انا كمان شريت سشوار سراميك صناعة يابانية استخدمته مره يجفف شعري ويعطيه كثافة لانه يخليه نافش ما اعرف كيف بس مايترك لمعان
ومرة سويته بعد استشوار هوا عطاني لمعة حلوة بس لو اسوي شعري استريت فيه مايكون استريت ناعم زي ماقالت حبيبتنا هنا انه يخليه كأنه محنط يابس ! مو حيوية ويتحرك
فصرت استخدمه لعمل اللف يعني مو مرة بس يمشي الحال

اما الملابس احيان اتوفق فيها لما اكون اشتري وانا رايقة :] ولا غير كذا ممكن ارجع البيت الاقي كل الملابس مو حلوين او مو مقاسي اصلا وقريب من بيتنا جمعية خيرية وحاطين صناديق للملابس الله يجزاهن خير فأحطهم هناك او اشوف لو احد من خواتي او بنت عمتي لو شي عجبهم اعطيهم والباقي عالجمعية..

ومرة شريت من نكتار صراحة غالي عالفاضي وكرهتهم وللحين موجودة عندي ما استخدمها =(

صحيح بنات عندي سشوار هوائي قديم وحرارته ضعيفة بس طاح علي وتغير صوته ومابي اصلحه لان شريت واحد احسن وهذا مايطاوعني قلبي ارميه فهل ممكن يستفيد منه محل تجميل قسم صيانه كقطع غيار او تعرفوا مكان معين يستفيدون من الاجهزة الخربانة ؟ ما ابي عليه مقابل بس بدال ارميه بالزبالة اعطيه احد ممكن يستفيدوا لو من السلك تبعه

__________________
يارب لِذْتُ ببابك راجية عفوك ورحمتك,خذ بيدي إلى ما أصبو إليه وإرحمني برحمتك التي وسعت كل شيء,اللهم ارزقني زوجاً ولا تذرني فرداً وأنت خيرالوارثين ..اللهم اغفر لمن دعا لي