السلام عليكم ورحمة الله وبركاتة


أخوتي الكرآم....لقد خطبت فتاه عمرها مايقارب 24 سنة...متعلم ومتفوقة في شهادتها الجامعية,,,

بعد الملكة بفترة بدأت المكالمات ةكنا سعداء..ولكن بدأت أكتشف أمور لم أكن اتوقعها...منها أنها تقول أنها

لابد أن تذهب للمقاهي في المولات كل اسبوع..وتقول مابيك ملتزم ولازم تكون فري بهذه الصيغه..

وتقول اذا سافرنا سوف اكشف وجهي عادي أهم شي الأنفتاحية...وفوق هذا...أنها تقول أنخطبت قبل كذا من


شخص..ذو منصب..وكل واحد يتمناني..على الرغم أنها مندهشه من اسلوبي معاها ولكن تقول هذي حياتي

مقدر اغيرها...وتقول أحس أن تفكيرك تفكير شايب...


والله بصراحه هذي مااتمناها..أنا ابي أنسانه تصوني وتراعيني وأنا ابادلها نفس الشعور...


والحين متردد خاصه أن قالت لي قبل يومين أننا مانناسب بعض لكن أن شاءالله الوضع يتعدل..


وش رايكم والله أني متردد...ومحتار..أخاف تعبي هذا يروح كله على الفاضي..


مابي اجرحها ولا أدمرها..ولكن البنت افكارها بالعربي ليبرالية ....

وش رايكم وش اسوي باقي عن الزواج فترة ليست ببعيدة

لاموليبرالية
بس فيه بنات يحسون كذا انا متطورة
يحسون اللي كذا هذولا الناس الراقين
انت حاول تقنعها وتتحببها فيك وفي الشي اللي تبيه
اما سالفة انه خطبها واحد بمنصب كبير والكل يتمناها عيب هالكلام لو انا منك كان قلت لها يوم خطبك راعي المنصب ليش ماتزوجتية !! احسها تهايط
الله يعينك عليها هذي يبيلها نفس طويل
انتبه تمشيك على الشي اللي تبيه لانه راح تستمر ولارح تقدر تخالف رأيها اذا عودتها

افكارها ليست ليبراليه ..
طلعتها لمقاهي ومطاعم شي عادي واغلب الاسر في السعوديه تطلع لمقاهي ومطاعم وهذا شي حلال شرعا ولم يرد تحريمه ..
اما كشفها لوجهها فكثير من الناس ان خرجت خارج المملكة تكشف وجهها وهي مسئله خلافيه عند اهل العلم ولست هنا بصدد الحديث عن المذاهب الاربعه ونظرتهم لكشف وتغطيه الوجه ..
اما قولها " ابغاك فري" فيمكن تقصد انك ماتصير متشدد معها ولاتقصد فري بمعني متحرر من الدين ..

عموما اخي الكريم .. ارى ان افكاركم متعارضه بشكل واضح وبشكل لايترك مجالا للشك .. فنصيحتي في حال انك لم تستطع ان تتعايش معها فااتركها لانها كانت واضحه وصريحه في رغباتها و "ماعندها نيه" تتغير لاجلك .. وتذكر انكم لسى على البر فاحسم امرك من البدايه او ارضى فيها كما هي لاني ضد مسئله ان الواحد يتزوج ويربي شريكه من جديد..

جزاكم الله خيراً....طيب وش أسوي....كيف افاتح أمي بالموضوع..أمي فرحانه بزواجي...وكيف بيكون موقف أهلها

وإذا سئلوني ليه تبي تطلق.؟؟؟

وجهوني لأني مدري ومحتار والله يكتب إلي فيه الخير

بنت أطيب انسان جزاك الله خير....ليتني أحصل وحده مثلك في تفكيرك وأخلاقك....

والله أني انقهرت وحسيتها متكبره يوم قالت ترا خطبوني ثلاث واحد فيهم ذو منصب وكلهم ينتظرون مني اشاره بس عشان أوافق!!!!

مع هالراي ..

مع احترامي لك صار مقياس الزوجة الكويسة هو انها
ما تروح مقاهي ولا مولات وتدفن عمرها بمسؤوليات البيت وزوجها !

__________________



احيانا يجب ان نفقد ذواتنا كاملة لكي نستعيدها كاملة ...

Just Smile ^_^

مع هذا الرأي المتزن الواضح

ومدام أفكاركم متعارضة وتربيتكم ومبادئكم مختلفة أستخير الله وأتفق مع البنت على الإنفصال

والله أني انقهرت وحسيتها متكبره يوم قالت ترا خطبوني ثلاث واحد فيهم ذو منصب وكلهم ينتظرون مني اشاره بس عشان أوافق!!!!


هذا استفزاز ، استخير و ان شاء الله يوفقك للحل الصائب

__________________

	رأيي يحتمل الخطأ

...أنها تقول أنخطبت قبل كذا من


شخص..ذو منصب..وكل واحد يتمناني..على الرغم أنها مندهشه من اسلوبي معاها ولكن تقول هذي حياتي

كذااااااااااااااااااااااااااااااااااااااااابه والله لو له منصب ماتترررررررررررررررررررركه ولا باشااااااااره بعد شايفه نفسها
وخر عن طريقها افضلك بعدين تبدا تعايرك ع حياتك
واقل لاهلك ماتفقنا

اخي الكريم عليك بالاستخاره والدعاء والاكثار من الاستغفار والصدقه لتفريج هذا جانب
هل ممكن تتناقش معنا دون اظهار جانب لنكون متعاطفين معك ولا تصف زوجتك تحت اي لفظه لاننا جميعا وان علت مناصبنا لسنا ممن يقييم الاشخاص ويصنفهم تحت تصانيف معينه لانها ليست قران او حديث الرسول صلى الله عليه وسلم لا يقبل التغير
اسئلتي ع عجل
كيف اخترتها وماهو مستوى الديني ليس الوجاهه عند المجتمع؟؟
وهل ماتطالبك به هو فعلا قامت به في بيت اهلها او ستقوم به؟؟
وماهو مدى التزامك ودينك هل انت ممن ينظرء لااختلاف العلماء وياخذ مايوافق الهوى ام ممن يكون قراءته ممتمعنه في نصوص الدين
مالذي دعها للحديث حول هالجانب انه تقدم لها احد وغيره هل انت ممن يتسال عن ماضيها وتسال لترى هل هي مرغوبه ام لا؟؟؟
اخي لربما تكون صادقه هناك من تقدم لها مناصب وهناك بنات حدث لهم ذالك ف الاصل الخيره لم يكتب لهم ويعتبر الاهل هم السبب لا يرغبون بان تكون هالفتاه افضل منهم من جانب الاخوه في تاثيرهم ف القرارات او رفض هكذا من باب الغيره
الان اريد منك بعيد عن الحيره حدد مشكلتك بالتحديد ماهي وماهو توجهك الذي شعرت من خلاله انها مندهشه
اخي الكريم لا تنسى الدين واضح حتى لو حصلنا ع اعلى مناصب ...
وكذالك كيف تقنع امك الرفض نستطيع مساعدتك بان تقول انا استخرت ومارتحت دون نعت فيها او في حاله سالك كائن من كان عنها وليه وماادري ليه ردك هو الله يستر عليها لا تنسى من ستر على مسلم ستر الله عليه في الدنيا والاخره
انا لست مؤيده او رافضه للمواصله بينكم لكن اضع لك توضيح لبعض مالدينا في مشكلتك رغم لااعلم لماذا انت متخوف
الجانب الاستشاري الذي ترغب بالتحديد ان ننرشدك اليه ماهو؟؟