السلام عليكم كيفكم
عندي ملفوف كثير وافتكرت انه امي الله يرحمها كانت تسويلنا طرشي فحبيت اسويها واوريكم كمان
قطعي الملفوف الكامل مربعات
وحوالي اربعه او خمس حبات جزر قطعيه دوائر
سخني حوالي لتر مويه ولمن غليت المويه ارمي عليه الملفوف وثلاث دقايق لا اكثر بس ثلاث دقايق صفيه من المويه والجزر كمان نفس الطريقه وخلي المويه تبرد قليل والملفوف حطي عليه حوالي 6ملاعق ملح اوحسب التذوق نصف قارورة خل ابيض وملعقة خردل حبات وملعقتين كركم واذا تبغي اصفر بزياده زيدي عليه ملعقة صفار الزعفران وقطعي حوالي 6فصوص ثوم واخلطيهم مزبوط مع بعض ولمن يبرد المويه صبيه على الملفوف واخلطيهم مع بعض وبعدين حطيه في قوارير وحطي عليه من المويه مليان الين ما يتغطي الملفوف غطي غطاية القاروره بإحكام وخليه في المطبخ لمدة ثلاث اوأربعه أيام وبعدين كلي بالهنا والعافيه واحلى طرشي نظيف
ملاحظه
تقدري تحطي معاهم قرنبيط او زهره ولفت ابيض اللي تبغيه بس لا تحطي في النار اكثر من ثلاث دقايق والمويه لا تصبيه ساخن خليه يبرد عادي
تابعي الصور

مشالله عليك شهيتني من زمان عن الطرشي
تسلم ايدينك ابغى اذوق ممكن...... ...............

الله يعطيك العافيه ع هالموضوع

__________________

قمر وبس
شكرا لردك ومرورك اسعدتيني والله يسلمك اتفضلي ذوقيه القاروره كله على حسابك بالعافيه

(( ضوى الليل ))
الله يعافيك ويخليك شكرا لك ولمرورك

شكله لذيـــــــــــــــــــــــــــــــــــــــــذ


يسلمو

بس 6 ملاعق ملح احسها كثيره

والا يالغاليه

وماتغطيه بطبقة زيت زيتون بالاخير

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

اختي متاكده من الملح

لاني مره جربت اخلل وحست اووم الدنيا

وصار مالح

وماقصرتي يالغاليه

__________________

فيافي نجد
jeans
الله يسلمكم اخواتي ابدا والله مو كثير الملح
وعلشان تعرفو ان الملح مزبوط ولا لا حطي الملح في المويه وذوبيه وحطي عليه بيضه اذا طفى البيض فوق المويه فمعناه انه المويه الملح تمام واذا كان تحت فمعناه انه يحتاج زياده وبعدين كمان على حسب المقدار اللي انت تسويه انا لانه الملفوف حبه كبيره وكامله والملح مقداره بملعقة الطعام

فيافي نجد
ايوه اختي لا ما اغطيه بزيت زيتون

أول مرة أسمع عن مخلل الملفوف لكن شكله لذيذ
تسلم الأيادي

__________________