السلام عليكم ورحمه الله وبركاته

اتمنى لكم جميعا انكم بصحه وعافيه

بنات محتاجه فزعتكم بجد الجد تكفون من لها خبره لاتقصر معاي

انا راح اظطر اولد في بيتي واثاثي للاسف زفت وشين وقدامي وقت قصير ع بال مااخلص لاني بنص الشهر السابع

نظام بيتي نسائي بحت دور ارضي وكله ضيافه حريم فقط لان مجالس الرجال في بيت زوجي الثاني جنبنا يعني اقدر اخذ راحتي بالالوان

انا حاليا الميزانيه يادوب تساعد اصلح اللي ظاهر للناس ومظطره اصلح الصاله ومجلس الحريم المطبخ رايح فيها بس مااقدر اصلحه لان ماعندي ماده ولا احد بيدخله

ابي انشغل باللي راح استقبل فيه

صالتي للاسف كبيره وكل شي يطل عليها المداخل كلها تفتح عليها وجايه نظام جهتين

حاليا جهه حاطه فيها كنب لونه بني واورنج وزيتي قديم ومتعب موديله لان نظامه الظهر مخدات وتطلع وكل شوي عيالي يلعبون فيها لان جلستنا دايم بالصاله

الجهه الثانيه فيها الشاشه وجلسه ارضيه موكيت ومساند ظهر بدون كنب ولاشي

ديكور صالتي السقف جداا فخم وراقي بس الثريات عندي قديمه والاضاءه كلها اصفر وصايره الصاله ظلام وكتمه

طبعا اثاثها ماله خمس سنين بس لان وقتها زوجي غصبني اخذ من الخليج وكل اقمشتهم زفت وطبعا كان فارض علي الاسعار مااتعداها وهذا السبب خلاني اختار اي شي حلو وعادي بس مو ذاك الزود وبسرعه بان عليه قيمته

الحين ابي اغير بويه الصاله لونها سكري والديكور فوق نحاسي وذهبي وبني وبويتي فلفت بس تدمرت كتبو عيالي ع الجدار وغسلت وصار كله بقع

بشاوركم انا لازم اصبغ او احط ورق جدران

ابي اعرف هل فيه فرق بالسعر كثير وثاني شي لو بصبغ بويه افكر احط لون واحد ويكون سكري ساده بدون خرابيط او احط بويه وورق جدران بنفس الوقت محتاره مره في هالنقطه

واثاث الصاله الكني احنا مانقعد عليه جاي على جنب عرفتم يعني استخدمه كضيافه خفيفه هل اخذه من الغالي مره لانه بالوجه ولا اخذ حاجه مرتبه وعاديه

الجهه الثانيه بحط فيها جلسه ارضيه عند التلفزيون يعني كنب بس واطي لتحت شوي وبحط زوليه تحته

وبرضو محتاره بالالوان والموديل هل اخليه طقم هو والكنب الثاني ولا تكون الوانهم متقاربه او عادي اعتبر كل جلسه لحال واحط الوان كل وحده بعيده عن الثانيه

هذي الصاله

نجي لمجلس الحريم كنت حاطه كنب كلاسيكي وطبعا اذا جوني ضيوف مايشيل الكلاسيكي ياخذ مساحه الغرفه بالديكور وهو مايعطي مكان للضيوف افكر اخليه متصل عشان يشيل اكبر عدد ممكن من الحريم لانه هو المكان اللي راح استقبل فيه اذا ولدت

محتاره كيف الالوان طبعا بويته الجدار بيج بلحمي كذا وفيه اصفر خفيف ماافكر اغير البويه من باب التوفير اولا وثانيا لانها نظيفه وماصار لها شي

انا مامعاي الا هالجمعيه لي سنه اجمع فيها ومابي اطيرها في شي مو حلو المبلغ اللي معي عشرين الف

راح يكون فيه تزيين الصاله والمجلس بكامل اثاثهم كنب وبويه واضاءه واكسسوارات

اخذت لفه ع مخرج 11 اثاثهم روعه روعه بس اسعارهم موت المتر ب 850 بس حاجات فخمه حسبت عنده كنب يجنن للصاله قال لي ب 13 الف

تحطمت كيف اكمل باقي شغلي اذا كذا اسعارهم

اختي تقول من رايي فصلي بالخليج موديل حلو وشي عملي للصاله بحيث ماتكلفك بكل مافيها 10 بالكثير ومجلس الحريم حطي كل جهدك فيه لانه الصاله بتكون بس ممر

رحت للخليج فيه حاجات معقوله يعني الجلسه الارضيه قالو نحسبها لك ب 1000 ريال والكنب يطلع اغلى شي ب 5000 الاف بس يظل شغلهم عادي


بنات انتظركم ابي الوان وافكار بحاول انزل لكم صور صالتي عشان تتضح الصوره اكثر

الله يسعدكم

وعليكم السلام ورحمة الله وبركاته ..
مرحباً أختي الكريمة ..
نزلي صور صالتكِ الله يرضى عليكِ ،
الأمر الآخر إذا كان المجلس مقسم ليس شرط أن تضعي نفس الموديل يكون مقارب له ..!
بإنتظار الصور ..

و عليكم السلام و رحمة الله و بركاته

أختي وحداانية
أسأل الله أن يعينك و ييسر و لادتك .

بداية مجلسك ألوان الجدران فيه بيج و لحمي
و هذه الألوان تتناسب مع ألوان كثيرة
شاهدي الصور

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

أما بالنسبة للصالة
عندي لكِ اقتراح إذا أعجبكِ سيوفر عليكِ المال

بما أن السقف فخم و ألوانه كلاسيك
ممكن أن تضعي الكنب الكلاسيك الذي عندك في المجلس في الصالة
فقط نجديه و غيري قماشه .

أيضاً : لا تصوري الصالة
فقط ضعي لنا رسم كروكي لها و حددي المداخل
و المقاسات بالمتر و نحاول مساعدتكِ .

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

أختي وحدااانية
عندي اقتراح لكِ بخصوص دهان الجدران في الصالة
إذا كان الجزء العلوي منها سليم
ممكن أن تكتفي بدهان الجزء السفلي فقط
شاهدي هذه الفكرة و اختاري الألوان التي تناسبك :




[img]http://im45.***********/QJKSOE.jpg[/img]





[img]http://im45.***********/0G6fCA.jpg[/img]

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

جزاكم الله خير جميعا

انا راح اعرض لكم الصور بس عشان توضح الفكره وتساعدوني اكثر


هذي صورة دهان المجلس حق الحريم حالتها كويسه عشان كذا ماودي اتخسر واعدلها

[img]http://im52.***********/nbudiP.jpg[/img]


وهذي صوره المجلس القديم مره ماني هاضمته ولا احسه ينفع للصاله


[img]http://im52.***********/L7bsjC.jpg[/img]



وهذي صورة الثريا للمجلس وافكر بتغييرها مع انه كويسه بس احسها مو مناسبه وصغيره

[img]http://im52.***********/NApecr.jpg[/img]

فيه حاجه مهمه ابي ابعد عن البيج والبني قدر المستطاع عادي ادخلهم مع لون ثاني بس تكون مو هي الاساس

انا صالتي قضيتها قضيه مشكلتها كبيره وكل المداخل عليها والمشكله الاعظم انها بمستوى واحد لو ان جهة الكنب مرتفعه شوي كان بيكون ارتب

يعني المداخل حقت البيت والغرف تطل كلها عليها ماني عارفه كيف ممكن تتنظم

كنت حاطه طاوله طعام تحت التلفزيون وشلتها ماطلعت مرتبه ابد
وماني عارفه كيف اشغل المساحه اللي فيها بشي حلو

بنات اهم شي عندي واول شي الدهان وش ممكن احط اخليه لون واحد ساده اوفر بس اخاف مايناسب مع السقف لان السقف ماعندي نيه اغيره كويس وضعه

بس الجدران لعبو عيالي فيها وغسلتها وانمسحت البويه وصارت الصاله بقع بشكل واضح تفشل مره

ورق الجدران كيف اسعاره انا صالتي يمكن 10 متر ماني عارفه كم قياسه ويمكن اكبر بشوي


بنزل صور للصاله انتظروني بس احملهم

http://im50.***********/WYXRRL.jpg


http://im50.***********/eRbSSG.jpg

http://im50.***********/nwOBFS.jpg

http://im50.***********/mSQ40j.jpg


http://im50.***********/lRJDpA.jpg

http://im50.***********/m8Nb2I.jpg


http://im50.***********/k4fO22.jpg


http://im50.***********/tY5EYK.jpg

اختي هند اقتراحك اعجبني بس كيف اطبقه بخصوص كنب المجلس اني انقله للصاله والبسه شي جديد هو بيوفر علي المبلغ اكيد

بس الطاولات كيف لانها جايه معاه طقم

وهل ينفع للصاله كنب كلاسيك شوفي الصوره وعطيني رايك

وخايفه من الكنب الكلاسيك ان عيالي يجلسون يحرجون الكراسي وانا خلقه عصبيه واكره الفوضى وراح يكون عندي استقبال وولاده كان اجنن عيالي لو لعبو فيه وانجن معهم

شفتي كنبي حق الصاله المساند ع الظهر منفصله وكل شوي يرمون بعض فيها وكرهتها موووت ودايم هواش معهم وحافت ماافصل شي كذا فكرته لازم يكون الظهر ثابت

بنات الله يسعدكم لاتبخلون علي بتجاربكم تراي بحياتي ماتصرفت بالامور ذي ولااعرف شي بالاثاث والتنسيق مااثثت الا بيتي ومو كله وحصرني زرجي بس بالخليج وموديلاتهم قرف وكان بحدد ميزانيه المجلس مثلا صالتي الكنب البني ماكلف شي يمكن ب 4500 والثريات يحدد ماتتعدين 500 وتعالي شوفي اللي بالسعر ذا كلها تكون قديمه

انا تعبت كثير عشان اجمع هالمبلغ ومابي اخسره في شي مو حلو حرمت نفسي من حاجات كثير عشان اصلح بيتي بشكل حلو تكفون بنات ابي فزعتكم دلوني ع محلات افكار للاثاث اي اقتراح لاتبخلون علي

المجلس امره سهل طقم كنب متصل وبإذن الله ماراح اتوهق فيه

المشكله الصاله ماني عارفه انسقها مو مرتبه صالتي جايه مفتوحه ع بعض وهي المشكله انها ممر للمجلس لازم تكون مرتبه الكل بيعدي منها اول

انتظركم ياحلوات