السلام عليكم
أنا عمري 17سنه وصارت معاي مشكله قبل يومين ضيعت مستقبلي أنا وأختي
بابا عنده قوانينه الخاصه ومنها إنه مانطلع مع أحد غير سواق الباص وقبل يومين تأخر سواق الباص وطلعنا أنا وأختي مع واحد من أقاربنا من دون محد يدري وراح سواق الباص وقال لبابا أنه ماجينا معاه الصباح بس الظهر جينا معاه وطبعا طار عقل بابا وراح قال ماعاد تروحوا للمدرسه
أدوني حل مستقبلي ضاع بسبب غلطة بدون تفكير.. :’(

الله يهديك تعرضين نفسك وأختك للخطر الله سترعليكم أنكم رجعوا سالمين لبيتكم وماجبتواالفضيحه لاهليكم والوالده الله يهديها وينهي عنكم ليه هيا ماتصرفت ودبرت أحد يوصلكم للمدرسة

كانت نايمة وماتوقعت ان الشيء ذا راح يصير لأنها أول مرة تصير .. وكمان احنا رحنا مع ولد عمتنا وأخواته ثنتين معانا مو لوحدنا .. الآن أبغا حل أرجع للمدرسة

__________________
[img]http://im78.***********/FRd0Bi.jpeg[/img]

المشكلة تقول انتم اتفاهموا مع ابوكم لأنكم عارفين اننا رافضين تروحوا معاه ومع دلك كسرتم كلامنا ورحتوا ومن دون ماتقولولي كمان .. وزعلت مننا :’(

اذا كذا إها عادي أنا فهمت غير وانا من رأي الأخت هبه

هذا عقاب مؤقت لكما ..
لكن بإذن الله سيلين وسيسمح لكما بالذهاب
واجهيه إنت واختك وابديا اعتذاركما وأسفكما بشدة ...
وإن عجزتما فارسلا له رسالة على هاتفه واطرقي باب
أبوته وحنانه بكلماتك وسيرق قلبه لحالكما ..

__________________

شوفي الرجال احيانا يفكر تفكير لحظي يعني وقت العصبيه ووقت المشكله ويمنع ويهدد ووو ..

شوفي باقولك شغله انتم كلموهـ باسلوب حلو زي مثلا .. انه مستقبلكم كيف حيكون وانتم جالسات في البيت ..
وبكرا ان شاء الله يفرح فيكم وحتكونوآ شيء كبير وموب مستاهله على لطه يتاثر المستقبل وووو .. الخ
وبنفس الوقت تسامحوآ منه قبل كل شيء .. لان الي حصل له مو شويه صراحه ..
اي رجال مكانه بينقهر ويزعل ..

يمكن هو مازعل لانكم رحتم مع قريبكم واخواتــو .. يمكن زعل من الصدمـه ..
متى قاله السواق بناتكم ماجو معايا !!
قبل مايعرف انكم جيتم مع قريبكم او بعد !!

يمكن خاف هوآ وجلست الافكار تطير بعقله يمين وشمال ..
ومن خوفه عليكم اتخذ هالقرار اللحظي زي ماقلت لك ..

ونسأل انفسنا برضو .. تصرف الوالد جا عشان هالمشكله حصرا ..
ولا فيه امور ثانيه وملاحظات مضايقته !؟

كلمه سواق الباص قبل م يعرف اننا جينا مع قريبنا..
هو مَ اتخذ هذا القرار إلّا عشان الموضوع ذا بس..
واحنا اعتذرنا له وسامحنا بس قال مدرسه م في :'(

حبيبتي لما اعتذرتوا شو قلتوا له ؟؟

لو تحبي أنه ثقة أبوكي فيكم ترجع لازم يفهم ويقتنع بأنكم عرفتم غلطتكم .

1. لما تبرري ليه غلطتي راح يفهم بأنك مو شايفتها غلط وممكن ترجعي تعيديها .
لكن لما يفهم منكم ويقتنع بأنكم تأكدتوا انكم غلطتم بترجع ثقته فيكم

2. قوليله بأنها فعلا كانت غلطة وغلطة كبيرة كمان وبأنك تعلمتي الدرس وفعلا كلامك يا بوي صح وما يجوز أركب مع أحد بدون موافقتك بالأول حتى لو كان أخوي ... ومن اليوم وطالع سواء رجعتني المدرسة أو لأ أوعدك ما أروح أو أكلم أحد إلا بإذنك وحبي على راسه وقوليله تسلميلي يا إلى أغلى أب لأنك خايف عليي

3. ولا تجيبي سيرة المدرسة كم يوم ..وبعدها ابدئي قوليله البنات يسألوا عني ويقولون لي خسارة تضيعي 11 سنة دراسة ومو باقي لك غير سنة .
4. خلي صاحبتك تطلب من مدرستك تتصل بأمك وتطلب منها تكلم أبوكي

5. بهدوء كل يوم مرري له كلمة عن المدرسة وان شاء الله بيقتنع وبيرجعكم

6. وأهم حاجة خليتها للاخر .... حبيبتي الدعاء ..الدعاء أقوى شيء ممكن تلجئي له ... صلي بنص الليل صلاة ركعتين اسمها صلاة الحاجة .. صلاة عادية بس لما تنوي تنوي ركعتين سنة صلاة الحاجة .. وادعي بعدهم وابكي بين ايدين ربك هو القادر على كل شيء
وأكثري من الصلاة وقراءة القرءان معلى مسمع وشوف والدك ووالدتك

ربي يوفقك ويفرجها عليكي حبيبتي توكلي على قادر كريم

__________________