السلام عليكم و رحمة الله و بركاته

باختصار اخواتي الحبيبات

امتا الطفل بيصير يجلس عالعرباية يعني اطلع امشي فيه بالعرباية؟؟؟

كمان سؤال انا شفت دعاية عرباية في قناة citruss عجبني فيها انها بتصير مقعد سيارة وعرباية بنفس الوقت

مما يسهل علية الطلعة خاصة انو اغلب طلعاتي للسوق لوحدي بسبب عمل زوجي

فوصيت صديقتي وجابتها الي

هي صورتها


مين جربتها او سمعت عنها؟؟؟








وجزاكم الله كل الخير ،،،

__________________

الطفل ممكن ينحط بالعربيه من اول يوم بعد الولاده ولكن بتكون في وضع النوم... وضع الجلوس ممكن بعد بلوغ الطفل 4 اشهر

, بس ما بعتقد انه هاي العربيه ما بتاخد وضع النوم ... اسالي عنها واذا الظهر ممكن تفرديه متل السرير اشتريها .
الله معك ويتمم حملك على خير .. قربتي ما ؟

__________________

شكرا اختي عالردانا شريتها وخلصت
ومكتوب في الكتيب انها بتنفع من يوم الولادة عادي
وهية مابتاخد وضع النوم وانا ماعمري شفت عرباية بوضع النوم
يعني هية مايلة مش جلوس كامل بس مش نوم كامل ايضا يعني نص قعدة
مايلة شويييي
فعادي اركبو للبيبي فيها من بعد الاربعين لما ابدا اطلع؟؟؟
ياريت تفيديني اختي

وانا ازا ملاحظة من التوقيع دخلت الشهر التاسع وإن شاء الله خير واولد بالسلامة شكرا لسؤالك

__________________

انت ولدت يا ملك؟
طمنينا عليكي
وعادي حبيتي طبعا البيبي بيقعد في العربيةمن شهلاين بس اهم حاجة يكون على استقامة واحدة حتى لو مش واخد وضع النوم

__________________
اللهم ان كان رزق حبيبى فى السماء فانزله وان كان فى الارض فاخرجه وان كان بعيد فيسره وان كان اجلا فعجله

لااا بيبي توث لسة ماولدت
لما اولد اكيد بخبركو بسرعة إن شاء الله
حتى بتمنى لما خلص اروح الولادة قبل مااطلع اكتب موضوع
فكرتيني انا حجهز موضوع واكتبو عالوورد ولما بدي اروح اولد حنزلو بسرعة عشان تدعولي

وشكرا عافادتك
يعني اعرباية الي في الصورة تنفع لعمر شهرين ولالأ؟

__________________

ملك العرباية شفت اعلاناتها كتير حلوه للاطفال وكنت ناوية اجيب متلها بس جاني مع الهداية كرسي وعرباية فغيرت رأيي لانه من جد كتير حلوه ومريحه للببيات بنت خالتي جابت نفسها بتذكر هي استعملتها بعد ماكمل ابنها الشهرين لانه صعب الوحده تصير تتطلع بالبيبي قبل الشهرين حرام بيمرض لكن اذا بتطلعي فيها وفي وضع يفرد البيبي مايقعد قعدة كامله احسن ..

الله يسهل عليك ويهون ولادتك وتتهني بشوفة البيبي ويجعله من الذرية الصالحه البارة

تحياتي

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

قبل ما يتم الشهرين لا تحاولي ابدا تجلسيه حتى لو في وضع مائل لازم يكون جسمه مفرود وعلى استقامه واحدة .. لأنه البيبي بهادا العمر بيكون كتير طري وعمودة الفقري ما بيتحمل اي غلطه .. يا رب يوصل بالسلامه وتتهني فيه .

__________________

كريستال شكرا حبيبتي عالرد ... اكيد بعد شهرين يعني انتي عارفة الوحدة حتولد وتقعد اغلب الاربعين في البيت وان طلعت يعني مش لازم عرباية فازا بعد الشهرين مش مشكلة يعني بعد الشهرين ببدا اجلسوشكرا الك

اخت رومانسية عاطفية شكرا حبيبتي انا برضو صحبتي قالت انها ماقعدت بنتها عكرسي الاطفال او عرباية زي هيك الا بعد الشهرين ببدا الطفل يفرد حالو اما قبل الشهرين اكيد لا طبعا وحتى بعد الشهرين يعني شوي شوي يعني برضو الواحدة مش كتير بتكون مستعدة لهيك اشياء فبالتدريج بعد الشهر الثاني ...شكرا الك



يعني الخلاصة يابنات بعد الشهرين ابدا استعملها ومش وقت طويل وبعد الشهرين يبدا الطفل يجلس بوضع مائل في الكراسي الخاصة به متل الكرسي الهزاز او هيك صحجححح؟؟

وشكرا يابنات وبنتظر راي المزيد

__________________

طبعا انا ما عندي خبره

بس بشوف انه العربايه هذي كثير قاسيه على ظهر البيبي في اول شهرين لذلك اتبعي كلام البنات واستفيدي منها بعد ما تطبقو الشهرين..

وبالنسبه للكرسي الهزاز انا شفت سلفتي مقعده ولدها فيه وهو يمكن كان عمره شهر بس كانت فارداها بحيث الظهر مستقيم..

اتمنى اكون افدتك بمعلوماتي البسيطه..

الله يقومكم بالسلامه..

__________________

كلامي من كلام الاخت رومانسيه

__________________