كيف اقنع والدي مايدخل بحياتي بدون زعل و مشادات ..
صاير كثير يدخل فيني و مايعجبه شيء !
كل ماشافنى يسب فينى وانتى وانتى ووووو والنتيجة مزيد من الخلاف
ان زرته هاوشنى و ان قاطعته برضو نفس الشيء
اقوله يا ابويا انا عجزت ارضيك ؟ يقول : ارضي ربك ...
" على اساس مسويه شيء انا "
امس قاعده بامان الله < دق علي و مارديت
الا ساعة وهو جاينى و يبدا الكلام اللي مالو داعي
وسوى كدا و لا تسوى كدا
وليش مانتى ببيتك دحين ؟ قلت بينا مشكله بسيطه
قال ليش ماعلمتينى !! قلت ليش اعلمك ؟؟
ويسب فينى و يتحسبن علي !!! ويهدد ان مارجعتى بيتك والله اربيك من جديد
قلت على اساس انك ربيتني اول ..
قال صح صح انا ماربيتك دلعتك و خربتك !!! < اي دلع مدرى
ويشدني من شعري ويقول ترجعي غصب عنك
وعصبت و رديت عليه و جايب اختى الكبيره معه ويقول لها فهميها وان مافهمت
انا اتصرف معها .. عاد هذى جالسه عندى من امس < مالقى غير دي اسمع منها
للان و انا محترمه و ماغلطت عليها و قلت لها روحى بيتك بس جالسه
انا مدرى ايش مغيره دي الايام صاير كل فتره و الثانيه جاينى
و يدخل بحياتى بشكل ..
انا ابغى افهمه انه انا ما احتاج تدخله و لا كلامه كله بس مو عارفه كيف
الا تصير مشكله ..


تم تعديل العنوان ليتناسب مع المضمون

الله يحنن قلبه عليك

مابغى يحن قلبه علي
ابغى افتك منه ..

الله يصبره عليكِ..بالله فيه وحدة عاقلة تقول كذا عن أبوها!

ولو اقدر اشيل اسمه من اسمي
ارتااح منه مره وحده

عنوان موضوعك : كيف اقنع أبي بألا يتدخل بحياتي ؟

وسؤالنا لكي : كيف نقنعك أن الحق مع والدك ؟


جاكي وين ؟

ببيتك صح؟

كيف عرف انك ببيتك ؟!!!

اذن معنا هذا الكلام ان ابراهيم اتصل على ابوكي ( وقال له ترا بنتك زعلانه وخرجت برا البيت من غير رضايا! او ان ابراهيم اتصل على ابوكي يسأل عنك.

طيب ليش اتصل ابراهيم؟ ليش ماجاء يجري جري لبيتك ويطلب العفو والغفران والرضا ؟!

طبعاً انا ماأعرف ليش تحديداً

ولكن اللي اعرفه دارج عندنا احنا الرجال ان الزوجة اللي تروح بيت أهلها (او بيتها في حالة نادرة مثل حالتك) زعلانة زي ماراحت هي ترجع، والدليل لو انه زعلت من زوجها وقالت : وديني بيت اهلي

حيرد عليها الزوج ويقول : اتصلي على اهلك (اخوانك) يودوكي لبيتكم.

لأنه لو الزوج هو اللي اخرجها فعليه انه يرجعها مثل ماأخرجها

اما لو جعل اهلها ياخذونها فوقتها يقول زي مااخذتوها رجعوها

في حالتك انتي اتوقعك انتي خرجتي من حالك ورحتي بكريم او مع السواق لبيتك، تبغي تعلمي زوجك الأدب أو درس ماينساه

طيب تعلميه درس او يعلمك درس ماعلينا

اللي علينا هو النقطة التالية :

هل بإمكانك قيادة السيارة قبل تاريخ السماح بقيادة النساء ؟
طيب هل بامكانك القيادة الان بس بدون رخصة ؟

طيب هل اذا قدتي السيارات في الحالات السابقة ومسكك المرور هل ينفع تزعلي وتتظلمي منهم وتقولي لهم في امريكا ماقالوا شيء؟

أم تقولين هذا قانون السير وانا خالفته واستاهل اللي يجيني ؟

أنا اتوقع انك حتقولي هذا قانون المرور هنا وعلى الالتزام به

حلو

طيب انتي اتزوجتي كيف ؟

هل عشتي مع ابراهيم كجيرل فريند وبوي فريند وعشتوا في بيت واحد منكم وبعد ماجربتوا بعض، راح اشترى خاتم ونزل على ركبته وطلب الزواج منك ورحتوا اقرب كنسية؟

أم جاء المؤذون وعمل عقد زواج شرعي اسلامي بولي امر وشهود ؟

أعتقد ان زواجك كان على حسب الطريقة الثانية

اذن كما التزمتي بقانون المرور هنا

عليكي الالتزام بقانون الزواج الاسلامي اللي اتزوجتي على أساسه

القانون اللي اتزوجتي عليه يقول ان والدك هو ولي أمرك قبل زواجك وأن زوجك هو ولي أمرك بعد زواجك

ومن الحقوق التي عليكي تجاه الزوج انك ماتخرجي من البيت من غير اذنه

واضح وبسيط ومفهوم ؟

طيب خلينا نجي على نقطة ثانية ( ولاتفوتك النقطة الثالثة لأنك تحبيها)

النقطة الثانية

لو خرج ابن من المنزل وتأخر في الرجوع

كيف حتكون حالة امه؟

حتكون حزينة وتبكي وممكن تدفع اللي وراها او اللي قدامها عشان يرجع وتشوفه وتشم ريحته ( خاصة لو كان تأخره طويل)

طيب ليش لما يرجع البيت بدل ماامه تضمه وتقوله قلقت عليك، تلعن سلسفيله وتضربه بأقرب شبشب وتقول له : كذا ياحيوان خليتنا نقلق عليك!

ايش اللي صار ؟ مو دوبها كانت مستعدة تدفع اللي وراها وقدامها عشان تشوفه ولما الله سبحانه وتعالى طمنها عليه راحت رفست النعمة وبهدلت الولد! والولد بعد كذا لما يتأخر هل راح يهتم ويرجع عشان امه لاتقلق عليه ولا بالطقاق لانه عارف ماهمها الا نفسها وراح تنكد عليه ؟

نفس الشي قيسيه على الزوجة اللي كان نفسها زوجها يكون معاها ولما جاها البيت سليم معافى ( ماصار له حادث) و مارجع مع زوجة روسية بيده - ومارجع سكران - وماانسجن هناك - ومارجع يده فاضية بدون هدايا راحت نكدت عليه وسابت له البيت ؟!!!!!!!!!!!!!!!!!!!!!!!!!!!!!!!!!!!

نجي الان للنقطة الثالثة والتي طال انتظارها في مواضيعك

الا وهي ان والدك غلطان وماله دخل فيكي وحتى زوجك ماله دخل فيكي

عيشي حرة منطلقة وانبسطي ( الخمسين السنة القادمة) والوعد قدام بالآخرة

__________________

هذه هو لب الموضوع
ماهو هو ولي امري الحين ؟؟ ايش دخله اذا فينى

وابراهيم يعرف انى انا ماروح بيت ابوي
وان رحت بروح بيتي .
ايو هو قايل له توي ادرى انه هو مكلمه
ولما اكلمه مايرد علي و ادق عليه مايرد و واتس مايرد

الله ييسر لك امرك ويفتحها بوجهك

__________________

امين ..
مشكوور ..