السلام عليكم ورحمة لله وبركاته

كل عام وانتم بخير تقبل الله منا ومنكم سائر الاعمال

اضحى مبارك على الجميع😘

انقطعت عن المنتدى لظروف وفاة لأحد اقاربي وكانت مفاجئه
اسأل الله ان يجبر كسر اهله..

من فتره طويله
كانت توصلني اخبار ابو عيالي
انو يغيب عن بيته الثاني يومين ويقطع اخباره
وقالوا انو متزوج 3 مسيار وانو يروح لزوجته المسياريه
سويت غلط انو صرت اراقبه بالواتس وادري بتلوموني وادري انو غلطانه
وانو المفروض ماافكر حتى بطاريه ...🙈
لما صرت اتابعه لاحضت انو يغيب عن الواتس مثلا يومين نهائي مايكون له دخول ع الواتس يعني اليومين اللي يكون معها ..
وبعد اليومين يرجع يتصل بالواتس بالساعات...
مثلا اربع او ست ساعات متواصله انام واصحى واقضي اغراضي واشغالي وهو متصل ع طول
فأستنتجت انو اكيد يكلم زوجته المسياريه...
بحكم معرفتي فأعرف انو اتصاله بالواتس مع انثى...
مو اصدقاء او عمل او قروبات ابو عيالي واعرفوا كويس
طيب..
انا م جربت الحياه الزوجيه الطبيعيه...

هل فيه حب بين الزوجين زي كذا؟؟
هل زواج المسيار مثل كذا؟؟
يجلس يومين بالاسبوع معاها وبعدو طول وقته يكون معها بالواتس
حب وغرام وسوالف بالساعات ونزهات وغراميات؟؟
هل الزواج الطبيعي مثل كذا...؟؟

__________________
(سيدة الموقف)
لم ننساك ونسأل الله ان تكوني أنتي وأولادك بخير

اخني عظم الله اجركم ..وتغمد فقيدكم في جنات النعيم يارب ..وعيدك مبارك ..
اول حاجه ..كيف ماجربت الحياة الزوجية الطبيعية ..,مافهمتكـ هنا .., اش تقصدي بالضبط ماحبكـ مابينكم روحات وجيات وغراميات :/ >>
واعتقد تحليلي انو الرجال ينبسطوا بزواج المسيار لان مايحس انو مقيد كثير مع زوجته ..فاكيد نفسيته وقبوله على زوجته المسياريه هههههه افضل .. وناسه .. لانها تكون راضيه بوضعيتها ..وغير متطلبه كثير

ما اعتقد عزيزتب

قريبة زوجي ، زوجها تزوج مسيار ( سنة كاملة ) و طلقها و رجع لزوجته

و واحد تاني زوج اخت صحبتي ، تزوج مسيار و بعدين طلقها ..

يمكن حبها وحس فيها شي مختلف عن الاخريات،،مو شرط ان اي مسيار ناجح ولا شرط انو اي زواج طبيعي فاشل لكل حاله ظروف خاصه

دايما الرجل يتخيل انه المسيار اجمل واريح مافيه مسؤوليات
وينتهي المسيار بالفشل !
ليه دايما يفشل هالزواج ؟!

جزاك الله خير
اكيد كان بيننا جيات وروحات وغراميات
بس مو ع طول وطول الوقت لاصق فيني
بديت اقتنع بزواج المسيار ممكن يناسبني بعد طلاقي

روح ماهي قاعده ثابته
اللي اشوفوا مع ابو عيالي انو ناجح
ويناسبني مع غيره


يمكن حبها فعلا
شي مختلف زي ايه
بنظري مافي زوجه بعدي بتساوي له شي انا م سويته له
بس ممكن فعلا هو م حبني وهذا سبب لكل تصرفاته سابقا معاي
ليته طلقني
ولا ضيع مني اجمل سنوات عمري..

مو شرط يفشل
ابو عيالي هبل فيني
انا مو ناقصني شي
مو مدح فيني فعلا مانقصت عليه شي
من كل شي
وشوفيه تزوج مسيار
وباسط اللي معاه
ساحب علي وع بيته الثاني وعيالي
وعايش بغراميات
كنت استغرب
وشلون قدر ينساني ؟؟
اللحين فهمت
واقتنعت ...
واقنعني بزواج المسيار...
بعد طلاقي راح اسعى انو اتزوج مسيار..

__________________
(سيدة الموقف)
لم ننساك ونسأل الله ان تكوني أنتي وأولادك بخير

الحب غير مرتبط بزواج مسيار او زواج مسفار او اي زواج اخر

الحب ممكن يكون في اي حالة و في اي وضع ممكن يكون داخل إطار الرواج و ممكن يكون خارج إطار الزواج

اللي داخل اطار الزواج بتعدد تسمياته
فيه زي كذا...
مااتكلم عن السنه الاولى لانو الغالب فيه
اقصد بعد مده من الزمن نقول سنتين او ثلاث
م يمل الزوج
او تمل الزوجه
سؤالي
فيه ازواج يجلسوا مع بعض بالواتس 6 او 5 ساعات متواصله ...؟؟
كل يوم ؟
اذا كانوا مايجتمعوا الا يومين او يوم بالاسبوع..

__________________
(سيدة الموقف)
لم ننساك ونسأل الله ان تكوني أنتي وأولادك بخير

ممكن خاصة لو كانوا بعيد عن بعض

اختي في شيء اسمه كيمياء الحب
يفرز هرمون لدى الرجل والمرأة غالبا بداية العلاقة
ويتفاوت فترة افرازه لكن ماتتجاوز6ش متصلة
البعض يسميه هرمون العشق

بعدها ممكن يكون له فترات يرجع مع نفس الشريك
لكن برضو مايطول..

زوجك ممكن يعيش هالفترة

وفيه ناس عندهم ادمان لهالهرمون غالبا تكون لهم مغامرات عاطفية متتابعة ..كل ماتفتر علاقة يبحث عن اخرى ليفرز الهرمون مرة اخرى وهكذا..

زوجك الان اعتقد يعيش هالفترة
واعتقد ربما عاشها معك ومع زوجته الثانية
وككل علاقة طبيعي تفتر ..
لكن كواقع مستحيل علاقة تستمر قي أوجها سنوات كالعاشقين..
لكن يضل الحب الطبيعي المتوازن مستمر مااستمرت العشرة الحسنة..