الحمد لله رب العالمين ..
أنا مستحيل أثق بالخادمة دايما حذرة منهم ..
لكن لو مهما تحاذرين ماتدرين من وراك وش راح تعمل ..
يعني لو ما ضربتها تركت اثر بيد بنتي كان ماعرفت ..
وأكيد هي ماتجرأت وضربت إلا وهي ضاربة من قبل .. جعل ايدها الكسر ..

الله يعينك ..
حتى أنا ماعندي صديقة او جارة أخلي عيالي عندها ..
عندي أم زوجي ..
أحيان ماتقصر أخلي عيالي معاها ..
الكبار ماعندها مشكلة معاهم ..
بس إذا اوديلها الصغيرة لازم خادمتي معاها ..
هي ماراح تعمل لها اي شي .. ولا تنتبه لها ولا شي ..
أحيان كثيرة تخليها بالدور الارضي وتروح غرفتها طول الوقت ..
يعني كأني ماسويت شي ..

وعليكم السلام ورحمة الله وبركاته ..
مرحباً أيتها الحبيبة أم الدانة ، أعلم بأنكِ عاتبه علي لأني قصرت معكِ ، سامحيني جداً ..
تستاهل الطرد والحمدلله ماسوت شيء ثاني في البنت ،اختاري عاملة جيدة لاتستعجلي في الإتيان من أجل عملكِ ،
أوافق أوراق ضعيها في حضانة وهذا مكان آمن جداً ..
الحمدلله لاحظتِ هذا الأمر ، حماكِ الله من مكروه ..
وجبر الله قلبكِ بكل ماتُحبين ..

الله يجزاك خير يا سر ..
أنا بالفعل بنتي أوديها حضانة نهارية من كان عمرها 7 شهور .. والآن عمرها سنتين ونصف تقريبا ..
كل هذا من حرصي عليها ومن حذري من بقائها مع الخادمات طوال النهار ..
أما في المساء فتركي لها قليل .. ليس بشكل يومي ..
وغالبا أني انومها العصر واطلع أقضي أموري وارجع تكون ماتزال نائمة أو للتو قامت ..
وبنتي والله هادئة حبيبتي وليست مزعجة تبارك الله ..
أقول يمكن ضربتها بسبب ضغط العمل ويمكن اسلوبي معاها غير جيد .. أو الراتب قليل .. ويمكن بنتي ازعجتها لأنها طول اليوم معاها .. لكن أبدا ولا سبب من هالاسباب ..

مرحباً أم الدانة الحبيبة ..
حتى لو أزعجتها ليس مبرر لها أن تضرب طفلة ،
هل كان عملها كثير ، وراتبها قليل ؟!
لكي تأخذي هذا الأمر في المرة القادمة بأنكِ تضعي لحد العاملة عملها الخاص دون أن تُرهقيها ..
بحيث تمشي على جدول خاص ..!
بعض العاملات تفعله انتقاماً هداهن الله ..

بالعكس راتبها أكثر من جميع الخادمات اللي نعرفهم ..
بالضبط بالضبط ضعف رواتبهم ..
وأنا زدت راتبها بعد سنة من عملها . والقانون يقول بعد سنتين ..
لكني رحمتها وقلت دام ربي موسعها علي خلني اعطيها.. منها أجر ومنها يحنن قلبها على بناتي ..
وشغل البيت قليل .. كثير غرف في بيتي ماندخلها .. يعني ماتحتاج ترتيب وتنظيف يومي ..
وماتطبخ لنا نهائيا .. أكلنا كله من برا .. تطبخ لنفسها بس وممكن تقلي أحيانا بعض المقالي ..
ماجربت بيوت ثانية ولا كان عرفت انها عايشة في نعيم ..
والله اني أمس لما طلعت مشواري رجعت في يدي يونيفورمات جديدة لها ..
وكلما رحنا مكان آخذ لها شي ..
ولو نروح مطعم اطلب لها معانا اللي تختاره من القائمة ..
ولا اكثر من الاوامر والطلبات ..

والله العظيم جاتني الصيحة ..

أم الدانة الحبيبة ،
اكتبي في ورقة نقاط الخلل ، كي تختاري وأنتِ على معرفة لتتخطي مامريتِ به مسبقاً ..
البعض من شدة الرفاهية هكذا تفعل ، فكوني متوسطة دوماً ..
لاتبكين الحمدلله بأنكِ كشتفيها مبكراً ..
المهم لاتتسرعي في الإختيار القادم بسبب حاجتكِ لها ..

زين ماسويتي
للأسف بعض اﻻسر تشاهد تجاوزات من الخادمات ويبقو عليهن بحجة
الحاجه اليهن مما يؤدي الى مشاكل اكبر ..

ياقلبي ياأم الدانة والله انقهرت
منيح انك مشيتيها للخدامة
وبدك تديري بالك بالمرات الجاية ازا بدك تستقدمي خدامة لازم تحطي كاميرات مراقبة بيكون افضل واخف بلى
الله يعينكم والله
منيح انك استدركتي الموقف من هلأ

__________________
Sometimes when you lose your way, you find yourselflk

الله لا يحيجنا للخادمة

انا ضد وجود الخادمة في البيت

لان في النهاية هذه الخادمة انسان من لحم و دم

تركت بلدها و زوجها و اطفالها و تاتي الى خدمة الاخرين و رؤيتهم كيف يعيشون و يهنئون مع بعضهم
اجباري رح تحقد على صحاب البيت و تصير تفكر بمنطق ليش انا محرومة من اسرتي و اخدم اسرة غيري

لو بتحسني الغي الخادمة

و استبدليها بخادمة تاتي اليكي ثلاث ايام بالاسبوع تنظف المنزل ثم تذهب