الله يعينك والحمدالله انك انتبهتي لها وتفحصتي بنتك ولا بعض الأمهات هداهم الله يصدقون الشغالة ويكذبون الصغار بس إن شاء الله انهم صاروا ينتبهون لأطفالهم اكثر بعد المشاكل والبلاوي اللي طلعت من ورى هالشغالات إلا مارحم الله الله يكفيكم شرهم ويحفظ عيالكم من اذيتهم يارب .
|
الله يكون بعونك
والله حالي من حالك انا اضطر اجل كل مشاورين لحين عودة زوجي من الدوام حتى اروح للطبيب او البنك او اي مشوار ضروري ولغير الضروري ما اخرج طبعا هنا مافي لا ام ولا اخت لي ولاحتى جارة او صديقة ممكن اعتمد عليهم يعني الحل ميؤوس منه وماعندنا خادمة ولو احتاج مساعدة كم ساعة بتكون بالشي الفلاني هههههههه انا اجيت اشتكي عندك هههههههههههه ما في حل غير انك تحطي كاميرا وتراقبي والله يكون بعونك ويسخر لك بنت حلال تصون بيتك وبناتك بغيابك |
الله يجزاك خير يا سر ..
أنا بالفعل بنتي أوديها حضانة نهارية من كان عمرها 7 شهور .. والآن عمرها سنتين ونصف تقريبا .. كل هذا من حرصي عليها ومن حذري من بقائها مع الخادمات طوال النهار .. أما في المساء فتركي لها قليل .. ليس بشكل يومي .. وغالبا أني انومها العصر واطلع أقضي أموري وارجع تكون ماتزال نائمة أو للتو قامت .. وبنتي والله هادئة حبيبتي وليست مزعجة تبارك الله .. أقول يمكن ضربتها بسبب ضغط العمل ويمكن اسلوبي معاها غير جيد .. أو الراتب قليل .. ويمكن بنتي ازعجتها لأنها طول اليوم معاها .. لكن أبدا ولا سبب من هالاسباب .. |
مرحباً أم الدانة الحبيبة ..
حتى لو أزعجتها ليس مبرر لها أن تضرب طفلة ، هل كان عملها كثير ، وراتبها قليل ؟! لكي تأخذي هذا الأمر في المرة القادمة بأنكِ تضعي لحد العاملة عملها الخاص دون أن تُرهقيها .. بحيث تمشي على جدول خاص ..! بعض العاملات تفعله انتقاماً هداهن الله .. |
بالعكس راتبها أكثر من جميع الخادمات اللي نعرفهم ..
بالضبط بالضبط ضعف رواتبهم .. وأنا زدت راتبها بعد سنة من عملها . والقانون يقول بعد سنتين .. لكني رحمتها وقلت دام ربي موسعها علي خلني اعطيها.. منها أجر ومنها يحنن قلبها على بناتي .. وشغل البيت قليل .. كثير غرف في بيتي ماندخلها .. يعني ماتحتاج ترتيب وتنظيف يومي .. وماتطبخ لنا نهائيا .. أكلنا كله من برا .. تطبخ لنفسها بس وممكن تقلي أحيانا بعض المقالي .. ماجربت بيوت ثانية ولا كان عرفت انها عايشة في نعيم .. والله اني أمس لما طلعت مشواري رجعت في يدي يونيفورمات جديدة لها .. وكلما رحنا مكان آخذ لها شي .. ولو نروح مطعم اطلب لها معانا اللي تختاره من القائمة .. ولا اكثر من الاوامر والطلبات .. والله العظيم جاتني الصيحة .. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|