني يغلط ع الناس ويقول غلطو عليا زي لمن خالو ادخل في موضوعنا
راح اشتكاه اهل زوجتي يقولون اني احشش و انا ما احشش وزوجتي تضربني وتطول لسانها عليا
ولمن يجي خالو يكلمنا نوضح له الموضوع وينصدم انا ابغا انفصل عنه وانا حمل وابغا اكمل دراستي
خايفه لاني حامل اخاف علي البيبي يتعقد او نفسيته تتعب ويروح ضحيه المشاكل او يحرمني منه لو تزوجت كيف اقدر اثبت عليه انه يتعاطي شي انا والله اني ضد الطلاق لانه ممكن يكون حل لطرف واحد بس ماعنده رغبه يتعالج او يشوف دكتور انا بصراحه طفشت وصبرت وضحيت بس خلاص اذا ما قدرني وانا عروسه ماراح يقدرني بعدين تؤدوني بطلاق او لا؟