السلام عليكم و رحمة الله و بركاته

لانكم اخوتي بالله

لجأت اليكم

الموضوع بسيط جدا لكن خايفة اكون انانية

يعني لن اخسر ان اخدت راي اخوتي الكرام اخوتي بالله

الموضوع وما فيه انو في مكان عمل زوجي بيعملو احيانا

رحلات لمناطق جبال و تسلق وهيك

المهم زوجي ذهب مرة وحدة يوم ورجع نفس اليوم العصر

عادي يعني مافي مشكلة

يوم الخميس القادم في رحلة ولكن تكون يوم الخميس ويرجع الجمعة

فتقصا عن الموضوع ان كان يقدر ياخدني معاه حيث اني حامل وبالشهر السابع

فتوضح ان الرحلة في مناطق متعبة ولا تناسب الحوامل ابدا

فقال بعد الولادة بنصير نروح رحلات متل هيك كتير

ثم قال لكن انا مابقدر اخدك مكان لاول مرة وانا اول مرة اروحلو

لهيك انا بقول اروح الرحلة هاي لاشوف الظروف لحتى المرة الجاي اخدك او مااخدك بناء عالمكان

ويعني حسب مااشوف الوضع

فانا زعلت ونرفزت وصرت اتهمو واقول حبيببي انت بدك تتفسح وتتركني وانا حامل لحالي

فاقسم وقال حرام عليكي وانا عمرو هان علية انبسط وانت بعيدة عني؟

وحلفلي انو بدو يروح عشان يستكشف المكان ويشوف ازا ملائم ياخدني

وهوة زوجي هيك عادته لو بدنا نروح مكان لازم الاول يروح لحالو يكتشفو والسبب انو

بخاف ياخدني يطلع المكان غير مناسب او لا يلائمنا

فكل مرة يروح الاول وبعدها ياخدني ليكون مطمن علية ومتاكد انو المكان حلو وحنبسط فيه

المهم انا زعلت السبب انو من عدة شهور و زوجي مشغول جدا واغلب الوقت لوحدي

ومابنطلع نتفسح الا قليل

ويعني كتير بتاخر واغلب الوقت لحالي

وبحاول ارضا واسكت رغم اني حامل واحتاج حد جمبي بهالغربة لكن مابلومو لانو مابيادو شي

وصدقوني بخبي بقلبي وبضحك بوشو و بعاملو برومانسية وبجيب هدايا ويعني بحاول اخليه يعيش احلا عيشة

المهم انا الي زعلني انو لو ظروفنا غير صعبة كان قلت روح والقلب داعيلك

لكن انا والله كل سبت من كل اسبوع اعد الايام ليوم الخميس والجمعة عشان نقعد سوا

يعني فاهمين قصدي؟الخميس والجمعة عندي بحسهم انقاذ عشان اشوفو وننبسط سوا

فلما يروح الويك اند هادا حدايق يعني قد تقولو اني تافهة و انو الخميس هادا مش اخر خميس

يمكن كلامهم صح

لكن انا بصبر كل الاسبوع عشان هادول اليومين

والمشكلة من فترة وهوة بقلي بدنا ناخد اكم يوم اجازة وكل مرة يطلع طارئ شغل

وطبعااااا لا اجازة ولا غيرو

حتى الجمعة الي فات قال انو الاسبوع هادا حناخد اجازة بنص الاسوع ونروح عالاوتيل عالمسبج ونتغدا

وننبسط

وطبعا الشغل فركش كل المخططات

فكان نفسي الجمعة نعمل هاي الاجازة

المهم انو صراحة مراعي مشاعري ويمكن لو واحد تاني كان قلي انا حر بدي اروح شو الك دخل فيني؟

وزوجي قال حياتي ازا ما بدك انا مش حروح لكن صدقيني بدي اروح عشان المرة الجاي اخدك عالمضمون

مابدي اغامر فيكي واتعبك عالفاضي
بس ازا ماعجبك ومش راضية انا مش حروح

يعني ازا مابدك خلص بضل جمبك شو بدي احلا من هيك انا غير رضاكي؟

خلص انسي الموضوع مابدي اروح عادي مش مشكلة

نسيت اقول زوجي وعدني انو لو راح الرحلة ياخد تعويض لي اجازة يوم السبت ونطلع نتفسح وهيك

المشكلة لو بضمن انا الاجازة كان قلت روح

لكن شغلو عقدني مافي شي مضمون وكم من ميت مرة نيجي نخطط لاجازة وتتفركش بسبب العمل

قضاء الله لا اعتراض عليه والحمدلله

لكن بيقلي حناخد اجازة يوم السبت وانا فقدت الثقة بظروف شغله وازا ارتبط شي بظروف شغله

اقول عليه السلام ومافي امل ... وهي الي بيصير فعلا وهادا مابلوم عليه زوجي ابدا

فقط بقلكو الظروف ...

يعني بتأمل طول الاسبوع عشان الخميس والجمعة لانو زوجي بعيد عني في الاسبوع وبحس بالشوق الشديد اله

وبحس كانو عيد يوم الخميس والجمعة لانو بكون جمبي كل اليوم


فكرت استشير اختي لكن قلت بلاش لانو اختي قبل شهر لما سافر عشان شغل 4 ايام

قلت الها فقالت كان لازم تخليه يلغي السفرة كيف تسمحيلو يتركك وانت حامل !!!

طيب يابنت الحلال شغل مابقدر يتركو

بترد بتقلي لالالا لازم يلغي السفرة عشانك حامل

فقلت بلاش اقلها تقلي لاتسمحيلو يروح وانت حامل

حسستني اني عشاني حامل الدنيا تحطمت

انا اريد زوجي ان يبقا معي لاجل حاجتي النفسية وليس الجسدية بمعنى انا رغم اني بالسابع لكن

ماشاءالله لا قوة إلا بالله تبارك الله لست تعبانة ابدا والحمدلله نشيطة وحتى الايام هاي عاملة حملة تنظيف

للبيت والحمدلله اشعر اني في احسن شهور الحمل ماشاءالله

يعني لست مريضة ولا تعبانة واريده فقط عشان انبسط معاه عاطفيا ونفسيا

هل انا انانية؟ها انا استغلالية لطيبة وحنان زوجي؟

او ان عقلي صغير و اكبر الامور اكتر من اللازم؟؟؟

لم اجد غيركم ابوح له بمشاعري

قلت لكم اختي ستهول الامر وتجعل الامور كبيرة وهي ليست كذلك

فقلت انتم اخوتي ايضا

اتمنى تقولو رايكم

اخليه يروح ولا اخليه يبقا معي

المشكلة نفسي يبقا لكن حاسة بالضيق لانو مش حيروح بسببي

نفسي يقعد معي بس مابدي اكون انا سبب فركشة الرحلة

__________________

حياك اختي ملك شادي واعانك الله على غربتك

شوفي انتي تتكلمي كأنك انا لاني نفس شعورك بالضبط انا هنا في غربة

ومثلك انتظر الخميس والجمعة عشان هي المتنفس الوحيد

من رأيي اشوف تخليه يروح وبالمرة بيشتاق لك

وفعلاً صعب بقاءك لوحدك في غربة من واقع تجربتي اقول يمكن البعض يتخيلها انانية مننا لكن والله صعب

بس انتي معليش حاولي تقضي وقت خلي احد من بنات الجيران تجي عندك

اعزميها مثلاً غذاء او شيء وانسي

وبيمر الوقت وبتشوفيه جاي ومشتاق لك

انا رأيي من رأي الاخت حنين
لا تخافي ملك بكرة بس يجي النونو ... بتبطلي تفضيلو... بتصيري تقوليلو روح والقلب داعيلك
لانو بالعربي بتبطلي تفضي لحالك
والنونو بياخد كل وقتك
الله يقومك باسلامة يا رب
بالمناسبة شو بدكم تسمو البيبي اللي جاي
ِ

__________________

مشيّلو ياها هالمره...خلي يروح ولما تقوليلو روح اكيد بينو وبين نفسو رح ينبسط الشباب دايما بحبو يستطلعو كل شي جديد
استحملي وان شاء الله لما تقومي بالسلامه بعوضلك ياها

__________________
اللهم بارك لي في اولادي ولا تضرهم ووفقهم لطاعتك وارزقني برهم

اهللين حبيبتي ملاك شادي

شوفي انا حاسه بيكي جدا جدا

بس انتي ممكن تخلليه هوا اللي ما يروح بمزاجه

يعني قوليله بمنتهى الهدوء والرومانسيه

حبيبي اعمل اللي انت عاوزه وانت لو انبسط اكيد انا كمان حكون مبسوطة واكيد انا نفسي تكون جمبي العمر كله بس

حضحي عشان خاطر عيونك

حتى لو راح استقبليه بليله حلوة ورومانسيه واكيد حيكون مشتاقلك اكتر واكتر

الله يسعدكم ويهنيكم ويتمم حملك بخير يارب

__________________

انا برأيي تخلينه يروح وينبسط
ويجيك وهو مغير جو ونفسيته مرتاحه ومشتاق حق شوفتك

اما بالنسبة لك هو صعبة انك تقعدي لحالك في الويك اند ولستِ انانيه بس شتسوين عديها هالمرة
حاولي تشغلي نفسك عشان يمر الموقت بسرعه....

مثلا اقرأي كتب وقرآن
كملي تنظيف البيت
تعملين له مفاجأة بجيته
تغيرين في ترتيب البيت >>> بس انتبهي على نفسك لانك حامل جيبي معاك احد يساعدك اذا كان في احد قريب

اطبخي له طبخات يحبها


وان شاء الله ربي ييسر اموركم
ويسعدكم

__________________
اللهم احفظ اطفالي من كل سوء يارب
اللهم اهدهم واصلحهم ووفقهم

شوفي حبيبتي

انا من رأيي تتركيه يروح يغير جو
وانت لانك حامل فما لازم تغامري وتروحي على منطقه تكون غير مناسبه الك كونك حامل

وان شاء الله بكرا لما تولدي ما رح يقصر زوجك ورح ياخدك انتي والنونو

الله يوفقك

__________________


قال رسول الله صلى الله عليه وسلم: ( لا تدخلون الجنة حتى تؤمنوا ولا تؤمنوا حتى تحابوا..)

عزيزتي..


بدايةً تبارك الرحمن ولا قوة إلا بالله .. والحمدلله على نعمته وفضله أن وهبكِ الصحة والعافية ويسر حملكِ حتى الآن .. وإن شاء الله تكونين كذلك حتى وقت الوضع.




حقيقةً أنتِ لست أنانية .. ولا عقلك صغير .. ورغبتكِ طبيعية واحتياجكِ مشروع.

ولكن......

ما دام طبع زوجكِ ـ وهو بالمناسبة مثل طبع زوجي الحبيب ـ هو حرصه على استكشاف أي مكان جديد قبل أخذكِ إليه .. فهذا معناه أن هذه الرحلة التي سيذهب فيها لوحده قائمة قائمة .. سواء ذهب هذه المرة أو أية مرة أخرى .. ما دام المكان جديداً ... صح؟!!!!!

إذاً دعيه يذهب في رحلته الاستكشافية هذه .. خاصةً أنه وعدك بأن يأخذكِ بإذن الله فيما بعد.



ثم....

همسة في أذنكِ ... نعم زوجكِ طيب جداً .. وجميل جداً أنه مراعي وضعكِ ومشاعركِ بهذا القدر الكبير .. لذلك فهو بصراحة يستحق منكِ مثل هذا التنازل البسيط.

__________________


اللهم طِيبَ الأثر .. وحُسْنَ الرحيل.

المشكله بسيطه والكلام كثييييييير
الله يقومك بالسلامه

حبيبتي انا من راي تخليه يروح وانتي اشغلي وقتك باعداد ليلة رومانسية وهادئة له بما انه رجال الظاهر من كلامك انه مرن خالص وطيب_ الله يخليه لك وماشاء الله تبارك الله عليكم_فاجئيه بها